اسلام آباد : کشمیری عوام سے یکجہتی کا اظہار کرتے ہوئے پارلیمنٹ ہاؤس کی عمارت آج کشمیر کے رنگوں میں رنگ جائے گی اور پہلی بار بھارتی مظالم کو پارلیمنٹ ہاؤس پر3ڈی پروجیکشن سے دکھایا جائے گا۔
تفصیلات کے مطابق معاون خصوصی زلفی بخاری نے سماجی رابطے کی ویب سائٹ ٹوئٹر پر اپنے پیغام میں کہا کہ مقبوضہ کشمیر کےعوام سے اظہار یکجہتی کیلئے پارلیمنٹ ہاؤس کی عمارت آج کشمیرکےرنگوں میں رنگ جائے گی۔
زلفی بخاری کا کہنا تھا دنیا آج غیرمسلح اور بے گناہ کشمیریوں پر بھارتی مظالم کا عکس دیکھے گی، پہلی بار بھارتی مظالم کو پارلیمنٹ ہاؤس پر3ڈی پروجیکشن سے دکھایا جائے گا۔
Parliament will be painted in the colors of solidarity with #kashmiris tonight.
The world will witness as Indian atrocities on unarmed innocent Kashmiris will be shown as 3D projection on the representative house of people of Pakistan for the 1st time in history#endkashmirsiege pic.twitter.com/x5oC4ApsdM
— Sayed Z Bukhari (@sayedzbukhari) August 4, 2020
پارلیمنٹ ہاؤس میں تھری ڈی پروجیکشن کی تیاریاں مکمل کرلی گئیں، آج رات 9 بجےسے پارلیمنٹ ہاؤس کشمیر کےرنگوں میں رنگ جائے گا اور پارلیمنٹ ہاؤس کی دیوارپر’’اینڈ کشمیرسیج ‘‘بھی نمایاں ہوگا۔
خیال رہے بھارتی لاک ڈاون اورمتنازعہ علاقہ مقبوضہ کشمیر کی خصوصی حیثیت ختم کرکے ہندوستان کا حصہ قراردینے کے خلاف کشمیریوں سے اظہار یکجہتی کے لئے کل پانچ اگس کو یوم استحصال منایا جائے گا۔
واضح رہے پانچ اگست 2019 تاریخ کاوہ سیاہ دن جب مودی حکومت نے مقبوضہ کشمیر کوخصوصی حیثیت دینے والے آرٹیکل ختم کر کے کشمیریوں پر زندگی تنگ کردی تھی، ایسے وقت جب کشمیریوں کوایسے رہنما کی ضرورت تھی جو اُن کامسئلہ اقوام عالم کے سامنے رکھتا۔
وزیراعظم عمران خان نے کشمیر کی آواز بننے کا اعلان کیا اور مظلوم وادی کا مقدمہ بھرپور انداز میں لڑنے کے لئے سفیر کشمیر بنے۔
