کابل : پاک افغان بارڈرسے متصل افغان علاقے میں ڈرون حملہ میں کمانڈرسمیت دس طالبان ہلاک ہوگئے۔
امریکی ڈرون نے پاک افغان کے علاقے دیبالا میں طالبان کے ٹھکانے کو نشانہ بنایا، امریکی ڈرون نے ایک مکان پر میزائل فائر کئے، حملے میں مکان میں موجود طالبان کے اہم کمانڈر سمیت دس طالبان ہلاک ہوگئے۔
اب تک مرنے والوں کی شناخت سامنے نہیں آئی ہے۔
کوئٹہ : متحدہ قومی موو منٹ کے سابق رہنما ڈاکٹرعمران فاروق قتل کیس میں مطلوب دو ملزمان کو ایف سی نے چمن سے گرفتار کرلیا، مذکورہ ملزمان افغانستان سے پاکستان میں داخل ہوئے تھے، دونوں کا تعلق کراچی کی ایک سیاسی جماعت سے ہے۔
تفصیلات کے مطابق عمران فاروق قتل کیس میں مطلوب دو ملزمان محسن علی اور خالد شمیم بلوچستان کے سرحدی شہر چمن سے گرفتار کرلئے گئے ہیں۔
ڈی جی ایف سی نے وفاقی وزیرداخلہ چوہدری نثارکوگرفتاری سے آگاہ کردیا،چوہدری نثار نےملزمان کی اسلام آباد منتقلی کی ہدایت کردی، ایف سی نے جن ملزمان کو پکڑا اُن کا نام محسن علی اور خالد شمیم ہے اور دونوں کا تعلق کراچی کی ایک سیاسی جماعت سے ہے۔
یہی دو نام عمران فاروق قتل کیس میں بھی مطلوب ہیں، سوال یہ پیدا ہوتا ہے کہ وزیر داخلہ چوہدری نثار جن ملزمان کو کٹہرے میں لانے کی بات کر رہے تھے کیا یہ وہی ہیں ؟
عمران فاروق قتل کیس میں گرفتارمعظم علی نے بھی خالدشمیم اورمحسن علی کانام لیاتھا، جبکہ سہولت کارمعظم علی نےانکشاف کیاتھاکہ ملزمان کوافغانستان بھجوایاگیاتھا،
ایف سی ذرائع کے مطابق ابتدائی تحقیقات کے بعد دونوں افراد کوایف آئی اےکےحوالےکرنےکافیصلہ کیا گیا ہے۔
نازیان: پاک افغان سرحدی علاقے نازیان میں امریکی ڈرون ہوا ، جس کے نتیجے میں 9 شدت پسند ہلاک ہوگئے جبکہ ایک ٹھکانہ بھی تباہ کردیا۔
تفصیلات کے مطابق امریکی ڈورن نے پاک افغان سرحدی علاقے نازیان میں دو میزائل داغے، جس کے نتیجے میں کالعدم تنظیم لشکرِ اسلام اور تحریکِ طالبان کے 7 اہم کمانڈر سمیت 9شدت پسند مارے گئے جبکہ متعدد زخمی ہوگئے۔
ذرائع کا کہنا ہے کہ حملے میں دہشت گردوں کے زیرِ استعمال ایک ٹھکانہ بھی تباہ ہوا۔
پاکستانی سیکیورٹی فورسز کی بھی نازیان کے قریب پاکستانی علاقے وادی تیراہ میں کارروائیاں جاری ہیں۔
دوسری جانب شمالی وزیرستان میں آپریشن ضربِ عضب بھی جاری ہے، جس کے نتیجے میں متعدد عسکریت پسندوں کو ہلاک یا گرفتار کیا جاچکا ہے۔
کابل: پاکستانی سرحد کے قریب جھڑپوں میں اٹھارہ شدت پسند ہلاک اورچھبیس زخمی ہوگئے۔
افغان پولیس کے مطابق ان افراد کو پاکستان کی سرحد کے قریب افغان سرزمین پرجھڑپوں کے دوران ہلاک کیا گیا۔
ذرائع کے مطابق ننگرہار کے ضلع نازیان میں شروع ہونے والی جھڑپیں بدھ کی شام ختم ہوئیں۔
صوبے کی پولیس کے سربراہ کے ترجمان حضرت حسین مشرقی وال نے کہا ہے کہ اس آپریشن کے دوران چھبیس شدت پسند زخمی ہوئے جبکہ تین پاکستانیوں سمیت چارافراد کو گرفتار کرلیا گیا۔
غیر ملکی خبررساں ادارے کے مطابق جھڑپوں میں افغان پولیس کا ایک اہلکاربھی ہلاک ہوا ہے۔
لندن:ڈی جی آئی ایس پی آرمیجر جنرل عاصم سلیم باجوہ کاکہنا ہے کہ مشرقی سرحد پرپڑوسی ملک کی جانب سےجان بوجھ کرمسائل پیداکیےجارہے ہیں۔
لندن میں میڈیا بریفنگ کے دوران انہوں نے کہا کہ بھارت نے2014میں400سےزائدمرتبہ سرحد پرجارحیت کاارتکاب کرکے سیزفائرکی خلاف ورزی کی۔
ڈی جی آئی ایس پی آر کا کہنا تھا کہ دہشت گردی بیرونی مددکےبغیرممکن نہیں،انتہاپسندوں کی مددکےحوالےسےعالمی سطح پر پوچھاجائے۔
ان کا کہنا تھا کہ آپریشن ضربِ عضب کامیابی سے جاری ہےدہشت گردوں سےشمالی وزیرستان کے کئی علاقےکلیئرکرالیےگئے ہیں۔ اب تک4500آپریشن کیےگئےجن میں معاون اورسہولت کاروں سمیت 5ہزارافرادگرفتارکیےگئے۔
ڈی جی آئی ایس پی آر کا کہنا تھا کہ خیبرون آپریشن میں80فیصدعلاقہ کلیئرکرالیاگیا ہے،خیبرایجنسی کےافغان بارڈرسےمنسلک علاقے میں آپریشن جاری ہے۔
ان کا کہنا تھا کہ پہلی مرتبہ دہشت گردی اورانتہاپسندی کےخلاف پاکستان کی ساری سیاسی جماعتیں متحدہیں،فوجی عدالتوں سےمتعلق باتیں جمہوریت کاحسن ہے۔
آپریشن متاثرین کوفروری سےان کےعلاقوں میں آبادکیاجائےگا،متاثرین کومرحلہ وارآبادکیاجائےگاجس سےمتعلق پلان ترتیب دےدیاگیاہے۔
انہوں نے کہا کہ بلوچستان میں تخریبی کارروائیوں میں ملوث کچھ دہشت گرددوسرےممالک میں بیٹھ کران کوچلارہےہیں۔
ڈی جی آئی ایس پی آر نے بتایا کہ افغانستان سےہرسطح پرتعلقا ت بہترہوئےانٹیلی جنس شیئرنگ بھی ہورہی ہے،افغان حکومت سےمستقبل میں تعلقات میں مزیدبہتری آئےگی
کوئٹہ: افغانستان کی سرحدی حدودسے اسی دہشتگردوں نے پاکستانی حدود کی خلاف ورزی کی، عسکری ذرائع کے مطابق مقابلے میں ایک ایف سی اہلکار شہید ہوگیا۔
عسکری ذرائع کے مطابق دہشت پاک افغان بارڈر عبور کر کے بلوچستان کے علاقے مسلم باغ سیکٹر میں داخل ہوئے اور ان کی تعدا د اسی کے لگ بھگ تھی۔
سرحد عبور کرنے پر سکیورٹی فورس کے اہلکاروں نے دہشت گردوں کو پاکستانی علاقے میں داخل ہونے سے روکا اور اس موقع پر دونوں جانب سے فائرنگ کا تبادلہ ہوا، جس کے نتیجے میں ایف سی کا اہلکار نیاز شہید ہوگیا۔ ذرائع سے کسی بھی دہشت گرد کے ہلاک یا زخمی ہونے کی اطلاع نہیں ملی ہے۔
