Tag: Pahalgam

(19 اگست 2025): بھارتی ریاست اتر پردیش میں آپریشن سندور میں حصہ لینے والے فوجی اہلکار کی ٹول پلازہ پر عملے نے پٹائی کر دی۔

انڈین میڈیا کے مطابق اتر پردیش کے شہر میرٹھ کے رہائشی بھارتی فوجی اہلکار کی شناخت کپل کے نام سے ہوئی جس نے آپریشن سندور میں حصہ لیا تھا۔

فوجی اہلکار کپل اپنے کزن شیوم کے ساتھ گاڑی میں دہلی جا رہا تھا۔ اس نے میرٹھ ٹول پلازہ پر عملے کو بتایا کہ وہ آرمی ہے لہٰذا اسے جانے دیا جائے۔

یہ بھی پڑھیں: بھارتی فوج کا بٹالین سطح پر ڈرونز کو مستقل ہتھیار بنانے کا فیصلہ

اس دوران کپل اور ٹول پلازہ کے عملے کے درمیان تلخ کلامی ہوئی۔ عملے نے فوجی اہلکار کا شناختی کارڈ اور موبائل فون چھین لیا، اسے پول سے باندھ کر تشدد کا نشانہ بنایا۔ جب اس کے کزن شیوم نے مداخلت کرنے کی کوشش کی تو اس پر بھی حملہ کیا گیا۔

واقعے کی ویڈیو سوشل میڈیا پلیت فارم پر تیزی سے وائرل ہو رہی ہے۔

نیشنل ہائی ویز اتھارٹی آف انڈیا (این ایچ اے آئی) نے کارروائی کرتے ہوئے ٹول پلازہ کی انتظامیہ ایجنسی پر 20 لاکھ روپے کا جرمانہ عائد کیا جبکہ معاہدہ بھی ختم کر دیا۔

این ایچ اے آئی نے اپنے بیان میں کہا کہ ٹول پلازہ پر تعینات عملے نے فوجی اہلکار کے ساتھ بدسلوکی کی، ایجنسی پر 20 لاکھ روپے کا جرمانہ عائد کیا ہے۔

انڈین میڈیا نے بتایا کہ واقعہ اتوار کی شب پیش آیا، فوجی اہلکار کپل نے پریشن سندور میں حصہ لیا تھا۔

امریکی صدر ڈونلڈ ٹرمپ کے جنگ بندی کروانے کے دعوے پر خاموش بھارتی وزیر اعطم نریندر مودی کو اپوزیشن رہنماؤں نے آڑے ہاتھوں لے لیا۔

کانگریس رہنما پون کھیرا نے حالیہ پریس کانفرنس میں نریندر مودی پر سوالات کی بوچھاڑ کر دی۔ انہوں نے کہا کہ ساری عوام مودی سے آپریشن سندور کی ناکامی پر سوال کر رہی ہے مگر کوئی جواب نہیں۔

پون کھیرا نے کہا کہ مودی سرکار سے جو بھی سوال کرتا ہے اسے پاکستان کا حامی قرار دے دیا جاتا ہے، آپریشن سندور میں مودی تنہا جبکہ پاکستان کی حمایت میں ترکیہ، چین اور آذربائیجان سب ہیں۔

کانگریس رہنما نے کہا کہ مودی سرکار کے آپریشن سندور کے بعد بہادری کے دعوے دھرے کے دھرے رہ گئے، کہیں مودی نے ڈونلڈ ٹرمپ کو آنکھ اٹھا کر جواب نہیں دیا، ان کا نام نریندر اور کام سرینڈر ہے۔

یہ بھی پڑھیں: مودی نے ٹرمپ کی ایک کال پر ہتھیار ڈال دیے، راہول گاندھی

انہوں نے مزید کہا کہ یہ مودی کی حقیقت ہے جو 11 برس سے اس ملک کی باگ ڈور سنبھالے بیٹھا ہے، بی جے پی حامیوں نے مقدر کا سکندر سمجھا، 11 سال بعد فلم نکلی تو نکلا نریندر کا سرینڈر، عوام بزدل مودی سے تنگ ہوگئے ہیں، اس کی وجہ سے ملک کا مستقبل خطرے میں ہے۔

چند روز قبل پون کھیرا نے نریندر مودی کی ناکامی سے متعلق بیان میں کہا تھا کہ آپ کی خارجہ پالیسی کہاں ہے؟ پاکستان تو عالمی سطح پر کامیابیاں سمیٹ رہا ہے۔

انہوں نے کہا تھا کہ کویت نے پاکستان پر ویزا پابندیاں ختم کر دیں جبکہ کولمبیا پاکستان کے ساتھ کھڑا ہے، بتائیں کون سا ملک آج بھارت کے ساتھ کھڑا ہے؟

ان کا کہنا تھا کہ بھارت کیلیے یہ افسوسناک لمحہ ہے روس بھی اب پاکستان کے ساتھ معاہدے کر رہا ہے، بھارت کے قریبی دوست روس نے پاکستان سے 2.6 بلین کے معاہدے پر دستخط کیے۔

’آپریشن سندور کے بعد کویت، ایران و دیگر گلف ممالک بھی پاکستان سے معاہدے طے کر رہے ہیں۔ چین اور روس پاکستان کے ساتھ کھڑے ہیں، امریکا بھی بھارت کو دھمکا رہا ہے یہ حقیقت ہے نریندر مودی کی خارجہ پالیسی کی۔‘

سینئر کانگریس رہنما نے کہا تھا کہ نریندر مودی کی خارجہ پالیسی یا ملکی سکیورٹی پر سوال اٹھاؤ تو غدار قرار دے دیا جاتا ہے، بھارت کی سفارتی اور خارجہ پالیسی پر سوال اٹھ رہے ہیں جو کہ اٹھنے چاہئیں۔

امریکا کے دارالحکومت واشنگٹن میں سکھوں نے پاکستان کی حمایت میں نہ صرف بھارتی ترنگا روندا بلکہ وفد کا راستہ بھی روک لیا۔

پاکستان خالصتان اتحاد بھارتی پروپیگنڈے کا منہ توڑ جواب دے رہا ہے، پاکستان کی حمایت میں سکھ فار جسٹس نے واشنگٹن میں بھارتی وفد سے سامنا کیا۔ خالصتان ریفرنڈم کے کارکنان نے پریس کلب میں ششی تھرور کے قافلے کو روکا، انہوں نے ’ٹوٹے ہندوستان‘ کے نعرے بلند کیے۔

 

View this post on Instagram

 

A post shared by Sikhs For Justice (@sikhsforjustice)

اس بارے میں رہنما سکھ فار جسٹس گرپتونت سنگھ پنوں نے کہا کہ سکھ فار جسٹس پاکستان کے ساتھ کھڑی ہے، ہر عالمی فورم پر بھارتی وفد کے مذموم ایجنڈے کا مقابلہ کرتے رہیں گے۔

گرپتونت سنگھ پنوں نے کہا کہ بھارتی ریاستی اقدامات جہاں بھی سامنے آئیں گے ان کا براہ راست سامنا کیا جائے گا۔

سکھ تنظیموں نے جی 7 اجلاس میں کینیڈین حکومت سے بھارتی وزیر اعظم نریندر مودی کو مدعو نہ کرنے کا مطالبہ کر رکھا ہے۔

سی بی سی نیوز کی رپورٹ کے مطابق کینیڈا جی 7 کے رہنماؤں کی میزبانی کر رہا ہے، اجلاس میں فرانس، برطانیہ، جرمنی، اٹلی، جاپان، امریکا اور یورپی کمیشن کے صدور شامل ہیں۔

رپورٹ کے مطابق ٹورنٹو کی سکھ فیڈریشن کا مؤقف ہے نریندر مودی کو مدعو کرنا درست نہیں ہے، جب تک بھارت کینیڈا میں مجرمانہ تحقیقات میں تعاون نہیں کرتا اسے مدعو نہ کیا جائے۔

کینیڈین حکومت ہردیب سنگھ نجر کے قتل کا الزام بھارت کی خفیہ ایجنسی را پر عائد کر چکی ہے۔ سکھ تنظیمیں نے کہنا ہے کہ انسانی حقوق کے مسائل کو اقتصادی مفادات پر ترجیح دی جانی چاہیے۔

سکھ تنظیموں کا اقتصادی مفادات پر بیان کینیڈین وزیر خارجہ انیتا آنند کا بھارتی ہم منصب سے ملاقات کے بعد سامنے آیا۔ سی بی سی نیوز کے مطابق وزیر خارجہ انیتا آنند نے بھارتی ہم منصب سے ملاقات میں اقتصادی تعاون بڑھانے پر بات کی۔

بھارت میں اپوزیشن جماعت کانگریس کے رہنما راہول گاندھی نے الزام عائد کیا ہے کہ وزیر اعظم نریندر مودی نے پاکستان کے ساتھ کشیدگی کے دوران امریکی صدر ڈونلڈ ٹرمپ کی ایک کال پر ہتھیار ڈال دیے۔

انڈین میڈیا کے مطابق بھوپال میں پارٹی کنونشن سے خطاب کرتے ہوئے راہول گاندھی نے کہا کہ ٹرمپ کی طرف سے کال آئی اور مودی نے فوراً ہتھیار ڈال دیے، تاریخ گواہ ہے یہ بی جے پی اور آر ایس ایس کا کردار ہے کہ وہ ہمیشہ سر جھکاتے ہیں۔

راہول گاندھی نے کہا کہ کانگریس کے ببر شیر اور شیرنی سپر پاور سے لڑتے ہیں لیکن کبھی نہیں جھکے، بی جے پی اور آر ایس ایس آزادی کے بعد سے ہتھیار ڈالنے کے عادی ہیں۔

یہ بھی پڑھیں: انیل چوہان کا اعترافی بیان مودی کے گلے کی ہڈی بن گیا

’یہ ان کا کردار ہے۔ یہ سب ایک جیسے ہیں۔ انہیں آزادی کے وقت سے ہی ہتھیار ڈالنے کی عادت ہے لیکن کانگریس کبھی ہتھیار نہیں ڈالتی۔ مہاتما گاندھی، جواہر لال نہرو اور ولبھ پٹیل نے کبھی ہتھیار نہیں ڈالے بلکہ سپر پاور کے خلاف لڑے۔‘

کانگریس رہنما نے کہا کہ بھارت میں نظریے کی جنگ ہے، ایک طرف کانگریس اور آئین ہے جبکہ دوسری طرف بی جے پی اور آر ایس ایس ہیں جو آئین کو نہیں مانتے اور اسے تباہ کرنا چاہتے ہیں۔

انہوں نے الزام لگایا کہ بی جے پی اور آر ایس ایس نے بھارت کے تمام اداروں پر قبضہ کر لیا ہے اور اپنے لوگوں کو ان اداروں میں بٹھا دیا ہے۔

’یہ لوگ آہستہ آہستہ ملک کا گلا گھونٹ رہے ہیں۔ پہلی جنگ آئین کی ہے۔ ایک طرف کانگریس اور اس کا نظریہ ہے جبکہ دوسری طرف آر ایس ایس آئین کے خلاف کھڑی ہے۔‘

راہول گاندھی نے کہا کہ بھارت میں سماجی انصاف کیلیے بھی جنگ چل رہی ہے، کانگریس سماجی انصاف کیلیے کسی بھی دباؤ کے سامنے آئے بغیر لڑے گی۔