Tag: Pahalgam

نئی دہلی: مودی سرکار نے چیف آف ڈیفنس اسٹاف (سی ڈی ایس) جنرل انیل چوہان کے اعترافی بیان پر اپوزیشن جماعتوں کے مطالبے پر پارلیمنٹ کا خصوصی اجلاس بلانے سے انکار کر دیا۔

انڈین میڈیا کے مطابق حکومتی ذرائع نے بتایا کہ پارلیمنٹ کا خصوصی اجلاس طلب کرنے کا کوئی ارادہ نہیں جبکہ مون سون سیشن جولائی میں پہلے ہی شیڈول ہے۔

سینئر بھارتی حکومتی عہدیدار نے بتایا کہ اس وقت پارلیمنٹ کا خصوصی اجلاس طلب کرنے کا کوئی جواز نہیں ہے، اپوزیشن میں خود اس معاملے پر اتفاق رائے کا فقدان ہے۔

یہ بھی پڑھیں: بھارتی چیف آف ڈیفنس کا پاکستان ایئر فورس کے ہاتھوں طیاروں کی تباہی کا اعتراف

کانگریس صدر ملکارجن کھرگے و دیگر اپوزیشن رہنماؤں نے مودی سرکار سے مطالبہ کیا ہے کہ وہ فوجی آپریشن سندور پر اپوزیشن جماعتوں کو اعتماد میں لے۔

واضح رہے کہ سنگاپور میں ایک سربراہی اجلاس کے موقع پر بلومبرگ کو دیے گئے انٹرویو میں سی ڈی ایس انیل چوہان نے اعتراف کیا کہ آپریشن سندور کے دوران پاکستان نے بھارت کے جنگ طیاروں کو مار گرایا تھا۔

انیل چوہان کے اس انکشاف کے بعد کانگریس نے مودی سرکار پر عوام کو گمراہ کرنے کا الزام لگایا۔ کانگریس کے کمیونیکیشن انچارج جے رام رمیش نے کہا کہ وزیر دفاع راج ناتھ سنگھ کو آپریشن سندور کے بعد ہونے والی آل پارٹی میٹنگ میں نقصانات کے بارے میں آگاہ کرنا چاہیے تھا۔

کانگریس، ترنمول کانگریس، ڈی ایم کے، آر جے ڈی، بائیں بازو کی جماعتوں، سماج وادی پارٹی اور انڈین یونین مسلم لیگ نے آپریشن سندور کے بعد قومی سلامتی، حکمت عملی اور غیر ملکی مداخلت کے خدشات کو حل کرنے کیلیے پارلیمنٹ کا خصوصی اجلاس طلب کر رکھا ہے۔

اپوزیشن جماعتیں مودی سرکار پر دباؤ بڑھانے کیلیے اراکین پارلیمنٹ کے دستخط بھی لے رہی ہے تاہم اس کو ایک قراردار کی شکل میں پیش کیا جا سکے۔

سابق بھارتی پروفیسر و ماہر معاشیات ارون کمار نے مودی سرکار کے اس جھوٹ کو دنیا کے سامنے بے نقاب کر دیا کہ بھارت معاشی ترقی میں جاپان سے آگے نکل گیا ہے۔

بھارتی معیشت اور جی ڈی پی کے حوالے سے مودی سرکار کے دعوے اصل میں کھوکھلے ثابت ہوئے۔ ماہر معاشیات ارون کمار نے کرن تھاپر کے انٹرویو میں بھارت کی معاشی ترقی سے متعلق خدشات کا اظہار کیا۔

ارون کمار نے بتایا کہ مودی سرکار جی ڈی پی کے اعداد و شمار کو بڑھا چڑھا کرپیش کر رہی ہے، بھارتی حکومت جو اعداد و شمار پیش کر رہی ہے وہ حقائق اس کے برعکس ہیں۔

یہ بھی پڑھیں: مودی سرکار کی ووٹ کیلیے جھوٹ کی سیاست بے نقاب ہوگئی

انہوں نے بتایا کہ مودی سرکار کے مطابق بھارت کا جی ڈی پی جاپان کے برابر یا اس سے آگے نکل رہا ہے لیکن بھارتی عوام کی فی کس آمدنی کو مدنظر رکھا جائے تو اب بھی جاپان کے مقابلے میں بھارت 13 گنا پیچھے ہے۔

ان کا کہنا تھا کہ فی کس آمدنی کسی بھی ملک میں عوام کی خوشحالی اور معیار زندگی کی اصل عکاسی کرتی ہے، حکومتی اعداد و شمار بھارتی معیشت کے سائز کو بڑھا چڑھا کر پیش کرتے ہیں، بھارت میں بے روزگاری کی شرح سرکاری اعداد و شمار میں کم دکھائی جاتی ہے۔

’بین الاقوامی ادارے بھارت میں بے روزگاری کی اصل شرح کہیں زیادہ بتاتے ہیں۔ بھارت میں لیبر فورس کی شراکت کی شرح عالمی معیار کے مقابلے میں بہت کم ہے۔ ٹیکنالوجی اور تحقیق و ترقی کے میدان میں بھارت اب بھی ترقی یافتہ ممالک سے کوسوں دور ہے۔‘

ارون کمار نے بتایا کہ محض جی ڈی پی کا بڑھ جانا ترقی کی علامت نہیں بلکہ حقیقی ترقی کا انحصار صحت، تعلیم اور سماجی بہبود پر ہے، بھارتی معاشی ترقی کی شرح حقیقت میں صرف دو فیصد ہے، بھارتی معیشت سے متعلق سرکاری دعوے مبالغہ آمیز ہیں۔

بھارت کی اپوزیشن جماعت کانگریس کے سینئر رہنما پون کھیرا نے ناکام خارجہ پالیسی پر وزیر اعظم نریندر مودی کو آئینہ دکھا دیا۔

چیئرمین انڈین نیشنل کانگریس برائے میڈیا اینڈ پبلک سٹی ڈپارٹمنٹ پون کھیرا نے نریندر مودی کی ناکامی سے متعلق بیان میں کہا کہ آپ کی خارجہ پالیسی کہاں ہے؟ پاکستان تو عالمی سطح پر کامیابیاں سمیٹ رہا ہے۔

پون کھیرا نے کہا کہ کویت نے پاکستان پر ویزا پابندیاں ختم کر دیں جبکہ کولمبیا پاکستان کے ساتھ کھڑا ہے، بتائیں کون سا ملک آج بھارت کے ساتھ کھڑا ہے؟

انہوں نے کہا کہ بھارت کیلیے یہ افسوسناک لمحہ ہے روس بھی اب پاکستان کے ساتھ معاہدے کر رہا ہے، بھارت کے قریبی دوست روس نے پاکستان سے 2.6 بلین کے معاہدے پر دستخط کیے۔

یہ بھی پڑھیں: سکھ تنظیموں کا کینیڈا سے جی 7 اجلاس میں مودی کو مدعو نہ کرنے کا مطالبہ

’آپریشن سندور کے بعد کویت، ایران و دیگر گلف ممالک بھی پاکستان سے معاہدے طے کر رہے ہیں۔ چین اور روس پاکستان کے ساتھ کھڑے ہیں، امریکا بھی بھارت کو دھمکا رہا ہے یہ حقیقت ہے نریندر مودی کی خارجہ پالیسی کی۔‘

سینئر کانگریس رہنما نے کہا کہ نریندر مودی کی خارجہ پالیسی یا ملکی سکیورٹی پر سوال اٹھاؤ تو غدار قرار دے دیا جاتا ہے، بھارت کی سفارتی اور خارجہ پالیسی پر سوال اٹھ رہے ہیں جو کہ اٹھنے چاہئیں۔

سکھ تنظیموں نے جی 7 اجلاس میں کینیڈین حکومت سے بھارتی وزیر اعظم نریندر مودی کو مدعو نہ کرنے کا مطالبہ کر دیا۔

بھارتی حکومت کی سکھوں کے خلاف ٹارگٹ کلنگ پر کینیڈین سکھ برادری کا بڑا مطالبہ سامنے آگیا۔ کینیڈا کی سکھ تنظیموں نے حکومت سے مطالبہ کیا ہے کہ نریندر مودی کو جی 7 اجلاس میں مدعو نہ کیا جائے۔

سی بی سی نیوز کی رپورٹ کے مطابق کینیڈا جی 7 کے رہنماؤں کی میزبانی کر رہا ہے، اجلاس میں فرانس، برطانیہ، جرمنی، اٹلی، جاپان، امریکا اور یورپی کمیشن کے صدور شامل ہیں۔

رپورٹ کے مطابق ٹورنٹو کی سکھ فیڈریشن کا مؤقف ہے نریندر مودی کو مدعو کرنا درست نہیں ہے، جب تک بھارت کینیڈا میں مجرمانہ تحقیقات میں تعاون نہیں کرتا اسے مدعو نہ کیا جائے۔

کینیڈین حکومت ہردیب سنگھ نجر کے قتل کا الزام بھارت کی خفیہ ایجنسی را پر عائد کر چکی ہے۔ سکھ تنظیمیں نے کہنا ہے کہ انسانی حقوق کے مسائل کو اقتصادی مفادات پر ترجیح دی جانی چاہیے۔

سکھ تنظیموں کا اقتصادی مفادات پر بیان کینیڈین وزیر خارجہ انیتا آنند کا بھارتی ہم منصب سے ملاقات کے بعد سامنے آیا۔ سی بی سی نیوز کے مطابق وزیر خارجہ انیتا آنند نے بھارتی ہم منصب سے ملاقات میں اقتصادی تعاون بڑھانے پر بات کی۔

نئی دہلی: کانگریس نے امریکی صدر ڈونلڈ ٹرمپ کے پاکستان اور انڈیا کے درمیان جنگ بندی کروانے کے دعوے پر ایک بار پھر وزیر اعظم نریندر مودی کی خاموشی پر تشویش کا اظہار کر دیا۔

انڈین میڈیا کے مطابق سوشل میڈیا پلیٹ فارم ایکس پر کانگریس کے جنرل سکریٹری جیرام رمیش نے ڈونلڈ ٹرمپ کا حالیہ ویڈیو کلپ شیئر کرتے ہوئے لکھا کہ یہ 21 دنوں میں 11ویں بار ہے جب نریندر مودی کے ’عظیم دوست‘ نے دعویٰ کیا کہ ان کا پاکستان اور انڈیا کے مابین جنگ بندی کروانا کا کردار ہے۔

جیرام رمیش نے نریندر مودی سے سوال کیا کہ وہ اس پر کب خاموشی توڑیں گے؟

This is 11th time in 21 days that PM @narendramodi’s great friend and American President Donald Trump has made claims about how the ceasefire with Pakistan took place. When will the PM speak up? https://t.co/w1zPvReTWR

— Jairam Ramesh (@Jairam_Ramesh) May 31, 2025

اس سے قبل جیرام رمیش نے ایکس پر لکھا تھا کہ 3 ممالک اور 3 شہروں میں یہ 20 دن میں 9واں موقع ہے جب ڈونلڈ ٹرمپ نے دہرا یا کہ انہوں نے پاکستان اور انڈیا میں جنگ کو روکا۔

انہوں نے کہا کہ امریکی صدر کے سکریٹری نے 23 مئی کو نیو یارک میں بین الاقوامی تجارت کی عدالت میں بالکل وہی دعوے کیے تھے۔

’لیکن ڈونلڈ بھائی کے دوست نریندر مودی ان دعووں کو نظر انداز کرتے ہوئے بالکل خاموش ہیں، وہ کیوں نہیں بولتے؟ کیا ڈونلڈ ٹرمپ بھی وہ کام کر رہے ہیں جو مودی ہر وقت اور اتنے اچھے طریقے سے کرتے ہیں یعنی جھوٹ بول رہے ہیں؟ یا وہ بھی صرف 50 فیصد سچ بول رہے ہیں؟‘

یاد رہے کہ کانگریس مرکزی حکومت پر زور دے رہی ہے کہ وہ امریکی صدر ڈونلڈ ٹرمپ کے دعووں پر وضاحت پیش کرے۔