ARYNews.tv | Urdu – Har Lamha Bakhabar

Tag: Opposition Leader

  • گلگت بلتستان میں حکومتی مداخلت، اپوزیشن کا احتجاج

    گلگت بلتستان میں حکومتی مداخلت، اپوزیشن کا احتجاج

    اسلام آباد: اپوزیشن لیڈر خورشید شاہ نےوزیراعظم کو خط میں گلگت بلتستان کے عبوری سیٹ اپ میں مداخلت پر احتجاج کیا ہے۔

    قائدحزب اختلاف خورشید شاہ نے وزیراعظم کو خط میں حکومت کی جانب سے گلگت بلتستان کے عبوری سیٹ اپ میں مداخلت پر احتجاج کیا ہے۔

     انہوں نے خط میں کہا ہے کہ گلگت بلتستان وزیراعلی کے لیے مزید پانچ ناموں کوشامل کرنا آئین کے خلاف ہے۔

     انہوں نے کہا کہ اٹھارویں ترمیم میں تمام صوبوں اور گلگت بلتستان میں عبوری سیٹ اپ سے متعلق واضح طریقہ کار موجو دہے۔

    واضح رہے کہ وزیراعظم نواز شریف نے گلگت بلتستان کونسل کے چیئرمین کی حیثیت سے نگران کابینہ کی منظوری دے دی، جس کے بعد گلگت بلتستان نگراں حکومت کی کابینہ میں سات ارکان کی نامزدگی کا نوٹی فکیشن جاری کردیا گیا ہے۔

  • پیٹرول کا بحران : اپوزیشن نے قومی اسمبلی کا اجلاس بلا لیا

    پیٹرول کا بحران : اپوزیشن نے قومی اسمبلی کا اجلاس بلا لیا

    اسلام آباد: پنجاب میں پیٹرول کے بحران پر اپوزیشن نے قومی اسمبلی کا اجلاس بلانے کی درخواست جمع کرادی ہے۔

    قومی اسمبلی میں قائدِ حزب اختلاف خورشید شاہ نے پریس بریفنگ میں کہا ہے کہ پیٹرولیم بحران پر ان کی باتوں پر حکومت نے توجہ نہیں دی، حکومت آنکھیں بند کرکے بیٹھی ہے لیکن اپوزیشن سب اچھا ہے نہیں کہے گی، لوڈ شیڈنگ کے خاتمے کا دعویٰ کرنے والوں  نے پیٹرول ہی ختم کردیا، عام آدمی حکومت کی نااہلی کی وجہ سے مشکلات کا شکار ہے۔

    تمام جماعتوں کے رہنماؤں نے پیٹرول بحران پر قومی اسمبلی کے اجلاس کیلئے ریکوزیشن جمع کرنے پر اتفاق کیا ہے۔

    خورشید شاہ نے کہا کہ پیٹرولیم کے معاملے پر اسمبلی اجلاس کے لیے ریکیوزیشن جمع کروادی ہے، اراکین کا کہنا ہے کہ پیٹرول بحران سنگین مسئلہ ہے، قومی اسمبلی کا اجلاس بلا کر اس عوامی مسئلے پر فوری بحث کرائی جائے۔ تیل کے بحران پر حکومت ایک دو دن میں اسمبلی اجلاس بلائے۔

    سابق وزیرِ داخلہ رحمان ملک نے کہا ہے کہ پیٹرول قلت کا موجودہ بحران مصنوعی قلت ہے۔

    سابق وزیرِاعلی پنجاب اور مسلم لیگ ق کے رہنماء چوہدری پرویز الہی نے کہا ہے پیٹرول کا بحران ن لیگ کی حکومت کی نااہلی اور ناکامی ہے۔

  • فوجی عدالتوں کو زہر کا گھونٹ پی کر تسلیم کیا ہے، خورشید شاہ

    فوجی عدالتوں کو زہر کا گھونٹ پی کر تسلیم کیا ہے، خورشید شاہ

    سکھر : خورشید شاہ نے کہا ہے کہ ملک میں امن و امان کے حوالے سے کسی بھی قربانی سے گریز نہیں کریں گے عوام کا ساتھ ضروری ہے۔

    سکھر آئی بی اے میں میڈیا سے بات چیت کر تے ہوئے قائد حزب اختلا ف سید خورشید احمد شاہ نے کہا ہے کہ زہر کا گھونٹ پی کر فوجی عدالتوں کو تسلیم کیا ہے زرداری صاحب نے بھی کہا ہے کہ فوجی عدالتیں انتقامی لاءنہ بن جائیں۔

     ، انھوں نے بتایا کہ میرٹ کی بنیاد پر 283میل اور فی میل اساتذہ کو اپوائنٹمنٹ لیٹر تقسیم کئے گئے ہیں امید ہے کہ وہ اپنی فرض بخوبی انجام دیں گے۔

     ایک سوال کے جواب میں انکا کہنا تھا کہ کبھی بھی پالیسی اناﺅسمنٹ نہیں ہوتی اور دہشت گردی کے خاتمے کے لئے پبلک کی سپورٹ لازمی ہے دہشت گروں کو کس طریقے سے روکا جائے اس کے لئے ہر قربانی دینے کے لئے تیار ہیں انکا مزید کہنا تھا کہ بلے تو ملک میں بہت ہیں اور پرویز مشرف کو چاہئے کہ وہ کھل کر میدان میں آئیں۔

  • پیپلزپارٹی سندھ میں احتجاج کی راہ میں رکاوٹ نہیں بنےگی، خورشید شاہ

    پیپلزپارٹی سندھ میں احتجاج کی راہ میں رکاوٹ نہیں بنےگی، خورشید شاہ

    کراچی: اپوزیشن لیڈر سید خورشید شاہ نے کہا ہے کہ پیپلزپارٹی سندھ میں عمران خان کے احتجاج میں رکاوٹ نہیں بنےگی۔

    خورشید نے کہا ہے کہ عمران خان مذاکرات شروع ہوتے ہی احتجاج کی کال واپس لے لیں ،پی ٹی آئی اور حکومت سنجیدہ ہوکر مذاکرات کریں، خورشید شاہ کا کہنا تھا عدالتی کمیشن انتخابی نتائج پرجو بھی فیصلہ کرے تمام جماعتیں اسے تسلیم کریں۔ انہوں نے ایم کیو ایم سے کہا کہ وہ الطاف حسین کوسینیٹربناکرپارلیمنٹ میں لائے، الطاف حسین پاکستان آئیں اللہ ان کی حفاظت کرےگا۔

  • رانا ثناءاللہ اورعابد شیرکوفوری گرفتارکیا جائے، محمود الرشید

    رانا ثناءاللہ اورعابد شیرکوفوری گرفتارکیا جائے، محمود الرشید

    لاہور: پنجاب اسمبلی میں اپوزیشن لیڈر محمودالرشید کا کہنا ہے رانا ثناءاللہ اور عابد شیر علی کی فوری گرفتاری کامطالبہ کردیا۔

    فیصل آباد میں پی ٹی آئی کے شہید کارکن حق نواز کے گھر سانحہ ناولٹی پل میں فائرنگ کرنے والے ملزمان کی نئی تصاویر دکھاتے ہوئے محمود الرشید نے کہا کہ راناثناءاللہ نے جس ڈھٹائی سے حقائق کو مسخ کیا اس کی مثال نہیں ملتی ۔تصاویر میں واضح ہے کہ رانا ثناءاللہ کے قریبی ساتھی امتیاز، افتخار اور پرویز جٹ فائرنگ کرنے والوں کو ہدایات دیتے رہے ۔ ملزمان کو میڈیا پردکھانے کے بجائے پولیس کے حوالے کرنا چاہئے تھا ۔ان افراد کو گرفتار کر کے غیرجانبدارانہ انکوائری کی جائے تو پندرہ منٹ میں اصل قاتل بے نقاب ہو جائے گا ۔ محمود الرشید نے کہا کہ رانا ثناءاللہ اور عابد شیر علی کو فوری طور پر گرفتار کیا جائے ۔

  • احتجاج سے نظام خطرے میں پڑسکتا ہے، خورشید شاہ

    احتجاج سے نظام خطرے میں پڑسکتا ہے، خورشید شاہ

    اسلام آباد: پاکستان پیپلز پارٹی کے رہنماءاوراپوزیشن لیڈرخورشید شاہ نے کہا ہے کہ پارلیمنٹ سے باہر موجود اپوزیشن نظام کو لپیٹنا چاہتی ہے۔

    قومی اسمبلی میں اظہارِخیال کرتے ہوئے اپوزیشن لیڈرخورشید شاہ کا کہنا تھا دھرنے اوراحتجاج کی سیاست سے نظام خطرے میں پڑسکتا ہے۔

    ان کا کہنا تھا کہ حکومت کو دھرنا دینے والی جماعت سے فوری طور پرمذاکرات کرنے چاہیئں ماحول کو بہتربنانا حکومت کی ذمہ داری ہے۔

    انہوں نے فیصل آباد میں سیاسی کارکنان کی موت پر انتہائی دکھ کا اظہار کرتے ہوئے اس طرح کے واقعات کی مذمت کی۔

  • دھاندلی کے ثبوت پیش نہ کرنا عمران خان کی ناکامی ہے ، خورشید شاہ

    دھاندلی کے ثبوت پیش نہ کرنا عمران خان کی ناکامی ہے ، خورشید شاہ

    سکھر: قائد حزبِ اختلاف سید خورشید احمد شاہ نے میڈیا سے گفتگو کرتے ہوئے کہنا تھا کہ تحریک انصاف کے چیئرمین عمران خان کی جانب سے الیکشن ٹریبونل میں دھاندلی کے ثبوت پیش نہ کیا جانا ان کی بڑی ناکامی ہے۔

    سید خورشید شاہ کا مزید کہنا تھا کہ عمران خان کا پلان ڈی الیکشن ٹریبونل میں دھاندلی کے ثبوت پیش کرنا تھا جوناکام ہوگیا۔

    ایک سوال کے جواب میں انکا کہنا تھا کہ جیسے تحریکِ انصاف کا پلان اے، پلان بی اور پلان سی ناکام ہوا ہے ویسے ہی پلان ڈی اور پھر پلان ای آجائے گا لیکن سب ختم ہوجائے گا۔

  • خورشید شاہ کا وزیر اعظم کو خط،تعلیم اورصحت پر چارٹر کا مطالبہ

    خورشید شاہ کا وزیر اعظم کو خط،تعلیم اورصحت پر چارٹر کا مطالبہ

    اسلام آباد: پیپلزپارٹی کے رہنما خورشید شاہ نے وزیر اعظم نواز شریف کو خط لکھا ہے جس میں تعلیم اورصحت کے شعبوں کیلئے چارٹرپر دستخط کی تجویز دی گئی ۔

    خورشید کا اپنے خط میں کہنا ہے کہ یہ چارٹر میثاق جمہوریت کی طرزپرہوناچاہیے، وزیر اعظم نواز شریف نے خورشید شاہ کو جوابی خط میں کہا ہے کہ حکومت ایسے کسی بھی چارٹر کے لیے تیار ہے، حکومت تعلیم اور صحت کے شعبوں پر خصوصی توجہ دے رہی ہے، وزیر اعظم نے اپنے خط میں خورشید شاہ سے کہا ہے کہ اس سلسلے میں سیاسی جماعتوں سے مشاورت کا عمل شروع کیا جائے ۔

  • ای سی پی چیف کی تقرری کیلئے رابطہ نہیں کیا گیا،خورشید شاہ

    ای سی پی چیف کی تقرری کیلئے رابطہ نہیں کیا گیا،خورشید شاہ

    اسلام آباد: اپوزیشن لیڈر خورشید شاہ کا کہنا ہے کہ چیف الیکشن کمشنرکی تقرری کے معاملے پروزیراعظم نے کو ئی رابطہ نہیں کیا۔مشاورت میں تا خیرکے لئے حکومت ذمہ دارہو گی ۔

    خورشید شاہ نے کہا کہ الیکشن کمشنر کی تقرری کے لئے پی ٹی آئی سے مشاورت کرینگے ۔تحریک انصاف مذاکرات کر ے تو جو ڈیشل کمیشن سمیت تمام معاملات پر حکومت سے بات ہو سکتی ہے۔

    چاہتے ہیں تحریک انصاف پارلیمنٹ کی مدت چار سال کر نے میں ہماری حمایت کر ے۔ الیکشن کمیشن کی تقرری کیلئے ایم کیوایم کو متفق کرنا حکومت کی ذمہ داری ہے۔

  • منافع بخش اداروں کی نجکاری سمجھ سے بالا تر ہے، خورشید شاہ

    منافع بخش اداروں کی نجکاری سمجھ سے بالا تر ہے، خورشید شاہ

    اسلام آباد: اپوزیشن لیڈر خورشید شاہ کا کہنا ہے کہ تیل کی قیمتوں میں کمی کے بعد بجلی کے نرخوں میں اضافہ بلا جواز ہے جبکہ منافع بخش اداروں کی نجکاری سمجھ سے بالا تر ہے۔

    قومی اسمبلی میں اپوزیشن لیڈر خورشید شاہ نے حکومتی پالیسیوں پر تنقید کرتے ہوئے کہا ہے کہ ایک جانب حکومت تیل کی قیمتوں میں کمی کر کے تیل سستا ہونے کی نوید سنا رہی ہے جبکہ دوسری جانب تیل کی قیمتوں میں کمی کے بعد بجلی کے نرخوں میں غیر ضروری اضافہ کر کے عوام کی آنکھوں میں دھول جھونکی جا رہی ہے۔

    انہوں نے سوال اٹھایا کہ جب او جی ڈی سی ایل منافع کما رہا ہے تو اسکی نجکاری کیوں کی جارہی ہے، خورشید شاہ نے کہا کہ اسٹیل مل پہلی بار بند ہوئی جو تشویشناک ہے ،انہوں نے اسٹیل مل کی نجکاری کو مسترد کرتے ہوئے خبردار کیا کہ وہ ہزاروں ملازمین کو کسی صورت بے روزگار نہیں ہونے دیں گے۔