ARYNews.tv | Urdu – Har Lamha Bakhabar

Tag: PAF

  • لندن رائل شو، پاک فضائیہ کی دوسری پوزیشن

    لندن رائل شو، پاک فضائیہ کی دوسری پوزیشن

    لندن: پاک فضائیہ نے برطانیہ میں منعقد ہونے والے رائل انٹرنیشنل شو میں شاندار کارکردگی کا مظاہرہ کرتے ہوئے دوسری پوزیشن کا اعزاز اپنے نام کرلیا۔

    ترجمان پاک فضائیہ کے مطابق برطانیہ میں منعقد ہونے والے 3 روزہ رائل انٹرنیشنل ایئر ٹیٹو شو 2018 میں پاک فضائیہ کے ہرکولیس سی 130 طیارے نے دنیا بھر سے آئے 300 جہازوں میں دوسری پوزیشن اپنے نام کی۔

    پاک فضائیہ کے ترجمان کا کہنا ہے کہ لندن میں مستقبل کی فضائیہ کے عنوان سے کانفرنس کا انعقاد کیا گیا جس میں ائیرچیف مارشل نے شرکت کی اور میگا ایونٹ میں شاندار کارکردگی دکھانے پر ٹیم کو مبارک باد بھی دی۔

    لندن میں منعقد ہونے والے 3 روزہ رائل انٹرنیشنل شو میں دنیا بھر سے آئے 300 طیاروں نے حصہ لیا جس میں  پاکستان ایئر فورس کا سی 130 ہرکولیس سی بھی شامل تھا جس نے دوسری پوزیشن حاصل کی۔

    مزید پڑھیں: رائل شو، پاک فضائیہ کا طیارہ برطانیہ پہنچ گیا

    ائیرچیف نے پاک فضائیہ کے طیارے کا معائنہ کیا اور عالمی اعزاز جیتنے پر پورے ملک کو مبارک باد دیتے ہوئے کہا کہ ’یہ اعزاز عالمی سطح پر پاکستان کے مثبت پہلو کو اجاگر کرے گا اور شو میں شرکت سے دونوں ممالک کی افواج میں ہم آہنگی پیدا ہوگی’۔

    برطانوی دارالحکومت میں ہونے والی کانفرنس میں 60 سے زائد بین الاقوامی فضائیہ کے سربراہان نے شرکت کی۔

    واضح رہے کہ پاک فضائیہ کا سی 130 طیارہ رائل ٹیٹو شو کے مختلف مقابلوں میں حصہ لینے کے لیے 12 جولائی کو لندن پہنچا تھا، خوبصورت رنگوں سے پینٹ کیا گیا تھا۔

    شہرہ آفاق نمبر6 اسکواڈ رن سے تعلق رکھنے والا یہ طیارہ Concurs D’ Elegance ٹرافی مقابلے کے لئے لندن پہنچا تھا،  ائیر شو کے انعقاد کا مقصدرائل ائیر فورس کی صد سالہ خدمات کو خراجِ تحسین پیش کرنا تھا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پاک فضائیہ کا تربیتی طیارہ گر کر تباہ، دونوں پائلٹ شہید

    پاک فضائیہ کا تربیتی طیارہ گر کر تباہ، دونوں پائلٹ شہید

    پشاور : پاک فضائیہ کا تربیتی طیارہ گر کر تباہ ہوگیا ، جس کے نتیجے میں دونوں پائلٹ شہید ہوگئے, تاہم پاک فضائیہ کی جانب سے ابھی تک تصدیق نہیں کی گئی۔

    پاک فضائیہ کے ترجمان کے مطابق پاک فضائیہ کا تربیتی طیارہ پشاور ایئربیس پر لینڈنگ کے دوران گر کر تباہ ہوا، حادثے کے نتیجے میں دونوں پائلٹ شہید ہوگئے تاہم پاک فضائیہ کی جانب سے ابھی تک تصدیق نہیں کی گئی۔

    ترجمان کے مطابق ایف ٹی سیون پی جی ایئرکرافٹ معمول کے آپریشنل تربیتی مشن پر تھا کہ فنی خرابی کے باعث پائلٹ نے پشاور ایئربیس پر لینڈنگ کی کوشش کی لیکن طیارہ گر کر تباہ ہوگیا۔

    https://youtu.be/CXhNASxonfI

    واقعے کے فوری بعد ریسکیو اور فائر بریگیڈ کا عملہ جائے وقوع پر پہنچ گیا اور ریسکیو اور سرچ آپریشن جاری ہے جبکہ اک فضائیہ ہیڈ کوارٹر کی جانب سے انکوائری بورڈ کی تشکیل کا بھی حکم دے دیا گیا ہے، جو اس واقعہ کی وجوہات کا تعین کرے گا۔

    طیارہ تباہ ہونے کے باعث باچا خان ایئر پورٹ پر فضائی آپریشن عارضی طور پر معطل کر دیا گیا ہے ۔

    یاد رہے گذشتہ ماہ صوبہ پنجاب کے دارالحکومت لاہور میں چھوٹا تربیتی طیارہ گر کر تباہ ہوگیا تھا، واقعے میں پائلٹ اور ٹرینی معمولی زخمی ہوئے تھے۔

    ذرائع کا کہنا تھا کہ طیارہ ڈائریکٹر آپریشنز فلائنگ کلب فہیم اڑا رہے تھے جبکہ ان کے ساتھ ٹرینی ہشام تھے۔ طیارے نے والٹن ایئرپورٹ سے اڑان بھری اور ٹیک آف کے فوری بعد جہاز کا توازن بگڑ گیا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ورلڈ تھیلیسیمیا ڈے، پاک فضائیہ کی موذی مرض میں مبتلا بچوں کو بیسز کی سیر کی دعوت

    ورلڈ تھیلیسیمیا ڈے، پاک فضائیہ کی موذی مرض میں مبتلا بچوں کو بیسز کی سیر کی دعوت

    لاہور :  پاک فضائیہ نے ورلڈ تھیلیسیمیا ڈے کے موقع پراس موذی مرض میں مبتلا بچوں کو سرگودھا اور لاہور بیس کی سیر کی دعوت دی، بچوں نے فائٹر پائلٹس اور  زمینی عملےکےساتھ وقت گزارنےکی خواہش کا اظہار کیا تھا۔

    تفصیلات کے مطابق پاک فضائیہ نے تھیلسیمیا ڈے پرموذی مرض میں مبتلا بچوں کو بیسز پرمدعوکیا، موذی مرض میں مبتلابچوں کوسرگودھااورلاہوربیس کی سیرکی دعوت دی گئی، دورے کا انتظام پاک فضائیہ نے سندس فاؤ نڈیشن کے تعاون سے کیا۔

    ترجمان پاک فضائیہ کا کہنا تھا کہ بچوں کا پی ایف بیس مصحف آمدپراعلیٰ افسران نے پر تپاک استقبال کیا، بچوں کوہسٹری روم لے جایا گیا جہاں انہیں پاک فضائیہ کی شاندار تاریخ کے بارے میں بریفنگ دی گئی جو کہ اس بیس کے افراد نے رقم کی تھی۔

    بعد ازاں ان بچوں کو بیس کے ٹارمک پہ لے جایا گیا، بچوں نے وہاں جے ایف17تھنڈر،میراج، ایف7لڑاکا طیارے دیکھ کر خوشی کا اظہار کیا۔

    ترجمان کے مطابق تھیلسیمیا میں مبتلا بچوں کی فضائی محافظوں سے ملاقات کرائی گئی، جہاں انھوں نے ان سے پیشہ ورانہ مہ داریوں اور ذاتی زندگی کے بارے میں گفتگو کی۔ لڑاکاطیاروں کی پروازنے بچوں کی خوشیوں کودوبالاکر دیا۔

    بچوں کےاسی گروپ نے پی اے ایف بیس لاہورکادورہ بھی کیا، بچوں نے ریڈارزاورائیرڈیفنس کے دوسرےآلات دیکھے جبکہ بچوں میں تحائف اورپی اےایف کی یادگاری اشیابھی تقسیم کی گئیں۔

    مزید پڑھیں : پاکستان میں سالانہ 5 ہزار تھیلیسمیا کا شکار بچوں کی پیدائش

    معصوم بچوں نے پاک فضائیہ کے فائٹر پائلٹس اور زمینی عملے کے ساتھ وقت گزارنے کی خواہش کا اظہار کیا تھا۔

    خیال رہے کہ آج پاکستان سمیت دنیا بھر میں خون کی بیماری تھیلیسمیا کے خلاف آگاہی کا عالمی دن منایا جارہا ہے، پاکستان تھیلیسمیا سینٹر کے مطابق پاکستان میں ہر سال 5 ہزار بچے ایسے پیدا ہوتے ہیں جو تھیلیسمیا کا شکار ہوتے ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • وطن کی فضائی حدود کے دفاع کے لئے ہمہ وقت تیار ہیں: ایئرچیف مارشل مجاہد انور خان

    وطن کی فضائی حدود کے دفاع کے لئے ہمہ وقت تیار ہیں: ایئرچیف مارشل مجاہد انور خان

    کراچی: ایئرچیف مارشل مجاہد انور خان نے کہا ہے کہ پاک فضائیہ وطن کی فضائی حدود کے دفاع کے لئے ہمہ وقت تیار ہے، ہم قوم کی امیدوں پر پورا اتریں گے.

    ان خیالات کا اظہار ایئر چیف نے پی اے ایف اکیڈمی اصغرخان میں گریجویشن پریڈ سے خطاب کرتے ہوئے کیا، وہ اس تقریب کے مہمان خصوصی تھے.

    انھوں نے کہا کہ ہمارے دشمنوں کو یہ بات ذہن نشین کر لینی چاہیے کہ پاک فضائیہ وطن کی فضائی حدود کے دفاع کے لئے اپنی بھرپور قوت کے ساتھ ہمہ وقت تیار ہے. جے ایف سیونٹین کی ملکی سطح پر تیاری خود انحصاری کی بہترین مثال ہے.

    پاک فضائیہ کے سربراہ نے گریجویٹس سے کہا کہ پی اے ایف اکیڈمی اصغر خان سے حاصل کردہ تربیت اور علم آپ کی پیشہ ورانہ صلاحیت میں اضافے کا باعث بنے گا، آپ کو اپنے پیشہ ورانہ امور اور ذاتی زندگی میں دوسروں کے لئے بہترین مثال بننا ہوگا.

    ایئر چیف کا کہنا تھا کہ پاک فضائیہ نے اپنی آپریشنل تیاریوں کو مزید بہتر بنانے کے لئے موثر اقدامات کیے ہیں، ہماری خود انحصاری کی کاوشیں سودمند ثابت ہو رہی ہیں، پاک فضائیہ کی مسلح افواج کے ساتھ مل کر دہشت گردی کے ناسور کو ختم کرنے اور ملکی اور علاقائی امن کو بحال کرنے کی کاوشوں پر پوری قوم کو فخر ہے۔

    پاکستان ائیر فورس اکیڈمی اصغرخان میں 120 ویں کمبیٹ سپورٹ کورس اور 40 ویں بی ایل پی سی کورس کی گریجویشن اور اسلامی جمہوریہ ایران کی فضائیہ کے 10 کیڈ ٹس کی کمیشنگ کی  اس تقریب میں‌ ایرانی سفیر مہدی ہنر دوست بھی موجود تھے۔

    اس تقریب میں 9 خواتین کیڈٹس سمیت 47 کیڈٹس گریجویٹ ہوئے، مہمانِ خصوصی نے گریجویٹ ہونے والے کیڈٹس میں برانچ کا نشان اور نمایاں پوزیشن حاصل کرنے والوں میں انعامات تقسیم کیے۔

    نئےایئرچیف مارشل مجاہد انورخان نے جی ایچ کیو کا دورہ کیا

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

     

  • رائل ایئرفورس ایروبیٹکس ٹیم ریڈایروز آج کراچی سی ویو پر فضائی کرتب دکھائےگی

    رائل ایئرفورس ایروبیٹکس ٹیم ریڈایروز آج کراچی سی ویو پر فضائی کرتب دکھائےگی

    کراچی : برطانیہ اور پاکستان کے درمیان 70 سالہ دوستی کا جشن منانے کے لئے پاک فضائیہ پہلی مرتبہ رائل ایئرفورس کے تعاون سے آج سی ویو پر فضائی مظاہرہ کرے گی۔

    تفصیلات کے مطابق پاک فضائیہ تاریخ میں پہلی مرتبہ بین الاقوامی طور پر تسلیم شدہ ریڈ ایروز ایکروبیٹکس ٹیم آف رائل ایئرفورس کے ساتھ مل کر آج کراچی کے سی ویو پر مہارت کا مظاہرہ کرے گی۔

    ترجمان کے مطابق ایئر شو آج
    دوپہر ڈیڑھ بجے کراچی کے ساحل پر ہوگا ، جہاں عام شہریوں کو بھی جانے کی اجازت ہوگی۔

    ترجمان پاک فضائیہ کے مطابق ریڈایروز کے مختلف طیارے فضاؤں میں رنگ بکھیریں گے جبکہ ایئرشو میں پاک فضائیہ کا جے ایف 17تھنڈر طیارہ بھی اپنے فضائی کرتب سے جوہر دکھائے گا۔

    فضائی مظاہرے میں رائل ایئرفورس کی موجودگی سے کراچی کا نیلا آسمان سرخ رنگ میں تبدیل ہوجائیں گا کیونکہ رائل ایئر فورس کی ٹیم فضائی کرتب کی فارمیشن کے حوالے سے اپنی شاندار پرفارمنس کے لیے شہرت رکھتی ہے۔

    واضح رہے کہ ریڈ ایروز ٹیم 1964 میں قائم ہوئی تھی، پہلی مرتبہ اس ٹیم نے 1965میں اپنے فن کامظاہرہ کیا تھا، اب تک دنیا بھر میں 4 ہزار سے زائد بار فضائی کرتب کا مظاہرہ کرچکی ہے۔

    ٹیم 120 افراد پر مشتمل ہیں، جن میں پائلٹس ، انجینئرز اور معاون عملہ شامل ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • یوم دفاع ہمیں بہادر سپوتوں کی عظیم قربانیوں کی یاد دلاتا ہے ،سربراہ پاک فضائیہ

    یوم دفاع ہمیں بہادر سپوتوں کی عظیم قربانیوں کی یاد دلاتا ہے ،سربراہ پاک فضائیہ

    اسلام آباد : پاک فضائیہ کے سربراہ ایئر چیف مارشل سہیل امان کا کہنا ہے یوم دفاع ہمیں بہادر سپوتوں کی عظیم قربانیوں کی یاد دلاتا ہے ، عظیم قربانیوں کی لازوال مثالیں آئندہ نسلوں کیلئےمشعل راہ ہیں۔

    تفصیلات کے مطابق سربراہ پاک فضائیہ نے یومِ دفاع کے موقع پر اپنے پیغام میں کہا ہے بہادرسپوتوں نےبلاشبہ،جرأت و بہادری کے شاندار کارنامے سر انجام دیئے، یوم دفاع ہمیں بہادر سپوتوں کی عظیم قربانیوں کی یاد دلاتا ہے اور یہ عظیم قربانیوں کی لازوال مثالیں آئندہ نسلوں کیلئےمشعل راہ ہیں۔

    ایئرچیف مارشل سہیل امان نے کہا حصول آزادی سےاب تک پاک فضائیہ نےبیش بہا قربانیاں دی ہیں، بہادر سپوتوں نے پیشہ ورانہ مہارت سےدشمن کو منہ توڑ جواب دیا، قوم مادروطن کی خاطرجانیں نچھاور کرنے والوں کو سلام پیش کرتی ہے۔

    انکا کہنا تھا کہ ملک کودرپیش مشکلات اسی جذبہ قومیت کے احیاکی متقاضی ہیں، ہم سب یک جان ہو کر ان حالات کا مردانہ وار مقابلہ کرینگے، وطن عزیز کو ترقی کی شاہراہ پر لے کر چلیں گے۔

    سربراہ پاک فضائیہ نے کہا کہ یوم دفاع کے جذبے سے سرشار ہو کر آئیے ہم سب عہد کریں ، ملکی تعمیر و ترقی میں کوئی دقیقہ فروگزاشت نہیں کریں گے، ہم آزادی اور ملکی سالمیت کے تحفظ کے عزم کا اعادہ کرتے ہیں، پاکستان امن پسند ملک کے ناطے دنیا سے خوشگوار تعلقات پر یقین رکھتا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • پاک فضائیہ کے جنگی ہیرو ایئرمارشل انعام الحق انتقال کرگئے

    پاک فضائیہ کے جنگی ہیرو ایئرمارشل انعام الحق انتقال کرگئے

    راولپنڈی : پاک فضائیہ کے جنگی ہیرو ائیرمارشل ریٹائرڈ انعام الحق راولپنڈی میں انتقال کرگئے۔

    ترجمان پاک فضائیہ کے مطابق پاک فضائیہ کی 1965 اور 1971 کی جنگوں میں نمائندگی کرنے والےائیر مارشل ریٹائرڈ انعام الحق راولپنڈی میں انتقال کرگئے ہیں،وہ طویل عرصے سےعلیل تھے، ان کی عمر 90 برس تھی۔

    جنگی ہیرو ائیرمارشل انعام الحق خان مئی 1927 میں ہندوستان کے شہر پٹیالہ میں پیدا ہوئے، انہوں نے 1965 اور 1971 کی جنگوں میں نمایاں خدمات انجام دیں۔

    انعام الحق کو71کی جنگ میں گرانقدرخدمات پر ہلال جرأت سے نوازا گیا تھا جبکہ انہیں ستارہ امتیاز ملٹری، ہلال امتیاز ملٹری اور ہلال جرات سے بھی نوازا گیا۔

    ترجمان پاک فضائیہ کے مطابق ائیرمارشل ریٹائرڈ انعام الحق کی نماز جنازہ کل پی اے ایف بیس نور خان میں فوجی اعزاز کے ساتھ ادا کی جائے گی۔

    سربراہ پاک فضائیہ ائیرچیف مارشل سہیل امان نے مرحوم ائیرمارشل ریٹائرڈ انعام الحق کے انتقال پر اظہار افسوس کرتے ہوئے کہا کہ مرحوم ایئرمارشل انعام الحق کی خدمات کو یاد رکھا جائے گا۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • بھارتی ایئرچیف کی گیدڑ بھپکیاں، پاک فضائیہ کی تمام فارورڈآپریٹنگ بیسز کو آپریشنل کردیا گیا

    بھارتی ایئرچیف کی گیدڑ بھپکیاں، پاک فضائیہ کی تمام فارورڈآپریٹنگ بیسز کو آپریشنل کردیا گیا

    اسکردو : دشمن کے دانت کھٹے کرنے کیلئے پاک فضائیہ تیار ہے، بھارتی ایئرچیف کی گیدڑ بھپکیوں کے بعد پاک فضائیہ کی تمام فارورڈآپریٹنگ بیسز کو آپریشنل کردیا گیا۔

    تفصیلات کے مطابق برف کے دیوہیکل پہاڑوں پر جنگی طیاروں کی گھن گرج، فضا کا سینہ چیرتے ہوئے سیاچن کے قریب تربیتی پروازوں نے دشمن پر لرزہ طاری کردیا ہے، بھارتی ایئر چیف کی گیڈربھپکیوں کے بعد پاک فضائیہ کی تمام فارورڈ آپریٹنگ بیسز کو فعال کردیا گیا ہے۔

    بیسز پر معراج طیاروں نے مشقیں کیں۔

    ایئر چیف مارشل سہیل امان نے سیاچن محاذ کے قریب اسکردو میں فارورڈ ایئربیس کا دورہ کیا اور فارورڈ آپریشنل ایریا میں میراج طیارہ اڑا کر جنگی مشقوں میں حصہ بھی لیا پرواز کے بعد ایئرچیف نے میڈیا سے بات چیت کرتے ہوئے کہا کہ مشقیں موسم گرما کی معمول کی تیاریوں کا حصہ ہیں، پاک فضائیہ کی تیاریاں پورا سال جاری رہتی ہیں، ہمیں اپنی فوج کو بتانے کی ضرورت نہیں، شاید بھارت کو بتانا پڑتا ہوگا۔

    ایئرچیف نے کہا کہ ہماری فورسزتجربہ کار اورہمہ وقت آپریشنل رہتی ہیں، ہمیں کسی کی دھمکیوں کو خاطر میں لانے کی ضرورت نہیں، کسی نے مہم جوئی کی تو ہمارا جواب دشمن کی نسلیں یادرکھیں گی، ضرب عضب ہو یا ردالفساد فضائیہ نے بڑھ چڑھ کر حصہ لیا ، جے ایف 17 کی پیداوار 3گنا بڑھا چکے ہیں، جے ایف 17 میں جدید تقاضوں کےمطابق بہتری لائی گئی ہے۔

    سہیل امان کا کہنا تھا کہ ائیر ٹو ائیرری فیولنگ کی صلاحیت تمام جہازوں میں کردی ہے، ضروریات کے مطابق بہتری لارہے ہیں، فضائی نگرانی کیلئے ضروریات کےمطابق مختلف ممالک سے رابطےمیں ہیں، متاثرہ سیب طیاروں کو ورکنگ میں لےآئےہیں، جے ایف 17 کی مکمل 2سال میں اسٹڈی مکمل کرلی ہے۔

    فضائیہ کے مختلف جنگی جہازوں نے سیاچن کےقریب پروازیں کیں، پاک فضائیہ کا جوش و جذبہ دیکھ کر جہاں دشمن پر لرزہ طاری ہوا، وہیں جوانوں کے جوش و ولولے میں بھی اضافہ ہوا۔

    بھارتی ایئر چیف کی دھمکی

    یاد رہے کہ بھارتی فضائیہ کے سربراہ نے افسران کو مختصر نوٹس پر آپریشن کیلئے تیار رہنے کا حکم دیا تھا، بھارتی ایئر چیف نے ایئر ڈیفنس ونگ کے 12 ہزار افسران کو خط لکھا جس میں کہا گیا تھا کہ فضائیہ موجودہ سازوسامان کے ساتھ ہی حملے کیلئے تیار رہے، اس تیاری کا ہدف پاکستان ہوسکتا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • جھنگ: پاک فضائیہ کا میراج طیارہ گر کر تباہ

    جھنگ: پاک فضائیہ کا میراج طیارہ گر کر تباہ

    جھنگ:  پاک فضائیہ کا ایک اور طیارہ گر کر تباہ ہوگیا تاہم پائلٹ حادثے میں محفوظ رہا۔

    فضائیہ کے ایک ترجمان کے مطابق پاک فضائیہ کا میراج طیارہ معمول کی پرواز پر تھا کہ اچانک جھنگ میں اٹھارہ ہزاری کے قریب موضع بھٹیاں والا کے قریب طیارے میں تیکنیکی خرابی پیش آئی ، اور گر کر تباہ ہوگیا، ریسکیو ٹیموں نے جائے حادثہ پر پہنچ کر امدادی کارروائیاں شروع کردی ہے،

    ترجمان پاک فضائیہ کے مطابق اس حادثے میں پائلٹ محفوظ رہا جبکہ زمین پر بھی کسی قسم کا کوئی جانی اور مالی نقصان نہیں ہوا۔

    ترجمان کے مطابقاس حادثے کی وجوہات جاننے کیلئے ایئر ہیڈ کوارٹرز میں انکوائری بورڈ تشکیل دیدیا گیا ہے۔

    مزید پڑھیں : متنی کے قریب پاک فضائیہ کے تربیتی طیارے کی کریش لینڈ نگ،پائلٹ محفوظ

    یاد رہے گذشتہ ماہ کے آغاز میں پاک فضائیہ کا مشاق طیارہ تربیتی پرواز پر تھا کہ اچانک متنی کے علاقے میں طیارے میں تیکنیکی خرابی پیش آئی، جس پر پائلٹ نے طیارے کو مہارت سے کریش لینڈ کروایا۔

    کریش لینڈنگ سے طیارے کو جزوی نقصان پہنچا تاہم پائلٹ اس واقع میں محفوظ رہا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پاک فضائیہ کا اسکواڈرن نمبر9، رائل ایئرفورس اسکواڈرن جڑواں قرار

    پاک فضائیہ کا اسکواڈرن نمبر9، رائل ایئرفورس اسکواڈرن جڑواں قرار

    اسلام آباد: پاک فضائیہ کے شہرہ آفاق نمبر نو اسکواڈرن اور رائل فضائیہ کے نمبر نو اسکواڈرن کو جڑواں قرار دے دیا گیا۔

    تفصیلات کے مطابق پاکستان ایئرفورس بیس مصحف میرمیں ایک پروقارتقریب منعقد ہوئی، پاک فضائیہ کےشہرہ آفاق ملٹی رول نمبر نو اسکواڈرن کو رائل فضائیہ کے نمبر نواسکواڈرن کا جڑواں قرار دیدیا گیا، تقریب کے مہمان خصوصی رائل فضائیہ کے سربراہ ائیرچیف مارشل سر اسٹیفن جان ہیلیئرتھے، اس موقع پر سربراہ ائیر چیف مارشل سہیل امان بھی موجود تھے۔

    تقریب کے مہمان خصوصی رائل فضائیہ کے سربراہ اسٹیفن جان ہیلیئر نے خطاب کرتے ہوئے کہا کہ پاک فضائیہ ک دنیا میں عزت کی نگاہ سے دیکھا جاتا ہے، امید ظاہر کرتا ہو کہ اسکواڈرنز کی رفاقت قابلیت میں مزید بہتری لائے گی۔

    سربراہ پاک فضائیہ ائیرچیف مارشل سہیل امان نےاس موقع پر رائل پاکستان ائیرفورس کے چاربرطانوی سربراہوں کی نوآموز فضائیہ کی بنیاد رکھنے میں انکی کاوشوں پر روشنی ڈالی اور کہا دونوں نمبر9 اسکواڈرنز شاندارتاریخ کے حامل ہیں، پاک فضائیہ کو مؤثرفضائی قوت بنانے کی ہرممکن کوشش کی ہے ، جس کے مثبت نتائج حآصل ہوئے ہیں۔

    ایئر چیف مارشل سہیل امان کا مزید کہنا تھا کہ پاک فضائیہ کو قابل کمانڈرز نے دنیا کی بہترین فضائی فورسز میں لاکھڑا کیا ہے۔

    تقریب کے دوران سربراہ رائل فضائیہ نےچار F-16 طیاروں کی فارمیشن کا فلائی پاسٹ دیکھا کر لطف اندوز ہوئے، F-16 طیارے نے ائیروبیٹکس نے شاندار مظاہرہ پیش کیا، دونوں فضائیہ کے سربراہان نے 2 مختلف طیاروں میں فلائنگ مشن میں حصہ لیا۔

    ایئرفورس کیڈٹس کی پاسنگ آؤٹ تقریب میں‌ برطانوی ایئرچیف مارشل کی شرکت

    یاد رہے کہ گذشتہ روز رسالپور میں پی اے ایف اکیڈمی اصغرخان میں کیڈٹس کی پاسنگ آؤٹ پریڈ کی تقریب میں برطانوی ایئرچیف مارشل نے خصوصی شرکت کی تھی۔

    تقریب سے خطاب کرتے ہوئے برطانوی ایئر چیف نے کہا تھا کہ پاکستانی فورسزمختلف آپریشنز میں مصروف ہیں، بین الاقومی تعلقات کے حوالے سے ان کا کہنا تھا کہ برطانیہ کے پاکستان کے ساتھ ہمیشہ محفوظ تعلقات رہے ہیں۔