پہلگام کے واقعے کے بعد بھارت اور پاکستان کے تعلقات میں ایک بار پھر کشیدگی دیکھی گئی۔ بھارت نے الزام لگایا کہ اس واقعے میں پاکستان میں موجود عسکریت پسند گروہوں کا ہاتھ ہے، جبکہ پاکستان نے ان الزامات کو سختی سے مسترد کیا۔ بھارتی میڈیا اور حکومت کی جانب سے سخت بیانات سامنے آئے، جس سے دونوں ملکوں کے درمیان سفارتی رابطے متاثر ہوئے۔
پاکستان نے بھارت کی جانب سے لگائے گئے الزامات کو بے بنیاد قرار دیتے ہوئے عالمی برادری سے اپیل کی کہ وہ خطے میں امن کے لیے بھارت پر دباؤ ڈالے۔ پاکستان نے کہا کہ وہ خود دہشت گردی کا شکار ہے اور ہر قسم کی دہشت گردی کی مذمت کرتا ہے۔ اس کے علاوہ، پاکستان نے اقوام متحدہ اور دیگر بین الاقوامی اداروں سے رابطہ کر کے کشمیر کے مسئلے کو اجاگر کرنے کی کوشش کی۔
دونوں ممالک کی سرحدوں پر فوجی نقل و حرکت میں اضافہ دیکھنے میں آیا اور لائن آف کنٹرول (LOC) پر جھڑپوں کی اطلاعات بھی موصول ہوئیں۔ عوامی سطح پر بھی دونوں ملکوں میں تناؤ بڑھ گیا، جس سے ثقافتی اور تجارتی تبادلے متاثر ہوئے۔ اگرچہ کچھ بین الاقوامی قوتوں نے کشیدگی کم کرنے کی کوشش کی، مگر مستقل حل کی کوئی صورت نظر نہیں آئی۔ اس واقعے نے ایک بار پھر ثابت کیا کہ کشمیر کا مسئلہ دونوں ممالک کے تعلقات میں بنیادی رکاوٹ ہے
اسلام آباد: پاکستانی سائبر ٹیم نے بھارت کا ملٹری سیٹلائٹ جیم کر دیا ہے، جب کہ دہلی میں پاکستانی ڈرونز کی پروازیں کئی گھنٹوں سے جاری ہیں۔
تفصیلات کے مطابق بھارت کا ملٹری سیٹلائٹ جیم کر دیا گیا ہے، سائبر حملے میں بھارت کا ملٹری سیٹلائٹ ناکارہ ہو گیا ہے، جب کہ پچھلے کئی گھنٹوں سے دہلی میں پاکستانی ڈرونز کی پروازیں بھی جاری ہیں، جس سے بھارتی شہریوں میں خوف و ہراس پھیل گیا ہے، مودی کی ریاست گجرات میں بھی پاکستانی ڈرونز کی 3 گھنٹے سے پروازیں جاری ہیں۔
پی اے ایف سائبر ٹیم نے شان دار کارنامہ سرانجام دیتے ہوئے جموں و کشمیر میں بھارتی ایئر فورس کی نارتھ ایئر کمانڈ پر سائبر حملے کیے ہیں، ٹیم نے بھارتی فضائیہ کا سائبر نیٹ ورک مسلسل ڈاؤن کر دیا ہے۔ ادھر بھارتی وزیر اعظم اور بی جے پی کی آفیشل ویب سائٹ بھی ہیک کر لی گئی ہے۔
آپریشن بُنۡیَانٌ مَّرْصُوْص
واضح رہے کہ پاکستان کی بھارتی جارحیت کے خلاف جوابی کارروائی جاری ہے، پاکستان کی جانب سے نماز فجر کے وقت آپریشن ’بُنۡیَانٌ مَّرْصُوْص‘ کا آغاز کیا گیا، آپریشن میں پاک فوج نے بھارت کے علاقے بیاس میں براہموس میزائل اسٹوریج سائٹ کو تباہ کر دیا ہے۔
پاک فوج نے ادھم پور ایئربیس اور پٹھان کوٹ میں ایئر فیلڈ کو ملیامیٹ کر دیا، اس کے علاوہ اڑی سیکٹر میں بھارت کے سپلائی ڈپو کو نیست و نابود کر دیا، جوابی حملے میں بھارت کا بریگیڈ ہیڈ کوارٹرز کے جی ٹاپ کو بھی تباہ کر دیا گیا، آدم پور کی ایئر فیلڈ کو بھی تباہ کر دیا گیا ہے، جہاں سے بھارت نے امرتسر میں سکھوں، پاکستان اور افغاستان پر میزائل داغے گئے تھے۔
وہ تمام بیسز جہاں سے پاکستان کے عوام اور مساجد پر حملے کیے گئے ان کو نشانہ بنایا جا رہا ہے، فوجی ایکشن کے علاوہ بھاررت کی بجلی تنصیبات پر بڑا سائبر اٹیک بھی کیا گیا، پاکستان نے سائبر اٹیک سے بھارت کے 70 فی صد بجلی گرڈ کو ناکارہ کر دیا، پاکستان نے دہرنگیاری میں بھارتی آرٹلری گن پوزیشن اور نگروٹا میں براہموس اسٹوریج سائٹ کو بھی تباہ کر دیا۔
نگروٹا میں براہموس اسٹوریج سائٹ تباہ ہونے سے بھاری نقصانات کی اطلاعات ہیں، پاک فوج نے بھارت کی سورت گڑھ ایئر فیلڈ بھی ملیا میٹ کر دی، راجوڑی میں پاکستان میں دہشت گردی کروانے والا بھارتی ملٹری انٹیلیجینس کا تربیتی مرکز اور بھارت کی سرسہ ایئر فیلڈ کو تباہ کر دیا گیا۔
اسلام آباد: وزیر اعظم شہباز شریف نے نیشنل کمانڈ اتھارٹی کی میٹنگ طلب کر لی۔
تفصیلات کے مطابق وزیر اعظم شہباز شریف نے نیشنل کمانڈ اتھارٹی کا اجلاس طلب کر لیا، این سی اے اجلاس کی صدارت وزیر اعظم شہباز شریف کریں گے۔
نیشنل کمانڈ اتھارٹی پاکستان کے ایٹمی ہتھیاروں کے آپریشنل کنٹرول کی ذمہ دار و نگران ہے، وزیر اعظم شہباز شریف نیشنل کمانڈ اتھارٹی کے چیئرمین ہیں، خارجہ، داخلہ، دفاع اور خزانے کے وفاقی وزرا اس کمیٹی کے اراکین ہیں۔
کمیٹی میں چیئرمین جوائنٹ چیفس آف اسٹاف کمیٹی اور تینوں مسلح افواج کے سربراہ بھی شامل ہیں، ڈی جی ایس پی ڈی اور ڈی جی آئی ایس آئی بھی کمیٹی کے رکن ہیں۔
آپریشن بُنۡیَانٌ مَّرْصُوْص
واضح رہے کہ پاکستان کی بھارتی جارحیت کے خلاف جوابی کارروائی جاری ہے، پاکستان کی جانب سے نماز فجر کے وقت آپریشن ’بُنۡیَانٌ مَّرْصُوْص‘ کا آغاز کیا گیا، آپریشن میں پاک فوج نے بھارت کے علاقے بیاس میں براہموس میزائل اسٹوریج سائٹ کو تباہ کر دیا ہے۔
پاک فوج نے ادھم پور ایئربیس اور پٹھان کوٹ میں ایئر فیلڈ کو ملیامیٹ کر دیا، اس کے علاوہ اڑی سیکٹر میں بھارت کے سپلائی ڈپو کو نیست و نابود کر دیا، جوابی حملے میں بھارت کا بریگیڈ ہیڈ کوارٹرز کے جی ٹاپ کو بھی تباہ کر دیا گیا، آدم پور کی ایئر فیلڈ کو بھی تباہ کر دیا گیا ہے، جہاں سے بھارت نے امرتسر میں سکھوں، پاکستان اور افغاستان پر میزائل داغے گئے تھے۔
وہ تمام بیسز جہاں سے پاکستان کے عوام اور مساجد پر حملے کیے گئے ان کو نشانہ بنایا جا رہا ہے، فوجی ایکشن کے علاوہ بھاررت کی بجلی تنصیبات پر بڑا سائبر اٹیک بھی کیا گیا، پاکستان نے سائبر اٹیک سے بھارت کے 70 فی صد بجلی گرڈ کو ناکارہ کر دیا، پاکستان نے دہرنگیاری میں بھارتی آرٹلری گن پوزیشن اور نگروٹا میں براہموس اسٹوریج سائٹ کو بھی تباہ کر دیا۔
نگروٹا میں براہموس اسٹوریج سائٹ تباہ ہونے سے بھاری نقصانات کی اطلاعات ہیں، پاک فوج نے بھارت کی سورت گڑھ ایئر فیلڈ بھی ملیا میٹ کر دی، راجوڑی میں پاکستان میں دہشت گردی کروانے والا بھارتی ملٹری انٹیلیجینس کا تربیتی مرکز اور بھارت کی سرسہ ایئر فیلڈ کو تباہ کر دیا گیا۔
کراچی : پاکستان ایئر پورٹس اتھارٹی (پی اے اے) نے پاک بھارت کشیدگی کے پیش نظر ملکی فضائی حدود دوپہر بارہ بجے تک ہرقسم کی پروازوں کیلئے بند کردیں۔
اے آر وائی نیوز کی رپورٹ کے مطابق پاکستان کی فضائی حدود 10 مئی کی صبح 3:15 سے دوپہر 12:00بجے تک ہر قسم کی پروازوں کے لیے بند کردی گئی۔
پاکستان ایئرپورٹس اتھارٹی کے نوٹم کے مطابق فضائی آپریشن دوپہر بارہ بجے تک عارضی طور پر معطل کیا گیا ہے۔
رپورٹ کے مطابق راولپنڈی میں حالیہ بھارتی حملے کے بعد اسلام آباد انٹرنیشل ائیرپورٹ سے قومی اور نجی ائیرلائن کی پروازوں کی روانگی تاخیر کا شکار ہوگئی تھیں، اسلام آباد کی فضائی حدود میں فی الحال کوئی پرواز ان روٹ نہیں۔
لاہور اور سیالکوٹ ائیرپورٹ پر بھی پروازوں کی آمد اور روانگی متاثر ہوئی، نجی ایئرلائن کی بیرون ملک سے لاہور اور سیالکوٹ ائیر پورٹ پر آنے والی دو پروازیں کوئٹہ موڑ دی گئیں۔
راولپنڈی : بھارت کی جانب سے مسلسل جارحیت کے بعد جوابی کارروائی کرتے ہوئے پاکستان نے ’’ آپریشن بنیان مرصوص ‘‘ جاری ہے، کارروائی کا آغاز صبح اذان فجر کے بعد کیا گیا۔
اس حوالے سے سیکیورٹی ذرائع کا کہنا ہے کہ پاکستان نے بھارتی جارحیت پر باقاعدہ جوابی کارروائی شروع کردی ہے، اس وقت پاکستان کی بھارت کےخلاف کارروائی جاری ہے، بھارت کے آپریشن سندور کے جواب میں پاکستان نے اپن اس کارروائی کو ’’ آپریشن بنیان مرصوص ‘‘ کا نام دیا ہے۔
عربی زبان کے ان الفاظ کا مطلب ’سیسہ پلائی ہوئی دیوار‘ ہے ، اس وقت پاک فوج کی جانب سے بھرپور کارروائی کرتے ہوئے ’’ آپریشن بنیان مرصوص ‘‘ کے تحت بمباری کا سلسلہ جاری ہے، پاکستان بھر میں فضائی دفاعی نظام مکمل طور پر فعال ہے۔
بھارت کا ادھم پور ایئربیس اور پٹھان کوٹ میں ایئر فیلڈ تباہ
پاکستانی افواج نے بھرپور جوابی وار کرتے ہوئے ایئربیس ادھم پور کو تباہ کردیا اس کے علاوہ پاکستان کی جانب سے پٹھان کوٹ میں ایئر فیلڈ کو تباہ کردیا گیا ہے۔اس کے علاوہ بھارت کے علاقے بیاس میں براہموس میزائل اسٹوریج سائٹ بھی تباہ کردی گئی۔
بھارت کا بریگیڈ ہیڈ کوارٹر اور سپلائی ڈپو ملیا میٹ
پاکستان نے بھارت کا بریگیڈ ہیڈ کوارٹر ’کے جی ٹاپ‘ تباہ کردیا اس کے علاوہ پاکستان نے اُڑی میں بھارت کے سپلائی ڈپو کو بھی ملیا میٹ کردیا۔
تازہ ترین اطلاعات کے مطابق اس وقت بھارت میں متعدد اہداف کو کامیابی سے نشانہ بنایا جا رہا ہے، سیکیورٹی ذرائع کا کہنا ہے کہ پاکستان کی جانب سے راولپنڈی میں بھارتی ڈرونز کو گرایا جارہا ہے۔
بھارت کا ادھم پور ائیر فیلڈ تباہ، کئی شہر بجلی سے محروم
ہندوستان کی بجلی تنصیبات پر بڑا سائبر اٹیک کیا گیا ہے، پاکستان نے سائبر اٹیک کرکے ہندوستان کے70 فیصد بجلی گرڈ کو ناکارہ کر دیا، بھارت کے کئی شہر بجلی سے محروم ہوگئے، اس کے علاوہ بھارت کا ادھم پور ائیر فیلڈ تباہ کردیا گیا، یاد رہے کہ ادھم پور ایئر فیلڈ سے امرتسر میں سکھوں، پاکستان اور افغاستان پر میزائل داغے گئے تھے۔
ایک ڈرون سمیت براہموس اسٹوریج سائٹ بھی تباہ
سیالکوٹ کے علاقے برتھ کے قریب ایک اور بھارتی ڈرون مار گرایا گیا،اس کے علاوہ پاکستان نے دہرنگیاری میں بھارتی آرٹلری گن پوزیشن تباہ کردی۔
آپریشن بنیان مرصوص میں بھارت میں متعدد اہداف کو کامیابی سے نشانہ بنایا جارہا ہے، پاک افواج نے نگروٹا میں براہموس اسٹوریج سائٹ کو بھی تباہ کر دیا، نگروٹا میں براہموس اسٹوریج سائٹ تباہ ہونے سے بھاری نقصانات کی اطلاعات ہیں۔
بھارت کی سورت گڑھ ائیرفیلڈ تباہ
تازہ ترین اطلاعات کے مطابق بھارت کی سورت گڑھ ائیرفیلڈ تباہ کردی گئی، اس کے علاوہ بھارت کے دارالحکومت نئی دہلی میں پاکستانی ڈرونز کی پروازیں جاری ہیں۔
بھارت کا مہنگا ترین ایس 400 سسٹم تباہ
پاک فضائیہ نے ادھم پور میں بھارت کا ایس 400 سسٹم تباہ کر دیا، جے ایف 17 تھنڈر کے ہائپر سونک میزائلوں سے ایس 400 سسٹم کو تباہ کیا گیا اس ایئر ڈیفنس سسٹم کی مالیت تقریباً 1.5 بلین ڈالر ہے۔
بھارت کیخلاف آپریشن کا آغاز اذان فجر کے بعد ہوا
سکیورٹی ذرائع کا کہنا ہے کہ فجر کے وقت اذان کے فوری بعد دشمن کے خلاف آپریشن ‘بنیان مرصوص’ کا آغاز کیا گیا اور بھارت پر فتح میزائل فائر کیا گیا۔
سکیورٹی ذرائع کے مطابق پاکستان کی جوابی کارروائی میں فتح ٹو گائیڈڈ راکٹ سسٹم کا استعمال کیا گیا ہے، فتح ٹو گائیڈڈ راکٹ سسٹم 400 کلومیٹر تک اپنے ہدف کو نشانہ بنانے کی صلاحیت رکھتا ہے۔
آپریشن بنیان مرصوص کے تحت بھارت میں مختلف اہداف کو نشانہ بنایا جارہا ہے، بھارت کے علاقے بیاس میں براہموس میزائل اسٹوریج سائٹ تباہ کردی گئی۔
بھارت نے مزید کارروائی کی تو معاشی اہداف نشانے پر ہوں گے
پاکستانی جواب میں بھارت کی مزید کارروائی پر پاکستان کا دوٹوک ردعمل بھی تیار ہے، پاکستان کی سیاسی اور عسکری قیادت نے فیصلہ کیا ہے کہ اگر بھارت نے مزید جارحیت کی تو وہاں ہائی ویلیو اہداف کو نشانہ بنایا جائے گا۔
پاکستان کی سیاسی و عسکری قیادت نے سختی سے متنبہ کیا ہے کہ بھارت کے جوابی حملے کی صورت میں بھارت کے معاشی اہداف بھی نشانے پر ہوں گے، بھارت نے اب اگر کوئی حرکت کی تو اس کے نتائج سنگین بھگتنا ہوں گے
اس کے علاوہ بھارت کی جانب سے کوٹلی آزاد کشمیر میں ایل او سی پر بھارت کی جانب سے اشتعال انگیزی کی گئی جس کے بعد پاک فوج نے بھرپور جوابی کارروائی کی۔
اطلاعات کے مطابق ’آپریشن بنیان مرصوص‘ میں بھارت میں متعدد اہداف کو نشانہ بنایا جا رہا ہے، بھارت کے وہ تمام فوجی اڈے جہاں سے گزشتہ روز پاکستان کے عوام اور مساجد پر حملے کئے گئے تھے پہلے ان کو تباہ کیا جارہا ہے۔
بھارتی وزیر اعظم کی ویب سائٹ ہیک کر لی گئی
بیش تر بھارتی ویب سائیٹس ہیک کر لی گئی ہیں، بھارتی وزیر اعظم نریندر مودی کی و یب سائٹ بھی ہیک کر لی گئی جب کہ بھارت کا ملٹری سیٹلائٹ بھی جیم کر کے ناکارہ بنا دیا گیا ہے۔
پاکستان سائبر اٹیک ٹیم نے بھارتی مہاراشٹرا اسٹیٹ الیکٹرسٹی ٹرانسمیشن کمپنی لمیٹڈ پر سائبر حملہ کیا ہے، پاکستانی سائبر اٹیک ٹیم نے مہاراشٹرا سٹیٹ الیکٹرسٹی ٹرانسمیشن کمپنی لمیٹڈ کو ہیک کر لیا۔
امریکی وزیر خارجہ کا آرمی چیف اور اسحاق ڈار سے رابطہ
پاکستان کے آرمی چیف جنرل عاصم منیر سے امریکی وزیر خارجہ مارکو روبیو نے فون پر رابطہ کیا، امریکا کی جانب سے ایک بار پھر پاک بھارت کشیدگی کم کرنے اور مذاکرات کے لیے تعاون کی پیش کش کی گئی۔
امریکی وزیر خارجہ مارکو روبیو نے کہا فریقین کشیدگی میں کمی کے لیے اقدامات کریں، ترجمان امریکی محکمہ خارجہ نے کہا مارکو روبیو نے تعمیری بات چیت کے لیے مدد کی پیش کش کی ہے۔
اسحاق دار نے امریکی ہم منصب سے کہاکہ گیند اب بھارت کے کورٹ میں ہے، اگر بھارت نے صورتحال کو مزید بڑھایا تو پاکستان نہیں رکے گا۔ بھارت اب حملہ کرے گا تو زیادہ سخت جواب دیا جائے گا۔
وزیر اعظم نے نیشنل کمانڈ اتھارٹی کی میٹنگ طلب کر لی
آپریشن بنیان مرصوم کے بعد وزیر اعظم شہباز شریف نے نیشنل کمانڈ اتھارٹی کا اجلاس طلب کر لیا ہے، جس کی صدارت وزیراعظم شہباز شریف کریں گے۔
دہلی میں پاکستانی ڈرونز کی پروازیں جاری
سکیورٹی ذرائع کے مطابق پاکستانی سائبر ٹیم نے بھارت کا ملٹری سیٹلائٹ جیم کر دیا ہے، جب کہ دہلی میں پاکستانی ڈرونز کی پروازیں کئی گھنٹوں سے جاری ہیں۔
چین کی پاکستان اور بھارت سے تحمل کا مظاہرہ کرنے کی اپیل
چین نے پاکستان اور بھارت سے تحمل کا مظاہرہ کرنے کی اپیل کرتے ہوئے کہا کشیدگی ختم کرنے کیلئے تعمیری کردار ادا کرنے کو تیار ہے، کشیدگی میں کمی لائیں اور سیاسی ذرائع سے پرامن حل کے راستے پر واپس آئیں۔
جی سیون ملکوں کا پاکستان اور بھارت سے مطالبہ
پاکستان کی جانب سے اپنے دفاع کا استعمال کرتے ہوئے آپریشن کے آغاز کے بعد جی سیون ملکوں نے پاکستان اور بھارت سے کشیدگی میں کمی کا مطالبہ کرتے ہوئے کہا کہ دونوں ممالک تحمل کا مظاہرہ کریں۔
جی سیون ممالک نے پُرامن نتائج کیلئے دونوں ممالک کو براہ راست بات کرنے پر زور دیتے ہوئے کہا کہ صورتحال کا قریب سے جائزہ لے رہے ہیں، مسئلے کے تیز اور دیرپا سفارتی حل کیلئے حمایت کا اظہار کرتے ہیں۔
ایل او سی پر بھارت کی متعدد پوسٹیں مکمل تباہ
پاکستان فوج ایل او سی پر بھارت کی متعدد پوسٹیں مکمل تباہ کردیں، ربتانوالی پوسٹ، ڈنہ پوسٹ، خواجہ بھیک کمپلیکس، رنگ کنٹوئر کو تباہ کردیا گیا، پاک فوج نے پھکلیاں سیکٹر میں بھی بھارتی پوسٹیں مکمل تباہ کیں، ایل اوسی پر افواج پاکستان کی توپوں نے بھارتی توپوں کو خاموش کرا دیا۔
پاکستان نے بھارت کی سرسہ ائیرفیلڈ کو تباہ کردیا
سکیورٹی ذرائع کے مطابق راجوڑی میں پاکستان میں دہشتگردی کروانے والا بھارتی ملٹری انٹیلیجینس کا تربیتی مرکز تباہ کردیا گیا جس کی تصدیق انڈین میڈیا نے خود کی ہے۔
بھارتی فوج کا فوجی تنصیبات کونقصان پہنچنے کا اعتراف
بھارتی فوج نے پاکستانی جوابی حملے میں فوجی تنصیبات کو نقصان پہنچنے کا اعتراف کیا ہے، نئی دہلی میں ترجمان بھارتی فوج صوفیہ قریشی نے پریس کانفرنس کرتے ہوئے کہا پاکستان نے پٹھانکوٹ، ادھم پور، بھوج اور آدم پورٹ میں واقع اسٹریٹجک ایئر بیسز پر میزائل حملے کیے ہیں، حملوں سے فوجی تنصیبات سمیت پنجاب کے ایئر بیس اسٹیشن کو نقصان پہنچا ہے۔
بھارت فوج کی ترجمان نے کہا کہ یہ ایک بے مثال اور مربوط حملہ تھا، ہم تصدیق کرتے ہیں کہ پاکستان نے ہماری 26 تنصیبات کو نشانہ بنایا، جن میں فرنٹ لائن ایئربیس بھی شامل ہیں، ہم نے اس "جارحیت کا نوٹس لیا” ہے لیکن اس بات کا اعادہ کیا کہ بھارت تناؤ نہیں چاہتا۔
سیاسی رہنماؤں نے وزیر اعظم کو مکمل تعاون اور یکجہتی کا یقین دلا دیا
وزیر اعظم نے موجودہ صورتحال میں سیاسی جماعتوں کے رہنماؤں بلاول بھٹو زرداری، بیرسٹر گوہر خان، مولانا فضل الرحمان، خالد مقبول صدیقی، حافظ نعیم الرحمان، خالد حسین مگسی اور چوہدری سالک سے ٹیلیفونک رابطہ کیا۔
اس موقع پر شہباز شریف نے کہا کہ افواج پاکستان نے بھارتی جارحیت کا آج مربوط طریقے سے طاقتور جواب دیا، بھارت نے پاکستان پر میزائل اور ڈرون حملے کیے، بھارتی جارحانہ اقدامات کے باوجود پاکستان نے انتہائی تحمل سے کام لیا۔
امریکی وزیر خارجہ کا بھارتی ہم منصب جے شنکر سے رابطہ
مطابق امریکی وزیرخارجہ مارکو روبیو نے جے شنکر سے گفتگو میں دونوں ممالک کو کشیدگی کم کرنے اور براہ راست رابطے بحال کرنے کے طریقے تلاش کرنے کی ضرورت پر زور دیا۔
امریکی وزیر خارجہ نے کہا کہ پاکستان اور بھارت کشیدگی کم کرنے کا طریقہ کار نکالیں اور دونوں ممالک آپس میں بات چیت کا راستہ کھول کر کشیدگی کم کریں۔
سعودی وزیرخارجہ کا پاکستانی ہم منصب سے رابطہ
سعودی وزیرخارجہ نے پاکستان اور بھارت کے وزرائے خارجہ سے رابطہ کیا ہے، سعودی وزیر خارجہ نے بھی دونوں ممالک سے کشیدگی کم کرنے پر زور دیا ہے۔
سعودی وزیر خارجہ نے کہا کہ سعودی عرب خطے میں امن اور استحکام کا خواہاں ہے، دونوں ممالک کے ساتھ قریبی اور دوستانہ روابط ہیں۔
بھارت کا شیخ زید انٹرنیشنل ایئر پورٹ پر بزدلانہ حملہ
گزشتہ شب بھارتی بزدلانہ حملے کے نتیجے میں شیخ زید انٹرنیشنل ایئر پورٹ کو نقصان پہنچا ہے، بھارت نے پاکستان اور متحدہ عرب امارات کی دوستی کی علامت کو نشانہ بنایا ہے۔
شیخ زید ایئر پورٹ 1993 میں تعمیر کیا گیا تھا، جس کا نام شیخ زید بن سلطان النہیان کے نام پر رکھا گیا، بھارت نے گزشتہ روز ننکانہ صاحب کو بھی نشانہ بنانے کی کوشش کی تھی، جنگی جنون میں مبتلا بھارت کی جانب سے انتہائی شرمناک عمل جاری ہے۔
پاکستان کی جوابی کارروائی میں فتح 1 گائیڈڈ راکٹ سسٹم کا استعمال
سیکیورٹی ذرائع کا کنا ہے کہ پاکستان کی اس جوابی کارروائی میں فتح 1 میزائل سسٹم کا نہایت کام یابی سے استعمال کیا گیا ہے۔
فتح 1 گائیڈڈ راکٹ سسٹم 120 کلومیٹر تک ہدف کو نشانہ بنانے کی صلاحیت رکھتا ہے، فتح 1 میزائل جدید نیوی گیشن سسٹم، برق رفتار اور مؤثر نیوی گیشن خصوصیات سے لیس ہے، یہ انتہائی درستگی سے اہداف کو نشانہ بنانے کی صلاحیت کا حامل ہے۔
پاکستان اور بھارت کے درمیان پہلا ٹیلیفونک رابطہ، برطانوی میڈیا
برطانوی میڈیا کا کہنا ہے کہ بھارت کے آپریشن سندور اور پاکستان کے آپریشن بنیان موصوم کے بعد پاکستان اور بھارت کے درمیان پہلا ٹیلیفونک رابطہ ہوا ہے، دونوں ممالک کے درمیان بڑھتی کشیدگی کے بعد یہ پہلا رابطہ ہے۔
راولپنڈی : ڈی جی آئی ایس پی آر لیفٹیننٹ جنرل احمد شریف چوہدری نے پریس بریفنگ میں بتایا ہے کہ بھارت نے 3 ائیر بیسز کو میزائل کا نشانہ بنایا ہے، بھارت انتظار کرے، جواب جلد آئے گا۔
رات گئے ایک پریس بریفنگ میں بتایا کہ اب تک کی اطلاعات کے مطابق پاک فضائیہ کے تمام اثاثے مکمل محفوظ ہیں۔
انہوں نے بتایا کہ بھارت اپنی ننگی جارحیت کو جاری رکھے ہوئے ہے، بھارت نے افغانستان میں بھی میزائل داغے ہیں اور ڈرونز کا حملہ کیا ہے۔
ڈی جی آئی ایس پی آر نے بتایا کہ بھارت نے طیاروں کے ذریعے فضا سے زمین پر میزائل داغے ہیں،
بھار ت نے نورخان ایئر بیس، مرید بیس ،شورکوٹ بیس کو نشانہ بنایا۔
انہوں نے کہا کہ بھارت اپنے پاگل پن کے ذریعے خطے کو خطرناک جنگ کی طرف دکھیل رہا ہے۔
ڈی جی آئی ایس پی آر نے واضح الفاظ میں دشمن سے کہا کہ ہم تمہاری طاقت، مکاری اور جارحیت سے مرعوب ہونے والی قوم نہیں ہیں۔ انہوں نے کہا کہ بھارت اب انتظار کرے، ہمارا جواب جلد آئے گا۔
اے پی پی کے مطابق سیکیورٹی ذرائع کا کہنا تھا کہ کچھ دیر قبل اسلام آباد میں 3 دھماکوں کی زور دار آوازیں سنائی دی گئی تھیں، جس کے بعد شہر کے کچھ حصوں میں خوف و ہراس پھیل گیا، دھماکوں کی آوازیں نور خان ائیربیس کے قریب سنی گئی تھیں۔
اس کے علاوہ ذرائع کا کہنا ہے کہ مسلح افواج نے شیخوپورہ کے سرحدی گاؤں جے سنگھ والا میں بھارتی ڈرون مار گرایا، مقامی انتظامیہ اور پولیس کے اعلیٰ افسران موقع پر پہنچ گئے۔
واضح رہے کہ دی ٹیلی گراف کی رپورٹ کے مطابق بھارت نے سپر سانک کروز میزائل سےلیس بحری بیڑا پاکستان کے ساحل سے 300سے 400 میل کے فاصلے پر موجود ہے۔
اخبار کا دعویٰ ہے کہ بھارت نے سپر سانک کروز میزائل سے لیس اپنے طیارہ بردار جہاز، ڈیسٹرائیرز، فریگیٹس اور اینٹی آبدوز جنگی جہاز پاکستان کی جانب روانہ کردیے ہیں تاکہ کراچی کی بندرگاہ کو نشانہ بنایا جاسکے۔
اس سے کچھ دیر قبل ڈی جی آئی ایس پی آر نے پریس بریفنگ میں بتایا ہے کہ بھارت نے خود ہی پنجاب کے شہر امرتسر میں 5 بیلسٹک میزائل فائر کیے ہیں۔
ڈی جی آئی ایس پی آر نے بتایا کہ پاک فضائیہ کے پاس بھارتی میزائل حملوں کے تمام الیکٹرانک سگنیجر ہیں، اس بات کے بھی ثبوت ہیں کہ بھارتی میزائل کہاں سے فائر کیے گئے اور کس طرف ٹارگٹ کیے گئے۔
مسلح افواج کی جانب سے بھارت کی بڑھتی ہوئی جارحیت اور حملوں کو ناکام بنایا جارہا ہے،
بھارتی حملے پاکستان کے بہادراور غیور عوام کے حوصلے کم نہیں کرسکتے۔ اس وقت راولپنڈی، لاہور اور دیگر شہروں کے عوام اپنی مسلح افواج کی حمایت میں سڑکوں پر نکل آئے ہیں۔
ڈی جی آئی ایس پی آر کا مزید کہنا تھا کہ بھارت خطے میں عدم توازن پیدا کرکے جنگ کی طرف دھکیلنا چاہتا ہے، وہ ہر حملے کی ناکامی پر بوکھلاہٹ کا شکار ہوچکا ہے۔
بھارت کی حرکت بہت حیران کن ہے،بھارت کی اندرونی سازشوں کا شکار اقلیتی ہورہے ہیں، ہماری ساری ہمدردی سکھوں کے ساتھ ہے۔
راولپنڈی : ڈائریکٹر جنرل انٹر سروسز پبلک ریلیشنز ( ڈی جی آئی ایس پی آر) لیفٹیننٹ جنرل احمد شریف چوہدری نے بتایا ہے کہ بھارت نے اپنے ہی ملک میں 6 بیلسٹک میزائل فائر کیے ہیں۔
ڈی جی آئی ایس پی آر نے پریس بریفنگ میں کہا کہ بھارت نے مجموعی طور پر کچھ دیر پہلے 6 بیلسٹک میزائل فائر کیے ہیں جس میں 5 بیلسٹک میزائل امرتسر میں فائر کیے گئے ہیں۔
ترجمان پاک فوج نے بتایا کہ بھارت نے 6 بیلسٹک میزائل آدم پور سے فائر کیے ہیں، ایک بیلسٹک میزائل آدم پور میں ہی فائر کیا گیا ہے۔
ڈی جی آئی ایس پی آر کا کہنا ہے کہ بھارت نے مذموم سازشوں کے ذریعے سکھوں کی آبادی کو ٹارگٹ کیا ہے، ہماری تمام تر ہمدردی سکھوں اور اقلیتوں کے ساتھ ہے۔
ان کا مزید کہنا تھا کہ بھارت نے اب بیلسٹک میزائل فائر کرنے شروع کردیے ہیں، بھارت نے اپنی ہی آبادی پر بیلسٹک میزائل فائر کیے ہیں، جس میں 5 میزائل امرتسر میں ہی فائر کیے گئے۔
حال ہی میں افواج پاکستان کی جانب سے ایک مفصل میڈیا بریفنگ منعقد کی گئی، جس کے بعد بھارتی میڈیا میں ایک واضح صف ماتم دکھائی دے رہی ہے۔
اس بریفنگ میں پاکستان نے ٹھوس شواہد کے ساتھ کئی اہم حقائق دنیا کے سامنے رکھے، جس نے بھارتی میڈیا کے ان دعوؤں کی قلعی کھول دی جو وہ اب تک پیش کر رہا تھا۔
پاکستان ایئر فورس نے جس طرح صرف دو دنوں میں زمینی حقائق کو واضح کیا، اس نے بھارتی بیانیے کو بری طرح مجروح کیا ہے، بھارتی کہانی، جو اب تک ادھوری اور مبہم تھی، پاکستانی شواہد کے سامنے دم توڑتی نظر آئی۔
وہ الفاظ جو بھارتی پروپیگنڈا چھپا نہ سکا، وہ ہیں "ایئر میں دھماکہ”. یہ اصطلاح خود اس بات کا ثبوت ہے کہ بھارت اپنی ناکامیوں اور حقائق کو چھپانے کی کس قدر کوشش کر رہا ہے، سچ بولنے کے لیے جس جرات کی ضرورت ہوتی ہے، وہ بظاہر بھارت کے پاس مفقود ہے۔
پاکستان نے اپنی بریفنگ میں واضح ثبوت پیش کیے، جبکہ بھارت اب بھی من گھڑت کہانیاں سنانے میں مصروف ہے۔ حقیقت کی گونج اتنی طاقتور ہے کہ وہ بھارتی جھوٹ کے ہر تار کو ہمیشہ بے نقاب کر دیتی ہے۔
یہ صورتحال صرف میڈیا تک محدود نہیں ہے۔ نیشنل انویسٹیگیشن ایجنسی (این آئی اے ) کی جانب سے ابھی تک پہلگام واقعے کی سچائی جاننے کی کوئی سنجیدہ کوشش نظر نہیں آئی۔ سوال یہ ہے کہ آخر بھارت کس سے ڈر رہا ہے کہ حقائق کو سامنے لانے سے گریزاں ہے؟
دنیا اب بھارتی بیانیے پر اعتبار کرنے کو تیار نہیں، کیونکہ یہ ثابت ہو چکا ہے کہ ان کے دعوؤں کی اکثریت 99 فیصد جھوٹ پر مبنی ہے۔ بھارت کو اپنے جھوٹ چھپانے کے لیے سوشل میڈیا کی وسیع دنیا بھی ناکافی ثابت ہو رہی ہے۔
ایک طرف پاکستان نے ٹھوس ثبوتوں کے ساتھ دنیا کو آگاہ کیا، تو دوسری جانب بھارت نے خاموشی اختیار کر رکھی ہے۔ یہ خاموشی خود ایک بہت بڑا سوالیہ نشان ہے۔ جب حقیقت بولتی ہے، تو بھارت کے بلند و بانگ نعرے بھی بے اثر اور خاموش ہو جاتے ہیں۔
سچائی کو چھپانے کی ہر کوشش درحقیقت ایک نئی رسوائی کو جنم دیتی ہے۔ بھارت اپنے عوام سے کس بات کا سچ چھپا رہا ہے؟ یہ وہ سوال ہے جو ہر ذی شعور شہری کے ذہن میں گردش کر رہا ہے۔
مودی کے نعرے، جو کبھی جوش و خروش پیدا کرتے تھے، نہ تو ان کے طیاروں کو بچا سکے اور نہ ہی ان کی کھوئی ہوئی عزت کو بحال کر سکے۔ بھارتی پروپیگنڈے کی مضبوط دیواریں حقیقت کی ایک معمولی ٹکر سے بھی ریزہ ریزہ ہو کر بکھر گئی ہیں۔
یقیناً حقیقت ہمیشہ سامنے آتی ہے، چاہے بھارت اسے چھپانے کی کتنی ہی کوشش کرے۔ بھارت کے جھوٹ کا جو پردہ اس نے خود پر ڈالا تھا، وہ سچائی کی ایک چھوٹی سی روشنی سے بھی جل کر راکھ ہو گیا ہے۔
وہ سچ جو پاکستان نے واضح اور غیر مبہم انداز میں دنیا کو دکھایا ہے، بھارت اب تک اس کا سامنا کرنے کی ہمت نہیں جٹا سکا۔ تاریخ گواہ ہے کہ جو لوگ سچ کو دبانے کی کوشش کرتے ہیں، وہ بالآخر دنیا کے سامنے بے نقاب ہو کر رہتے ہیں۔ اس صورتحال میں بھارتی میڈیا میں جو صف ماتم برپا ہے، وہ دراصل ان کے باطل دعوؤں اور جھوٹ پر مبنی بیانیے کی شکست کا واضح اعلان ہے۔
سی این این کا کہنا ہے کہ پاکستان کا بھارتی طیارہ گرانا چین کی ٹیکنالوجی کی ترقی کا ثبوت بن گیا۔
امریکی نیوز چینل سی این این کا کہنا ہے کہ رواں ہفتے چین کے اے وی آئی سی چینگڈو ایئر کرافٹ کے حصص میں 40 فیصد اضافہ ریکارڈ ہوا ہے جس کی وجہ پاکستان کی جانب سے بھارتی طیارے گرانا ہے۔
رپورٹ میں کہا گیا ہے کہ چین نے فوجی ٹیکنالوجی کی ترقی پر اربوں خرچ کیے جس کا ثبوت بھی واضح ہوگیا۔
سی این این کی رپورٹ میں کہا گیا ہے کہ جے 10 سی طیاروں کا شمار اب عالمی سطح پر جنگ میں بہترین فائٹر کے طور پر ہورہا ہے۔
مغربی ہارڈ ویئر کے مقابلے میں چینی ٹیکنالوجی کی کارکردگی پاک بھارت تنازع میں ثابت ہوگئی، پاکستان نے بھارتی طیارے گرانے کے لیے چین کے تیار کردہ جے 10 سی طیاروں کا استعمال کیا۔
امریکی دفاعی ماہر نے کہا کہ پاکستان کے لیے چینی ہارڈ ویئر اور مشترکہ تربیت نے حکمت عملی کا توازن بدل دیا، چینی جدید ٹیکنالوجی کا آپریشنل استعمال پاکستان کی جوابی کارروائی میں سنگ میل ہے۔
ٹورنٹو میں قائم دفاعی تجزیہ فرم کے مطابق پاکستان کا جدید ہتھیاروں کا نظام مغرب پر سبقت لے رہا ہے، پاکستان کی جوابی کارروائی کو چینی حکام اپنے جدید ہتھیاروں کے نظام کی فتح قرار دے رہے ہیں۔
بیجنگ میں سنگھوا یونیورسٹی کے مطابق جے 10 سی سے رافیل کا شکار چینی جدید نظام پر زبردست اعتماد ہے، عالمی سطح پر اب چینی ہتھیاروں اور جدید دفاعی نظام کی مانگ میں اضافہ ہوگا۔
کوٹلی اور مظفر آباد میں بھارت کی گولہ باری سے کسی کا گھر تباہ ہوا تو کوئی اپنے پیاروں کی میتیں اٹھاتا رہا۔
نمائندہ اے آر وائی نیوز مبشر چوہدری کے مطابق بھارت کی جانب سے رات 11 بجکر 45 منٹ پر گولہ باری کا سلسلہ شروع ہوا جو پانچ سے زائد گھنٹوں تک جاری رہا جس سے لائن آف کنٹرول بھی لرزتا رہا۔
انہوں نے بتایا کہ آزاد کشمیر کا کوئی بھی سیکٹر ایسا نہیں تھا جہاں پر گولہ باری نہیں کی گئی ہو۔
ایک شہری نے بتایا کہ مظفر آباد میں دو کزن شہید ہوئے، بزرگ شہری نے بتایا کہ دونوں بچے مدرسے میں علم حاصل کرنے گئے تھے جنہیں بھارت نے دہشت گرد قرار دے کر مارا۔
دوسرے شہری کا کہنا تھا کہ رات ساڑھے 3 بجے کے قریب شیلنگ کی گئی جس سے بھاری نقصان ہوا، گولہ باری کی وجہ سے فیملی کو بیسمنٹ میں منتقل کیا۔
طالبہ نے کہا کہ گولہ باری کی وجہ سے گھروں کو نقصان ہوا، اسکول بند ہیں، ہم امتحانات نہیں دے سکتے معلوم نہیں کب اسکول کھلیں گے۔
آزاد کشمیر کی شہریوں کے حوصلے بلند ہیں اور ان کا یہ بھی کہنا ہے کہ بھارت کو رافیل طیارے پر بڑا ناز تھا اب جب بھی بھارت آئے گا اس کے ساتھ ایسا ہی سلوک ہوگا، ہم پاک فوج کے ساتھ کھڑے ہیں، ہم نہ بھارت سے اور نہ ہی مودی سے ڈرتے ہیں۔
پاکستان پر حملے کے بعد منفی پروپیگنڈے پر بھارت کو جگ ہنسائی کا سامنا ہے پاکستانی آل راؤنڈر عامر جمال نے اس پر دلچسپ کمنٹری کی ہے۔
پاکستان پر رات کی تاریکی میں بزدلانہ حملے کے بعد پاک فوج کی بھرپور کارروائی پر اپنی پسپائی کی خفت مٹانے کے لیے مودی سرکاری اور گودی میڈیا پاکستان کے خلاف مسلسل منفی پروپیگنڈے میں مصروف ہے۔
تاہم بھارت کا جنگی جنون خود اس کی انڈین پریمیئر لیگ کو لے ڈوبا اور بی سی سی آئی کو بڑھتی کشیدگی کے بعد اس کو معطل کرنا پڑا ہے۔ گزشتہ رات بھی آئی پی ایل کے جاری ایک میچ کو درمیان میں روک دیا گیا اور پھر ختم کرنے کا اعلان کر دیا گیا تھا۔
بھارت کی اس جنگ ہنسائی پر بھارت کے اندر سے بھی باشعور عوام آواز اٹھا رہے ہیں۔ تاہم پاکستان کرکٹ ٹیم کے نوجوان آل راؤنڈر عامر جمال نے اس صورتحال پر دلچسپ کمنٹری کی ہے۔
عامر جمال نے اپنے انسٹا گرام اکاؤنٹ پر لکھا کہ ’’پاور پلے کا اسکور زیرو۔۔۔ سکس ڈاؤن، اوپنر رافیل ڈک پر آؤٹ۔۔ دس اوورز میں میچ منسوخ‘‘۔
انہوں نے مزید لکھا کہ پاکستانیوں شاہینوں کا غلبہ واضح دکھ رہا ہے کہ ہر میچ فکس نہیں ہوتا۔
نوجوان قومی آل راؤنڈر نے اپنی اس دلچسپ کمنٹری کے آخر میں بانی پاکستان قائداعظم محمد علی جناح کا یہ تاریخی جملہ ’’پاکستان کو دنیا کی کوئی طاقت نہیں مٹا سکتی‘‘ بھی شیئر کیا ہے۔
