Tag: pak fouj

راولپنڈی: شمالی وزیرستان میں شدت پسندوں کے خلاف کارروائی میں لیفٹیننٹ کرنل فیصل ملک سمیت دواہلکار شہید ہوگئے،جوابی کارروائی میں چھ دہشتگرد ہلاک کردیئے گئے۔

ملک سے دہشت گردی کے خاتمے کے لیے پرعزم شمالی وزیرستان میں پاک فوج کی کارروائیاں جاری، آئی ایس پی آر کے مطابق شمالی وزیرستان ایجنسی کی تحصیل شوال میں شدت پسند سے سیکیورٹی فورسز کی جھڑپ ہوئی، جس میں لیفٹیننٹ کرنل فیصل ملک سمیت دواہلکار شہید ہوئے۔

In the line of duty! Lt Col Faisal Malik, a daring soul, embraced martyrdom today while fighting with miscreants. pic.twitter.com/0HZSQPo3oj

— Pakistan’s Pride (@PakistansPride) August 24, 2015

پاک فوج کی جوابی کارروائی میں چھ دہشت گرد مارے گئے، شمالی وزیرستان میں پاک فوج کا زمینی آپریشن آرمی چیف جنرل راحیل شریف کی جلد مقاصد کے حصول کی ہدایت پر شروع کیا گیا ہے۔

 اورکزئی ایجنسی میں بھی سیکیورٹی فورسزنے شرپسندوں کے خلاف کارروائی کی، جس میں شرپسندوں کے دوٹھکانے تباہ کرکے دو شدت پسند گرفتار کرلیا گیا۔

 آئی ایس پی آرکےمطابق گرفتار شرپسندوں کے قبضے سے ایک گاڑی اورایک موٹرسائیکل برآمد ہوئی ہے۔

شوال: شمالی وزیرستان کے علاقے شوال میں پاک فوج نے زمینی آپریشن شروع کردیا ہے۔

آئی ایس پی آر کے مطابق آرمی چیف نے فوسز کو آپریشن کے مقاصد جلد سے جلد حاصل کرنے کی ہدایت کی ہے۔

آرمی چیف نے موثر کارروائی کے لیے زمینی وفضائی افواج کو باہمی رابطے کی ہدایت کی ہے اور کہا ہے کہ فضائی وزمینی افواج کے درمیان مربوط روابط قابل تحسین ہیں۔

 ڈی جی آئی ایس پی آر نے ٹوئٹر پر ٹوئٹ کیا کہ سیکورٹی فورسز نے شوال میں دہشت گردوں کے خلاف اب فضائی کے ساتھ زمینی کارروائی بھی شروع کردی گئی ہے۔

Ground Ops in Shawal,Waziristan begins.#COAS directs achievement of mil objectives asp.Commends ideal air&ground force coord for effects

— AsimBajwaISPR (@AsimBajwaISPR) August 20, 2015

ڈی جی آئی ایس پی آر عاصم سلیم باجوہ کا کہنا تھا کہ آرمی چیف نے فورسز کو مطلوبہ مقاصد جلد حاصل کرنے کی ہدایت کی ہے او مؤثر کارروائی کیلئے زمینی اور فضائی فورسز میں مربوط رابطے کو قابل تحسین قرار دیا ہے۔