ARYNews.tv | Urdu – Har Lamha Bakhabar

Tag: Pahalgam

پہلگام کے واقعے کے بعد بھارت اور پاکستان کے تعلقات میں ایک بار پھر کشیدگی دیکھی گئی۔ بھارت نے الزام لگایا کہ اس واقعے میں پاکستان میں موجود عسکریت پسند گروہوں کا ہاتھ ہے، جبکہ پاکستان نے ان الزامات کو سختی سے مسترد کیا۔ بھارتی میڈیا اور حکومت کی جانب سے سخت بیانات سامنے آئے، جس سے دونوں ملکوں کے درمیان سفارتی رابطے متاثر ہوئے۔

پاکستان نے بھارت کی جانب سے لگائے گئے الزامات کو بے بنیاد قرار دیتے ہوئے عالمی برادری سے اپیل کی کہ وہ خطے میں امن کے لیے بھارت پر دباؤ ڈالے۔ پاکستان نے کہا کہ وہ خود دہشت گردی کا شکار ہے اور ہر قسم کی دہشت گردی کی مذمت کرتا ہے۔ اس کے علاوہ، پاکستان نے اقوام متحدہ اور دیگر بین الاقوامی اداروں سے رابطہ کر کے کشمیر کے مسئلے کو اجاگر کرنے کی کوشش کی۔

دونوں ممالک کی سرحدوں پر فوجی نقل و حرکت میں اضافہ دیکھنے میں آیا اور لائن آف کنٹرول (LOC) پر جھڑپوں کی اطلاعات بھی موصول ہوئیں۔ عوامی سطح پر بھی دونوں ملکوں میں تناؤ بڑھ گیا، جس سے ثقافتی اور تجارتی تبادلے متاثر ہوئے۔ اگرچہ کچھ بین الاقوامی قوتوں نے کشیدگی کم کرنے کی کوشش کی، مگر مستقل حل کی کوئی صورت نظر نہیں آئی۔ اس واقعے نے ایک بار پھر ثابت کیا کہ کشمیر کا مسئلہ دونوں ممالک کے تعلقات میں بنیادی رکاوٹ ہے

  • ’پاکستان مرضی کے وقت اور جگہ پر جواب دینے کاحق رکھتا ہے‘

    ’پاکستان مرضی کے وقت اور جگہ پر جواب دینے کاحق رکھتا ہے‘

    نائب وزیر اعظم اسحاق ڈار نے کہا ہے کہ بھارت نےجھوٹ بولا کہ کل رات پاکستان نے حملہ کیا ہے بھارت نے بڑا جھوٹ بولا گیا کہ پاکستان نے کل رات حملہ کیا، ان میزائل اور ڈرونز حملوں کےبعد پاکستان جواب کا حق رکھتا ہے پاکستان مرضی کےو قت اور جگہ پر جواب دینےکاحق رکھتا ہے۔

    ڈی جی آئی ایس پی آر کے ہمراہ پریس کانفرنس کرتے ہوئے اسحاق ڈار نے کہا کہ پہلگام واقعے کے بعد بھارت نے جو بھی اقدامات کیے اس کا حساب برابر کیا بھارت نے پاکستانی سفارتی عملے کو نکالا تو ہم نے بھی واپس بھیجا، بھارت نے پاکستانی شہریوں کے ویزے کینسل کیے تو ہم نےبھی بھارتیوں کو واپس بھیجا بھارت نےسندھ طاس معاہدہ معطل کر کے انتہائی گھٹیا حرکت کی، قومی سلامتی کمیٹی نے بھارت کے ہر اقدام کا بھرپور جواب دیا۔

    انہوں نے کہا کہ بھارت نے اسلام آباد سےکراچی تک 24جگہوں پر شرمناک حرکت کی ایک ذمہ دار ملک کےطور پر پاکستان نے ہر اسٹریٹیجک معاملے پر احتیاط برتی، بھارت نے کہانی گڑھی کے پاکستان نے کل رات حملےکیے ہیں بھارت نے ڈرون حملوں کا جواز بنایا ہے کہ پاکستان نے حملےکیے بھارت کو اتنا بڑا جھوٹ بولتے ہوئے شرم آنی چاہیے۔

    ان کا کہنا تھا کہ بھارتی ڈرونز نے فضائی حدود کی خلاف ورزی کی اور سویلین آبادی پر حملے کیے، بھارتی ڈرونز نے عسکری تنصیبات پر حملےکی کوشش کی جب کہ راولپنڈی اسٹیڈیم کے قریب ایک ڈرون گرایا گیا جہاں پی ایس ایل میچ جاری تھا، بھارتی ڈرونز نےکھلاڑیوں کو ٹارگٹ کرنے کی کوشش کی، بھارت نےایک مرتبہ پھر پاکستان پر بزدلانہ حملہ کیا بھارت پاکستان کی خودمختاری اور عالمی قوانین کی خلاف ورزی کر رہا ہے۔

    ترجمان پاک فوج نے کہا کہ بھارت نے چار پروجیکٹائل فائر کیے جس میں سے ایک ڈنگا میں گرا، تین پروجیکٹائل اپنی سرزمین پر گراکر الزام پاکستان پر لگایا، پاکستان جب مارے گا تو بھارتی میڈیا کو بتانے کی ضرورت نہیں ہوگی پوری دنیا کو پتا چل جائے گا۔

    انہوں نے کہا کہ بھارت نے پروپیگنڈا کیا کہ پاکستان نے 15 مقامات پر حملہ کیا، ہم 21ویں صدی میں رہ رہے ہیں اور اب ہر چیز مانیٹر ہورہی ہوتی ہے، یہ نہیں ہوسکتا کہ کوئی بھی کہانی گھڑ دیں۔

    ڈی جی آئی ایس پی آر نے کہا کہ پاکستان بھارت سے آنے والی ہر شے کو مانیٹر کررہا ہے، گرائے جانے والے بھارتی ڈرونز کا فرانزک معائنہ کیا جارہا ہے۔

    انہوں نے بتایا کہ 29 بھارتی ڈرونز کو گرایا جاچکا ہے جس میں سے ایک ڈرون ٹارگت پر پہنچا جس سے 4 فوجی زخمی ہوئے، بھارتی ڈرونز حملے میں تین سویلینز کی شہادت ہوئی اور 4 زخمی ہوئے۔

  • پاکستان جب مارے گا تو بھارتی میڈیا کو بتانے کی ضرورت نہیں ہوگی پوری دنیا کو پتا چل جائے گا، ڈی جی آئی ایس پی آر

    پاکستان جب مارے گا تو بھارتی میڈیا کو بتانے کی ضرورت نہیں ہوگی پوری دنیا کو پتا چل جائے گا، ڈی جی آئی ایس پی آر

    ڈی جی آئی ایس پی آر لیفٹیننٹ جنرل احمد شریف چوہدری کا کہنا ہے کہ بھارتی فوج نے امرتسرمیں خود اپنی تنصیبات کو نشانہ بنا کر الزام پاکستان پر لگایا۔

    نائب وزیراعظم اسحاق ڈار کے ساتھ پریس بریفنگ میں ترجمان پاک فوج نے کہا کہ بھارت نے چار پروجیکٹائل فائر کیے جس میں سے ایک ڈنگا میں گرا، تین پروجیکٹائل اپنی سرزمین پر گراکر الزام پاکستان پر لگایا، پاکستان جب مارے گا تو بھارتی میڈیا کو بتانے کی ضرورت نہیں ہوگی پوری دنیا کو پتا چل جائے گا۔

    انہوں نے کہا کہ بھارت نے پروپیگنڈا کیا کہ پاکستان نے 15 مقامات پر حملہ کیا، ہم 21ویں صدی میں رہ رہے ہیں اور اب ہر چیز مانیٹر ہورہی ہوتی ہے، یہ نہیں ہوسکتا کہ کوئی بھی کہانی گھڑ دیں۔

    ڈی جی آئی ایس پی آر نے کہا کہ پاکستان بھارت سے آنے والی ہر شے کو مانیٹر کررہا ہے، گرائے جانے والے بھارتی ڈرونز کا فرانزک معائنہ کیا جارہا ہے۔

    انہوں نے بتایا کہ 29 بھارتی ڈرونز کو گرایا جاچکا ہے جس میں سے ایک ڈرون ٹارگت پر پہنچا جس سے 4 فوجی زخمی ہوئے، بھارتی ڈرونز حملے میں تین سویلینز کی شہادت ہوئی اور 4 زخمی ہوئے۔

    ترجمان پاک فوج کا کہنا ہے کہ بھارت کو اپنے سنیما سے نکل کر حقیقی دنیا میں آنا ہوگا، دنیا کو بے وقوف بنانا بند کرے، 18ویں نہیں 21ویں صدی ہے جہاں ہر پروجیکٹائل اپنی ڈیجیٹل پاتھ چھور جاتا ہے۔

    پاک بھارت کشیدگی -7 مئی 2025

    لیفٹیننٹ جنرل احمد شریف چوہدری نے کہا کہ بھارتی میڈیا میں انجینئرڈ وار صورتحال پیش کی جارہی ہے، پاکستان میں صورتحال معمول کے مطابق ہے عوام مطمئن ہیں، ہمارے پاس ایمان کی طاقت ہے لوگ معمول کے مطابق وقت گزار رہے ہیں۔

    انہوں نے کہا کہ عوام کو پریشان کرنے کے لیے بھارت نے سوچا شہروں کی طرف ڈرون بھیج دیتے ہیں لیکن عوام کا پاکستان کی مسلح افواج پر مکمل اعتماد ہے اور پرسکون زندگی گزار رہے ہیں، ہمیشہ حق کی فتح ہوتی ہے اور اس مرتبہ بھی حق کی ہی فتح ہوگی۔

  • مودی کے جنگی جنون سے سرحد کے دونوں جانب جاری کرکٹ لیگز متاثر

    مودی کے جنگی جنون سے سرحد کے دونوں جانب جاری کرکٹ لیگز متاثر

    پاکستان میں پی ایس ایل اور بھارت میں آئی پی ایل جاری ہیں لیکن مودی سرکار کے پاگل پن کی وجہ سے یہ جنٹلمین کھیل بھی شکار بن رہا ہے۔

    پاکستان اور بھارت دونوں ممالک میں کروڑوں لوگ کرکٹ کے شیدائی ہیں اور اس وقت دونوں ممالک میں کرکٹ لیگز پاکستان سپر لیگ (پی ایس ایل) اور انڈین پریمیئر لیگ (آئی پی ایل) جاری ہیں۔ تاہم جنگی جنون میں مبتلا مودی سرکاری کا پاگل پن اس جنٹلمین کھیل کو بھی شکار بنا رہا ہے۔

    بھارت کے پاکستان پر رات کی تاریکی میں حملے اور پاک فوج کے اپنے دفاع میں فوری منہ توڑ جوابی حملے کے بعد جنگ کے بادل مزید گہرے ہو گئے ہیں۔ اس موقع پر سرحد کے دونوں جانب کرکٹ لیگز بھی متاثر ہورہی ہیں۔

    پی ایس ایل اور آئی پی ایل میں دنیا بھر سے کرکٹرز کھیل رہے ہیں لیکن مودی کی ہٹ دھرمی نے ان لیگز کو کاری ضرب لگائی ہے۔

    بھارت کے میزائل اور ڈرون حملوں کے بعد ان کے اپنے ملک میں بھی آئی پی ایل شدید متاثر ہو رہی ہے اور 11 مئی کو ہونے والا میچ دھرم شالہ سے احمد آباد منتقل کردیا گیا ہے جب کہ دنیا کی مقبول ترین لیگ میں سے ایک پی ایس ایل 10 کا آج پنڈی کرکٹ اسٹیڈیم میں ہونے والا میچ بھی ملتوی کر دیا گیا ہے۔

    پاک بھارت کشیدگی کے باعث پی ایس ایل 10 کے میچز سے متعلق مختلف آپشنز پر غور کے لیے وزارتِ داخلہ اور پی ایس بی حکام کا اجلاس ہوا۔ جس میں پی ایس ایل کے بقیہ میچز جو لاہور، پنڈی اور ملتان میں ہونے تھے وہ کراچی منتقل کر دیے گئے ہیں۔

    تاہم ذرائع کا یہ بھی کہنا ہے کہ پاک بھارت کشیدگی زیادہ ہوئی توپی ایس ایل کے میچز دبئی یا دوحہ منتقل کئے جاسکتے ہیں جبکہ پی ایس ایل 10 کے میچز منتقل کرنے کا حتمی فیصلہ آج شام تک ہوگا۔

  • لاہور کی فضائی حدود کی مکمل بندش سے متعلق خبریں بےبنیاد ہیں، پی اے اے

    لاہور کی فضائی حدود کی مکمل بندش سے متعلق خبریں بےبنیاد ہیں، پی اے اے

    پاکستان ائیرپورٹس اتھارٹی نے لاہور کی فضائی حدود کی مکمل بندش کے حوالے سے سامنے آنے والی خبروں کی تریدد کردی ہے۔

    پاکستان اور بھارت کے درمیان موجودہ جنگی صورتحال کے تناظر میں پاکستان ائیرپورٹس اتھارٹی (پی اے اے) نے بیان جاری کرتے ہوئے کہا ہے کہ لاہور کی فضائی حدود کی مکمل بندش سے متعلق خبریں بےبنیاد ہیں، لاہور کی فضائی حدود محفوظ اور پروازوں کیلئے دستیاب ہے۔

    تاہم لاہور کی فضائی حدود کے مخصوص حصوں کو پروازوں کے لیے ایک بار پھر بند کیا گیا ہے یہ حصے ہفتہ 10 مئی دن 3 بجے تک بند رہیں گے۔

    اس کے علاوہ گلگت اسکردو ایئرپورٹس کے لیے بھی نئی ہدایات جاری کرتے ہوئے پاکستان ایئرپورٹس اتھارٹی کا نوٹم جاری کیا گیا ہے۔

    نوٹم کے مطابق گلگت، اسکردو ایئرپورٹس کے لیے پرواز سے قبل ایئر ٹریفک کنٹرول سے کوآرڈینیشن کرنا ہوگی۔ کلیئرنس کے بغیر اسکردو اور گلگت ایئرپورٹس پر پرواز کی پابندی ہوگی۔

    پاک بھارت کشیدگی کے باعث آج صبح لاہور، کراچی، سیالکوٹ اور اسلام آباد انٹرنیشنل ایئرپورٹ پر فلائٹ آپریشن عارضی طور پر معطل کردیا گیا تھا۔

    واضح رہے کہ بھارت کی جانب سے منگل اور بدھ کی درمیانی شب پاکستان پر حملوں اور پاک فوج کے فوری منہ توڑ جواب دیے جانے کے بعد گزشتہ شب اور آج دن میں بھی بھارت کی جانب سے پاکستانی حدود کی خلاف ورزی کرتے ہوئے ڈرون بھیجے گئے، جنہیں سیکیورٹی فورسز نے مار گرایا۔

    https://urdu.arynews.tv/pak-india-tension-cert-issued-important-instructions/

  • ڈرون حملوں کے بعد پاکستان کا بھارت کو جواب یقینی ہو گیا، وزیر دفاع

    ڈرون حملوں کے بعد پاکستان کا بھارت کو جواب یقینی ہو گیا، وزیر دفاع

    وزیر دفاع خواجہ آصف نے کہا ہے کہ کشیدگی میں کمی کی کوئی گنجائش نہیں رہی ڈرون حملوں کے بعد پاکستان کا بھارت کو جواب یقینی ہو گیا۔

    پاکستان کے وزیر دفاع خواجہ آصف نے برطانوی خبر ایجنسی سے گفگتو کرتے ہوئے پاک بھارت کشیدگی کے حوالے سے بات کرتے ہوئے واضح کیا ہے کہ دونوں ملکوں کا تنازع بند گلی میں داخل ہو رہا ہے۔ کشیدگی میں کمی کی کوئی گنجائش باقی نہیں رہی۔ ڈرون حملوں کے بعد پاکستان کا بھارت کو جواب یقینی ہو گیا ہے۔

    وزیر دفاع نے کہا کہ بھارت نے پاکستان کے شہری علاقوں پر حملہ کیا، لیکن پاکستان جوابی کارروائی میں بھارتی فوجی تنصیبات کو نشانہ بنائے گا۔

    خواجہ آصف نے کہا کہ بھارت کے ساتھ جو ہوا، اب وہ اس کی خفت مٹانے کی کوشش کر رہا ہے۔ بھارتی ڈرونز سے لاہور کے دفاعی نظام کو کوئی نقصان نہیں ہوا۔

    ان کا کہنا تھا کہ رافیل طیارے اُڑانے والے ایک تو بزدل، دوسرا مہارت نہیں رکھتے تھے۔ رافیل طیارے تیار کرنے والی کمپنی کو بھی دھچکا لگا ہے۔

    وزیر دفاع نے کہا کہ خطے میں قیام امن کے لیے عالمی کوششیں ہو رہی ہیں اور امریکا پاک بھارت کشیدگی میں کمی کے لیے بین الاقوامی کوششوں کی قیادت کر رہا ہے۔

    8 مئی کی شب اور آج دن میں کراچی، پنڈی، لاہور سمیت پاکستان کے کئی شہروں میں اسرائیلی ساختہ درجنوں ڈرون بھیج کر پاکستانی حدود کی خلاف ورزی کی لیکن سیکیورٹی فورسز نے اس کوشش کو بھی ناکام بناتے ہوئے تمام ڈرونز کو مار گرایا۔

  • ظفروال: شہریوں نے جاسوسی کی غرض سے آنے والے بھارتی ڈرون پکڑلیا

    ظفروال: شہریوں نے جاسوسی کی غرض سے آنے والے بھارتی ڈرون پکڑلیا

    ظفروال : شہریوں نے جاسوسی کی غرض سے آنے والے بھارتی ڈرون پکڑلیا، ڈرون بھارتی آر سکس بٹالین کاجاسوس ڈرون ہے۔

    تفصیلات کے مطابق پنجاب کے ظفروال میں سرحدی گاؤں بھولیاں میں مقامی شہریوں نے بھارتی ڈرون کو پکڑلیا۔

    پولیس نے بتایا کہ جاسوسی کی غرض پاکستانی فضائی حدود میں داخل ہونے والا بھارتی ڈرون صحیح حالت میں پکڑا گیا، پکڑا گیا ڈرون بھارتی آر سکس بٹالین کاجاسوس ڈرون ہے۔

    حکام نے مزید تفتیش کے لیے ڈرون کو اپنی تحویل میں لے لیا ہے، اور سیکیورٹی ایجنسیاں اس کے ڈیٹا اور پرواز کے راستے کا تجزیہ کر رہی ہیں تاکہ اس کے مشن کی وسعت کا اندازہ لگایا جا سکے۔

    مزید پڑھیں : پاک فوج نے بھارت کی جانب سے بھیجے گئے 25 اسرائیلی ساختہ ہیروپ ڈرونز مار گرائے

    اس سے قبل ڈی جی آئی ایس پی آر لیفٹیننٹ جنرل احمد شریف چوہدری نے تصدیق کی تھی کہ بھارت نے پاکستان کے کئی بڑے شہروں بشمول لاہور، گوجرانوالہ، راولپنڈی، اٹک، بہاولپور اور کراچی میں ڈرون حملے کیے ہیں۔

    پریس بریفنگ میں انٹر سروسز پبلک ریلیشنز (آئی ایس پی آر) کے ڈائریکٹر جنرل لیفٹیننٹ جنرل احمد شریف چوہدری نے بتایاتھا کہ پاکستان کی سرزمین پر بھارتی ڈرون حملوں میں ایک شہری شہید جب کہ چار فوجی زخمی ہوئے۔

    ان کا کہنا تھا کہ بھارت نے 7-8 مئی کی درمیانی شب جارحیت کی کوشش کی، پاکستان کی فضائی حدود کی سنگین خلاف ورزی کرتے ہوئے شہری علاقوں اور مساجد کو نشانہ بنایا۔

    انہوں نے کہا کہ پاکستان کی مسلح افواج نے کم از کم 25 ڈرونز کو مار گرایا، بھارت پاکستانی شہروں کو نشانہ بنانے کے لیے اسرائیلی ساختہ ڈرون استعمال کر رہا ہے۔

  • پاک بھارت کشیدگی: تعلیمی ادارے بند رکھنے کا اعلان

    پاک بھارت کشیدگی: تعلیمی ادارے بند رکھنے کا اعلان

    لاہور: پاکستان پر بھارت کے بزدلانہ حملے کے بعد پنجاب میں آج سے تعلیمی اداروں کو 3 دن کے لیے بند رکھنے کا فیصلہ کیا گیا ہے۔

    تفصیلات کے مطابق وزیرتعلیم پنجاب نے ملکی صورتحال کے پیش نظر پنجاب بھر کے تمام تعلیمی اداروں کو 11 مئی تک بند کرنے کا اعلان کیا ہے۔

    پاک بھارت کشیدگی، پی ایس ایل 10 میں آج کراچی اور پشاور کا ہونیوالا میچ ملتوی

    پاکستان کے کن علاقوں میں بھارتی ڈرونز مار گرائے گئے؟ تفصیلات سامنے آگئیں

    وزیر تعلیم پنجاب نے اس حوالے سے کہا کہ پنجاب میں تمام تعلیمی ادارے اب 12 مئی کو کھلیں گے، سرکاری، نجی تعلیمی ادارے چھٹیوں کے فیصلے پر عملدرآمد کریں۔

    دوسری جانب بھارت کی جانب سے حملے کے بعد پنجاب کے تمام اسپتالوں کے ڈاکٹروں اور طبی عملے کی چھٹیاں منسوخ کر دی گئیں، شہری دفاع سمیت دیگر تمام اداروں کے افسران اور عملہ بھی طلب کر لیا گیا ہے۔

    اس کے علاوہ پاکستان بار کونسل نے پاک فوج سے یکجہتی کیلئے کل ملک گیر ہڑتال کا اعلان کیا ہے، پاکستان بارکونسل کا کہنا تھا کہ ملک بھر میں وکلا برداری ریلیاں نکالے گی، بھارتی حملے کی مذمت کرتے ہیں، اقوام متحدہ اس کا نوٹس لے۔

    پاک بھارت کشیدگی  سے متعلق تمام خبریں

    واضح رہے کہ بھارت نے پاکستان میں دوبارہ دراندازی کی کوشش کی ہے، پاک فوج نے بھارتی ڈرونز گراکر ایک بار پھر بھارت کو منہ توڑ جواب دیا۔

    7 اور 8 مئی کی رات سے پاکستان کے مختلف شہروں میں بھارت کے اسرائیلی ساختہ ہیراپ ڈرونز حملہ آور ہوئے جو افواج پاکستان نے گرا دیئے اور کچھ گر کر تباہ ہوگئے۔

    لاہور میں بھارت کے چار ڈرونز گرائے گئے، اس دوران پاک فوج کے چار جوان زخمی ہوئے، والٹن ائیرپورٹ پر تین جبکہ برکی روڈ پر ایک ڈرون کو نشانہ بنا کر تباہ کیا گیا۔

  • بھارت کا جنگی جنون: پاکستان کی تینوں بندرگاہوں پر ہائی الرٹ ، ماہی گیری پر پابندی عائد

    بھارت کا جنگی جنون: پاکستان کی تینوں بندرگاہوں پر ہائی الرٹ ، ماہی گیری پر پابندی عائد

    کراچی : پاکستانی بندرگاہوں پر ہائی الرٹ جاری کرتے ہوئے سمندری حدودمیں ماہی گیری پرپابندی عائد کردی گئی۔

    تفصیلات کے مطابق پاکستان کی تینوں بندرگاہوں پرہائی الرٹ جاری کر دیا گیا، ذرائع نے بتایا کہ بندرگاہوں پرسیکیورٹی بڑھادی گئی اور غیر ضروری نقل و حرکت پر پابندی عائد کردی ہے۔

    ذرائع کا کہنا تھا کہ ماہی گیروں کو بھی محتاط رہنے کی ہدایت کرتے ہوئے چھوٹی کشتیوں کے سمندر میں جانے پر پابندی لگادی ہے۔

    موجودہ حالات کے پیش نظر پاکستانی سمندری حدود میں ماہی گیری پر بھی پابندی عائد کرتے ہوئے ماہی گیری کیلئے سمندر میں موجود فشنگ ٹرالرز اور کشتیوں کو واپس بلا لیا گیا ہے۔

    پاک بھارت کشیدگی  سے متعلق تمام خبریں

    ذرائع نے بتایا کہ ہائی الرٹ تک سمندر میں کوئی غیر ضروری بوٹس اور ماہی گیری کشتیاں فشنگ بوتس پر پابندی ہوگی۔

    دوسری جانب کراچی پورٹ قاسم اور کراچی پورٹ پرشپنگ آپریشن معمول کے مطابق جاری ہے ، کراچی پورٹ سے گزشتہ 24 گھنٹوں کے دوران 8 جہاز کارگو لے کر روانہ ہو گے ہیں

    ایک کارگو شپ آج رات روانہ ہوگا، کراچی پورٹ پر آئندہ 24 گھنٹے میں 10 کارگو، کیمیکل اور کنٹینتز شپ لنگر انداز ہوں گے۔

  • پاک بھارت کشیدگی: وفاقی اسپتالوں میں اضافی بیڈز، خون اور ادویات کا اسٹاک یقینی بنانے کی ہدایت

    پاک بھارت کشیدگی: وفاقی اسپتالوں میں اضافی بیڈز، خون اور ادویات کا اسٹاک یقینی بنانے کی ہدایت

    اسلام آباد: پاکستان اور بھارت کے درمیان کشیدگی کے پیش نظر وفاقی اسپتالوں میں اضافی بیڈز مختص کرنے، خون کے وافر ذخائر اور ادویات کا اسٹاک یقینی بنانے کی ہدایت کر دی گئی۔

    وزیر صحت مصطفیٰ کمال نے قومی ادارہ صحت میں اعلیٰ سطحی اجلاس طلب کیا جس میں ڈائریکٹر جنرل ہیلتھ، قومی ادارہ صحت کے سربراہ، سی ای او ڈریپ، تمام وفاقی اسپتالوں کے سربراہان، اسلام آباد ہیلتھ ریگولیٹری اتھارٹی کے سربراہ و دیگر حکام نے شرکت کی۔

    اجلاس کا مقصد ممکنہ ہنگامی حالات سے نمٹنے کی تیاریوں اور حکمت عملی کا جائزہ لینا تھا۔

    یہ بھی پڑھیں: اسلام آباد ایئرپورٹ بند ، پروازیں کراچی ائیرپورٹ پر اتار لی گئیں

    اس موقع پر مصطفیٰ کمال نے کہا کہ کسی بھی ناگہانی صورتحال سے نمٹنے کیلیے وزارت صحت اور اس کے ماتحت ادارے مکمل الرٹ رہیں گے، بھارت ناقابل اعتبار دشمن ہے ہمیں ہر ممکن صورتحال کیلیے تیار رہنا ہوگا

    مصطفیٰ کمال نے ہدایت کی کہ سی او ڈریپ ویکسینز کی بلا تعطل فراہمی یقینی بنانے کیلیے دوا ساز اداروں سے فوری رابطہ کرے، بھارت سے درآمد شدہ ادویات کے متبادل انتظامات کو یقینی بنایا جائے، جان بچانے والی ادویات کی بلا تعطل فراہمی کو یقینی بنائے، این آئی ایچ کو ویکسین کی مقامی تیاری کی صلاحیت بڑھانے کیلیے فوری اقدامات کرے۔

    وزیر صحت نے ہدایت کی کہ وفاقی اسپتالوں میں روز مرہ علاج میں کسی قسم کی رکاوٹ نہ آنے دی جائے، صوبوں سے درخواست ہے اسپتالوں میں ہنگامی صورتحال کی پیش نظر اضافی بیڈز مختص کریں، قومی ادارہ صحت میں قومی ہیلتھ ایمرجنسی سینٹر قائم کر دیا گیا ہے جو تمام صوبوں اور متعلقہ اداروں سے رابطے میں رہے گا، صوبے 24/7 کوئیک ریسپانس سینٹر سے رابطے میں رہیں۔

    ’وفاقی اسپتالوں میں اضافی بیڈز مختص کیے جائیں۔ انتظامیہ بلڈ بینک میں خون کے وافر ذخائر اور ادویات کے اسٹاک کو یقینی بنائے۔ بلڈ اسکریننگ کے نظام کو مؤثر اور بڑھایا جائے۔ پولی کلینک اسپتال کو جلنے والے مریضوں کے علاج کیلیے خصوصی انتظامات کرے۔‘

  • پاک بھارت کشیدگی: شپنگ کمپنیوں نے 800 ڈالر تک کا سر چارج لگا دیا

    پاک بھارت کشیدگی: شپنگ کمپنیوں نے 800 ڈالر تک کا سر چارج لگا دیا

    شپنگ کمپنیوں نے پاکستان سے یورپ، مشرق وسطیٰ اور افریقا جانے والے کنٹینرز پر شپنگ چارجز میں 800 ڈالر تک کا بڑا اضافہ کر دیا۔

    تفصیلات کے مطابق پاکستان بھارت کے درمیان شپنگ روابط معطل ہونے سے شپنگ کمپنیوں نے شپنگ چارجز بڑھا دیے ہیں، ذرائع پاکستان نیشنل شپنگ کارپوریشن(پی این ایس سی) کے مطابق مشرق وسطیٰ، افریقا اور یورپ کے کنٹینر کارگو پر 300 سے 800 ڈالر تک کا اضافہ کیا گیا۔

    ذرائع نے بتایا کہ شپنگ لائنز نے پاکستان سے افریقا کے لیے کرایوں میں 800 ڈالر کا اضافہ کیا جبکہ ایشیا کے لیے کرایوں میں 300 ڈالر کا اضافہ کیا گیا ہے جو کہ فوری طور پر نافذ العمل ہوگا۔

    پاک بھارت کشیدگی  سے متعلق تمام خبریں

    یاد رہے کہ اس سے قبل پی این ایس سی کا جہاز بھارت کے لیے کارگو لے کر بھارتی کانڈلہ پورٹ کیلئے روانہ ہوا تھا جسے پاک بھارت کشیدگی کی وجہ سے سنگاپور کی طرف موڑ دیا تھا۔

    میڈیا رپورٹس کے مطابق پاکستان بھارت کے درمیان شپنگ روابط معطل ہونے سے کارگو کی ترسیل میں مشکلات کا سامنا ہے، پاکستانی کارگو کی عمان اور سری لنکا کی بندرگاہوں سے ٹرانس شپمنٹ کی جا رہی ہے۔