ARYNews.tv | Urdu – Har Lamha Bakhabar

Tag: pak india tension

  • بھارتی فضاؤں کی بندش کے باعث پاکستان آنے والی پروازیں تعطل کا شکار

    بھارتی فضاؤں کی بندش کے باعث پاکستان آنے والی پروازیں تعطل کا شکار

    کراچی : بھارت نے اپنے جنگی جنون کے تناظر میں بھارتی فضاؤں کو پاکستان آنے والی پروازیں کیلئے بند کررکھا ہے جس کی وجہ سے پاکستانی اور بین الاقوامی ایئر لائنز کی پروازیں تعطل کا شکار ہیں۔

    تفصیلات کے مطابق بھارت نے اپنی فضا سے گزر کر پاکستان آنے والی پروازوں کے لئے فضائی حدود بند کررکھی ہیں، جس کے باعث ملائیشیا اور بنکاک میں موجود محصور پاکستانیوں کو دیار غیر میں سخت مشکلات کا سامنا کرنا پڑرہا ہے۔

    غیرملکی ایئرلائنز میں نشستوں کی کمی کی وجہ سے بھی محصور پاکستانیوں کی مشکلات میں اضافہ ہورہا ہے، بھارتی فضائی حدود کی بندش سے پی آئی اے کی پروازوں کا آپریشن بھی شدید متاثر ہورہا ہے۔

    اس حوالے سے ترجمان پی آئی اے کا کہنا ہے کہ پی آئی اے کی مسافروں کی واپسی کے لئے کوششیں جاری ہیں، کوالا لمپور کی دو،بنکاک کی ہفتہ وارچار پروازیں آپریٹ نہ ہوسکیں۔

    قومی ایوی ایشن پالیسی2019کے مسودہ کی منظوری

    علاوہ ازیں سول ایوی ایشن ہیڈ کوارٹرز میں اعلیٰ سطح کا اجلاس منعقد ہوا، اجلاس کی صدارت ڈی جی سول ایوی ایشن اتھارٹی شاہ رخ نصرت نے کی، اس موقع پر ایئرلائنز اور جنرل ایوی ایشن آپریٹرز کے سربراہوں اور نمائندے بھی موجود تھے۔

    اجلاس میں قومی ایوی ایشن پالیسی2019کے مسودہ کی منظوری دی گئی، اجلاس میں فیصلہ کیا گیا کہ نئی ایوی ایشن پالیسی کا مسودہ حتمی منظوری کیلئے وفاقی کابینہ کو بھیجا جائے گا۔

  • ترک عوام کے دل میں پاکستانی بھائیوں کیلئے خاص مقام ہے، طیب اردوگان

    ترک عوام کے دل میں پاکستانی بھائیوں کیلئے خاص مقام ہے، طیب اردوگان

    انقرہ : ترک صدر رجب طیب اردوگان کا کہنا ہے کہ پاکستانی بھائیوں کےلیےدل میں خاص جگہ ہے، پاکستان نے ہر مشکل وقت میں ترکی کی مدد کی، ہماری آزادی کے لیے علامہ اقبال کی نظمیں ہم کبھی نہیں بھول سکتے، پاکستان کے ساتھ تھے اور کھڑے رہیں گے۔

    تفصیلات کے مطابق ترک صدرطیب اردوگان نے قوم سے خطاب کرتے ہوئے کہا پاکستانی وزیراعظم سےپاک بھارت کشیدگی کم کرنےپربات ہوئی، بات چیت میں ترکی کےمصالحتی کرداربھی تبادلہ خیال ہوا، ترک عوام کےدل میں پاکستان کیلئےخاص مقام ہے۔

    طیب اردوگان کا کہنا تھا کہ تحریک خلافت کےوقت برصغیرکےمسلمانوں کاتعاون نہیں بھول سکتے، تحریک آزادی میں اقبال کی شاعری،پاکستانیوں کاتعاون یادرہےگا۔

    ترک صدر نے کہا مشکل صورتحال میں ترک عوام کاپاکستانیوں نےساتھ دیا، سیلاب ہویا دہشت گردی ہر موقع پر پاکستانی شانہ بشانہ کھڑے رہے۔

    پاک بھارت صورتحال کے حوالے سے ان کا کہنا تھا پاک بھارت کشیدگی کم کرنےمیں کردار ادا کرنےکوتیارہیں، ، پاکستان کاپائلٹ رہاکرناخوش آئندہے،بھارت مُثبت رویہ اپنائے۔

    گذشتہ روز بھی ترک صدر کا کہنا تھا کہ پاک بھارت کشیدگی کمی کے لیے خود پر عائد فرائض ادا کرنے کو تیار ہیں، بھارتی پائلٹ کی واپسی پاکستان کا شایان شان عمل ہے، پاکستان کے عمل کی جتنی بھی تعریف کی جائے کم ہے، کشیدگی میں کمی پاکستان اور بھارت کے اپنے مفاد میں ہے۔

    مزید پڑھیں : پاک بھارت کشیدگی کم کرنے میں کردار ادا کرنے کو تیار ہیں، ترک صدر اردوگان

    اس سے قبل ترک صدر رجب طیب اردوگان نے وزیرِ اعظم عمران خان سے ٹیلی فونک رابطے میں واضح طور پر کہا تھا کہ وہ پاکستان اور کشمیریوں کی حمایت کرتے رہیں گے، بھارتی پائلٹ کی رہائی کا اعلان عمران خان کے اعتماد اور طاقت کی عکاسی کرتی ہے۔

    صدر اردوگان نے وزیرِ اعظم عمران خان کو پارلیمنٹ میں تقریر کرنے، بھارت کے ساتھ کشیدگی کو کم کرنے اور امن کے قیام کے لیے کی جانے والی کوششوں کو سراہتے ہوئے کہا تھا کہ سلام امن کا مذہب ہے، اسلام آپس کے جھگڑوں کو تحمل کے ذریعے حل کرنے کی تلقین کرتا ہے۔

    خیال رہے 27 فروری کو پاکستان نے فضائی حدود کی خلاف ورزی پر بھارت کےدو طیارے مارگرائے تھے اور پائلٹ ابھی نندن کوگرفتارکرلیا تھا، جس کے بعد بھارت نے بھی طیاروں کی تباہی اور پائلٹ لاپتہ ہونے کا اعتراف کیا تھا۔

    بھارتی پائلٹ کو رہائی دینے کے اعلان پر وزیراعظم عمران خان کو دنیا بھر سے پذیرائی ملی اور ابھی نندن کی رہائی کے اعلان کو زبردست اقدام قرار دیا گیا تھا۔

  • ملک بھر میں بھارتی جارحیت کے خلاف ریلیاں، پاک افواج سے اظہار یکجہتی

    ملک بھر میں بھارتی جارحیت کے خلاف ریلیاں، پاک افواج سے اظہار یکجہتی

    کراچی / حیدرآباد / سکھر/ پشاور : جنگی جنون میں مبتلا بھارت کے خلاف ملک بھر میں مظاہرے جاری ہیں، مسلح افواج سے یکجہتی کے لئے مختلف شہروں میں ریلیاں نکالی گئیں۔

    تفصیلات کے مطابق بھارتی جارحیت کے بعد ملکی دفاع کے لئے ہر پاکستانی شہری پاک فوج کے شانہ بشانہ ہے، جس کا اظہار گزشتہ کئی روز سے گاہے بگاہے ملک کے مختلف شہروں میں نظر آرہا ہے۔

    اس حوالے سے ملک کے مختلف شہروں میں ریلیوں کا سلسلہ جاری ہے، شہر قائد سے پشاور اور لکی مروت تک پوری قوم ہم آواز ہے، اس موقع پر شرکاء نے پاکستان زندہ باد اور پاک فوج زندہ باد کے فلک شگاف نعرے بھی لگائے۔

    ریلیوں سے خطاب کرتے ہوئے مقررین نے کہا کہ بھارت کسی غلط فہمی میں نہ رہے، پاکستان بھر کے عوام ہر محاذ پر پاک فوج کے ساتھ کھڑے ہوں گے۔

    پاک فوج سے اظہار یکجہتی کے لئے کراچی میں تحریک انصاف اور دیگر جماعتوں نے سہراب گوٹھ سے پریس کلب تک ریلی نکالی۔ فاروق ستار کی قیادت میں بھی کارکن سڑکوں پر نکل آئے۔

    اس کے علاوہ حیدرآباد ، سکھر ،میرپورخاص، نوشہرفیروز میں بھی پاک فوج کو خراج تحسین پیش کیا گیا، بھارتی جارحیت کیخلاف اور افوج پاکستان سے یکجہتی کے لئے لاہور میں موٹر سائیکل سواروں نے ریلی نکالی۔

    لبرٹی چوک سے مینار پاکستان تک ریلی میں بڑوں کے ساتھ بچوں نے بھی ملک اور فوج سے محبت کااظہار کیا، پھولوں کے شہر پشاور میں عوام سبز ہلالی پرچم تھامے سڑکوں پر نکل آئے۔

    شرکاء نے بھارت کے خلاف اور پاک فوج کے حق میں نعرے لگائے، لکی مروت میں تحریک انصاف نے ریلی نکال کر پاک فوج کے شانہ بشانہ کھڑے رہنےکا پیغام دیا۔

  • ہم سفارتی تعلقات میں کمزور ہیں، بھارت موقع ہاتھ سے جانے نہیں دیتا، مولا بخش چانڈیو

    ہم سفارتی تعلقات میں کمزور ہیں، بھارت موقع ہاتھ سے جانے نہیں دیتا، مولا بخش چانڈیو

    کراچی : پیپلزپارٹی کے مرکزی رہنما مولا بخش چانڈیو نے کہا ہے کہ بھارت تو اپنے ہاتھ سے کوئی موقع جانے نہیں دیتا، سفارتی تعلقات میں ہم کمزور ہیں اس بات کو تسلیم کرلیں۔

    یہ بات انہوں نے کراچی میں میڈیا سے گفتگو کرتے ہوئے کیا، یہ بات انہوں نے کراچی میں میڈیا سے گفتگو کرتے ہوئے کہی، حالیہ پاک بھارت کشیدگی کے حوالے سے ان کا کہنا تھاکہ مولابخش چانڈیو نے کہا کہ ہمیں یہ بات تسلیم کرنا پڑے گی کہ ہم سفارتی تعلقات میں کمزور ہیں جبکہ بھارت ہمارے خلاف کوئی موقع ہاتھ سے جانے نہیں دیتا پاکستان کو اب بھی بہت محتاط رہنا پڑے گا۔

    ایک سوال کے جواب میں انہوں نے کہا کہ ہم نے حکومت سے جو مفاہمت کی یہ صرف پاکستان کی وجہ سے ہے، اپوزیشن اراکین نے جو مفاہمت کا ہاتھ بڑھایا ہے حکومت اس کو غنیمت سمجھے۔

    آپ مہنگائی کریں اور ہم آپ کا ساتھ دیں ایسا تو نہیں ہوگا، آپ ایوان میں تکبر کے ساتھ گھوم کربیٹھ جاتے ہیں، کیا کوئی ممبر بھی ایسا نہیں جس سے آپ ہاتھ ملانا پسند کریں؟

    آپ کسی سے ہاتھ ملانے کو تیار نہیں یہ جو آج ساتھ ہیں وہ کل نہیں ہوں گے، جس درخت پر پھل زیادہ ہوتے ہیں وہ جھکتا ہے۔

  • سعودی وزیرخارجہ عادل الجبیر کا اہم دورے پرآج پاکستان پہنچنے کا امکان

    سعودی وزیرخارجہ عادل الجبیر کا اہم دورے پرآج پاکستان پہنچنے کا امکان

    اسلام آباد : سعودی وزیرخارجہ عادل الجبیر کا اہم دورے پرآج پاکستان پہنچنے کا امکان ہے، ملاقاتوں کے ایجنڈے کو بھی حتمی شکل دینے کا عمل جاری ہے۔

    تفصیلات کے مطابق سعودی وزیرخارجہ عادل الجبیر کا آج پاکستان پہنچنے کا امکان ہے، عادل الجبیردورہ پاکستان میں ولی عہد شہزادہ محمدکاخصوصی پیغام پاکستانی حکام تک پہنچائیں گے۔

    اپنے دورے میں سعودی وزیرخارجہ شاہ محمود قریشی سے ملاقات کریں گے، جس میں پاک بھارت کشیدہ صورتحال پر بات چیت کی جائے گی جبکہ عادل الجبیر کے دورے کی تفصیلات نئے شیڈول کے مطابق ترتیب دی جا رہی ہیں اور ملاقاتوں کے ایجنڈے کو بھی حتمی شکل دینے کا عمل جاری ہے۔

    خیال رہے سعودی وزیرمملکت برائے خارجہ عادل الجبیر کو ولی عہد محمد بن سلمان کا اہم پیغام لے کر جمعے کو پاکستان پہنچنا تھا تاہم ان کے دورے میں تاخیر ہوگئی تھی، وزیرخارجہ شاہ محمود قریشی کا کہنا تھا سعودی وزیرخارجہ پہلے بھارت جائیں گے اور اتوار کو ان کی پاکستان آمد متوقع ہے۔

    مزید پڑھیں :  سعودی وزیر خارجہ کے دورہ پاکستان میں تاخیر

    سفارتی ذرائع کا کہناتھا عادل الجبیر کےدورے کامقصد پاک بھارت کشیدگی دورکرنےکےاقدامات کرناہے۔

    ترجمان دفترخارجہ ڈاکٹر فیصل کا کہنا ہے کہ گزشتہ روزشاہ محمودقریشی،سعودی وزیرمملکت برائے خارجہ کی فون پرگفتگوہوئی تھی، جس میں عادل الجبیر نے خطے کی کشیدگی ختم کرنے کے لیے پاکستان آنے کی خواہش کا اظہار کیا تھا۔

    اس سے قبل وزیر خارجہ شاہ محمود قریشی نے کہا تھا سعودی وزیرخارجہ ولی عہدکا اہم پیغام لے کر پاکستان آرہے ہیں، میری سعودی وزیرخارجہ سے بات ہوئی تھی، انہوں نے پاکستان آنے کی خواہش کا اظہار کیا جسے خوش آمدید کہا۔

    مزید پڑھیں : سعودی وزیر خارجہ نے پاکستان آنے کی خواہش کا اظہار کیا جسے خوش آمدید کہا، شاہ محمود قریشی

    شاہ محمود قریشی کا کہنا تھا کہ ہم تو پہلے دن سےکہہ رہے ہیں ہم امن وامان کے داعی ہیں، عمران خان، مودی سے ٹیلیفونک گفتگو کیلئے تیار ہیں کیا وہ  تیارہیں۔

    یاد رہے پلوامہ حملے کے بعد پاکستان اور بھارت میں کشیدگی برقرار ہے، 26 فروری کو بھارتی طیاروں نے کنٹرول لائن کی خلاف ورزی کرتے ہوئے دراندازی کی تھی تاہم پاک فضائیہ کے بروقت ایکشن نے بھارتی طیاروں کو بھاگنے پر مجبور کردیا تھا۔

    بعد ازاں 27 فروری کو پاک فضائیہ نے سرحدی حدود کی خلاف ورزی کرنے والے 2 بھارتی طیارے مار گرائے تھے اور ایک بھارتی پائلٹ کو گرفتار کرلیا تھا۔

    پاک بھارت کشیدہ صورتحال پر عالمی برادری کی جانب سے دونوں ممالک کو تحمل سے کام لینے اور مذاکرات سے مسئلے کے حل پر روز دیا گیا۔

  • ہندوستان سے خیر کی توقع نہیں رکھنی چاہیے ، چوہدری نثار

    ہندوستان سے خیر کی توقع نہیں رکھنی چاہیے ، چوہدری نثار

    لندن : سابق وزیر داخلہ چوہدری نثار علی خان کا کہنا ہے کہ ہندوستان سےخیر کی توقع نہیں رکھنی چاہیے اور نہ ہی عمران خان کو بار بار تقریر کرکے امن کی درخواستیں کرنے کی ضرورت ہے۔

    تفصیلات کے مطابق سابق وزیر داخلہ چوہدری نثار علی خان نے اے آر وائی نیوز سے خصوصی گفتگو میں پاک بھارت صورتحال پر کہا افواج پاکستان بلخصوص پاک فضائیہ کی کارکردگی پر مکمل اطمینان مگر حکومتی پالیسی پر تحفظات ہیں، اس وقت چونکہ اتحاد و اتفاق کی ضرورت ہے تو اظہار خیال نہیں کروں گا۔

    چوہدری نثار کا کہنا تھا کہ ہندوستان سےخیر کی توقع نہیں رکھنی چاہیے اور نہ ہی عمران خان کو بار بار تقریر کرکے امن کی درخواستیں کرنے کی ضرورت ہے۔

    پائلٹ کی واپسی پر جلد بازی کا مظاہرہ کیا گیا

    بھارتی پائلٹ کی رہائی کے حوالے سے سابق وزیر داخلہ نے کہا پائلٹ کی واپسی پر جلد بازی کا مظاہرہ کیا گیا ، بھارتی میڈیا ہندوستانی ایجنسیز اور حکومت کی زبان بول رہا ہے جبکہ پاکستانی میڈیا نے آذاد ہونے کے باوجود موئثر انداز سے پاکستان کے مفاد کا دفاع کیا۔

    ن کا کہنا تھا کہ ہمیں حقائق کو سامنے رکھنا چاہیے، میں سمجھتا ہو اگر کوئی ملک کھڑا ہو سکتا ہے وہ ترکی ہے چین بھی ہے اور بھی ممالک ہیں لیکن ترکی ہماری خواہش کے مطابق کھڑا ہے ۔

    ہندوستان کی کوئی بھی جماعت پاکستان کے حق میں نہیں ہوسکتی

    چوہدری نثار نے کہا جو بھی جماعت ہندوستان کی ہے وہ پاکستان کے حق میں نہیں ہوسکتی، مودی ہندوستان میں بھی پسندیدہ لیڈر نہیں ہے ، ہندوستان میں پاکستان پر گالی گلوچ کرکے سیاست کی جاتی ہے۔

    سابق وزیر داخلہ کا مزید کہنا تھا کہ اکستان کی فوج نے جنگی تیاری بہتر انداز سے کر رکھی ہے، سائیکولجیکل اور سیاسی جنگ کے لیے ہم تیار نہیں ہیں۔

  • بھارت کو جواب دے کر ہم نے دنیا کو دکھا دیا کہ ہم کہاں کھڑے ہیں، فواد چوہدری

    بھارت کو جواب دے کر ہم نے دنیا کو دکھا دیا کہ ہم کہاں کھڑے ہیں، فواد چوہدری

    اسلام آباد : وفاقی وزیر اطلاعات فواد چوہدری نے کہا ہے کہ بھارتی جارحیت کا جواب دے کر ہم نے دنیا کو دکھا دیا ہے کہ ہم کہاں کھڑے ہیں، بھارت کے اوپر دباؤ بڑھتا جارہا ہے اور مزید بڑھے گا۔

    ان خیالات کا اظہار انہوں نے اسلام آباد میں میڈیا سے گفتگو کرتے ہوئے کیا، فواد چوہدری نے کہا کہ بھارت کی جانب سے پاکستان کے خلاف جارحیت سے اس کی اپنی صلاحیت متاثر ہوئی۔

    انہوں نے کہا کہ اللہ کے فضل و کرم سے ہمیں کامیابیاں حاصل ہوئی ہیں، ہم نے بھارتی جارحیت کا منہ توڑ جواب دے کر دنیا کو دکھا دیا ہے کہ ہم کہاں کھڑے ہیں۔

    وفاقی وزیراطلاعات کا کہنا تھا کہ بھارت کے اوپر دباؤ بڑھتا جارہا ہے اور مزید بڑھے گا، بھارت اس معاملے پرمنقسم ہے جبکہ پاکستان میں اتحاد ہے کیونکہ جنگ سے مسائل حل نہیں ہوتے، بھارت کسی نہ کسی بہانے سے معاملات ٹالنے کی کوشش کررہا ہے.

    ایک سوال کے جواب میں فوادچوہدری نے کہا کہ یو اے ای اور سعودی عرب نے اس معاملے میں اہم کردار ادا کیا۔

    مزید پڑھیں: پاکستان اپنے دفاع میں کسی بھی جارحیت کا بھرپور جواب دے گا، جنرل قمر باجوہ

    واضح رہے کہ پاک فوج کے سربراہ جنرل قمر جاوید باجوہ نے بھی مختلف ممالک کے فوجی سربراہان سے ٹیلی فونک گفتگو میں واضح طور پر کہا ہے کہ پاکستان اپنے دفاع میں کسی بھی کارروائی کا حق محفوظ رکھتا ہے، پاکستان اپنے دفاع میں کسی بھی جارحیت کا بھرپور جواب دے گا، ہم اپنے دفاع سے غافل نہیں۔

  • بھارت کی ہٹ دھرمی : ہزاروں پاکستانی مسافر بنکاک ائیرپورٹ پر پھنس گئے

    بھارت کی ہٹ دھرمی : ہزاروں پاکستانی مسافر بنکاک ائیرپورٹ پر پھنس گئے

    کراچی : پاک بھارت کشیدگی کے باعث کئی پاکستانی شہری بنکاک ائیرپورٹ پر پھنس گئے، بھارت اپنی فضائی حدود استعمال کرنے کی اجازت نہیں دے رہا۔

    تفصیلات کے مطابق پاکستان اور بھارت کی سرحدوں پر موجودہ صورتحال اور کشیدگی کے باعث  دونوں ممالک کی فضاؤں سے گزرنے والی دنیا بھر کی پروازیں تعطل کا شکار ہیں۔

    بھارت کی روایتی ہٹ دھرمی کی وجہ سے بنکاک ائیرپورٹ پر تین ہزار پاکستانی مسافر  48 گھنٹوں سے واپس وطن جانے کے انتظار میں بیٹھے ہیں۔

    اس حوالے سے ذرائع کا کہنا ہے کہ تھائی ائیر سے پاکستان آنے والے مسافر گزشتہ48گھنٹوں سے ائیرپورٹ پر محصور ہیں جن میں خواتین اور بچے بھی شامل ہیں۔

    ائیرلائنز کا موقف ہے کہ بھارت اپنی فضائی حدود استعمال کرنے کی اجازت نہیں دے رہا، پاکستان کیلئے پروازیں بھارت کے اوپر سے جاتی ہیں جس کے باعث کئی پراوازیں تاخیر کا شکار ہیں۔

    مزید پڑھیں: پاکستان میں فضائی آپریشن کی بحالی کا سلسلہ شروع

    بنکاک ائیرپورٹ پر3ہزار پاکستانی وطن واپسی کے منتظر ہیں، متاثرہ پاکستانیوں نے سوشل میڈیا پر ویڈیو جاری کر دی۔

  • پاکستان اپنے دفاع میں کسی بھی جارحیت کا بھرپور جواب دے گا، جنرل قمر باجوہ

    پاکستان اپنے دفاع میں کسی بھی جارحیت کا بھرپور جواب دے گا، جنرل قمر باجوہ

    راولپنڈی : آرمی چیف جنرل قمر جاوید باجوہ نے صاف الفاظ میں دنیا پر واضح کر دیا ہے کہ  پاکستان اپنے دفاع میں کارروائی کا حق محفوظ رکھتا ہے، کسی بھی جارحیت کا بھرپور جواب دیں گے۔

    ان خیالات کا اظہار  انہوں نے امریکہ ، آسٹریلیا اور برطانیہ کے فوجی حکام اور مختلف ممالک کے سفیروں سے ٹیلی فونک گفتگو کرتے ہوئے کیا۔

    پاک فوج کے شعبہ تعلقات عامہ آئی ایس پی آر کے مطابق جنرل قمر جاوید باجوہ نے کمانڈر یو ایس سینٹ کام جنرل جوزف ووٹل، سی ڈی ایف آسٹریلیا جنرل اینگس جان کیمبل، برطانوی ہائی کمشنر تھامس ڈریو اور چینی سفیر یاؤژنگ سے پاک بھارت کشیدگی کے حوالے سے ٹیلی فونک رابطہ کیا ہے۔

    آرمی چیف نے امریکی فوجی حکام اور سفیروں سے حالیہ پاک بھارت کشیدگی کی صورتحال پر تفصیلی گفتگو کی، آرمی چیف نے خطے کے امن واستحکام پر ممکنہ منفی اثرات پر بھی تبادلہ خیال کیا۔

    مزید پڑھیں: ہم نے مؤثر جواب دے دیا، توقع ہے بھارت ہوش مندی کا مظاہرہ کرے گا: آرمی چیف

    جنرل قمر جاوید باجوہ کا کہنا تھا کہ پاکستان اپنے دفاع میں کسی بھی کارروائی کا حق محفوظ رکھتا ہے، پاکستان اپنے دفاع میں کسی بھی جارحیت کا بھرپور جواب دے گا، ہم اپنے دفاع سے غافل نہیں۔

  • خدا نہ کرے پاکستان اور بھارت میں جنگ چھڑے، بلاول بھٹو

    خدا نہ کرے پاکستان اور بھارت میں جنگ چھڑے، بلاول بھٹو

    اسلام آباد : چیئرمین پیپلزپارٹی بلاول بھٹو نے کہا خدا نہ کرے پاکستان اور بھارت میں جنگ چھڑے، برصغیرکے نوجوان نسل کوجنگ کی قیمت ادا کرنی  پڑےگی، امید ہے مودی انتخابی مہم کوامن کی راہ میں رکاوٹ نہیں بنائیں گے۔

    تفصیلات کے مطابق چیئرمین پیپلزپارٹی بلاول بھٹو نے بھارتی اخبار دی ہندو کو انٹرویو دیتے ہوئے کہا خدا نہ کرے پاکستان،بھارت میں جنگ چھڑے، جنگ کی اصل قیمت عوام کواداکرنی پڑےگی۔

    [bs-quote quote=”امید ہے مودی انتخابی مہم کو امن کی راہ میں رکاوٹ نہیں بنائیں گے” style=”style-7″ align=”left” author_name=”بلاوال بھٹو”][/bs-quote]

    بلاول بھٹو کا کہنا تھا برصغیرکے نوجوان نسل کوجنگ کی قیمت اداکرنی پڑےگی، دونوں ممالک کے تناؤ میں کمی ہی موجودہ بحران کااصل جواب ہے، تنازعات کے پرامن حل کی طرف بڑھناہوگا، ہمیں اپنی آنے والی نسلوں کاسوچناہوگا۔

    پی پی چیئرمین نے کہا امید ہے مودی انتخابی مہم کو امن کی راہ میں رکاوٹ نہیں بنائیں گے اور بھارت اورپاکستان بیٹھ کرمسئلہ کشمیرحل کریں گے۔

    ان کا کہنا تھا کہ بے گناہ اور معصوم کشمیری پہلے ہی بہت بھگت چکے ہیں، کشمیریوں پر اب یہ مظالم ختم ہونے چاہئیں، پاکستان بھارتی مظالم کے خلاف کشمیریوں کے ساتھ ہے۔

    اس سے قبل بلاول بھٹو نے سماجی رابطے کی ویب سائٹ ٹوئٹر پر اپنے بیان میں کہا حکومت کااوآئی سی اجلاس میں شرکت نہ کرنےکافیصلہ بدقسمتی ہے، پاکستان کوتمام عالمی فورمزپراپنا نقطہ نظرپیش کرناچاہئے اور بھارتی جارحیت بےنقاب کرنی چاہئے، ایسےفیصلےاچھی حکمت عملی نہیں۔

    ایک اور ٹوئٹ میں پیپلزپارٹی کے چیئرمین بلاول بھٹوزرداری نےوزیراعظم عمران خان کی جانب سے بھارت کومذاکرات کی پیشکش کی حمایت کرتے ہوئے کہا تھا کشیدگی کم کرنے کی ضرورت ہے اس سے پہلے کہ دیر ہوجائے۔