ARYNews.tv | Urdu – Har Lamha Bakhabar

Tag: pak fouj

  • پاک فوج کو پورے ملک کی سکیورٹی پر کنٹرول حاصل ہے، عاصم سلیم باجوہ

    پاک فوج کو پورے ملک کی سکیورٹی پر کنٹرول حاصل ہے، عاصم سلیم باجوہ

    راولپنڈی : ڈی جی آئی ایس پی آرعاصم سلیم باجوہ نے کہا ہے کہ ضرب عضب آپریشن کے بعد پاک فوج کو پورے ملک کی سکیورٹی پر کنٹرول حاصل ہے ۔

    غیر ملکی اخبار کو انٹرویو دیتے ہوئے ترجمان پاک فوج میجر جنرل عاصم سلیم باجو ہ نے کہا کہ آپریشن ضرب عضب کی وجہ سے پاکستان میں اب کوئی نو گو ایریا باقی نہیں رہا ،بلکہ فوج نے تمام قبائلی علاقوں تک بھی رسائی حاصل کر لی ہے ۔

    ان کا کہنا تھا کہ دور دراز علاقوں میں پولیو کے قطرے پلانے کی مہم میں فوج سیکیورٹی فراہم کر رہی ہے۔

    ڈی جی آئی ایس پی آرنے کہا کہ قبائلی علاقوں میں پولیو کے خاتمے کے لے فنڈز دینے پر متحدہ عرب امارات کے شکرگزار ہیں،انہوں نے کہا کہ قبائلی علاقوں میں دہشتگردی کے خطرے کے باوجود پولیو مہم کامیاب رہی۔

  • برطانوی پولیس کہیں نہیں گئی، پاکستان میں ہے، چوہدری نثار

    برطانوی پولیس کہیں نہیں گئی، پاکستان میں ہے، چوہدری نثار

    اسلام آباد: وزیر داخلہ چوہدری نثار نے کہا ہے برطانوی پولیس اسلام آباد میں موجود ہے،عمران فاروق قتل کیس کے دوسرے ملزم تک رسائی کل دی جائے گی۔

    لندن میٹرو پولیٹن پولیس نے عمران فاروق قتل کیس کے ایک ملزم سے تفتیش مکمل کرلی،وزیر داخلہ کہتے ہیں۔دوسرے ملزم تک رسائی جمعرات کو دی جائے گی چوہدری نثار نے برطانوی پولیس کو تیسرے ملزم تک رسائی کی بات بھی کی۔

     ان کہنا تھا تیسرے ملزم تک رسائی دینے کے معاملےپر مشاورت ہوگی۔ جو بھی فیصلہ ہوگا عید بعد ہی ہوگا، چوہدری نثار کا کہنا تھا عمران فاروق قتل کیس کی تفتیش آگے بڑھ رہی ہے ۔

    دوسری جانب وفاقی وزیر داخلہ نے دو ٹوک موقف اختیار کیا، چوہدری نثار نے کہا رینجرز کوئی سیاسی فورس نہیں، رینجرز سے متعلق منفی بیانات سن کربہت افسوس ہوا وزیر داخلہ نے کہا وزیراعلی سندھ سے بات ہوئی ہے،اطمینان ہے کہ رینجرزکی مدت میں ختم ہونے سے پہلے توسیع ہو جائے گی۔

     چوہدری نثار کا کہنا تھا رینجرز سے متعلق کسی کو خدشات ہیں تو بیٹھ کر بات کرے پہلےرینجرزکی تعریف کی جاتی تھی اب لوگ پکڑگئے توتقریریں کی جارہی ہیں۔

     وزیر داخلہ چوہدری نثار کا کہنا تھا رینجرزکراچی میں قانون اور ضابطے کےمطابق تعینات ہے،رینجرز نے کراچی کے حالات کو کنٹرول کیا۔

  • عمران خان نے پاکستان کو نقصان پہنچایا ہے، عابد شیرعلی

    عمران خان نے پاکستان کو نقصان پہنچایا ہے، عابد شیرعلی

    فیصل آباد: وزیرمملکت عابد شیر علی کہتے ہیں کہ عمران خان ایک جھوٹ کانام ہے، عمران خان نےپاکستان کونقصان پہنچایا۔

      فیصل آباد پریس کانفرنس کرتے ہوئے وزیرمملکت کا کہنا تھا کہ عمران خان نے پینتیس پنکچرکےبیان پرکہاکہ سیاسی تھا، عمران خان نے پاکستان کو نقصان پہنچایا ہے۔ عمران خان ایک جھوٹ کا نام ہے۔

    عابد شیرعلی نے مزید کہا کہ کےالیکٹرک کی ہٹ دھرمی کی وجہ سےکراچی میں اموات ہوئیں، کراچی کے لوگوں کو بے یار ومددگار نہیں چھوڑا جائے گا۔

    وزیرمملکت برائے پانی و بجلی عابد شیرعلی نے کہا کہ الطاف حسین کےخلاف برطانیہ میں مقدمات چل رہےہیں۔

  • گوجرانوالہ ٹرین حادثہ ٹریک خراب ہونےسےہوا، تحقیقاتی رپورٹ

    گوجرانوالہ ٹرین حادثہ ٹریک خراب ہونےسےہوا، تحقیقاتی رپورٹ

    گوجرانوالہ : ٹرین حادثے کی ابتدائی تحقیقاتی رپورٹ مکمل کرلی گئی۔ رپورٹ کے مطابق حادثہ ٹریک خراب ہونے کے باعث پیش آیا۔

    گوجرانوالہ میں ٹرین ریلوے ٹریک خراب ہونے کی وجہ سے نہر میں گری۔ تفصیلات کے مطابق ابتدائی تحقیقاتی رپورٹ میں وجہ سامنے آگئی ۔

    سات رکنی مشترکہ تحقیقاتی ٹیم کی ابتدائی رپورٹ کے مطابق حادثہ ٹرین پل ٹوٹنے سے نہیں بلکہ ریلوے ٹریک خراب ہونے کے باعث پیش آیا ۔

    تحقیقاتی رپورٹ کے مطابق ٹریک پر ستر میٹر تک انجن اور بوگیوں کی رگڑ کے نشانات پائے گئے ہیں۔ جائے حادثہ پر پاک فوج کاریسکیو آپریشن بھی مکمل کرلیا گیا ہے۔

    حادثے میں جاں بحق تمام اٹھارہ افرادکی لاشیں نہرسےنکال لی گئی ہیں۔واضح رہے کہ جمعرات کوپنوعاقل سےکھاریاں جانے والی ٹرین گوجرانوالہ کےقریب حادثےکاشکارہوگئی تھی۔ٹرین میں پاک فوج کےدوسوجوان سوارتھے۔

  • آٹھ سالہ بچے کا دہشتگردوں کیخلاف پاک فوج کیلئے پچاس ڈالر کا عطیہ

    آٹھ سالہ بچے کا دہشتگردوں کیخلاف پاک فوج کیلئے پچاس ڈالر کا عطیہ

    لاہور / کراچی : آٹھ سالہ بچے نے پاک فوج کیلئے اپنے ننھے جذبات کا انوکھا اظہار کردیا،پاک فوج کیلئے اپنی جیب خرچ سے پچاس ڈالربھیج دیئے۔

    تفصیلات کے مطابق  لاہور کے رہائشی تیسری جماعت کے طالب علم محمد یوسف معین نے کور کمانڈر لاہور لیفٹیننٹ جنرل نوید زمان کو ایک خط تحریر کیا ہے۔

    مذکورہ خط میں یوسف معین کا کہنا تھا کہ وہ پاک فوج میں شمولیت اختیار کرنا چاہتا ہے، لیکن ابھی اس کی عمراس کیلئے کم ہے، تاہم بچے نے خط میں اس خواہش کا اظہار کیا کہ وہ پاک فوج اور ملک و قوم کیلئے کچھ کرنا چاہتا ہے۔

    اس نے لکھا کہ میرے پاس ایک یہ ہی طریقہ تھا کہ جس سے میں پاک فوج کی مدد کر سکتا ہوں، اس کیلئے میرے پاس پچاس ڈالرکی رقم جو میں نے اپنی پاکٹ منی سے جمع کی ہے وہ بھیج رہاہوں۔جس سے آپ طالبان دہشت گردوں کے خاتمے کیلئے گولیاں خرید سکتے ہیں۔

    آخر میں کمسن طالب علم محمد یوسف معین نے خود کو مستقبل کا فوجی افسر لکھتے ہوئے کور کمانڈر لاہور لیفٹیننٹ جنرل نوید زمان کا شکریہ ادا کیا ہے۔

    سر زمین پاکستان کے ایک ننھے بچے کا یہ جذبہ ہو تو ہمیں یقین ہے کہ اس ملک خداداد کی طرف کوئی دشمن میلی آنکھ سے نہیں دیکھ سکتا۔

  • ماسکو: آرمی چیف نے روس کی دفاعی نمائش کا معائنہ کیا

    ماسکو: آرمی چیف نے روس کی دفاعی نمائش کا معائنہ کیا

    ماسکو : آرمی چیف جنرل راحیل شریف نے روس میں ہونےو الی دفاعی نمائش کا معائنہ کیا،جدید ہتھیاروں اور طیاروں میں خصوصی دلچسپی لکا اظہار کیا۔

    تفصیلات کے مطابق آرمی چیف جنرل راحیل شریف نے روس میں جاری دفاعی نمائش کا دورہ کیا، پاک فوج کے ترجمان کے مطابق آرمی چیف نے نمائش میں رکھے گئے جدید ہتھیاروں اور طیاروں میں خصوصی دلچسپی لی۔  

    انہوں نے روسی پارلیمنٹ ڈوما کے چیئرمین سے ملاقات بھی کی جس میں باہمی تعلقات اور خطے میں قیام امن اور ترقی پر بات چیت ہوئی۔

    اس موقع پر چیئرمین ڈوما کا کہنا تھاکہ خطے میں استحکام کیلئے پاکستان کی کوششیں قابل ستائش ہیں، انہوں نے یقین دہانی کرائی کہ دہشت گردی کیخلاف جنگ میں روس پاکستان کے ساتھ ہے۔

  • وزیر اعظم نواز شریف نے آصف زرداری کے بیان کو نامناسب قراردیدیا

    وزیر اعظم نواز شریف نے آصف زرداری کے بیان کو نامناسب قراردیدیا

    اسلام آباد : وزیراعظم نوازشریف نے پیپلز پارٹی کے شریک چیئر مین آصف علی زرداری کے فوج کیخلاف بیان پر اپنا ردعمل ظاہرکرتے ہوئے کہا ہے کہ افواج پاکستان کوتنقید کا نشانہ بنانے سےعدم استحکام پیدا ہوتا ہے۔

    ان خیالات کا اظہار انہوں نے اسلام آباد میں اپنی زیرصدارت مشاورتی اجلاس سے خطاب کرتے ہوئے کیا۔

    تفصیلات کے مطابق  اجلاس میں وزیراعظم نے پیپلزپارٹی کے شریک چیئرمین آصف زرداری کے بیان پر ردعمل ظاہر کرتے ہوئے کہا ہے کہ دہشت گردی کیخلاف آپریشن کے نازک مرحلے پر قومی اتفاق رائے ضروری ہے۔

    انہوں نے کہا کہ ان حالات میں فوج اوراس کے ایک اہم ادارے پرتنقید کرنا نامناسب ہے،آپریشن ضرب عضب اورقومی ایکشن پلان پرعمل درآمد کرنے کے لئے افواج کے جوان موثرکردارادا کررہے ہیں۔

    وزیر اعظم کا کہنا تھا کہ افواج پاکستان اورسیاسی قیادت کےدرمیان ہم آہنگی نے جمہوریت کو مضبوط کیا،ہم آہنگی کامظاہرہ اے پی سی کے فیصلوں سے بھی ہوچکا ہے اورہم آہنگی کا مظاہرہ اسی جذبے کے ساتھ جاری رہنا چاہیئے۔

    انہوں نے کہا کہ اے پی سی میں سیاسی اورعسکری قیادت نے متفقہ اہداف طے کئےتھے،سیاسی استحکام اوراتفاق رائےسے ملک ترقی کی راہ پرگامزن ہوسکتا ہے، انہوں نے کہا کہ مسلح افواج کو پوری قوم کی حمایت حاصل ہے۔

  • آصف زرداری کے بیا ن کی پرزور مذمت کرتا ہوں، جنرل (ر)حمید گل

    آصف زرداری کے بیا ن کی پرزور مذمت کرتا ہوں، جنرل (ر)حمید گل

    راولپنڈی : جنرل ریٹائرڈ حمید گل نے کہا ہے کہ آصف علی زرداری کے بیا ن کی پرزور مذمت کرتے ہیں، پیپلز پارٹی کے شریک چیئرمین کاغصہ ان حالات میں ٹھیک نہیں۔

    ان خیالات کا اظہار آئی ایس آئی کے سابق سربراہ جنرل ریٹائرڈ حمید گل نے راولپنڈی میں  پریس کلب میں پریس کانفرنس سے خطاب کرتے ہوئے کیا۔۔

    انہوں نے کہا کہ نواز شریف اور زرداری نے جمہوریت کو تباہ کیا، انہوں نے کہا کہ آئین کی آڑ لے کر کرپشن کی جاتی ہے۔

    ایک سوال کے جواب میں ان کا کہنا تھا کہ میرا نام حمید گل ہے ، اور میری ذاتی حیثیت  ہے میں نے اس سے پہلے نہ کوئی بیان واپس لیا اور نہ اب لوں گا۔

    میں اس ملک میں آئین کی حکمرانی چاہتا ہوں، حمید گل کا کہنا تھا کہ دہشت گردوں کی مالی معاونت سب سے بڑی دہشت گردی ہے۔

    بھارت کے حوالے سے گفتگو کرتے ہوئے انہوں نے کہا کہ بھارت ایک عرصے سے مسلمانوں پر ظلم کررہا ہے ممبئی حملہ، کشتی واقعہ مونا باؤ جیسے سانحات  میں بھارت براہ راست ملوث رہا ہے۔

  • آصف زرداری کا بیان غیرمناسب اور ہتک آمیز ہے، چوہدری نثار

    آصف زرداری کا بیان غیرمناسب اور ہتک آمیز ہے، چوہدری نثار

    اسلام آباد : وفاقی وزیر داخلہ چوہدری نثار علی خان نے کہا ہےکہ آصف زرداری کا بیان انتہائی غیرمناسب اور ہتک آمیز ہے،اپنی کوتاہیاں اورکمزوریاں چھپانےکیلئےاہم قومی ادارےکونشانہ بنانےکی کوشش کی گئی۔

    پیپلزپارٹی کے شریک چیئرمین کے خطاب پر تبصرہ کرتے ہوئے چودھری نثار علی خان نے کہا کہ پیپلزپارٹی کی گرتی ہوئی ساکھ کی وجہ کوئی ادارہ نہیں انکی اپنی سابقہ حکومت کی کارکردگی ہے۔

    یہ طرزسیاست خطرناک ہونے کے ساتھ ساتھ قابل مذمت بھی ہے،چوہدری نثار نے کہا کہ زرداری صاحب کچھ بھی کہہ لیں مسلح افواج اوراس کی قیادت کی عزت عوام کے دل میں ہے۔

  • جنرل راحیل شریف کی سری لنکن آرمی چیف سے ملاقات

    جنرل راحیل شریف کی سری لنکن آرمی چیف سے ملاقات

    راولپنڈی:  پاک فوج کے سربراہ جنرل راحیل شریف نے کولمبو میں سری لنکن فوج کے سربراہ سے ملاقات کی اور باہمی تعاون اور تربیت کے امورپر تبادلہ خیال کیا۔

    پاک فوج کے سربراہ جنرل راحیل شریف جو سرلنکا کے دورے پر ہیں ، انہوں نے کولمبو میں اپنے ہم منصب سری لنکن آرمی چیف لیفتیننٹ جنرل اے ڈبلیو جے سی ڈی سلوا سے ملاقات کی۔

    پاک فوج کے شعبہ تعلقات عامہ آئی ایس پی آر کے مطابق ملاقات میں باہمی دلچسپی اور پیشہ وارانہ امور، دو طرفہ دفاعی تعاون کو مزید فروغ دینے اور دہشت گردی کے خلاف جنگ میں ایک دوسرے کے تجربات سے استفادہ کرنے سے متعلق امور پر تبادلہ خیال کیا گیا۔

    اس موقع پر سری لنکن آرمی چیف نے دہشت گردی خلاف پاک فوج کے آپریشن ضرب عضب میں ملنے والی کامیابیوں کو سراہا۔

    ان کا کہنا تھا کہ آپریشن ضرب عضب میں پاکستان کی کامیابیاں قابل قدر ہیں ،شدت پسندی کے خلاف آپریشن سے خطے میں امن و امان کی صورتحال بہتر ہوگی ،سراہا۔

    آرمی چیف نے سری لنکن بحریہ کے سربراہ وائس ایڈمرل ایس جے ایم جے سے بھی ملاقات کی۔ اس سے پہلے سری لنکا کے آرمی ہیڈ کوارٹرز پہنچنے پر سری لنکن فوج کے چاک و چوبند دستے نے آرمی چیف کو گارڈ آف پیش کیا۔