ARYNews.tv | Urdu – Har Lamha Bakhabar

Tag: Pahalgam

پہلگام کے واقعے کے بعد بھارت اور پاکستان کے تعلقات میں ایک بار پھر کشیدگی دیکھی گئی۔ بھارت نے الزام لگایا کہ اس واقعے میں پاکستان میں موجود عسکریت پسند گروہوں کا ہاتھ ہے، جبکہ پاکستان نے ان الزامات کو سختی سے مسترد کیا۔ بھارتی میڈیا اور حکومت کی جانب سے سخت بیانات سامنے آئے، جس سے دونوں ملکوں کے درمیان سفارتی رابطے متاثر ہوئے۔

پاکستان نے بھارت کی جانب سے لگائے گئے الزامات کو بے بنیاد قرار دیتے ہوئے عالمی برادری سے اپیل کی کہ وہ خطے میں امن کے لیے بھارت پر دباؤ ڈالے۔ پاکستان نے کہا کہ وہ خود دہشت گردی کا شکار ہے اور ہر قسم کی دہشت گردی کی مذمت کرتا ہے۔ اس کے علاوہ، پاکستان نے اقوام متحدہ اور دیگر بین الاقوامی اداروں سے رابطہ کر کے کشمیر کے مسئلے کو اجاگر کرنے کی کوشش کی۔

دونوں ممالک کی سرحدوں پر فوجی نقل و حرکت میں اضافہ دیکھنے میں آیا اور لائن آف کنٹرول (LOC) پر جھڑپوں کی اطلاعات بھی موصول ہوئیں۔ عوامی سطح پر بھی دونوں ملکوں میں تناؤ بڑھ گیا، جس سے ثقافتی اور تجارتی تبادلے متاثر ہوئے۔ اگرچہ کچھ بین الاقوامی قوتوں نے کشیدگی کم کرنے کی کوشش کی، مگر مستقل حل کی کوئی صورت نظر نہیں آئی۔ اس واقعے نے ایک بار پھر ثابت کیا کہ کشمیر کا مسئلہ دونوں ممالک کے تعلقات میں بنیادی رکاوٹ ہے

  • کرنل صوفیہ کیخلاف آپ نے کس قسم کی گفتگو کی؟ بھارتی چیف جسٹس بی جے پی وزیر پر برہم

    کرنل صوفیہ کیخلاف آپ نے کس قسم کی گفتگو کی؟ بھارتی چیف جسٹس بی جے پی وزیر پر برہم

    بھارتی فوج کی مسلمان کرنل خاتون کے خلاف غیرمہذبانہ گفتگو کرنے والے بھارتی وزیر کنور وجے شاہ کی جج نے ٹھیک ٹھاک سرزنش کردی۔

    آپریشن سندور کے بارے میں میڈیا کو بریفنگ دینے والی بھارتی فوج کی افسر کرنل صوفیہ قریشی کو نشانہ بنانے اور ان کے خلاف متنازعہ ریمارکس دینے پر بھارتی سپریم کورٹ نے مدھیہ پردیش کابینہ کے وزیر کنور وجے شاہ کی سرزنش کی ہے۔

    عدالت نے بی جے پی وزیر کنور وجے شاہ کے "غیر ذمہ دارانہ” تبصروں پر سخت تنقید کرتے ہوئے کہا کہ آئینی عہدے پر فائز شخص کو تحمل کا مظاہرہ کرنا چاہیے، خاص طور پر آپریشن سندور جیسے حساس قومی آپریشن کے دوران یہ گفتگو نہیں ہونی چاہیے تھی۔

    چیف جسٹس آف انڈیا بھوشن رام کرشن گوائی کی سربراہی میں عدالت کے دو رکنی بنچ نے ریمارکس دیے کہ آپ شاہ کس قسم کا بیان دے رہے ہیں؟ آئینی عہدہ رکھنے والے ایسے شخص کو ذمہ دار ہونا چاہیے۔

    جب ملک ایسی صورتحال سے گزر رہا ہے، صرف اس لیے کہ آپ وزیر ہیں یہ سب نہیں کہہ سکتے، سپریم کورٹ نے وجے شاہ کے ریمارکس کو "ناقابل قبول اور غیر حساس” قرار دیا۔

    سی جے آئی گوائی نے کہا کہ "آپ کو کچھ سمجھداری کا مظاہرہ کرنا چاہیے تھا، ہائی کورٹ میں جا کر معافی مانگیں۔

    واضح رہے کہ مدھیہ پردیش حکومت کے وزیر کنور وجے شاہ نے مدھیہ پردیش ہائی کورٹ کے ایف آئی آر کے حکم کے خلاف سپریم کورٹ سے رجوع کیا تھا، سپریم کورٹ نے وجے شاہ کی درخواست جمعہ کو سماعت کے لیے مقرر کی ہے۔

    انھوں نے سپریم کورٹ کو بتایا کہ میرے بیان کو غلط سمجھا گیا، میں نے اس پر معافی مانگ لی ہے، میڈیا نے اسے بڑھا چڑھا کر پیش کیا ہے

    خیال رہے کہ خاتون کرنل صوفیہ قریشی کو نشانہ بنانے والی وجے شاہ کی تقریر کی ایک ویڈیو کلپ سوشل میڈیا پر وائرل ہونے کے بعد تنازعہ کھڑا ہوا تھا، انھوں نے پاکستان کے خلاف آپریشن سندور کے بارے میں میڈیا کو بریفنگ دی تھی۔

    https://urdu.arynews.tv/india-pakistan-tension-58-arrested-assam-pahalgam/

  • پاکستان نے بھارت کیخلاف بڑی فتح حاصل کی، ڈی جی آئی ایس پی آر کی برطانوی میڈیا سے گفتگو

    پاکستان نے بھارت کیخلاف بڑی فتح حاصل کی، ڈی جی آئی ایس پی آر کی برطانوی میڈیا سے گفتگو

    معرکہ بنیان مرصوص میں بھارت کو منہ توڑ جواب دینے کے بعد کشمیر پر ڈی جی آئی ایس پی آر کا دوٹوک مؤقف سامنے آگیا۔

    اے آر وائی نیوز کے مطابق لیفٹیننٹ جنرل احمد شریف چوہدری نے برطانوی ٹی وی اسکائی نیوز سے گفتگو کی ہے، جس میں انھوں نے کہا کہ پاکستان نے بھارت کی بڑی افواج کے باوجود نئی دہلی کیخلاف بڑی فتح حاصل کی، جو بھی ہماری سرزمین اور خودمختاری کی خلاف ورزی کریگا جواب بےرحمانہ ملےگا۔

    ڈی جی آئی ایس پی آر نے بھارت کی جانب سے جنگ بندی کی خلاف ورزی کی صورت میں یقینی جواب کا عزم ظاہرکیا، انھوں نے کہا کہ پاکستان بھارت دونوں ایٹمی طاقت ہیں کشیدگی تباہی کاباعث ہو گی۔

    اسکائی نیوز سے گفتگو میں احمد شریف چوہدری کا کہنا تھا کہ بھارت سمجھتا ہے کہ پاکستان کیخلاف محاذ کھڑا کریگا تو یہ خطے میں تباہی ہوگی۔

    ڈی جی آئی ایس پی آر نے کہا کہ امریکا جیسے ممالک جوہری خطرات پر بھارت کے عزائم کو جان چکے، بھارت مسئلے کو اندرونی معاملہ قرار دیکر کشمیریوں کو ہراساں کررہا ہے۔

    لیفٹیننٹ جنرل احمد شریف چوہدری نے مزید کہا کہ مسئلہ کشمیر کو سلامتی کونسل قرارداد کے مطابق حل کرنا ہوگا۔

    انھوں نے کہا کہ بھارت ناراض ہےک ہ امریکا اس بحران کے دوران مسئلہ کشمیر کو اجاگر کررہا ہے، امریکا کیلئے اصل امتحان یہ ہے کہ وہ بھارت پر کتنا دباؤ ڈال سکتا ہے۔

    https://urdu.arynews.tv/pahalgam-ishaq-dar-on-ceasefire/

  • بھارت سے جنگ بندی 18 مئی تک بڑھا دی گئی ہے، نائب وزیراعظم

    بھارت سے جنگ بندی 18 مئی تک بڑھا دی گئی ہے، نائب وزیراعظم

    پاکستان کے نائب وزیراعظم اسحاق ڈار نے کہا ہے کہ جنگ بندی 18 مئی تک بڑھا دی گئی ہے اور اب بھارت کے ساتھ جامع مذاکرات ہوں گے۔

    اے آر وائی نیوز کے مطابق نائب وزیر اعظم اور وزیر خارجہ اسحاق ڈار نے سینیٹ میں پاکستان کے خلاف بھارتی جارحیت کے حوالے سے اظہار خیال کرتے ہوئے ایوان کو بتایا ہے کہ 10 مئی کو سیز فائر کی بات 12 مئی تک ہوئی تھی۔ بعد میں یہ مدت بڑھا کر 14 مئی اور 18 مئی تک جنگ بندی کی مدت بڑھا دی گئی ہے۔ بھارت کے ساتھ جامع مذاکرات ہوں گے۔ یہ مذاکرات کسی کی برتری تسلیم کرنے نہیں بلکہ برابری کی بنیاد پر ہوں گے۔

    اسحاق ڈار نے کہا کہ حالیہ کشیدگی میں امریکی صدر ٹرمپ نے بھی مسئلہ کشمیر کے حل کا لکھ دیا ہے جس کے بعد اب بھارت کی کشمیر ہڑپ کرنے کی کوشش ناکام ہو گئی ہے۔

    اسحاق ڈار نے کہا کہ اس بار دنیا میں بھارت کا بیانیہ نہیں بلکہ ہم نے عالمی برادری کو بتایا کہ بھارت کس طرح کا پروپیگنڈا کر رہا ہے۔ بھارت سے معرکہ میں اللہ کے فضل سے ہمارے ایک بھی جہاز کو نقصان نہیں پہنچا جب کہ بہادر پاک فضائیہ نے بھارت کے پانچ طیارے اور ایک یو اے وی مار گرایا۔

    انہوں نے ایوان کو بتایا کہ بھارت نے نیا ڈراما کرتے ہوئے 80 سے زائد ڈرونز پاکستان بھیجے انہیں بھی تباہ کر دیا گیا جب کہ پاکستان نے عالمی قوانین کے تحت اپنے دفاع میں بھارت کو فوری جواب دیے۔

    انہوں نے کہا کہ جب بھارت نے سکھوں کو پاکستان کے خلاف اکسانے کے لیے امرتسر پر بھی خود میزائل داغے تو برداشت سے باہر ہو گیا اور 9 مئی کو میٹنگ ہوئی جس میں پلان ترتیب دیا گیا۔

    اسحاق ڈار نے کہا کہ ہم نے کسی سے سیز فائر کی درخواست نہیں کی اور نہ ہی کسی نے ہم سے جنگ روکنے کی کہا۔ ہم نے جنگ میں پہل نہیں کی اور صرف بھارتی جارحیت کا جواب دیتے ہوئے اقوام متحدہ کے چارٹر کے مطابق اپنے دفاع کا حق استعمال کیا کیونکہ ملکی خودمختاری اور سالمیت کے خلاف اقدامات کسی صورت قبول نہیں کرسکتے۔

    نائب وزیر اعظم نے بتایا کہ 10مئی کو سوا دس بجے امریکی وزیر خارجہ مارکو روبیو کا فون آیا۔ ہم نے امریکی وزیر خارجہ کو واضح کر دیا کہ اگر بھارت تیار ہے تو ہم بھی تیار ہیں۔ بھارت جنگ روکے گا تب ہی ہم بھی روک دیں گے۔ پاکستان کے اس جواب پر امریکی وزیر خارجہ نے کہا کہ وہ بھارتی ہم منصب جے شنکر کو اطلاع کر دیتے ہیں۔

    اسحاق ڈار نے کہا کہ سعودی ہم منصب کو بھی کہا تھا کہ جنگ ہم نے شروع نہیں کی۔ انہوں ںے بتایا کہ ان کی بھارتی ہم منصب سے بات ہو گئی ہے اور بھارت سیز فائر پر تیار ہے۔ ساڑھے چار بجے سیز فائر ہوا تو یہ گھنٹوں میں بھاگ گئے۔

    https://urdu.arynews.tv/pahalgam-operation-bunyanun-mursus-success-announcement-of-a-day-of-thanksgiving-across-the-pakistan-tomorrow/

  • آپریشن بنیان مرصوص: پاکستان کی سائبر ٹیم نے بھارتی جارحیت کا منہ توڑ جواب کیسے دیا؟ تفصیلات آگئیں

    آپریشن بنیان مرصوص: پاکستان کی سائبر ٹیم نے بھارتی جارحیت کا منہ توڑ جواب کیسے دیا؟ تفصیلات آگئیں

    بھارتی سائبر جارحیت کے خلاف پاکستان کی سائبر ٹیم نے ”آپریشن بنیان مرصوص“ کے تحت دشمن کو زبردست اور منہ توڑ جواب دیا ہے جس کی تفصیلات سامنے آگئی ہے۔

    سیکیورٹی ذرائع کا کہنا ہے کہ افواج پاکستان کی سائبر ٹیم نے بھارت کو مختلف ڈومینز مین نقصان پہنچایا، بھارتی پاور انفرااسٹرکچر اور پیٹرولیم سیکٹر کو نقصان پہنچایا گیا۔

    ذرائع کے مطابق پاکستانی سائبر ٹیم نے بھارتی قومی مواصلات کو بھی شدید نقصان پہنچایا، بھارتی سرکاری ای میل اور اوٹی پی انفرااسٹرکچر کو بھی بند کیا گیا، پاکستانی سائبر ٹیم نے بھارتی نگرانی کے نظام میں خلل پیدا کیا۔

    ذرائع نے بتتایا کہ پاکستان کی سائبر ٹیم کمیونیکیشن ہارڈویئر کی تباہی اور بھارتی ویب سائٹس کو ہیک کیا، سائبر ٹیم نے بھارتی ہوائی اڈوں کے سرورز ٹیک ڈاؤن کیے، بھارتی فضائیہ کے مواصلاتی نظام اور ریلوے کےنظام میں خلل پیدا کیا۔

    پاکستانی سائبر ٹیم نے بھارت کے نیشنل، ایسٹرن، ناردرن اور ویسٹرن لوڈ ڈسپیچ سینٹرز تک رسائی حاصل کرکے سسٹم کو بھی ہیک کیا جبکہ بھارت کے تقریباً 80 فیصد صارفین کو عارضی طور پر بجلی کی فراہمی سے بھی محروم کیا، ریاست اتر پردیش میں 3600 سے زائد پاور فیڈرز، مقبوضہ جموں و کشمیر میں 600 سے زائد جبکہ ریاست مہارشٹر میں 4500 سے زائد فیڈرز کی سپلائی کو ہیک اور منقطع کیا گیا ۔

    آپریشن بنیان مرصوص: پاک فوج کی جوابی کارروائی میں ایڈیشنل ڈپٹی کمشنر راجوڑی راج کمار تھاپا مارا گیا

    آپریشن بنیان مرصوص: بھارت کی کئی اہم فوجی تنصیبات اور بجلی کا نظام تباہ، بھارت نے نقصان کا اعتراف کرلیا

    پاکستانی سائبر ٹیم نے پنجاب لوڈ ڈسپیچ سینٹر کے 2 مرکزری اے آئی سرورز ، ریاست کرناٹک میں 235 ونڈ اور سولر گرڈز کو ہیک اورناکارہ بنایا، ہندوستان پٹرولیم کارپوریشن لمیٹڈ، اندرا پرستھا گیس لمیٹڈ کے ڈیٹا بیس کو ہیک اور ناکارہ کردیا گیا جبکہ 4400 سرکاری اور پبلک سیکٹر کمیونیکیشن راؤٹرز کو بھی ناکارہ بنا دیا گیا۔

    افواج پاکستان کی سائبر ٹیم نے بھارتی حکومت، فوج، فضائیہ، اسٹاک ایکسچینجز اور پبلک سیکٹر تنظیموں سمیت بھارت کے تمام اہم سرورز پر حملہ کیا، جس کے نتیجے میں ای میل، او ٹی پی ورک فلو اور اندرونی مواصلات میں قومی خلل پیدا کیا گیا جبکہ سرکاری عمارتوں، شاہراہوں اور دیگر عوامی زونز کے 3500 سی سی ٹی وی کیمرے ہیک کیے گئے۔

    مقبوضہ جموں و کشمیر میں 250 سے زائد اہم آئی ایس پی کمیونیکیشن راؤٹرز کو ہیک کرکے ناکارہ بنادیا گیا جبکہ 90 سے زیادہ سرکاری اور کارپوریٹ سیکٹر کی ویب سائٹس کے ڈیٹا کو ہیک کرلیا گیا، جس میں بھارتی فضائیہ، ہندوستان ایروناٹکس لمیٹڈ، بارڈر سیکیورٹی فورس، ہندوستان کی منفرد شناختی اتھارٹی اور ہندوستانی ریلوے شامل ہیں۔

    افواج پاکستان کی سائبر ٹیم نے بھارتی ہوائی اڈوں کے سرورز کو بھی ہیک کیا، جن میں ممبئی، دہلی اور کولکتہ کے سرورز شامل ہیں، آپریشن بنیان مرصوص کے دوران بھارتی فضائیہ کے مواصلاتی نظام میں خلل پیدا کیا گیا جس میں بھارتی فضائیہ کی نادرن ، سدرن اور ویسٹرن ایئر کمانڈ شامل ہیں اس کے علاوہ بھارتی ریلوے کے مختلف سرورز  ہیک ہونے سے متعدد علاقوں میں آپریشن متاثر ہوئے ہیں۔

  • بھارت میں ترکیہ کی جیولری کیخلاف بائیکاٹ مہم شروع

    بھارت میں ترکیہ کی جیولری کیخلاف بائیکاٹ مہم شروع

    جنگ میں پاکستان کی کھل کر حمایت کرنے پر بھارت میں ترکیہ کے سونے اور ہیروں سے بنی جیولری کے خلاف بائیکاٹ مہم کا آغاز کر دیا گیا۔

    انڈین میڈیا کے مطابق جودھپور جیولرز ایسوسی ایشن نے ترکیہ کی جیولری کی خرید و فروخت نہ کرنے کا اعلان کر دیا۔ صدر نوین سونی نے بتایا کہ یہاں ترکیہ سے زیورات کی بہت مانگ ہے لیکن اب اسے جودھپور میں فروخت نہیں کیا جائے گا۔

    سال 2024 میں بھارت کی ترکیہ سے موتیوں، قیمتی پتھروں، زیورات اور دھاتوں کی کُل درآمد کی مالیت 274.91 ملین ڈالر تھی جو کہ اب کم ہو رہی ہے۔

    نوین سونی نے کہا کہ جودھپور میں خرید و فروخت ہونے والے زیورات میں سے پانچ سے 10 فیصد ترکیہ سے منگوائے جاتے ہیں، انڈین انٹرنیشنل جیولری شو کے ذریعے زیورات بھارت آتے ہیں۔

    انہوں نے بتایا کہ ترک تاجر شو میں اسٹال لگاتے ہیں، مقامی جیولرز ترکیہ سے اپنے ہم منصبوں کے ساتھ معاہدہ کرتے ہیں اور مارکیٹ کیلیے زیورات کا ذریعہ بناتے ہیں۔

    صدر ایسوسی ایشن نے کہا کہ ایسوسی ایشن 30 جولائی سے منعقد ہونے والے شو کے منتظمین کو ترکیہ کے تاجروں کو اسٹال الاٹ نہ کرنے کے بارے میں آگاہ کرے گی، ہم ایسے ملک کو فائدہ نہیں پہنچا سکتے جو ہمارے دشمن کی حمایت کرتا ہو۔

    ترکیہ سے درآمد جیولری وزن میں ہلکی اور کوالٹی میں بہتر ہوتی ہے جس کی وجہ سے یہ بھارت میں کافی مقبول ہے۔ حال ہی میں سونے کی قیمت آسمان کو چھونے کے بعد ہلکے وزن کے زیورات کی مانگ میں اضافہ ہوا۔

  • وزیراعلیٰ کے پی کا بھارتی جارحیت کے شہدا کے لواحقین اور زخمیوں کیلیے امدادی پیکیج کا اعلان

    وزیراعلیٰ کے پی کا بھارتی جارحیت کے شہدا کے لواحقین اور زخمیوں کیلیے امدادی پیکیج کا اعلان

    وزیراعلیٰ کے پی نے بھارتی جارحیت میں صوبے کے شہید افراد کے لواحقین کو 50 پچاس لاکھ اور زخمیوں کو دس دس لاکھ دینے کا اعلان کیا ہے۔

    اے آر وائی نیوز کے مطابق وزیراعلیٰ خیبر پختونخوا علی امین گنڈاپور کی زیر صدارت صوبائی کابینہ کا اجلاس ہوا جس میں بھارتی جارحیت میں کے پی میں شہید اور زخمیوں کے لیے امدادی پیکیج کا اعلان کیا گیا۔

    وزیراعلیٰ علی امین گنڈاپور نے شہدا کے لواحقین کو 50 پچاس لاکھ جب کہ زخمیوں کو 10 دس لاکھ روپے دینے کا اعلان کرتے ہوئے متعلقہ ممبران اور انتظامیہ کو شہدا اور زخمیوں کے گھروں میں جا کر امدادی پیکیج ادا کرنے کی ہدایت کی۔

    علی امین گنڈاپور نے اجلاس سے خطاب کرتے ہوئے کہا کہ بھارتی جارحیت کا موثر جواب دینے پر مسلح افواج کو خراج تحسین اور شہید ہونے والوں کو سلام پیش کرتے ہیں۔ بھارت کے خلاف شاندار فتح پر مسلح افواج اور قوم مبارکباد کے مستحق ہیں۔

    انہوں نے اجلاس سے خطاب میں کوہستان میں مبینہ مالی بے ضابطگی کیخلاف نیب کی کارروائی کا خیر مقدم کرتے ہوئے کہا کہ صوبائی حکومت اس سلسلے میں نیب کو بھر پور سپورٹ فراہم کرے گی اور جو بھی دستاویز درکار ہوں گی فراہم کی جائیں گی۔ خوش آئند بات ہے کہ نیب نے اس کیس میں کچھ ریکوریاں بھی کی ہیں۔

    وزیراعلیٰ کے پی نے کہا کہ جو لوگ اور ادارے ملوث ہیں، ان کے خلاف سخت کارروائی ہونی چاہیے۔ بدعنوانی کیس میں ملوث عناصر کے خلاف سخت کارروائی صوبائی حکومت خود کرے گی۔ متعلقہ کابینہ اراکین پریس کانفرنس کے ذریعے حقائق عوام کے سامنے رکھیں۔

    اجلاس میں کے پی کابینہ کا بدعنوانی کے کیس کی حکومتی سطح پر تحقیقات کے لیے کمیٹی بنانے کا فیصلہ کیا گیا۔ کمیٹی میں متعلقہ کابینہ اراکین اور ممبران اسمبلی شامل ہوں گے جب کہ کمیٹی کی سربراہی وزیراعلیٰ خود کریں گے۔

    واضح رہے کہ فوج کے شعبہ تعلقات عامہ (آئی ایس پی آر) نے گزشتہ روز بھارتی جارحیت کے خلاف معرکہ حق کے دوران شہدا اور زخمیوں کی تفصیلات جاری کی تھیں۔

    بھارتی مسلح افواج کے بلا اشتعال اور وحشیانہ حملوں کے نتیجے میں 40 شہری شہید ہوئے تھے۔ ان میں 7 خواتین اور 15 بچے بھی شامل ہیں جبکہ 121 شہری زخمی ہوئے تھے۔

    بھارتی جارحیت کے جواب میں پاکستان کی مسلح افواج کے معرکہ حق کے تحت بھرپور جوابی کارروائی میں آپریشن بنیان مرصوص کے دوران 11 جوانوں نے جام شہادت نوش کیا۔ بعد ازاں مزید دو زخمی جوان دوران علاج شہادت کے رتبے پر پہنچ گئے تھے۔

  • پاک بھارت ڈاگ فائٹ: ائیر وائس مارشل اورنگزیب احمد گوگل پر سب سے زیادہ سرچ کی جانے والی شخصیت

    پاک بھارت ڈاگ فائٹ: ائیر وائس مارشل اورنگزیب احمد گوگل پر سب سے زیادہ سرچ کی جانے والی شخصیت

    پاک بھارت ڈاگ فائٹ کے بعد پاک فضائیہ کے ائیر وائس مارشل اورنگزیب احمد نے بڑا اعزاز اپنے نام کرلیا۔

    تفصیلات کے مطابق حال ہی میں پاکستان ائیر فورس کے ائیر وائس مارشل اورنگزیب احمد نے پاک بھارت گشیدگی کے دوران بہت زیادہ پذیرائی حاصل کی اور پاکستان میں گوگل پر سب سے زیادہ سرچ کی جانے والی شخصیت بن گئے۔

    گوگل ٹرینڈز پر ‘Aurangzeb’ نام کی تلاش نے بلند ترین سطح پر پہنچ کر گزشتہ ہفتے کے دوران کسی بھی شخصیت سے متعلق سب سے زیادہ سرچ کا ریکارڈ بنالیا، ائیر وائس مارشل کا مخصوص انداز ان کی مقبولیت کا سبب بنا۔

    اورنگزیب احمد جو پی اے ایف کے سرکاری ترجمان کے طور پر خدمات انجام دے رہے ہیں، اس وقت سوشل میڈیا پر موضوع گفتگو بنے جب انہوں نے بھارتی جارحیت کے بعد پاکستان کی جوابی کارروائیوں پر نیوز بریفنگ کے دوران دلچسپ انداز میں گفتگو کی ، صارفین کو ان کا مزاح سے بھرپور انداز خوب پسند آیا۔

    سوشل میڈیا پر ان کی ایک کلپ وائرل ہوئی ، جس میں وہ کہہ رہے ہیں کہ جہاں سے پچھلے روز چھوڑی تھی، وہیں سے بات شروع کروں گا یعنی پاک فضائیہ بمقابلہ بھارتی فضائیہ صفر 6 صفر رہا۔

    ان کا یہ بیان پاکستان کے ہاتھوں بھارتی فضائیہ کے 6 طیاروں کی تباہی کے لیے دیا گیا تھا جن میں 3 رافیل، ایک SU-30، ایک MiG-29، اور ایک ڈرون شامل تھے۔

    مزیدپڑھیں : بھارت کے خلاف پاک فضائیہ کی شاندار کامیابی ، مقبول ہونے والے ایئر وائس مارشل اورنگزیب احمد کون ہیں؟

    پاکستانیوں نے اورنگزیب احمد کے علاوہ گوگل پر "اسلام آباد ایئرپورٹ” ، "JF-17 Thunder”، "DG ISPR” اور اور "Shivangi Singh” کو سرچ کیا۔

    دوسری جانب ہندوستان میں، "آپریشن سندھور” اور "ماک ڈرل” جیسی اصطلاحات گوگل پر سرفہرست رہیں ، جنہں بالترتیب 50 لاکھ اور 10 لاکھ بار سرچ کیا گیا جبکہ "IMF”، "DGMO”، "Flight Radar 24″، اور "S-400” بھی ٹرینڈ میں تھے۔

    خیال رہے اورنگزیب احمد پاک فضائیہ کے اعلیٰ ترین افسروں میں سے ایک ہیں ،ان کو 1992 میں جنرل ڈیوٹی پائلٹ برانچ میں کمیشن دیا گیا تھا، جس کے بعد انھوں نے فائٹر اسکواڈرن اور آپریشنل ایئر بیس دونوں کی کمانڈ کی۔

    ان کی بین الاقوامی خدمات میں پاکستان ایروناٹیکل کمپلیکس ٹیم کی سعودی عرب میں کنٹیجینٹ کمانڈر کی حیثیت سے قیادت کرنا شامل ہے، انہوں نے بیجنگ سے ملٹری آرٹس میں پہلی ماسٹرز اور پاکستان کی نیشنل ڈیفنس یونیورسٹی سے نیشنل سیکیورٹی اینڈ وار اسٹڈیز میں ایک اور ڈگری حاصل کی۔

    حال ہی میں اے وی ایم اورنگزیب نے ہندوستان-پاکستان تنازعہ کے دوران بہت زیادہ پذیرائی حاصل کی، میڈیا بریفنگ کی قیادت کی جہاں انہوں نے پاکستان ایئر فورس کے تیز اور موثر ردعمل پر روشنی ڈالی، جس میں کئی ہندوستانی جیٹ طیاروں کو مار گرانے کے دعوے بھی شامل تھے، جن کی تائید ثبوت کے ساتھ کی گئی۔

  • پاک بھارت کشیدگی، بھارت میں مسلمانوں پر زمین تنگ کردی گئی، درجنوں گرفتار

    پاک بھارت کشیدگی، بھارت میں مسلمانوں پر زمین تنگ کردی گئی، درجنوں گرفتار

    پاک بھارت کشیدگی کے دوران آسام پولیس نے پاکستان کی حمایت میں پوسٹ کرنے کے الزام میں متعدد افراد کو گرفتار کرکے جیل بھیج دیا۔

    غیر ملکی ذرائع ابلاغ کے مطابق ریاست آسام کے وزیر اعلیٰ کا کہنا تھا کہ اب تک ریاست کے 21 مختلف اضلاع میں 58 سے زیادہ گرفتاریاں کی جا چکی ہیں۔گرفتار ہونے والوں میں طالب علم، صحافی اور سماجی کارکن شامل ہیں۔

    پہلگام میں اپنے لوگوں کو خود مروانے کے بعد گودی حکومت کی جانب سے مسلمانوں پر ظلم کا بازار گرم کردیا گیا ہے، پاک بھارت کشیدگی کے دوران آسام حکومت نے گزشتہ روز 58 افراد کو حراست میں لے کر جیل بھیج دیا ہے۔

    گزشتہ روز آسام کے وزیر اعلیٰ نے سوشل میڈیا پر ملک مخالف سرگرمیوں کے لیے دو افراد کی گرفتاری کی اطلاع دی تھی۔ ان دونوں کو منگل کو سونیت پور ضلع سے گرفتار کیا گیا تھا۔ گرفتار افراد کی شناخت سوکور علی اور فضل علی کے ناموں سے کی گئی تھی۔

    ڈھونگی وزیر اعلیٰ نے سوشل میڈیا پر پوسٹ کرتے ہوئے بتایا کہ پاکستان کی حمایت کرنے والے 58 افراد کو جیل بھیج دیا گیا ہے، وزیر اعلیٰ کا کہنا تھا کہ گرفتار افراد کی ملک دشمن سرگرمیوں پر خصوصی توجہ دی جائے گی۔ کسی کو بھی نہیں بخشا جائے گا۔

    قابل ذکر بات یہ ہے کہ گودی حکومت کی جانب سے ملک مخالف سرگرمیوں کے الزام میں آسام میں گرفتار اور جیل میں بند 58 لوگوں میں ایک مسلم ایم ایل اے بھی شامل ہے۔ ڈھنگ اسمبلی حلقہ سے اے آئی یو ڈی ایف کے ایم ایل اے امین الاسلام اب بھی جیل میں بند ہیں۔

    صوفیہ قریشی کو دہشتگردوں کی بہن کہنے پر بی جے پی وزیر کیخلاف مقدمہ درج

    بھارت کے پہلگام ڈرامے کے بعد ایم ایل اے امین کو 24 اپریل کو ایک عوامی میٹنگ میں مبینہ طور پر پاکستان کے حق میں تبصرہ کرنے کے الزام میں دھرلیا گیا تھا، ان کی سماعت منگل 13 مئی کو ناگون عدالت میں ہونی تھی، مگر انہیں جان بوجھ کر عدالت میں پیش نہیں کیا گیا۔

  • ’جنگ کے دنوں میں مریم نواز نے سب سے متحرک وزیر اعلیٰ کا کردار ادا کیا‘

    ’جنگ کے دنوں میں مریم نواز نے سب سے متحرک وزیر اعلیٰ کا کردار ادا کیا‘

    لاہور: وزیر اطلاعات و نشریات پنجاب عظمیٰ بخاری نے مشیر اطلاعات خیبر پختونخوا بیرسٹر سیف کے وزیر اعلیٰ مریم نواز سے متعلق بیان پر اپنے ردعمل کا اظہار کر دیا۔

    عظمیٰ بخاری نے کہا کہ کہنے کو تو آپ وزیر اطلاعات ہیں لیکن آپ کے پاس اطلاعات ہوتی اور نہ معلومات، آپ کو بنا بنایا بیان دیا جاتا ہے وہ آپ میڈیا کو جاری کر دیتے ہیں۔

    صوبائی وزیر نے کہا کہ جنگ کے دنوں میں مریم نواز نے سب سے متحرک وزیر اعلیٰ کا کردار ادا کیا، انہوں نے پنجاب کے عوام میں جذبہ حب الوطنی جگایا، جب ڈرونز گر رہے تھے تو مریم نواز نے سول انتظامیہ کو متحرک رکھا۔

    یہ بھی پڑھیں: مریم نواز سبزی کی دکان پر پہنچ گئیں

    انہوں نے کہا کہ وزیر اعلیٰ خیبر پختونخوا علی امین گنڈاپور جنگ کے دنوں میں اڈیالہ جیل کے چکر کاٹتے رہے، جنگ کے دوران بانی پی ٹی آئی عمران خان کا بھی کوئی بیان نہیں آیا، پوری پی ٹی آئی جنگ کے دوران منظر عام سے غائب رہی۔

    ان کا کہنا تھا کہ پی ٹی آئی کا سوشل میڈیا اپنے ہی ملک اور فوج کے خلاف مہم میں مصروف رہا، آپ لوگوں میں رتی برابر شرم و حیا نہیں رہی، جب جب قوم متحد ہوتی ہے پی ٹی آئی دشمن کی صفوں میں کھڑی نظر آتی ہے۔

    عظمیٰ بخاری کا مزید کہنا تھا کہ اس جنگ نے بہت سارے چہروں کو بے نقاب کر دیا ہے، قوم جان چکی پی ٹی آئی کس کا پروجیکٹ تھا ان کی وفاداریاں کس ملک کے ساتھ ہیں۔

    10 مئی کو وزیر اعلیٰ پنجاب نے بھارت کی بزدلانہ جارحیت کے خلاف جوابی کارروائی پر پاک فوج کو خراج تحسین پیش کیا تھا۔ انہوں نے کہا تھا کہ پاکستان کا بھارت کی بزدلانہ جارحیت کا دن کی روشنی میں دیا گیا جواب تاریخ میں لکھا جائے گا، پاک سرزمین کے سپاہیو! تمہارے جذبے، غیرت اور تمہیں سلام۔

    مریم نواز نے کہا تھا کہ سلام ہے ان محافظوں کو جنہوں نے صرف گولی سے نہیں بلکہ غیرت، حکمت اور شجاعت سے جواب دیا، آپریشن بنیان مرصوص تاریخی اعلان ہے کہ ہم کمزور نہیں صرف امن کیلیے خاموش تھے۔

    ان کا کہنا تھا کہ دشمن نے حد پار کی تو پاکستان نے صبر کو حکمت میں بدلا اور کڑی ضرب دی، پاکستان کا ایک ایک سپاہی مادر وطن کے تحفظ کی قسم کھا کر زندہ ہے۔

  • ’ہم نے ایسی فتح حاصل کی ہے جس سے پوری قوم متحد ہو گئی‘

    ’ہم نے ایسی فتح حاصل کی ہے جس سے پوری قوم متحد ہو گئی‘

    پیپلزپارٹی کے رہنما ناصر شاہ نے کہا ہے کہ ہم نے ایسی فتح حاصل کی ہے جس سے پوری قوم متحد ہو گئی ہے۔

    تفصیلات کے مطابق پیپلزپارٹی کے رہنما ناصر شاہ  نے تقریب سے خطاب میں کہا کہ آج ہم ایک عظیم فتح کی یاد میں جمع ہوئے ہیں، ہم نے ایسی فتح حاصل کی ہے جس سے پوری قوم متحد ہو گئی ہے۔

    ناصر شاہ کا کہنا تھا کہ ہمیں کوئی بھی طاقت ہرا نہیں سکتی، جنگ میں فتح کے بعد بہادر افواج کو خراج تحسین پیش کرتے ہیں، تمام سیاسی جماعتوں کے رہنما تقریب میں شریک ہوئے ہیں لیکن آج کی تقریب میں اصل ہیروز افواج پاکستان کے جوان ہیں۔

    پیپلز پارٹی کے رہنما نے کہا کہ مودی کو رافیل پر گھمنڈ تھا ہماری فضائیہ نے تین رافیل گرایا ہے، بھارت کے خلاف آپریشن کا آغاز نماز فجر کے بعد کیا گیا، عسکری لڑائی کیساتھ ہم نے میڈیا کی جنگ میں بھی فتح حاصل کی۔

    ناصر شاہ نے مزید کہا کہ سوشل میڈیا نے بھارتی میڈیا کو ہیرو سے زیرہ بنا دیا، شہدا اور زخمیوں کے حوالے سے وزیراعلی سندھ اعلان کریں گے۔