کوئٹہ: صوبہ بلوچستان میں سردی کی شدت میں اضافہ ہوگیا ہے، زیارت میں درجہ حرارت 5 اور قلات میں 4 ڈگری سینٹی گریڈ ریکارڈ کیا گیا۔
تفصیلات کے مطابق محکمہ موسمیات کا کہنا ہے کہ بلوچستان میں سردی کی شدت میں اضافہ ہوچکا ہے۔
محکمہ موسمیات کا کہنا ہے کہ بیشتر اضلاع میں موسم خشک رہے گا اور کسی علاقے میں بارش کا امکان نہیں۔
کوئٹہ میں آج زیادہ سے زیادہ درجہ حرارت 17 ڈگری سینٹی گریڈ ریکارڈ کیا گیا ہے، زیارت میں درجہ حرارت 5 اور قلات میں 4 ڈگری سینٹی گریڈ ریکارڈ کیا گیا۔
اسلام آباد: وزیر خارجہ بلاول بھٹو زرداری نے سابق وزیر اعظم عمران خان کی نااہلی پر ردعمل دیتے ہوئے کہا کہ عمران خان نااہل ہیں، سیاسی مخالفین کی مبینہ کرپشن کا جھوٹ پھیلانے والے رنگے ہاتھوں پکڑے گئے۔
تفصیلات کے مطابق وزیر خارجہ بلاول بھٹو زرداری نے سماجی رابطے کی ویب سائٹ ٹویٹر پر اپنے ٹویٹ میں کہا کہ الیکشن کمیشن نے عمران خان کو کرپٹ پریکٹس کا مجرم قرار دیا ہے، اب عمران خان نااہل ہیں۔
بلاول بھٹو کا کہنا تھا کہ سیاسی مخالفین کی مبینہ کرپشن کا جھوٹ پھیلانے والے رنگے ہاتھوں پکڑے گئے۔
Election commission of Pakistan has found Imran Khan guilty of corrupt practices. He now stands disqualified. He who would spread lies about alleged corruption of his political opponents has been caught red handed.
— BilawalBhuttoZardari (@BBhuttoZardari) October 21, 2022
دوسری جانب مسلم لیگ ن کی رہنما مریم نواز نے اپنے ٹویٹ میں کہا کہ پاکستان کا پہلا سرٹیفائڈ جھوٹا اور سند یافتہ چور جو چوری کے نا قابل تردید ثبوتوں کے ساتھ نااہل ہوا۔
مریم نواز کا کہنا تھا کہ جتنی بڑی چوری ہے اس کی سزا صرف نااہلی پر ختم نہیں ہونی چاہیئے، اس کو گرفتار کر کے قانون کے سامنے پیش کرنا چاہیئے اور لوٹا پیسہ واپس لینا چاہیئے۔
خیال رہے کہ الیکشن کمیشن آف پاکستان نے توشہ خانہ ریفرنس میں سابق وزیر اعظم اور پاکستان تحریک انصاف کے چیئرمین عمران خان کو نااہل قرار دے دیا ہے۔
الیکشن کمیشن بینچ نے فیصلہ دیا کہ عمران خان کرپٹ پریکٹس کے مرتکب ہوئے، عمران خان کی قومی اسمبلی کی نشست خالی قرار دی جاتی ہے۔
الیکشن کمیشن نے عمران خان کے خلاف فوجداری مقدمہ درج کرنے کا بھی حکم دیا ہے۔
اسلام آباد: پاکستان تحریک انصاف کے رہنما فواد چوہدری کا کہنا ہے کہ الیکشن کمیشن کا فیصلہ پاکستان کے آئین، قانون اور اداروں پر حملہ ہے، عوام لانگ مارچ کی تیاری کریں۔
تفصیلات کے مطابق سابق وزیر اعظم عمران خان کو نااہل قرار دیے جانے کے بعد پاکستان تحریک انصاف کے رہنما اور سابق وفاقی وزیر فواد چوہدری نے میڈیا سے گفتگو کرتے ہوئے کہا کہ الیکشن کمیشن سے کبھی بھلے کی امید نہیں تھی، الیکشن کمیشن کا نشانہ صرف عمران خان ہے۔
فواد چوہدری کا کہنا تھا کہ کیا یہ پاکستان کے 22 کروڑ لوگوں کو نااہل کردیں گے، یہ پاکستان کے آئین، قانون اور اداروں پر حملہ ہے۔
انہوں نے کہا کہ ابھی ایک ہفتہ قبل عمران خان دو تہائی اکثریت سے جیت کر آرہا ہے، یہ پاکستان کے 22 کروڑ لوگوں کو جوتا مارا گیا ہے، پاکستانی عوام سے کہتا ہوں حق کے لیے باہر نکلیں، جس طریقے سے فیصلہ کیا گیا پورا پاکستان مسترد کرتا ہے۔
فواد چوہدری کا کہنا تھا کہ ان ایوانوں کو الٹا کر ہی پاکستان کا آئین بچایا جا سکتا ہے، ابھی تو گھیراؤ کی طرف گئے نہیں تو اسلام آباد کو قلعہ بنا دیا گیا، پورے پاکستان کے کنٹینرز اسلام آباد میں آگئے ہیں۔
انہوں نے کہا کہ ڈھائی کروڑ روپے کے تحائف کے لیے کہا گیا کہ آپ نے ظاہر نہیں کیے، ہمارے وکیل نے ہر چیز ڈکلیئرڈ کی ہے، عوام لانگ مارچ کی تیاری کریں۔ الیکشن کمیشن نے جو فیصلہ کیا غلط کیا، ہر سطح پر چیلنج کریں گے۔
خیال رہے کہ الیکشن کمیشن آف پاکستان نے توشہ خانہ ریفرنس میں سابق وزیر اعظم اور پاکستان تحریک انصاف کے چیئرمین عمران خان کو نااہل قرار دے دیا ہے۔
الیکشن کمیشن بینچ نے فیصلہ دیا کہ عمران خان کرپٹ پریکٹس کے مرتکب ہوئے، عمران خان کی قومی اسمبلی کی نشست خالی قرار دی جاتی ہے۔
الیکشن کمیشن نے عمران خان کے خلاف فوجداری مقدمہ درج کرنے کا بھی حکم دیا ہے۔
پشاور: صوبہ خیبر پختونخواہ کے وزیر اعلیٰ محمود خان کا کہنا ہے کہ سوات میں بدامنی کی لہر آئی نہیں بلکہ لائی گئی، امن پر کسی کو سیاست نہیں کرنے دیں گے۔ سوات میں مکمل امن قائم ہے، سیاح بلا خوف آئیں۔
تفصیلات کے مطابق صوبہ خیبر پختونخواہ کے وزیر اعلیٰ محمود خان کا کہنا ہے کہ سوات میں مکمل امن قائم ہے، سیاح بلا خوف آئیں، سیاحت کے فروغ کے لیے تمام تر وسائل بروئے کار لائیں گے۔
وزیر اعلیٰ کا کہنا تھا کہ آج ان علاقوں میں موجود ہوں جہاں پر بدامنی کی باتیں کی جارہی ہے، سیاحت اور کاروبار بہت جلد بحال ہوجائے گا۔ امن پر کسی قسم کا سمجھوتہ نہیں ہوگا۔
انہوں نے کہا کہ بدامنی کی لہر آئی نہیں بلکہ اس کو پھیلایا گیا، نہ کسی کو بھتہ دیا اور نہ ہی کسی نے مجھ سے مانگا۔ امپورٹڈ حکومت کے آنے سے امن خراب ہوا اور بجٹ میں ہمارا حصہ روک دیا گیا۔
وزیر اعلیٰ کا کہنا تھا کہ میرا سوال ہے کہ کیا خیبر پختونخواہ پاکستان کا حصہ نہیں؟ امن ہوگا تو صوبے میں ترقی اور خوشحالی آئے گی۔ 4 سالوں میں جتنے کام کیے اس کو تباہ نہیں ہونے دیں گے۔
انہوں نے مزید کہا کہ امن پر کسی کو سیاست نہیں کرنے دیں گے، افغانستان سے بھتے کی کالیں آنا مرکزی حکومت کی ناکامی ہے۔
کراچی: صوبہ سندھ کے شہر خیرپور میرس میں میٹرک کی طالبہ سے زیادتی کرنے والے 3 اساتذہ اور دیگر ملزمان کی اپیلیں 10 سال بعد منظور کرلی گئیں۔
تفصیلات کے مطابق سندھ ہائیکورٹ میں خیرپور میرس میں میٹرک کی طالبہ سے اجتماعی زیادتی کے کیس میں، خاتون سمیت 5 ملزمان کی اپیلوں پر 10 سال بعد فیصلہ سنا دیا گیا۔
عدالت نے تمام ملزمان کی اپییں منظور کرتے ہوئے انہیں رہا کرنے کا حکم دے دیا، ملزمان میں صائمہ، شوکت علی، استخر، امتیاز راجپر اور غلام مصطفیٰ شامل ہیں۔
پولیس کا کہنا ہے کہ 10 اکتوبر 2009 کو میٹرک کی طالبہ متاثرہ لڑکی کی دوست کلاس فیلو صائمہ اسے ایک گھر میں لے گئی تھی۔
گھر کے دوسرے کمرے میں 3 ٹیچرز موجود تھے جنہوں نے طالبہ کو زیادتی کا نشانہ بنایا تھا۔
ملزمان کے خلاف خیر پور میرس کے تھانہ فیض گنج میں مقدمہ درج کروایا گیا تھا، ٹرائل کورٹ نے جرم ثابت ہونے پر تمام ملزمان کو عمر قید کی سزا سنائی تھی۔
ملزمان نے سزا کے خلاف سندھ ہائی کورٹ میں اپیلیں دائر کی تھیں جن پر 10 سال بعد عدالت نے آج فیصلہ سنایا اور اپیلیں منظور کرتے ہوئے انہیں رہا کرنے کا حکم دیا۔
اسلام آباد: وزیر اعظم شہباز شریف نکا کہنا ہے کہ نوجوانوں کی ترقی میں سرمایہ کاری ضروری ہے، اقتدار کے بھوکے چند سیاستدان نوجوانوں کو متعصبانہ ایجنڈے کے لیے استعمال کر رہے ہیں۔
تفصیلات کے مطابق وزیر اعظم شہباز شریف نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ نوجوان قوم کا مستقبل ہیں جن سے طاقت حاصل کی جاتی ہے۔
وزیر اعظم کا کہنا تھا کہ نوجوانوں کی ترقی میں سرمایہ کاری ضروری ہے، اقتدار کے بھوکے چند سیاستدان نوجوانوں کو متعصبانہ ایجنڈے کے لیے استعمال کر رہے ہیں۔
انہوں نے کہا کہ ہم نے پنجاب میں نوجوانوں کی ترقی کے لیے کئی اقدامات اٹھائے، گزشتہ روز بھی نوجوانوں کو بااختیار بنانے کے لیے کئی اقدامات کا اجرا کیا گیا۔
وزیر اعظم کا کہنا تھا کہ مزید کئی اقدامات کا اجرا آئندہ آنے والے ہفتوں اور مہینوں میں ہوگا۔
Building on the pro-youth work we did in Punjab, the government launched various initiatives yesterday that aim to empower & facilitate our youth to become entrepreneurs. This is merely a beginning. A lot more will be rolled out in the weeks and months to come. https://t.co/VF6u5Cu1y6
— Shehbaz Sharif (@CMShehbaz) October 21, 2022
لندن : پیرس میں فنانشل ایکشن ٹاسک فورس کی جانب سے پاکستان کا نام گرے لسٹ میں رکھنے یا نکالنے کا اعلان آج کیا جائے گا۔
تفصیلات کے مطابق پیرس میں فنانشل ایکشن ٹاسک فورس کی جانب سے پاکستان کا نام گرے لسٹ میں رکھنے یا نکالنےکا فیصلہ آج ہوگا۔پاکستان گرے سے وائٹ لسٹ میں جانے کیلئے پرامید ہے۔
اجلاس میں وزیر مملکت برائےخارجہ امور حناربانی کھر پاکستانی وفدقیادت کررہی ہیں، ایف اے ٹی ایف کی جانب سے باضابطہ اعلان آج شام ہوگا۔
ذرائع کا کہنا ہے کہ فیٹف وفدپاکستان کا دورہ کر کے ایکشن پرعمل درآمد کا جائزہ لے چکا ہے، پاکستان فیٹف اور ایشیا پیسفک گروپ کیطرف سے دیے گئے تمام نکات پرعمل کرچکا ہے۔
ذرائع نے بتایا کہ پاکستان کانام2018میں گرے لسٹ میں ڈالا گیا تھا اور پاکستان کو ایف اے ٹی ایف کی طرف سے 27نکات پرعمل کے لئے ایکشن پلان دیا گیا ، بعد ازاں پاکستان کو مزید 7 نقاط پر عمل درآمد کا کہا گیا۔
ذرائع کے مطابق پاکستان ان نکات پرعمل کرکےاعلی ٰ سیاسی سطح پرعملدرآمدکاروڈمیپ دےچکاہے اوت ان نکات پر عمل کا جائزہ لینے کے لئے فیٹف کا15 رکنی وفد پاکستان کا دورہ کر چکا ہے۔
اسلام آباد: پاکستان تحریک انصاف کے رہنما فیصل جاوید خان کا کہنا ہے کہ عمران خان کے خلاف کسی بھی کیس میں کچھ بھی نہیں ہے، انشا اللہ عمران خان ایک بار پھر سرخرو ہوں گے۔
تفصیلات کے مطابق پاکستان تحریک انصاف کے رہنما فیصل جاوید خان کا کہنا ہے کہ عمران خان کے خلاف کسی بھی کیس میں کچھ بھی نہیں ہے۔
فیصل جاوید کا کہنا تھا کہ امپورٹڈ حکومت نے بار بار کوشش کی کہ کسی طرح عمران خان کو تکنیکی طور پر ناک آؤٹ کیا جائے، سیاسی اور عوامی میدان میں مخالفین ہر جگہ عمران خان سے شکست کھا رہے ہیں۔
انہوں نے مزید کہا کہ انشا اللہ عمران خان ایک بار پھر سرخرو ہوں گے۔
عمران خان کیخلاف کسی بھی کیس میں کچھ بھی نہیں ہے-امپورٹڈ حکومت نے بار بار کوشش کی-کسی طرح عمران خان کو تکنیکی طور پرناک آؤٹ کیا جائے- سیاسی,عوامی میدان میں وہ ہر جگہ عمران خان سے شکست کھارہے ہیں-انشاء اللہ عمران خان ایک بار پھر سر خرو ہونگے-اللہ پر ایمان-مشکلات سے نکلے گا پاکستان
— Faisal Javed Khan (@FaisalJavedKhan) October 21, 2022
ریاض: سعودی عرب میں ریلوے کی 71 ویں سالگرہ کے موقع پر ٹکٹوں میں رعایت کا اعلان کردیا گیا، ٹکٹ بکنگ کی سہولت ویب سائٹ اور ایپ پر فراہم کی گئی ہے۔
اردو نیوز کے مطابق سعودی ریلوے کمپنی سار کی جانب سے ریلوے کی 71 ویں سالگرہ کے موقع پر ٹرینوں کے شمالی اور مشرقی روٹس کے لیے 15 فیصد رعایت کا اعلان کردیا گیا۔
کمپنی انتظامیہ کا کہنا ہے کہ 20 اکتوبر 2022 سے رعایتی نرخوں پر ٹکٹ بک کروائے جاسکتے ہیں، ویب سائٹ اور ایپ پر بکنگ کی سہولت فراہم کی گئی ہے۔
سار کی جانب سے رعایت کے حوالے سے مزید کہا گیا ہے کہ 15 فیصد رعایت بزنس کلاس، اکانومی اور سلیپرز کے لیے فراہم کی جارہی ہے۔
ریلوے کی 71 ویں سالگرہ کے حوالے سے خصوصی رعایتی نرخوں پر فراہم کی گئی ٹکٹس 19 نومبر تک استعمال کی جاسکتی ہیں۔
اسلام آباد: قومی اداراہ احتساب (نیب) نے سابق صدر مملکت آصف علی زرداری کی بریت کے خلاف اپیلیں 7 سال بعد واپس لینے کا فیصلہ کیا ہے۔
تفصیلات کے مطابق سابق صدر مملکت آصف علی زرداری کے خلاف 25 سال پرانے کیسز میں بڑی پیشرفت سامنے آئی ہے، قومی اداراہ احتساب (نیب) نے آصف زرداری کی بریت کے خلاف اپیلیں واپس لینے کا فیصلہ کیا ہے۔
اس سلسلے میں نیب نے 4 اپیلیں واپس لینے کی درخواست ہائیکورٹ میں دائر کر دی، نیب کا کہنا ہے کہ اپیلوں کی مزید پراسیکیوشن ایک لاحاصل مشق ہوگی۔
نیب کے مطابق آصف زرداری کے خلاف دستاویز کی فوٹو کاپیاں بھی مشکل سے ریکارڈ پر ہیں، دستیاب دستاویزی شواہد، قانون شہادت کے مطابق نہیں۔
خیال رہے کہ نیب نے آصف زرداری کی بریت کو سنہ 2015 سے چیلنج کر رکھا تھا۔