ARYNews.tv | Urdu – Har Lamha Bakhabar

Tag: pak Army

  • جاسوسی کا الزام : عزیربلوچ کو پاک فوج نے تحویل میں لے لیا

    جاسوسی کا الزام : عزیربلوچ کو پاک فوج نے تحویل میں لے لیا

    راولپنڈی : پاک فوج نے عزیربلوچ کو اپنی تحویل میں لے لیا، لیاری گینگ وار کے سرغنہ کو پاکستان آرمی ایکٹ اور آفیشل سیکریٹ ایکٹ1923 کے تحت تحویل میں لیا گیا ہے۔

    پاک فوج کے شعبہ تعلقات عامہ آئی ایس پی آر کے مطابق عزیر بلوچ کو جاسوسی کے الزام میں تحویل میں لیا گیا، آئی ایس پی آر کا کہنا ہے کہ عزیر بلوچ نے حساس سیکیورٹی معلومات غیر ملکی ایجنسیوں کو دی تھی۔ اسکے علاوہ
    عذیربلوچ کے بھارتی ایجنسی را سمیت دیگر پاکستان مخالف قوتوں سے رابطے تھے۔

    یاد رہے کہ اے آروائی نیوز نے عزیر بلوچ کے خلاف مقدمہ فوجی عدالت میں چلانے کی خبرسب سے پہلےنشرکی تھی۔

    عذیر بلوچ کو تیس جنوری 2016کو رینجرز نے کراچی میں داخل ہوتے ہوئے گرفتار کیا تھا، گرفتاری کے وقت عزیرجان بلوچ سے اسلحہ کے علاوہ ایرانی پاسپورٹ بھی برآمد ہوا۔

    عزیرجان بلوچ قتل، اقدام قتل، بھتہ خوری، اغوا برائے تاوان اور سیکیورٹی فورسز پر حملوں جیسے سنگین مقدمات میں پولیس کو مطلوب تھا۔

    عذیر بلوچ کی گرفتاری کے بعد پیپلز پارٹی کے سینئررہنما اور قومی اسمبلی میں اپوزیشن لیڈر خورشید شاہ نے کہا تھا کہ پیپلزپارٹی کا لیاری گینگ وار کے سرغنہ عزیر بلوچ سےکوئی تعلق نہیں ہے، ان کا کہنا تھا کہ پیپلز پارٹی عذیر بلوچ سے لاتعلقی کے موقف پر قائم ہے۔

    مزید پڑھیں : لیاری گینگ وار کا سرغنہ، عزیر بلوچ رینجرز کے ہاتھوں گرفتار

    لیاری گینگ وار کے سرغنہ عزیر بلوچ نے جے آئی ٹی کے سامنے لرزہ خیز انکشافات کیے تھے۔ جس میں کہا گیا تھا کہ عزیر بلوچ نے شیر شاہ کباڑی مارکیٹ میں تاجروں کے اجتماعی قتل سمیت ایک سو ستانوے افراد کے قتل کا اعتراف کیا۔

    مزید پڑھیں : پیپلزپارٹی کا عزیر بلوچ سےکوئی تعلق نہیں، خورشید شاہ

    عزیر نے اٹھارہ اکتوبر دو ہزار دس میں بھتہ نہ دینے پر بارہ تاجروں کو بھی فائرنگ کر کے قتل کیا۔ مشترکہ تحقیقاتی کمیشن کے سامنے عزیر بلوچ نے بالواسطہ یا بلاواسطہ 197 قتل کی وارداتوں کا اعتراف کیا جس میں ڈالمیا کے حاجی اسلم، ان کے پانچ بیٹوں اور ڈی آئی جی ساؤتھ کی اسپیشل ٹیم کے اہلکار ہیڈ کانسٹیبل شجاع کا قتل بھی شامل ہے۔

  • نیشنل ایتھلیٹکس چیمپیئن شپ پاکستان آرمی نے جیت لی

    نیشنل ایتھلیٹکس چیمپیئن شپ پاکستان آرمی نے جیت لی

    کراچی : نیشنل ایتھلیٹکس چیمپیئن شپ پاکستان آرمی نے اپنے نام کرلی، ویمنز ایونٹ واپڈا نے جیت لیا ہے۔ کور کمانڈر کراچی کہتے ہیں کہ ایونٹ کے کامیاب انعقاد سے کراچی میں امن لوٹ آیا ہے۔

    نیشنل کوچنگ سینٹر میں ہونے والی ایتھلیٹکس چیمپیئن شپ میں ملک بھر سے سات سو کے قریب کھلاڑیوں نے مردوں اور خواتین کے مقابلوں میں حصہ لیا۔ پاک فوج کے ایتھلیٹس نے مینز ایونٹ شاندار کارکردگی دکھا کر اپنے نام کرلیا۔

    واپڈا نے دوسری اور ائیرفورس نےتیسری پوزیشن حاصل کی۔ ویمنز ایونٹ میں واپڈاکی پہلی پوزیشن آئی، میڈلز ٹیبل میں آرمی کی دوسری اور ایچ ای سی تیسرے نمبر پر رہی۔

    کورکمانڈر کراچی لیفٹیننٹ جنرل شاہدبیگ مرزا نے کامیاب ایتھلیٹس میں انعامات تقسیم کیے۔ اختتامی تقریب سے خطاب میں کور کمانڈر کراچی نے کہا کہ شہر قائد کے امن کی بحالی میں سیکورٹی اداروں کیساتھ عوام کا بھی اہم کردار ہے۔

  • پاناما کیس پر فوج بھی عوام کی طرح فیصلے کی منتظر ہے، آئی ایس پی آر

    پاناما کیس پر فوج بھی عوام کی طرح فیصلے کی منتظر ہے، آئی ایس پی آر

    راولپنڈی : ڈی جی آئی ایس پی آر میجر جنرل آصف غفور نے کہا ہے کہ لندن میں پاناما کیس پر میرے بیان کو سیاق و سباق سے ہٹ کر پیش کیا گیا، پاناما کیس کے معاملے پر فوج بھی ہر پاکستانی کی طرح فیصلے کی منتظر ہے۔

    یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کیا۔

    میجر جنرل آصف غفور نے کہا ہے کہ پاناما کیس کے معاملے پر فوج بھی عوام کی طرح میرٹ اور انصاف پر مبنی فیصلےکی منتظر ہے۔

    یاد رہے کہ ڈی جی آئی ایس پی آر نے گزشتہ دنوں لندن میں ایک پریس کانفرنس تھی اور پانامہ کیس کے حوالے سے صحافیوں کو مفصل جواب دیا تھا کہ پاک فوج بھی ہر پاکستانی کی طرح پانامہ کیس کے محفوظ کیے جانے والے فیصلے کی منتظر ہے، جس پر وہاں کے بعض اخبارات نے ان کا بیان سیاق و سباق سے ہٹ کر شائع کیا۔

    انہوں نے اس لئے آج پھر اس بات کو واضح کیا ہے، کہ پاک فوج بھی فوج ہر پاکستانی کی طرح پاناما کیس پر میرٹ اور انصاف پر مبنی فیصلے کی منتظر ہے۔ اور سات اس بات کا بھی یقین ہے کہ جو بھی فیصلہ آئے گا سپریم کورٹ اسے میرٹ اور انصاف کو مد نظر رکھتے ہوئے کرے گی۔

    اس حوالے سے تجزیہ کا بریگیڈیئر (ر ) حارث نواز نے اے آر وائی نیوز سے خصوصی بات چیت کرتے ہوئے کہا کہ پاک فوج کا بھی ہر پاکستانی کی طرح حق ہے کہ ملک میں ہونے والے معاملات کو دیکھیں اور پاک فوج کے انفارمیشن سیل میں ٹیلی وژن دیکھا جاتا ہے اور ملکی صورتحال پر بھی گہری نگاہ ہوتی ہے۔

  • امریکا نے ایک اور سیسنا طیارہ پاک فوج کے حوالے کردیا

    امریکا نے ایک اور سیسنا طیارہ پاک فوج کے حوالے کردیا

    واشنگٹن : امریکا کی جانب سے ایک اور ’سیسنا‘ طیارہ پاک فوج کے حوالے کر دیا گیا۔

    امریکی سفارت خانہ کے ترجمان کے مطابق نومبر 2016 سے اب تک پاک فوج کو 6 سیسنا طیارے حوالے کیے جا چکے ہیں۔ پاک فوج کو فراہم کیے گئے طیاروں میں 2 سیسنا 208 کاروان اور 4 سیسنا 206 ایچ طیارے شامل ہیں۔

    ترجمان کا کہنا تھا کہ ان طیاروں سے پاک فوج کو امدادی کاموں اور ٹرانسپورٹیشن میں مدد ملے گی۔

    امریکی سفارت خانے کی جانب سے بیان میں کہا گیا ہے کہ جب امریکہ اور پاکستان مل کر دہشت گردی کی روک تھام کے لیے جدوجہد کرتے ہیں تو وہ زیادہ مضبوط ہوتے ہیں۔

    پاک فوج کا طیارہ فراہم کرنے پر امریکا کا شکریہ

    دوسری جانب پاک فوج کی آرمی ایوی ایشن کمانڈ نے طیارہ فراہم کرنے پر امریکا سے اظہار تشکر کیا ہے۔

    واضح رہے کہ اپریل 2016 میں امریکی وزارت دفاع نے طبی امداد کے لیے پاکستان کو 6 نئے سیسنا طیارے دینے کا اعلان کیا تھا اور ان طیاروں کی تیاری کے لیے سیسنا ایئرکرافٹ کمپنی سے ایک کروڑ 49 لاکھ ڈالر کا معاہدہ کیا گیا تھا، سیسنا 208 کاروان چودہ نشستوں اور 206 ایچ چھ نشستوں والا طیارہ ہے۔

    پاکستان اور امریکہ کے درمیان دفاع کے شعبے میں طویل عرصے سے تعاون رہا ہے اور امریکہ کی طرف سے فراہم کی جانے والی عسکری اعانت سے پاکستان کی افواج کی دہشت گردی سے نمٹنے کی صلاحیتوں میں بہتری آئی ہے۔

    ا

  • ملک بھرمیں مردم شماری کا اغاز بدھ سے ہوگا، تیاریاں مکمل

    ملک بھرمیں مردم شماری کا اغاز بدھ سے ہوگا، تیاریاں مکمل

    اسلام آباد : ملک بھر میں مردم شماری کا آغاز پندرہ مارچ سے ہورہا ہے۔ مردم شماری دو مرحلوں میں ہوگی۔ جسے دو ماہ میںمکمل کیا جائے گا۔ پاک فوج اور مقامی پولیس عملے کو سیکیورٹی فراہم کریگی۔

    تفصیلات کے مطابق ملک بھرمیں انیس سال بعد مردم شماری پندرہ مارچ سے شروع ہوگی، مردم شماری دو مرحلوں میں ہوگی اور دوماہ میں یہ عمل مکمل کیا جا ئے گا مردم شماری کے پہلے فیز کا آغاز پندرہ مارچ سے ہوگا۔

    ذرائع کے مطابق مردم شماری پرتقریباً اٹھارہ ارب روپے کے اخراجات آئیں گے۔ مردم شماری کیلئےایک لاکھ ساٹھ ہزار سے زائد بلاکس بنائے گئے ہیں۔

    ذرائع کے مطابق مردم شماری کے حوالے سے اقوام متحدہ کی سفارشات پر عمل کیا جائیگا اور سکیورٹی پاک فوج اور مقامی پولیس فراہم کریگی۔ مانیٹرنگ کیلئے یو این ایف پی اے کو دعوت دی گئی ہے،اگر کسی علاقہ میں حالات خراب ہوں تو وہاں مردم شماری دوسرے فیز میں کرانے کا آپشن موجودہے۔

    ساٹھ دن میں کل آبادی، مرد، خواتین اور خواجہ سراؤں کے اعداد و شمار پر مشتمل ابتدائی رپورٹ مکمل کی جائیگی۔

  • فٹبال ورلڈ کپ کے لیے افرادی قوت چاہتے ہیں،قطری وزیراعظم

    فٹبال ورلڈ کپ کے لیے افرادی قوت چاہتے ہیں،قطری وزیراعظم

    راولپنڈی: آرمی چیف جنرل قمر جاوید باجوہ نے قطری وزیر اعظم شیخ عبداللہ بن نصر بن خلیفہ الثانی سے ملاقات کی جس میں سیکیورٹی اور دفاع سمیت دیگر اہم امور پر تبادلہ خیال کیا گیا، قطری وزیراعظم نے کہا کہ فٹ بال ورلڈ کپ کے لیے پاکستانی کے سیکیورٹی تجربات سے استفادہ اور افراد قوت چاہتے ہیں۔ 

    پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے قطری وزیر اعظم شیخ عبداللہ بن نصر بن خلیفہ الثانی سے دوحا میں ملاقات کی جس میں دفاعی تعاون سمیت علاقائی سیکیورٹی کےامورپربات چیت کی گئی۔

    قطری وزیر اعظم نے قطر کی ترقی میں پاکستان کے کردار کو سراہا، قطری وزیر اعظم نے علاقائی امن کے لیے پاک فوج کے کردار کی بھی تعریف کی۔

    قطری وزیر اعظم کا کہنا تھا کہ پاکستان قطر کا قابل اعتبار دوست ملک ہے، قطر کے عوام پاکستان کے عوام کو بہت اہمیت دیتے ہیں اور ہر مشکل میں ان کی قطر کے لیے مدد پر اعتماد کرتے ہیں۔

    مزید پڑھیں : قطر کے ساتھ دفاعی تعاون کو خصوصی اہمیت دیتے ہیں، آرمی چیف

    شیخ عبداللہ بن نصر بن خلیفہ الثانی نے مزید کہا کہ قطرپاکستان کو ہر سطح پرخصوصی اہمیت دیتا ہے، انہوں نے پاکستان آرمی سے سیکیورٹی کے حوالے سے تجربات سے استفادہ کرنے اور قطر میں آئندہ فٹ بال ورلڈ کپ کے حوالے سے افرادی قوت کی خواہش کا اظہارکیا۔

    آرمی چیف جنرل قمر جاوید باجوہ نے قطری وزیراعظم کے اظہار خیال پر ان کا شکریہ ادا کیا اور انہیں تمام شعبوں میں تعاون کی یقین دہانی کرائی۔

    واضح رہے کہ فٹ بال ورلڈ کپ 2022ء قطر میں منعقد ہونا ہے جس کے لیے قطری حکومت نے کئی برس سے انتظامات شروع کررکھے ہیں، یہ کپ 21 نومبر تا 18 دسمبر قطر میں منعقد ہوا جس کے لیے دنیا کا پہلا منفرد اسٹیڈیم تیار کیا جارہا ہے جو اوپر سے بند اور مکمل ایئرکنڈیشنڈ ہوگا۔

  • دہشتگردی کے بعد امن کی جانب گامزن پاکستان معجزے سے کم نہیں، برطانوی اخبار

    دہشتگردی کے بعد امن کی جانب گامزن پاکستان معجزے سے کم نہیں، برطانوی اخبار

    لندن : برطانیہ کے اخبار نے اعتراف کیا کہ پاکستان دہشت گردوں کے خلاف جنگ جیت چکا ہے ، میں پاک فوج کی کامیابیوں کو سراہتے ہوئے امن کی بحالی کو معجزہ قراردیا ہے۔

    برطانوی اخبار کا کہنا ہے کہ پاک فوج نے دنیا کے خطرناک علاقوں سے دہشتگردوں کا نکال دیا ہے، پاک فوج کی کامیاب کارروائیوں نے ثابت کیا کہ دہشتگردی کوشکست دی جاسکتی ہے، بڑے پیمانے پردہشتگردی کے بعد امن کی جانب گامزن پاکستان معجزے سے کم نہیں۔

    رپورٹ کے مطابق شکست خوردہ دہشتگرد پاکستانی عوام کو نشانہ بنا رہے ہیں، نائن الیون کے بعدشمالی وزیرستان القاعدہ اورکالعدم طالبان کا گڑھ تھا لیکن پاک فوج کی کارروائیوں میں بہت سے دہشتگرد ہلاک اور فرار ہوچکے ہیں جبکہ وانا چھوڑ کر جانے والے شہری اب اپنے گھروں کو لوٹ رہے ہیں۔

    برطانوی اخبار نے اپنی رپورٹ میں مزید لکھا ہے کہ ایک وقت میں مغربی ایجنسیاں پاکستان کے ٹوٹنے کی پیشگوئی کرتی تھیں لیکن پاکستان نے ثابت کر دیا کہ دہشت گردی کا خاتمہ ممکن ہے اور یہ ایک معجزہ ہے۔

    پاک فوج کی کامیابی کی مثال دیتے ہوئے اخبار نے کہا کہ چند سال قبل کراچی خطرناک شہروں کی فہرست میں چھٹے نمبر پر تھا لیکن اب بتیسویں نمبر پر آگیا ہے۔

    رپورٹ میں شمالی وزیرستان  سے متعلق کہا گیا ہے کہ کسی زمانے میں برطانیہ، امریکا اور دنیا کے مختلف حصوں میں دہشت گرد حملوں کی منصوبہ بندی کے مرکز تباہ اور دہشت گرد مارے جاچکے ہیں، میران شاہ سے دہشت گرد نکل کر افغانستان فرارہوچکے ہیں۔

    برطانوی اخبار کے مطابق دہشت گردی کے خلاف جنگ میں پاک فوج نے بھاری قیمت چکائی ہیں، شمالی وزیرستان کا علاقہ ایک عشرے سے زائد عرصے تک عالمی دہشت گردی کا اہم مرکز رہا ہے، امریکا اور برطانیہ کی افغانستان میں یلغار کے بعد اس پہاڑی علاقے کی محفوظ بیس سے طا لبا ن اور القاعدہ جنگجوؤں نے دنیا بھر میں حملے کیے ہیں جن میں زیادہ تر حملوں کا نشانہ برطانیہ رہا۔

     

  • آپریشن ردالفساد : پاک فوج نے عوام کیلئے ہاٹ لائن متعارف کرادی

    آپریشن ردالفساد : پاک فوج نے عوام کیلئے ہاٹ لائن متعارف کرادی

    لاہور: پاک فوج نے عوام کو مطلع کیا ہے کہ دہشت گردی کے قلع قمع کیلئے جاری آپریشن "ردالفساد” کو مزید مؤثر بنانے کیلئے عوام پنجاب رینجرز کے شانہ بشانہ اپنا کردار ادا کرسکتے ہیں اس حوالے سے درج ذیل فون نمبرز اور واٹس ایپ پر براہ راست رابطہ کیا جا سکتا ہے۔

    پاک فوج کے شعبہ تعلقات عامہ آئی ایس پی آر کے مطابق آپریشن "ردالفساد” میں پنجاب رینجرز کی معاونت کی جاسکتی ہے۔

    عوام کسی بھی مشکوک سرگرمی کی اطلاع کیلئے رینجرزسے رابطہ کرسکتے ہیں، آئی ایس پی آر کے مطابق عوام 99220030-042 پر رابطہ کرسکتے ہیں۔

     کسی بھی مشکوک سرگرمی کی اطلاع کیلیے نمبر 99221230-042 پر رابطہ کرسکتے ہیں،اس کے علاوہ واٹس ایپ کےلئے 8880100-0340پررابطہ کیاجاسکتا ہے۔

    آئی ایس پی آر کا کہنا ہے کہ عوام 8880047-0340 پر بذریعہ ایس ایم ایس بھی آگاہ کرسکتے ہیں۔ اس کے علاوہ اس ایڈریس پر  [email protected] ای میل کی جاسکتی ہے ،

  • پاک فوج کے 16 میجر جنرلز عہدوں‌ پر تعینات

    پاک فوج کے 16 میجر جنرلز عہدوں‌ پر تعینات

    لاہور: پاک فوج میں اعلیٰ سطح افسران کے تقرری و تبادلے کیے گئے ہیں جس میں 16 میجر جنرلز کو مختلف عہدوں پر تعینات کردیا گیا۔

     آئی ایس پی آر کی جانب سے جاری کردہ تفصیلات کے مطابق میجرجنرل جمیل رحمت وینس کو وائس چیف آف جنرل اسٹاف الفا، میجر جنرل خان طاہر کو ریماؤنٹ وٹرنری اینڈ فارمرز، میجرجنرل طیب کو کمانڈنٹ ڈیفنس سروسز گار، میجرجنرل ماجد احسان کو وائس چیف آف جنرل اسٹاف براوو تعینات کیا گیا ہے۔

    میجرجنرل ظفرالحق کو ہیڈ آف ہیومن ریسورس ڈپارٹمنٹ، میجر جنرل کامران کو جی او سی17 ڈویژن کھاریاں، میجر جنرل عامر کو جی او سی ٹین ڈویژن لاہور، میجرجنرل علی کو جی او سی 18 ڈویژن میں حیدرآباد، میجر جنرل عامررضا کو جی او سی37 آرمڈ ڈویژن گوجرانوالہ تعینات کیا گیا ہے۔

    مزید پڑھیں : لاہور: آرمی چیف کی زیر صدارت اہم اجلاس

    علاوہ ازیں میجر جنرل شاہد امتیاز کو ڈی جی اسٹاف ڈیفنس، میجرجنرل اصغر کو جی او سی ٹو آرٹلری ڈویژن گوجرانوالہ، میجر جنرل نعمان کو جی او سی 9 ڈویژن وانا، میجرجنرل خالد کو کمانڈنٹ اسکول آف آرٹلری، میجر جنرل شاہد نذیر کو کمانڈنٹ اسکول آف انفینٹری اینڈانٹیکسٹس اور میجرجنرل امان کو جی اوسی 8 ڈویژن سیالکوٹ تعینات کیا گیا ہے۔

  • دہشتگردوں سے پاک کرنے کیلئے ہیوی آرٹلری پاک افغان بارڈر پہنچا دی گئی

    دہشتگردوں سے پاک کرنے کیلئے ہیوی آرٹلری پاک افغان بارڈر پہنچا دی گئی

    چمن : پاکستان میں حالیہ دہشتگردی کی لہر کے بعد پاک فوج نے سرحد پار سے دہشت گردی روکنے کے لئے سخت انتظامات کرلئے ہیں، جس کے بعد اضافی ہیوی آرٹلری پاک افغان بارڈر پر آگے بھجوادی گئی ہے۔

    تفصیلات کے مطابق سرحد پار سے دہشت گردی روکنے کے لئے پاک فوج نے بڑا اقدام اٹھایا، ذرائع کے مطابق پاک افغان سرحد کو دہشتگردوں سے پاک کرنے کیلئے سیکیورٹی انتہائی سخت کر دی گئی۔

    ذرائع کے مطابق پاک افغان سرحد پر دہشت گردوں کی نقل وحرکت مکمل روکنے کیلئے اضافی ہیوی آرٹلری پاک افغان بارڈر پر آگے بھجوادی گئی ہے جبکہ بارڈر پر قائم چیک پوسٹوں کی تعداد میں بھی اضافہ کردیا گیا ہے۔

    پاکستان میں دہشتگردی کی حالیہ لہر میں افغان باشندوں کے ملوث ہونے کے بعد پاک افغان کو مکمل طور پر سیل کردیا گیا ہے جبکہ پاکستان میں دہشتگردی کے واقعات میں افغان سرزمین کے استعمال ہونے کی واضح ثبوت ملنے کے بعد پاکستان کو سخت اقدامات کرنے پڑ رہے ہیں۔

    دوسری جانب چمن میں بھی باب دوستی مسلسل چوتھے روز بند ہونے سے نیٹو سپلائی اور پاک افغان ٹرانزٹ ٹریڈ کا سلسلہ بھی روک دیا گیا ہے، سرحد کے دونوں جانب مال بردار گاڑیوں کی لمبی قطاریں لگ چکی ہیں اور پیدل جانے والے افراد کو بھی سرحدپار کرنے کی اجازت نہیں دی جارہی۔

    مزید پڑھیں : پاکستان نے حالیہ دہشت گردی کے تمام ثبوت افغان حکام کو فراہم کردیئے

    یاد رہے کہ اس سے قبل پاکستان نے ہونے والے حالیہ دہشت گردی کے واقعات کے تمام ثبوت افغان حکام کو فراہم کردیئے تھے، جس میں دہشت گردوں کے روابط کی ٹیلی فون کالز اور ڈیٹا بھی موجود تھے۔

    ذرائع کا کہنا ہے کہ لاہور اور سیہون میں دہشت گردوں نے افغان سرحدی علاقوں سے کارروائیاں کیں۔

    واضح رہے کہ چند روز قبل درگاہ لعل شہباز قلندر میں خود کش دھماکے کے بعد حکومت نے پاک افغان بارڈر کو غیر معینہ مدت تک بند کرنے کا اعلان  کیا تھا۔