پنجاب کے صوبائی وزیر برائے اقلیتی امور سردار رامیش سنگھ اروڑا کا سکھوں کیلئے اہم ویڈیو پیغام جاری کردیا۔
صوبائی وزیر رامیش سنگھ نے کہا کہ جنگ کے پیچھے میں مودی سرکار کی اصل سازش بے نقاب ہو چکی ہے کیونکہ آر ایس ایس اور شیو شینا کی سوچ نے بھارت کو اقلیتوں کے لیے جہنم بنا دیا ہے۔
رامیش سنگھ نے کہا کہ اگر آج سکھ خاموش رہے، تو کل اُن کا وہی حال ہوگا جو گجرات کے مسلمانوں کا 2002 میں ہوا تھا۔
انہوں نے دنیا بھر میں بسنے والےسکھوں کا شکریہ ادا کرتے ہوئے کہا سکھ سنگت پاکستان کے ساتھ چٹان کی طرح کھڑی ہے، اور اس کا دفاع کرنے کیلئے سامنے آئی گئی۔
پاک بھارت کشیدگی سے متعلق تمام خبریں
ان کا کہنا تھا کہ 22 اپریل کو پہلگام واقعہ قابل مذمت ہے اور پاکستانی حکومت نے بھی اس کی مذمت کی ہے، پاکستانی وزیراعظم نے شفاف تحقیقات کرنے کا مطالبہ کرتے ہوئے تعاون کی پیشکش بھی کی لیکن آر ایس ایس کی سوچ نے بغیر سوچے سمجھے پاکستان پر الزام لگانا شروع کیا اس کے بعد جنگ شروع کی۔
رامیش سنگھ نے کہا کہ ہم نے بار بار روکا جنگ حل نہیں امن ہونا چاہیے ،مودی سرکار نے ہماری سوچ کو کمزوری سمجھ کر حملہ کیا اور 6 اور 7 مئی کو مسجدوں اور نہتے سویلین کو نشانہ بنایا ، ننکانہ صاحب پر حملہ کیا اور اگلی رات امرتسر پر حملہ کیا تاکہ سکھوں کو یہ بتایا جائے پاکستان نہ تو ننکانہ صاحب کو بچا سکے اور امرتسر پر بھی حملہ کیا ، ان کا منصوبہ یہ تھا کہ سکھوں کو کسی طریقے سے پاکستان سے دور کیا جاسکے لیکن ہم ماضی میں سکھوں کے ساتھ ہونے والی خونریزی کو نہیں بھولے۔
انہوں نے مزید کہا کہ ہمیں اپنا اتحاد دکھا کر ایک ہونے کہ ضرورت ہے۔
