کراچی: چیف آف ایئراسٹاف ایئرچیف مارشل سہیل امان نے کہا ہے کہ آپریشن ضرب عضب میں پاک فضائیہ کا کردار نہایت اہم رہا ہے ایئر وار کالج میں رائل ایرونارٹیکل سوسائٹی کے ڈیڑھ سو سال مکمل ہونے پرسیمینارسے خطاب کرتے ہوئے.
چیف آف ایئر اسٹاف ایئر چیف مارشل سہیل امان کا کہنا تھا کہ پاک فضائیہ نے اپنے آپریشن کے ذریعے دہشت گردی کے ناصرف خاتمہ کیا ہے اور پاکستان کو مضبوط اور مستحکم بنایا ہے.
پاک فضائیہ اندرونی و بریونی چیلنجز سے نمبردآزما ہونے کیلئے پوری طرح تیار ہے،پاک فضائیہ اپنی ذمہ داریوں سے بخوبی واقف ہے.
پاک فضائیہ اپنے افسران اورانجینئرز کیدور جدید کے مطابق تعلیم اور تربیت فراہم کررہا ہے،پاک فضائیہ آپریشنل سطح پر مکمل طور پر تیار ہے،پاک فضائیہ اپنی ٹیکنالوجی کو بڑھا رہا ہے.
انھوں نے کہا کہ پاک فضائیہ اپنے بیڑے میں پرانے طیاروں کو ریٹائرڈ کرکے نئے طیاروں کو بیڑے میں شامل کر رہا ہے،پاک فضائیہ ٹیکنالوجی کے شعبے میں دن بدن اپنی صلاحیتوں کو بڑھارہا ہے.
پاک فضائیہ کا JF17پروگرام جاری ہے اور مستقبل میں اس میں مزید بہتری لائی جارہی ہے،ملکی فضائی ضروریات کو پورا کرنے کیلئے کامرہ میں ایوی ایشن سٹی بنائی جارہی ہے.
ایوی ایشن سٹی کا منصوبہ دس سال میں مکمل کرلیا جائے گا،اس موقع پر رائل ایرونارٹیکل سوسائٹی پاکستان ڈویژن کے صدرایئرمارشل ریٹائرڈ سلیم ارشد کا کہنا تھا کہ ایرو نارٹیکل سوسائٹی کا مقصد ایوی ایشن سے متعلق معلومات نوجوان نسل کو آگاہی فراہم کرنا ہے۔
