ARYNews.tv | Urdu – Har Lamha Bakhabar

Tag: oscar

  • پریانکا چوپڑا کی عالمی سطح پر ایک اور بڑی کامیابی

    پریانکا چوپڑا کی عالمی سطح پر ایک اور بڑی کامیابی

    عالمی شہرت یافتہ بھارتی اداکارہ پریانکا چوپڑا کی بطور ایگزیکٹو پروڈیوسر بنائی گئی مختصر فلم ’انوجا‘ کو آسکر کی نامزدگیوں میں شامل کر لیا گیا ہے۔

    بھارتی میڈیا کا کہنا ہے کہ پریانکا چوپڑا کی مختصر فلم ’انوجا‘ کو مارچ میں ہونے والے آسکر کی نامزدگیوں میں شارٹ لسٹ کر لیا گیا ہے، اس فلم کی شوٹنگ دہلی میں کی گئی۔

     

    View this post on Instagram

     

    A post shared by ANUJA (the film) (@anujathefilm)

    فلم کی کہانی ایک چھوٹی لڑکی انوجا کے گرد گھومتی ہے جو اپنی بڑی بہن پلک کے ساتھ پچھلی گلی میں کپڑے کی فیکٹری میں کام کرتی ہے اس فلم میں چائلڈ لیبر اور تعلیم سے جڑے مسائل پر بات کی گئی ہے۔

    بھارتی میڈیا کے مطابق ایڈم جے گریو کی ہدایتکاری اور ساچیترا مٹائی کی پروڈیوس کردہ یہ فلم، فلم فیسٹیول میں لائیو ایکشن شارٹ ایوارڈ حاصل کر چکی ہے۔

    اداکارہ پریانکا چوپڑا نے ایک انٹرویو میں انوجا کے حوالے سے بات کرتے ہوئے کہا تھا کہ اس فلم کے ساتھ جڑنا میرے لیے فخر کی بات ہے۔

    ایک انٹرویو میں پریانکا چوپڑا نے انوجا کے حوالے سے بات کرتے ہوئے کہا ہے کہ اس فلم کے ساتھ جڑنا میرے لیے فخر کی بات ہے، یہ فلم ایک نازک مسئلے پر روشنی ڈالتی ہے جس سے لاکھوں بچے متاثر ہوتے ہیں۔

    شاٹ فلم انوجا

     

    View this post on Instagram

     

    A post shared by Krushan Naik (@krushanaik)

    فلم انوجا ایک 9 سالہ لڑکی کی کہانی ہے جسے 9 سال کی عمر میں زندگی کے حوالے سے بڑا فیصلہ لینا پڑتا ہے کہ وہ اپنی بہن کے ساتھ ایک گارمنٹ فیکٹری میں کام کرے، اپنی فیملی کو سپورٹ کرنے کے ساتھ ساتھ انوجا کو یہ بھی فیصلہ کرنا پڑتا ہے کہ کس طرح تعلیم جاری رکھے۔

  • شاہ رخ خان کی فلم ’ڈنکی‘ آسکرز کے لیے نامزد؟

    شاہ رخ خان کی فلم ’ڈنکی‘ آسکرز کے لیے نامزد؟

    پچھلے کچھ دنوں سے بالی وڈ اسٹار شاہ رخ خان کی فلم ڈنکی کے 96ویں اکیڈمی ایوارڈز کے لیے نامزد کیے جانے کی افواہیں گردش کر رہی ہیں۔

    بھارتی میڈیا رپورٹ بالی ووڈ اداکار شاہ رخ خان کی گزشتہ سال کی تیسری فلم ڈنکی کے ہدایت کار راج کمار ہیرانی کی طرف سے اسے آسکر ایوارڈ کے نامزد کیے جانے کا امکان ہے۔

    راجکمار ہیرانی کی ہدایت کاری میں بننے والی فلم ’ڈنکی‘ گزشتہ سال دسمبر میں ریلیز ہوئی تھی، فلم میں شاہ رخ خان کے ساتھ اداکار تاپسی پنو، وکی کوشل اور وکرم کوچر نظر آئے تھے۔

    شاہ رخ خان کی فلم ”ڈنکی“ نے کتنے کروڑ کمالئے؟

    ایک الگ قسم کی کہانی پر مشتمل اس فلم کو شائقین کی جانب سے ملا جلا ردعمل ملا اور اس فلم نے ہر دیکھنے والے کو متاثر کیا ہے، اس فلم نے اب تک دنیا بھر سے تقریباً 450 کروڑ کا بزنس کیا ہے۔

    میڈیا رپورٹس کے مطابق ورلڈ وائیڈ باکس آفس پر اب یہ خبر گردش کررہی ہے کہ ڈنکی کے بنانے والے اسے اکیڈمی ایوارڈ کیلئے نامزد کروانے جارہے ہیں۔

    اگر یہ بات سچ نکلی تو ڈنکی شاہ رخ خان کی آسکر کےلیے نامزد ہونے والی تیسری فلم بن جائے گی، بالی ووڈ کے بادشاہ شاہ رخ خان کی 2004 کی سودیس اور 2005 میں ریلیز ہونے والی فلم پہیلی بھی آسکرایوارڈ کے لیے نامزد ہوچکی ہیں۔

    شاہ رخ خان نے تاریخ رقم کر دی

    اگرچہ اس بارے میں کوئی تصدیق نہیں ہوئی لیکن معروف ایوارڈ شو کے آفیشل انسٹاگرام پیج نے اس سے متعلق اشارہ دیا ہے۔

     

    View this post on Instagram

     

    A post shared by The Academy (@theacademy)

    ہالی ووڈ کی اکیڈمی آف موشن پکچر آرٹس اینڈ سائنسز (آسکرز) نے  فلم ’دل والے دلہنیا لے جائیں گے‘ سے شاہ رخ خان اور کاجول کا ایک مختصر کلپ پوسٹ کیا ہے۔

    شاہ رخ خان کی فلم ’ڈنکی‘ ریلیز ہوتے ہی چھاگئی

    کیپشن میں لکھا گیا کہ ’’شاہ رخ خان اور کاجول 1995 کے ’دل والے دلہنیا لے جائیں گے‘ کا کلاسک گانا ’’مہندی لگا کے رکھنا‘‘ پرفارم کر رہے ہیں، جس کے بعد یہ کہا جارہا ہے کہ یہ آسکر میں ڈنکی کی پیشکش کے بارے میں واضح اشارہ ہے۔

    فلم ڈنکی پنجاب کے ایک گاؤں سے تعلق رکھنے والے چار دوستوں کی کہانی ہے جو برطانیہ جانا چاہتے ہیں لیکن اس میں تھوڑا سا مسئلہ ہے کیوں کہ ان میں سے کسی کے پاس بھی ویزا یا ٹکٹ نہیں ہوتا۔

    دنیا کے دوسرے حصے میں پہنچنے کی امید لے کر دوستوں کا یہ گروپ ایک فوجی سے ملتا ہے جو ان سے ’خوابوں کی سرزمین‘ پر لے جانے کا وعدہ کرتا ہے۔

  • آسکر ایوارڈ جیتنے والے زندہ اداکاروں کی موت کتنی عمر میں ہوگی؟ حیران کن دعویٰ

    آسکر ایوارڈ جیتنے والے زندہ اداکاروں کی موت کتنی عمر میں ہوگی؟ حیران کن دعویٰ

    آسکر ایوارڈ جیتنے والے زندہ اداکاروں کی موت کتنی عمر میں ہوگی؟ اس حوالے سے محققین نے ایک حیران کن تحقیق کی ہے۔

    تفصیلات کے مطابق آسکر ایوارڈ جیتنے والوں کی زندگیوں کے متعلق حیران کن انکشاف کرتے ہوئے محققین نے کہا ہے کہ آسکر جیتنا اداکاروں کی زندگی میں اضافے کے لیے مددگار ثابت ہو سکتا ہے۔

    یونیورسٹی آف ٹورنٹو کے محققین نے 2111 اداکاروں کے تجزیوں پر مبنی ایک ماڈل تشکیل دیا، جو 1929 سے 2020 تک آسکر کے لیے نامزد ہوئے تھے یا کسی نامزد اداکار کے مخالف سامنے آئے تھے۔

    انٹرٹینمنٹ انڈسٹری کے سب سے معتبر ایوارڈ کے متعلق محققین کے ماڈل سے معلوم ہوا کہ وہ آسکر ایوارڈ یافتہ اداکار، جو آج زندہ ہیں، ان کی موت 81.3 برس کی عمر میں متوقع ہے۔

    محققین نے یہ اندازہ بھی لگایا کہ ایوارڈ حاصل نہ کر سکنے والے نامزد امیدواروں کی زندگی 76.4 برس تک، اور وہ اداکار جو نامزد ہی نہیں ہو سکے، ان کی زندگی 76.2 برس تک متوقع ہے۔

    یہ تحقیق امریکی سائنسی جریدے پلاس وَن (PLOS ONE) میں شائع ہوئی ہے، محققین کا کہنا ہے کہ تحقیق کے دوران اکیڈمی ایوارڈ یافتہ اداکار اور اداکاراؤں کی زندگی کی بقا اور کامیابی کے درمیان ایک مثبت تعلق دیکھا گیا۔

    انھوں نے کہا تحقیق کے نتائج بتاتے ہیں کہ اس سلسلے میں انسان کے رویوں، اس کی نفسیات، اور صحت کے دیگر ایسے عوامل جو تبدیل ہوتے رہتے ہیں، کی کتنی اہمیت ہے، اور زندگی کی طوالت پر اس کے اثرات مرتب ہوتے ہیں۔

    واضح رہے کہ آسکر ایوارڈ یافتہ اداکاروں کی متوقع زندگی کئی سالوں سے زیرِ بحث رہی ہے، 2005 میں ہونے والی آخری تحقیق میں یہ بتایا گیا تھا کہ آسکر ایوارڈ یافتہ افراد کی زندگی تقریباً 4 سال زیادہ ہوتی ہے۔

  • کیا وِل اسمتھ کو اپنا آسکر واپس لوٹانا ہوگا؟

    کیا وِل اسمتھ کو اپنا آسکر واپس لوٹانا ہوگا؟

    1986 سے شان دار اداکاری کرنے والے امریکی اداکار وِل اسمتھ کو پہلی بار گزشتہ روز آسکر ایوارڈ سے نوازا گیا، تاہم یہ یادگار دن ان کے لیے ایک بری یاد بن گیا، جب انھوں نے شو کے میزبان کرس راک کو ان کی بیوی کو مذاق کا نشانہ بنانے پر مکا جُڑ دیا۔

    94 ویں اکیڈمی ایوارڈ (آسکر 2022) کے فاتحین میں رواں برس ول اسمتھ کا نام بھی شامل ہے، وہ ایوارڈ وصول کر چکے ہیں تاہم آسکرز کی تاریخ کے اس انوکھے ‘حادثے’ کے بعد یہ خبریں آ رہی ہیں کہ ان سے ایوارڈ واپس لیا جا سکتا ہے۔

    امریکی اور بین الاقوامی باکس آفس پر بے شمار ریکارڈ رکھنے والے ول اسمتھ اس وقت اچانک صبر کا دامن کھو بیٹھے جب کرس نے ان کی اہلیہ جاڈا پنکیٹ اسمتھ کے گنج پن کی بیماری کے بارے میں مذاق کیا۔

    میزبانی کے دوران کرس راک نے ول اسمتھ کی اہلیہ جاڈا پنکیٹ کے گنج پن کا مذاق اڑایا تھا، ایسے میں میزبان کے سامنے بیٹھے ول اسمتھ اپنے جذبات پر قابو نہ رکھ سکے اور اسٹیج پر جاکر کرس کے منہ پر مکا دے مارا، جسے دیکھ کر شو میں موجود تمام ناظرین ہکا بکا رہ گئے۔

    آسکرز 2022: اہلیہ کے لیے نامناسب مذاق پر ول اسمتھ نے میزبان کو مکا جڑ دیا

    میڈیا رپورٹس کے مطابق ول اسمتھ کو آسکر واپس کرنا پڑ سکتا ہے، اکیڈمی آف موشن پکچر آرٹس اینڈ سائنس ہر سال آسکر ایوارڈ کا اہتمام کرتی ہے، اے ایم پی اے ایس کے قوانین کے مطابق یہ تقریب کے ضابطہ اخلاق کی خلاف ورزی ہے۔

    رپورٹ کے مطابق اداکار اپنا ایوارڈ واپس کرنے سے انکار کر سکتے ہیں لیکن تنظیم اس پیچیدہ صورت حال کو کس طرح سبنھالتی ہے، یہ دیکھنے والی بات ہوگی، تاہم امکان ہے کہ ول اسمتھ کسی قانونی مسئلے میں بری طرح پھنس جائیں۔

    یاد رہے کہ 2017 میں اکیڈمی ایوارڈز کے حوالے سے بڑا جنسی اسکینڈل سامنے آنے کے بعد، اکیڈمی نے سخت ضابطہ اخلاق جاری کیا تھا، جس میں معاون ماحول اور انسانی احترام پر زور دیا گیا ہے۔

    خیال رہے کہ اداکار ول اسمتھ نے اپنی تقریر کے دوران واقعے پر معافی مانگی، حالاں کہ انھوں نے براہ راست کرس راک سے معافی نہیں مانگی، اداکار نے اپنی جذباتی تقریر میں کہا کہ میں اکیڈمی سے معافی مانگنا چاہتا ہوں، میں اپنے تمام ساتھی نامزد امیدواروں سے بھی معذرت خواہ ہوں، یہ ایک خوبصورت لمحہ ہے اور میں ایوارڈ جیتنے کے لیے نہیں رو رہا ہوں۔ یہ ایوارڈ جیتنے کے بارے میں نہیں ہے۔

  • رض احمد نے آسکر ایوارڈ جیت لیا

    رض احمد نے آسکر ایوارڈ جیت لیا

    پاکستانی نژاد برطانوی اداکار رض احمد نے ‘دی لانگ گڈ بائی’ کے لیے اپنا پہلا آسکر ایوارڈ جیت لیا۔

    برطانوی ایکٹر رض احمد نے اپنے کیریئر کا پہلا آسکر ایوارڈ جیت لیا ہے، ان کو بہترین لائیو ایکشن شارٹ فلم کے آسکر ایوارڈ سے نوازا گیا ہے۔

    رض نے 12 منٹ کی شارٹ فلم ‘دی لانگ گڈ بائے’ میں اداکاری کے زبردست جوہر دکھائے، کہانی برطانیہ میں آئے ہوئے پناہ گزینوں کی جو ایک شادی کی تیاری کر رہے ہیں لیکن پھر ایک شدت پسند گروہ ان پر حملہ آور ہوتا ہے۔

    گزشتہ سال بھی فلم ساؤنڈ آف میٹل میں رض احمد کی اداکاری کو دیکھتے ہوئے انھیں بہترین اداکار کے آسکر ایوارڈ کے لیے نامزد کیا گیا تھا، رض، آسکر کی تاریخ میں پہلے پاکستانی اور مسلمان اداکار ہیں جنھیں اس ایوارڈ کے لیے نامزد کیا گیا۔

    رض احمد نے دی لانگ گڈ بائے میں نہ صرف مرکزی کردار ادا کیا بلکہ ہدایت کار انیل کاریا کے ساتھ مل کر اس کی اسکرپٹ بھی لکھا،

    دی لانگ گڈ بائے رض کے اسی البم پر مبنی ہے، جو پچھلے سال ریلیز ہوا تھا، اس البم کا نام بھی دی لانگ گڈ بائے ہی ہے۔

    واضح رہے کہ پاکستانی نژاد برطانوی اداکار کا اصلی نام رضوان احمد ہے، لیکن انھیں عرف عام میں ‘رض’ کے نام سے جانا جاتا ہے، رضوان احمد نے اپنے کیریئر کی شروعات 2006 میں فلم روڈ ٹو گوانتانامو سے کی تھی، وہ 2013 میں بھارتی ہدایت کار میرا نائر کی فلم ‘ دی ریلکٹنٹ فنڈامینٹلسٹ’ میں بھی نظر آئے تھے۔

    2016 میں ان کی ٹی وی سیریز ‘دی نائٹ آف’ کو ناقدین کی جانب سے مثبت ردعمل ملا تھا اور ان کی شان دار اداکاری کو دیکھتے ہوئے انھیں 2017 میں ایمی ایوارڈز کے لیے نامزد بھی کیا گیا تھا، رض موسیقار بھی ہیں۔

  • آسکر ایوارڈ یافتہ اداکارہ کو سپر مارکیٹ میں ملازمت کی پیشکش کیوں ہوئی؟

    آسکر ایوارڈ یافتہ اداکارہ کو سپر مارکیٹ میں ملازمت کی پیشکش کیوں ہوئی؟

    ہالی ووڈ کی آسکر ایوارڈ یافتہ اداکارہ فرانسس مک ڈورمنڈ کا کہنا ہے کہ انہیں ان کی حالیہ فلم کی شوٹنگ کے دوران ایک سپر مارکیٹ میں ملازمت کی پیشکش کی گئی تھی۔

    فرانسس مک ڈورمنڈ کی حالیہ فلم نومیڈ لینڈ کی نمائش وینس اور ٹورنٹو فلم فیسٹیولز میں کی گئی ہے جیہاں اس فلم کو بے حد سراہا گیا۔

    فلم خانہ بدوشوں کے بارے میں ہے جو وین میں اپنی زندگی کسمپرسی کی حالت میں گزارتے ہیں، فرانسس اس میں ایک بیوہ خاتون کا کردار ادا کر رہی ہیں۔

    ان کے مطابق جب وہ فلم کی شوٹنگ کے لیے ایک سپر مارکیٹ میں موجود تھیں اور فلم کی شوٹنگ جاری تھی تو انہیں وہاں ملازمت کی پیشکش ہوئی۔

    انہوں نے بتایا کہ انہیں ایک فارم دیا گیا کہ اگر میں یہاں ملازمت کی خواہش رکھتی ہوں تو اسے پر کردوں۔

    فرانسس کا کہنا ہے کہ فلم کے کردار کے لیے ان کا حلیہ اور انداز نہایت حقیقی معلوم ہورہا تھا تب ہی انہیں ایسی پیشکش ہوئی، اور وہ اس پر اتنی خوش ہوئیں کہ انہوں نے فلم کے ڈائریکٹر کو بھی جا کر اس کے بارے میں بتایا۔

    فلم نومیڈ لینڈ کو اس کے موضوع کی وجہ سے وینس فلم فیسٹیول میں بے حد سراہا گیا اور حاضرین نے فلم کے لیے کھڑے ہو کر تالیاں بجائیں۔

    2 بار آسکر جیتنے والی اداکارہ فرانسس کا کہنا ہے کہ یہ کردار ان کے دل کے بہت قریب ہے اور اس کے لیے انہوں نے کئی روز خانہ بدوشوں ے ساتھ گزارے۔

  • ماریہ شراپوا کا معروف فلم سیریز اوشن 8 میں مختصر رول، مداح کا جوش و خروش عروج پر پہنچ گیا

    ماریہ شراپوا کا معروف فلم سیریز اوشن 8 میں مختصر رول، مداح کا جوش و خروش عروج پر پہنچ گیا

    ماسکو: روسی ٹینس اسٹار ماریا شراپوا کے معروف فلم سیریزاوشن 8 میں مختصر رول نے دھوم مچا دی، مداح کا جوش و خروش عروج پر پہنچ گیا۔

    تفصیلات کے مطابق اوشن سیریز کی آٹھویں فلم میں جہاں دیگر اسٹار اداکار جلوہ گر ہوئے ہیں، وہیں معروف روسی اسٹار ماریا شراپوا بھی جلوہ گر ہوئی ہیں، جسے دیکھ کر ان کے مداحوں میں خوشی کی لہر دوڑ گئی۔

    گذشتہ دنوں ان کے ایک مداح نے ٹینس اسٹار کو مینشن کرتے ہوئے کہا کہ آسکر کے لیے تیار ہوجائیں، جس پر ماریا شراپوا نے سوال کیا کہ کیا یہ سین فلم میں شامل ہے، ایسا ہے، تو وہ فلم ضرور دیکھیں گی۔

    غیر ملکی خبر رساں ادارے کے مطابق ہالی ووڈ فلم اوشین 8 جمعے کے روز ریلیز ہوئی ہے جس میں ماریہ شراپوا کا فلمایا گیا شین بھی شامل ہے، جس کی انہیں توقع نہیں تھیں۔

    روسی ٹینس اسٹار کے ایک مداح نے سماجی رابطے کی ویب سایٹ ٹویٹر پر ماریا شراپوا کے شین کی تصویر شائع کی اور کمنٹ کیا کہ ’آسکر کے لیے تیار ہوجاؤ‘۔

    خیال رہے کہ جمعے کے روز ریلیز ہونے والی فلم اوشین 8 سنہ 2001 ایک میں ریلیز ہونے والے فلم اوشین 11 کا ورژن ہے۔ جسے امریکا میں نمائش کے لیے پیش کردیا گیا ہے۔

    یاد رہے کہ روسی ٹینس اسٹار پر ممنوعہ اشیاء کا استعمال کرنے پر عدالت کی جانب سے عائد پابندی ختم ہونے کے بعد ماریا شراپوا کی رینکنگ میں اضافہ ہوا ہے۔

    اسپورٹس ذرائع کا کہنا تھا کہ حالیہ دنوں فرانچ اوپن ٹینس میں ماریا شراپوا لوکل فرانس کی لوکل کھلاڑی گرباین موگروزا سے ہار گئی تھی لیکن اس کے باوجود ان کی رینکنگ میں پر کوئی فرق نہیں پڑا۔

    غیر ملکی خبر رساں ادارے کا کہنا تھا کہ وارنر بروس کی فلم اوشین 8 میں سینڈرا بلوک، کیٹ بلینکٹ، ریحانّہ، مینڈی کیلنگ اور سارا پاؤلسن شامل ہیں۔

    ٹینس اسٹار ماریا شراپوا، سرینا ولیم اور برطانوی گلوکار زین ملک ان مشہور شخیصات میں شامل ہیں جنہوں نے کئی مزاحیہ فلموں میں مختصر کردار  ادا کیا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • جارج کلونی کو گولڈن گلوبز کے موقع پر سیسل بی ڈی مائل ایوارڈ سے نوازا جائےگا

    جارج کلونی کو گولڈن گلوبز کے موقع پر سیسل بی ڈی مائل ایوارڈ سے نوازا جائےگا

    ہالی وڈ اسٹارجارج کلونی کو ان کے آن اورآف سکرین خدمات پر گولڈن گلوبز کے موقع پر سیسل بی ڈی مائل ایوارڈ سے نوازا جائےگا۔

    ہالی وڈ فارن پریس ایسوسی ایشن جو اس ایوارڈ کا فیصلہ کرتی ہے اس کا کہنا ہے کہ جارج کلونی کو منتخب کرنے کی وجہ انسانیت کےلئےان کی خدمات کا اعتراف ہے،خاص طور پر دارفور میں قتل عام کے خلاف آواز اٹھانا یہ ایوارڈ ایسی مشہور شخصیت کو دیا جاتا ہے جس نے انٹرٹینمنٹ صنعت پراثرات مرتب کئے ہوں اورجارج کلونی کو یہ اعزاز دینے کے لیے تقریب گیارہ جنوری کو ہوگی۔

    53 سالہ کلونی جلد لبنانی نژاد برطانوی شہری امل علام الدین سےشادی کرنےوالے ہیں جبکہ وہ اب تک تین بار گولڈن گلوبز ایوارڈ بھی جیت چکے ہیں اور چار بار فلموں اور مقبول ڈرامے ای آر کے لیے نامزد بھی کئےجا چکے ہیں۔