Tag: pahlagam

امیر جماعت اسلامی کراچی منعطم ظفر خان کا کہنا ہے کہ بھارت کا مکروہ چہرہ بے نقاب اور غرور خاک میں مل گیا۔

امیرجماعت اسلامی پاکستان حافظ نعیم الرحمن کی اپیل پر بھارتی جارحیت و بزدلانہ کاروائی کے خلاف جمعہ 9 مئی کو ملک گیر ”یوم عزم“ کے سلسلے میں شہر بھر میں سینکڑوں مقامات پر احتجاجی مظاہرے کیے گئے۔

امیرجماعت اسلامی کراچی منعم ظفر خان نے لسبیلہ چوک نعمان مسجد کے باہر مرکزی احتجاجی مظاہرے سے خطاب کیا جبکہ مظاہرے سے امیرجماعت اسلامی ضلع قائدین انجینئر عبد العزیز، سکریٹری ضلع نعمان حمید،چیئرمین جناح ٹاؤن رضوان عبد السمیع و دیگر نے بھی خطاب کیا۔مظاہرے کے شرکاء نے امریکہ،بھارت و اسرائیل کے خلاف زبردست نعرے لگائے۔

منعم ظفر خان نے احتجاجی مظاہرے سے خطاب کرتے ہوئے کہا کہ امریکا، بھارت اور اسرائیل شیطانی مثلث ہے جو پوری دنیا میں اپنے توسیع پسندانہ عزائم رکھتا ہے،غزہ میں معصوم بچوں اور خواتین کو شہید کیا گیا ہے،55 ہزار فلسطینی شہید ہوچکے ہیں، اسرائیل مشرق وسطیٰ میں گریٹر اسرائیل بنانا چاہتا ہے دوسری جانب بھارت توسیع پسندانہ عزائم کے تحت پاکستان کے نہتے بچوں اور خواتین کو نشانہ بنارہا ہے،بھارت نے رات کی تاریکی میں پاکستانی آبادی پر میزائل حملے کیے،پاکستانی فضائیہ نے 5جہاز تباہ کر کے بھارت کا غرور خاک میں ملادیا۔

پاک بھارت کشیدگی سے متعلق تمام خبریں

انہوں نے کہا کہ پاکستانی قوم پاک فوج کے ساتھ مل کر امریکا، بھارت اور اسرائیل کی تمام تر سازشوں کو ناکام بنادے گی۔بھارت نے قیام پاکستان کو ایک دن کے لیے تسلیم نہیں کیا،1948 ،1965، یا 1971 ہو ان تمام مواقع پر بھارت نے توسیع پسندانہ عزائم کا مظاہرہ کیا۔

امیر جماعت اسلامی کراچی نے کہا کہ عوام جذبہ جہاد و شوق شہادت سے سرشار ہیں،ملکی سالمیت کے لیے ہم سب کو سیاسی اختلافات کو بھلاکر سب کو ایک ہونے کی ضرورت ہے۔حکومت تمام جماعتوں کو ایک نکاتی ایجنڈے پر مجتمع کر ے، آل پارٹیز یا قومی سلامتی کانفرنس طلب کی جائے۔

منعم ظفر خان نے مزیدکہا کہ کراچی میں عوام شدید گرمی حبس کے عالم میں جذبہ جہاد و شوق شہادت سے سرشارہوکر بھارت کے خلاف کھڑے ہوئے ہیں،کچھ روز قبل بھارت نے پاکستان کی حدود میں میزائل حملے کیے اور بھارت نے بچوں اور خواتین کو نشانہ بنایا، یہ وہ بھارت ہے جو امریکہ اور اسرائیلی سے دوستی کی پینگیں بڑھاتا ہے اور رات کی تاریکی میں بچوں اور عورتوں پر میزائل حملہ کرتا ہے، پاک فوج کے جوانوں نے بھارتی ڈرون اٹیک کو ناکام بنا کر غرور خاک میں ملا کر رکھ دیا۔

ایئرپورٹ اتھارٹی (پی اے اے) کا کہنا ہے کہ پاکستان کے تمام ایئرپورٹس مکمل طور پر فعال ہیں۔

ایئرپورت اتھارٹی کا کہنا ہے کہ قومی فضائی حدود شہری ہوا بازی کے لیے دستیاب اور محفوظ ہیں، پاکستان نے بھارت کے غیر ذمہ دارانہ اقدامات کے باعث شہری ہوا بازی کو لاحق ہونے والے سنگین خطرات سے بین الاقوامی شہری ہوا بازی تنظیم کو آگاہ کردیا۔

پاک بھارت کشیدگی  سے متعلق تمام خبریں

پی اے اے کا کہنا ہے کہ قومی فضائی حدود کی محفوظ اور موثر انتظام سے مقامی اور بین الاقوامی کمرشل فلائٹس کی پر امن اور مسلسل روانی کو یقینی بنایا جا رہا ہے۔

پی آئی اے کی کراچی سے اسلام آباد کی پرواز پی کے 246 روانہ ہوگئی، پی آئی اے کی لاہور سے مدینہ ۔کی پرواز پی کے 7221 بھی روانہ ہوگئی

اسلام آباد سے ریاض کی پرواز پی کے 753 منزل کی جانب روانہ ہوگئی اسلام آباد سے دوھہ کی پرواز پی کے 287 اور ابوظبی سے پشاور کی پرواز پی کے 218 بھی روانہ ہوگئی۔

اس کے علاوہ سیالکوٹ سے پی آئی اےکی پرواز پی کے179روانہ ہوگئی، پی آئی اے کی لاہور سے باکو کی پرواز پی کے 159 روانہ ہوگئی، ابوظبی سے لاہور کی پرواز پی کے 264 بھی روانہ ہوگئی۔

اس سے قبل پی آئی اے نے اپنے مسافروں کے لیے نیا ہدایت نامہ جاری کردیا۔

ترجمان پی آئی اے کا کہنا تھا کہ موجودہ صورتحال کے پیش نظر فلائٹ آپریشن جزوی طور معطل کیا گیا ہے اس لیے مسافروں کو ہدایت کی جاتی فلائٹس کے متعلق پیشگی اطلاع لازمی لیں۔

پی آئی اے ترجمان کا کہنا تھا کہ مسافروں سے اپیل ہے کہ وہ فلائٹس سے متعلق پی آئی اے کے کال سینٹرز اور بکنگ دفاتر سے مزید معلومات حاصل کریں۔

اس سے قبل بھارت کے بزدلانہ حملے کے بعد پاکستانی ایئر اسپیس کو بند کردیا گیا تھا جبکہ متعدد ایئر لائنز نے پروازیں منسوخ یا موڑ دی گئی تھیں۔

ایشیائی ایئر لائنز نے اعلان کیا تھا کہ وہ یورپ جانے اور وہاں سے آنے والی پروازوں کو یا تو منسوخ کو کیا جارہا ہے یا ان کے راستے تبدیل کیے جا رہے ہیں۔

تائیوان کی ایوا ایئر نے ایک بیان میں کہا تھا کہ وہ متاثرہ فضائی حدود سے بچنے کے لیے اپنی یورپ جانے اور وہاں سے آنے والی پروازوں کے راستوں کو ایڈجسٹ کر رہی ہے۔

یادرہے کہ بھارتی فوج کے بزدلانہ حملے میں دو مساجد شہید ہوئیں جبکہ ایک بچی سمیت 26 پاکستانی شہید اور 46 زخمی ہوئے۔

پاک فوج نے بھارتی کارروائیوں کا بھرپور جواب دیتے ہوئے بھارتی فوج کے 3 رافیل، ایک سکوئی، ایک مگ 29 اور ایک ڈرون تباہ کر دیا جبکہ بھارتی فوج کا بریگیڈ ہیڈ کوارٹر بھی تباہ کردیا۔