Tag: Pak IMF talk today

دبئی: پاکستان اور آئی ایم ایف کے درمیان جائزہ مذاکرات کسی بھی نتیجے پر نہ پہنچنے کے باعث مزید دو دن جاری رہیں گے، مذاکرات اب اسلام آباد میں ہونگے۔

وازرت خزانہ زرائع کے مطابق پاکستانی حکام ا ورآئی ایم ایف کے درمیان مذاکرات کو چار نومبر کو ختم ہونا تھا تاہم ایف بی آر کی کارکردگی اور قرض کے ادائیگیاں شروع ہونے کےبعد زرمبادلہ ذخائر کی صورت حال پر معاملات طے نہ ہوسکے۔

ایف بی آر آئی ایم ایف کی جانب سے گزشتہ سہ ماہی کیلئے مقرر کردہ ٹیکس وصولی کا ہدف حاصل نہ کرسکا۔ ایف بی آر کو مقررہ ہدف میں چالیس ارب روپے کمی کا سامنا ہے۔

زرائع کے مطابق وزیر خزانہ کی پاکستان میں مصروفیات کے باعث آئی ایم ایف وفدآج پاکستان پہنچے گا اور مذاکرات کا حتمی آج اور کل ہوگا، مذاکرات کی کامیابی کی صورت میں پاکستان کو آئی ایم ایف سے قرض کی دس وایں قسط ملنے کی توقع ہے۔

اسلام آباد: وزیر خزانہ اسحاق ڈار آئی ایم ایف سے مذاکرات کیلئے دبئی پہنچ گئے ہیں، پاکستان آئی ایم ایف سے توانائی سیکٹر کی کارکردگی اور ٹیکس وصولی میں کے بارے میں استثنیٰ طلب کئے جانے کا امکان ہے۔

آئی ایم ایف اور پاکستان کے درمیان نویں جائزہ مذاکرات دبئی میں جاری ہیں، پاکستانی وفد کی سربراہی وزیر خزانہ جبکہ آئی ایم ایف کے وفد کی سربراہی جیفری فرینکس کر رہے ہیں۔

 آئی ایم ایف نے حکومت کی جانب سے دئیے جانے والےکسان اور ٹیکسٹائل پیکیج پر تحفظات کا اظہار کیا تھا، اس کے علاوہ آئی ایم ایف نے توانائی کے شعبے کی کارکر دگی، ٹیکس اصلاحات ، ودہولڈنگ ٹیکس کے اطلاق سے متعلق امور پر بھی بات چیت ہوگی۔

حکومت پاکستان کی جانب سے پاور سیکٹر اور ٹیکس اصلاحات پر استثنیٰ طلب کیے جانے کا امکان ہے، مزاکرات کی کامیابی کی صورت میں پاکستان کو پچاس کروڑ ڈالر کی قرض کی قسط ملنے کی توقع ہے۔

دبئی: پاکستان اور آئی ایم ایف کے درمیان نویں جائزہ مذاکرات آج سے دبئی میں شروع ہورہے ہیں، آئی ایم ایف معاشی اصلاحات ، ٹیکس وصولی اور حکومتی اخراجات کے بارے میں بات کرے گا.

عالمی مالیاتی ادارے سے مزید قرضے کے حصول کیلئے پاکستانی حکام اور آئی ایم ایف کے مذاکرات آج سے شروع ہورہے ہیں، یہ مزاکرات چار نومبر تک جاری رہیں گے، آئی ایم ایف پاکستان مشن کے سربراہ ہیرلڈ فنگر نے ٹیکسٹائل اور کسان پیکج پر بات کرنے کا عندیہ دیا تھا، اس کے علاوہ حکومتی تحویل میں اداروں کی نجکاری کے بارے میں بھی بات چیت ہوگی ۔

پہلے مرحلے میں تکنیکی مذاکرات ہونگے، جس میں پاکستانی وفد کی سربراہی سیکریٹری خزانہ وقار مسعود کریں گے جبکہ پالیسی مذاکرات میں وزیر خزانہ اسحاق ڈار بھی شریک ہونگے۔

مذاکرات کی کامیابی کی صورت میں پاکستان کو پچاس کروڑ ڈالر کی دسویں قسط مل سکے گی، پاکستان کو اب تک آئی ایم ایف پروگرام کے تحت ساڑھے چار ارب ڈالرز مل چکے ہیں.

بجٹ خسارہ پورا کرنے اور زرمبادلہ ذخائر میں بہتری کیلئے قرضے پر قرضہ لئے جارہی ہے، نون لیگ کے ڈھائی سالہ دور میں مقامی قرضوں میں تین ہزار دو سو ستر ارب روپے کا اضافہ ہوا جب کہ بین الاقوامی قرضوں میں بھی نو ارب انیس کروڑ ڈالرز کا اضافہ ہوا۔ اکتوبر میں پاکستان کے بیرونی قرضوں کاحجم پندرہ ارب بیس کروڑ ڈالرز تک جاپہنچے ہیں۔

پاکستان نے آئی ایم ایف سے ساڑھے چار ارب ڈالرز اور عالمی بانڈز مارکیٹ سے ساڑھے تین ارب ڈالر کا قرضہ لیا ہے، وفاقی حکومت کے اقتدار سنبھالنے کے بعد مجموعی اندرونی قرضوں کی مالیتنو ہزار پانچ سو بیس ارب روپے تھی، جو رواں مالی سال اگست تک بڑھ کر بارہ ہزار سات سو نوئے ارب روپے کی سطح تک پہنچ چکے ہیں.