Tag: Opposition Leader

اسلام آباد: قومی اسمبلی میں بجٹ پر بحث کے پہلے ہی روز حکومت کو کورم کے مسائل کا سامنا رہا، جبکہ اپوزیشن نے تقاریر براہ راست نشر نہ کیے جانے پر بھی احتجاج کیا۔

قومی اسمبلی کا اجلاس اسپیکر ایاز صادق کی زیر صدارت منعقد ہوا جس میں بجٹ پر بحث کرتے ہوئے اپوزیشن لیڈر خورشید شاہ کا کہنا تھا کہ بجٹ کی کوئی سمت نظر نہیں آرہی بجٹ کسان دوست ہے یا مزدور دوست یا پھر کیا صوبے اس بجٹ سے خوش ہیں۔

انہوں نے کہا کہ حکومت پہلے ایک دو اور تین سال میں بجلی پوری کرنے کے وعدے کرتی رہی اور اب کہتی ہے کہ 2018ء میں بجلی پوری ہو جائے گی مگر بجلی کا پورا ہونا 2018ء میں بھی ممکن نہیں دکھائی دیتا کیونکہ حکومت کا کوئی بھی منصوبہ بروقت مکمل نہیں ہو گا۔

خورشید شاہ کا کہنا تھا کہ حکومت اپوزیشن کوسڑکوں پرنہ دھکیلے، پاناما ہو یا قرض معاف کروانے والے سب کا احتساب ہونا چاہیے ہم کرپشن کرنے والے کو بھی دہشت گرد سمجھتے ہیں۔

خورشید شاہ نے اپوزیشن کی تقاریر سر کاری ٹی وی پر نشر نہ کئے جانے پربھی احتجاج کیا اور کہا کہ اس معاملے پر اسپیکر قومی اسمبلی کو بھی گمراہ کیا گیا ۔

خطاب کے دوران خورشید شاہ نے جب یہ تجویز دی کہ 4 سے 5 لاکھ روپے سالانہ ٹیکس دینے والے امیدوار کے کاغذات نامزدگی جمع کئے جائیں، اب تو ویسے ہی ماہانہ تنخواہ 3 سے 4 لاکھ روپے ہونے جا رہی ہے،جس پر اسحاق ڈار نے جواب میں ہاتھ ہلا کر انکارکیا۔

بجٹ بحث میں حصہ لیتے ہوئے ایم کیو ایم کے پارلیمانی لیڈر فاروق ستار نے مطالبہ کیا کہ پیٹرولیم مصنوعات پر عائد پیٹرولیم لیوی کا غنڈہ ٹیکس ختم کیا جائے جبکہ بجلی اور گیس پر سیلز ٹیکسز بھی ختم کیے جائیں، دریں اثنا قومی اسمبلی کا اجلاس کل صبح گیارہ بجے دوبارہ ہوگا۔

اسلام آباد: قائدِ حزب اختلاف خورشید شاہ کا کہنا ہے کہ صدر کا خطاب اپوزیشن پر ڈرون حملہ تھا۔

تفصیلات کے مطابق اپوزیشن لیڈر خورشید شاہ نے صدر ممنون حسین کے خطاب پر ردعمل کا اظہار کرتے ہوئے کہا کہ صدر نے کرپشن پر قابلِ ذکر بات کی،نہ ڈرون حملے اور پانامالیکس کا تذکرہ کیا، صدر کا خطاب حکومتی پالیسیوں کی نفی تھا۔

انکا کہنا تھا کہ صدر کا خطاب اپوزیشن پر ڈرون حملہ تھا، اپوزیشن نے خاموشی سے سنا، قانونی تقاضا تھا جو صدر نے پورا کردیا،حکومتی ارکان کو علم تھا اس لیے پارلیمنٹ میں ارکان کی تعداد کم تھی۔

یاد رہے کہ صدر مملکت ممنون حسین کا پارلیمنٹ میں اپنے خطاب کے دوران کہنا تھا کہ اپوزیشن کو حکومت پر مرضی مسلط کرنے کا حق نہیں،حکومت اورحزب اختلاف دونوں جمہوری استحکام پریقین رکھتی ہیں ضد اورذاتی اختلاف کو قومی مفاد پرغالب نہ آنے دیں۔

اسلام آباد: قائد حزب اختلاف خورشید شاہ کا کہنا ہے کہ پیپلزپارٹی کے شریک چیئرمین آصف علی زرداری پر ہاتھ ڈالا گیا تو جنگ ہوگی، ڈاکٹر عاصم حسین سے پہلے تفتیش کی جانی چاہیے اوران سےمہذبانہ سلوک کیا جائے۔

اسلام آباد میں پارلیمنٹ ہائوس میں صحافیوں سے گفتگو کرتے ہوئے سید خورشید شاہ نے کہا کہ راجہ پرویز اشرف پر بھی گرے ٹریفکنگ کا کیس بنایا جا رہا ہے، مسلم لیگ ن کو سمجھنا چاہئے کہ سیاسی جماعتیں ہی انکی دست بازوں ہیں، ہم آپس کے انتشار میں پھنسے ہوئے ہیں، بندوق کے زور پر کچھ نہیں ہوتا،پیپلز پارٹی پارلیمنٹ کو کمزور نہیں کرنا چاہتی۔

قائد حزب اختلاف کاکہناتھا کہ پارلیمان کے اندر رہ کر جبر کا مقابلہ کریں گے، یہ پکڑ دھکڑ بند ہونی چاہیے ،حکومت کو اتنا کمزور نہیں ہونا چاہئے، الیکشن کمیشن ارکان کے معاملے پر پارلیمان کا فورم استعمال کیا جانا چاہئے۔

سیدخورشید شاہ نے کہا کہ زرداری پر ہاتھ ڈالا گیا تو جنگ کی ابتدا ہوگی، الیکشن کمیشن ممبران کو خود چلا جانا چاہئے، یہ مال کی وجہ سے جڑے ہوئے ہیں، ان میں غیرت ہے تو گھر چلا جانا چاہئے، قاسم ضیاء کو ہتھکڑی لگانا پر شرم آنی چاہئے۔

ان کاکہنا تھا کہ ہم وزیراعظم کے ساتھ بیٹھ کر بات کرنے کو تیار ہیں فیصلہ کر لیا جائے کہ پاکستان کو رکھنا ہے یا غیر مستحکم کرنا ہے، ایک صوبے کو ٹارگٹ کر کے تباہ کیا جا رہا ہے۔

قائد حزب اختلاف کا کہنا تھا کہ کے پی کے، بلوچستان اور پنجاب میں کرپشن ختم ہوگئی ہے، انھوں نے انکشاف کیا کہ را سندھ اور بلوچستان میں مکمل داخل ہو چکی ہے، آرمی چیف کو کراچی میں امن و امان سے متعلق اجلاس میں وزیرِاعلی اور گورنر کو بلانا چاہئے تھا۔ ہم ای سی پی ممبرز کے معاملے پر پی ٹی آئی کے دھرنے میں شامل نہیں ہونگے، اس معاملے پر کو چیئرمین سے مشاورت کے بعد اعلان کیا جائے گا۔