اسلام آباد: وزیرِخارجہ خواجہ آصف کا کہنا ہے کہ افغانستان پاکستان کے مطلوب دہشت گردوں کو پناہ دے دہا ہے، پاکستان کے خلاف بھارتی سازشیں بھی واضع ہیں۔
تفصیلات کے مطابق اسلام آباد میں سینیٹ قائمہ کمیٹی برائے خارجہ کو بریفنگ دیتے ہوئے خواجہ آصف کا کہنا تھا کہ پاکستان نے افغان مہاجرین کو طویل عرصے پناہ دی ‘ الزام تراشی ناقابلِ قبول ہے۔
ان کا کہنا تھا کہ پاکستان نے دہشت گردوں کی روک تھا م اور موثر سرحدی انتظام کے لیے باڑھ بھی لگائی، ہم افغانستان سے بھی ایسے ہی اقدامات چاہتے ہیں۔
وزیر خارجہ خواجہ آصف نے کہا کہ امریکہ اور افغانستان کی جانب سے مسلسل الزامات انتہائی ناقابل قبول ہیں۔ افغان طالبان اور کابل کے درمیان مذاکرات کے لیے کوشاں ہیں، ہماری ان تمام کاوشوں کے باوجود افغانستان پاکستان کے مطلوب دہشت گردوں کو اپنے خطے میں پناہ دے رہا ہے۔
پاک افغان سفیروں کے درمیان مباحثےمیں تلخی
خواجہ آصف نے بریفنگ دیتے ہوئے مزید کہا کہ روزانہ 70 ہزار لوگ پاک افغان سرحدعبور کرتے ہیں، افغانستان کو مہاجرین کی واپسی اور بہتر سرحدی انتظامات کی ضمانت دینا ہوگی۔
ان کا مزید کہنا تھا کہ پاکستان اپنی عالمی ذمہ داریاں احسن انداز میں نبھا رہا ہے‘ اس کے باوجود امریکہ پاکستان کو افغانستان کی جانب سے موثر اقدامات کی کوئی ٹھوس ضمانت دینے کو تیار نہیں ہے ۔
یاد رہے کہ گزشتہ سال افغانستان میں سفارت کاری اور سیکورٹی چیلنجز کے حوالے سے کارنیگی میں منعقد ہ مباحثے میں پاکستانی سفیراعزاز چوہدری اور افغان سفیر حمد اللہ محبی کے درمیان تلخی دیکھنے میں آئی تھی۔
افغان سفیر نے کئی مواقع پر پاکستان پر سنگین الزامات عائد کئے تاہم وہ کسی الزام کا ثبوت فراہم کرنے میں ناکام رہے، اعزاز چوہدری کا کہنا تھا کہ ماحول خراب کرنے کی بجائے اصل مسائل پر توجہ دینے کی ضرورت ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
