Tag: Pahalgam

وزیر دفاع خواجہ آصف کا کہنا ہے کہ بھارت سے بات چیت میں کشمیر کا مسئلہ زیر غور آئے گا۔

پاک بھارت جنگ بندی پر وزیر دفاع خواجہ آصف کا کہنا ہے کہ بھارت سے سندھ طاس معاہدے، دہششت گردی کے مسئلے پر بھی بات ہوگی۔

ان کا کہنا تھا کہ بھارت کے طاقت کا غرورخاک میں مل گیا ہے، شاید وہ ہم سے اس جواب کی توقع نہیں کررہا تھا، بھارت کو جوش فہمی ہوگئی تھی اب ضرور اس پر نظرثانی کریں گے۔

وزیر دفاع نے کہا کہ بھارت کا خیال تھا کہ پاکستان کو رگڑا دے کر اپنی شرائط پر لائیں گے، انہیں بار بار پہلگام واقعے کی تحقیقات اور ثبوت دینے کا کہتے رہے، پہلگام واقعے کی تحقیقات پر سارے ممالک ہمارے موقف کی حمایت کررہے تھے۔

پاک بھارت کشیدگی سے متعلق تمام خبریں

خواجہ آصف کا کہنا تھا کہ اس سارے معاملے پر بھارت کی ساکھ پر سوال آچکا ہے، دنیا کہہ رہی ہے کہ بھارت کی ملٹری اسسٹمنٹ ناکام ثابت ہوئی۔

ان کا کہنا تھا کہ آذر بائیجان، ترکیہ، چین نے واضح طور پر پاکستان کا ساتھ دیا، دیگر برادر ممالک نے بھی پاکستان کے لیے کردار ادا کیا، ہم جنگ کا مومنٹم بڑھا سکتے تھے لیکن ہم نے بریک لگانے والی آپشن سامنے رکھی۔

وزیر دفاع نے مزید کہا کہ بات چیت ہوگی تو اس سے راستے نکلیں گے۔

وزیراعظم شہباز شریف کا کہنا ہے کہ ہم نے خطے میں امن و استحکام کے مفاد میں فیصلہ کیا ہے۔

وزیراعظم شہباز شریف نے خطے میں امن کے لیے کردار ادا کرنے پر امریکی صدر ٹرمپ سے اظہار تشکر کیا اور کہا کہ خطے میں امن و سلامتی کے لیے امریکا کے کردار کو سراہتے ہیں۔

انہوں نے کہا کہ امریکی نائب صدر، سیکریٹری خارجہ کی امن کی کاوشوں کو سراہتے ہیں۔

پاک بھارت کشیدگی سے متعلق تمام خبریں

شہباز شریف نے کہا کہ یقین ہے یہ خطے میں مسائل کے حل کی جانب نئی شروعات ہے، یہ اقدام خطے میں امن، خوشحالی اور استحکام کے سفر کی نشاندہی کرتا ہے۔

علاوہ ازیں وزیراعظم شہباز شریف کچھ دیر بعد قوم سے خطاب کریں گے وہ بھارتی جارحیت اور ردعمل پر قوم کو اعتماد میں لیں گے۔

شہباز شریف پاک فوج اور فضائیہ کی کارکردگی کو خراج تحسین پیش کریں گے۔

ذرائع کا کہنا ہے کہ پاک بھارت کشیدگی میں امریکی ثالثی کا تذکرہ وزیراعظم کے خطاب کا حصہ ہوگا، شہباز شریف خطاب میں پاک فوج کی کامیابیوں کا تذکرہ کریں گے۔

سینیٹر فیصل واوڈا کا کہنا ہے کہ پاک فضائیہ نے دنیا بھر میں بھارتی فضائیہ کو شرمندہ کردیا۔

اے آر وائی نیوز سے خصوصی گفتگو کرتے ہوئے سینیٹر فیصل واوڈا نے کہا کہ آج پاکستان، پاک فوج، آرمی چیف اور ہماری عوام کی فتح ہوئی ہے، عالمی سطح پر پاکستان کی فضائی طاقت کی فتح ہوئی، سفارتی سطح پر بھی کامیابی ہوئی۔

فیصل واوڈا نے کہا کہ کہا تھا کہ قابل آرمی چیف ہیں جس کا ثبوت آج سامنے آچکا ہے، فضائی سطح پر ہماری کامیابی ایسی ہے کہ دنیا تعریف کررہی ہے۔

انہوں نے کہا کہ ماضی میں جو کئی ہفتے میں حاصل نہیں کرسکتے تھے اب ہم نے گھنٹوں میں حاصل کیا، آج بھارت سمیت پوری دنیا کو پیغام گیا ہے کہ ہماری فوج مکمل طور پر تیار ہے، پاک فضائیہ کو سلام پیش کرتا ہوں۔

پاک بھارت کشیدگی سے متعلق تمام خبریں

سابق وفاقی وزیر فضائی سطح پر ہماری کامیابی ایسی ہے کہ دنیا تعریف کررہی ہے، پاک فضائیہ نے بھارتی فضائیہ نے بھارتی فضائیہ کی دھجیاں اڑا دی ہیں، جنگ کسی کے لیے بہتر نہیں تکلیف اور نقصان سب کا ہوتا ہے۔

فیصل واوڈا کا کہنا تھا بھارت کے تکبر کو خاک میں ملا دیا ہے ہمیشہ یاد رکھے گا، بھارتی میڈیا کو منہ توڑ جواب دینے پر پاکستانی میڈیا کو بھی سلام پیش کرتا ہوں۔

ان کا کہنا تھا کہ قوم کو مبارک باد پیش کرتا ہوں کہ سب ایک ہیں اور پاک فوج کے ساتھ ہیں۔