Tag: pak fouj

کراچی: وزیراعلیٰ سندھ قائم علی شاہ نے کہا ہے سندھ میں دہشت گردی کے واقعات میں کافی کمی آئی ہے کراچی آپریشن میں وفاق نے بھر پور ساتھ دیا۔

وزیراعلیٰ سندھ قائم علی شاہ نے پریس کانفرنس کرتے ہوئے کہا کہ امن وامان سندھ کا سب سے اہم مسئلہ ہے،اغوا، بھتہ خواری اور دہشتگردی کے خاتمے کے لئے کراچی آپریشن میں وفاق نے بھر پور ساتھ دیا۔

قائم علی شاہ نے کہا کہ وزیراعظم کے ساتھ انکی اور چیف سیکریٹری کی ملاقات طےتھی، کسی سے ملاقات پلان کا حصہ نہیں تھا۔

وزیر اعلی سندھ نے کہا کہ سندھ میں مجموعی طور پر امن وامان کی صورتحال کافی بہتر ہوئی ہے پورے سال میں دو سے تین واقعات ہوئے ہیں۔

ایک سوال کے جواب میں وزیر اعلی نے کہا کہ گورنرسندھ کی تبدیلی کا انہیں علم نہیں، نہ ہی ایسی کوئی اطلاع ہے۔

کراچی : وزیراعلٰی سندھ قائم علی شاہ نے کہا ہے کہ الطاف حسین ہم پرتنقید کرلیں لیکن فوج کومتنازعہ نہ بنائیں،ان خیالات کا اظہار انہوں نے کراچی میں میڈیا سے گفتگو کرتے ہوئے کیا۔

قائم علی شاہ کا کہنا تھا کہ ایم کیوایم جرائم پیشہ افراد سےلاتعلقی کااظہارکرے یا پھر ان کے خلاف کارروائی کی حمایت کرے، قانون سےبالاترکوئی نہیں ہے۔

انہوں نے کہا کہ جومجرمانہ سرگرمیوں میں ملوث ہوگا،اس کے خلاف سخت کارروائی کی جائے گی، ایک سوال کے جواب میں وزیر اعلیٰ سندھ نے کہا کہ رینجرزکواختیارات دینےکافیصلہ تمام جماعتوں کواعتماد میں لےکرکیا گیاہے،اور تمام جماعتیں اس فیصلے پرمتفق ہیں۔

شہر قائد میں قیام امن کے حوالے سے انہوں نے کہا کہ کراچی میں امن بحال ہوگیاہے،لوگ رات دوبجےبھی ساحل سمندرپر جاتےہیں۔

ان کا کہنا تھا کہ اندرون سندھ میں اغوابرائےتاوان کی وارداتیں مکمل طورپرختم کردی گئی ہیں، قائم علی شاہ نے بتایا کہ شہید ذوالفقار علی بھٹوکی برسی کے موقع پرجلسہ عام رات بارہ کےبعدشروع کیا جائے گا۔