Tag: پاکستان-نیوز

مولانا شاہ عبد العزیز کا کہنا ہے کہ لال مسجد آپریشن کے ذمے دار پرویز مشرف ہیں جبکہ جاوید ابراہیم پراچہ کا کہنا ہے کہ کوہاٹ سے تعلق رکھنے والے فوجی جنرل نے آپریشن سے پہلے بتا دیا تھا کہ مشرف ہر صورت لال مسجد اور جامعہ حفصہ کے خلاف آپریشن کریں گے۔

اسلام آباد میں ایڈیشنل سیشن جج کی عدالت میں عبدالرشید غازی قتل کیس کی سماعت کے دوران مولانا شاہ عبدالعزیز اور جاوید ابراہیم پراچہ نے اپنا بیان ریکارڈ کرایا، مولانا عبدالعزیر نے اپنے بیان میں کہا کہ لال مسجد آپریشن کے ذمے دار پرویز مشرف ہیں۔

مولانا شاہ عبدالعزیز نے کہا کہ وزیر مملکت طارق عظیم نے نو جولائی کی صبح حکومت اور لال مسجد انتظامیہ کے درمیان مزاکرات میں خلل ڈالنے کی کوشش کی تھی جبکہ جنرل نصرت نعیم نے لال مسجد آپریشن کے دوران دھمکی دی تھی، جنرل نصرت نے مجھے چلے جانے کا کہا تھا کہ کچھ بھی ہوسکتا ہے۔

مسلم لیگ ن کے سابق ایم این اے جاوید اابراہیم پراچہ نے بھی اپنا بیان ریکارڈ کرادیا، جاوید ابراہیم پراچہ کا کہنا تھا کہ اعجاز الحق نے فون پر پرویز مشرف کو بتایا کہ طالبات نے لائبریری خالی کر دی ہے، پرویز مشرف نے کہا کہ لائبریری خالی کرنے سے کچھ نہیں ہوگا، پرویز مشرف نے جامعہ حفصہ بھی خالی کرنے کا حکم دیا تھا۔
   

وزارت خارجہ نے کہا ہے کہ سعودی وزیر خارجہ سعود الفیصل6 یاس 7 جنوری کو پاکستان کا دورہ رینگے، وہ صدر پاکستان، وزیراعظم اور وزیر اعظم کے مشیر خصوصی سرتاج عزیز سے مللقات کریں گے، پرویز مشرف کا کیس پاکستان کا داخلی معاملہ ہے۔

ہفتہ وار پریس بریفنگ کے دوران ترجمان دفتر خارجہ تسنیم اسلم نے کہا کہ سعودی وزیر خارجہ کا دورہ پہلے سے طے شدہ تھا اور پرویز مشرف کا کیس پاکستان کا اندرونی معاملہ ہے ملک سے باہر کسی کا اس سے کوئی تعلق نہیں ہے۔

 ایک سوال کا جواب دیتے ہوئے ترجمان نے کہا کہ بھارت کی جانب سے پاکستانی قیدیوں کی دی جانے والی فہرست پاکستانی ریکارڈ سے مختلف ہیں ہم یہ معاملہ بھارت کے ساتھ اٹھائیں گے۔ 

انہوں نے کہا کہ سال 2014 میں پاکستان خطے کے استحکام کے لیے اپنی کاوشیں جاری رکھے گا اور افغانستان میں جاری مفاہمتی عمل کی کامیابی کے لیے اپنے اقدامات جاری رکھے گا۔ 

پرویز مشرف کے دل کا سی ٹی انجیو گرام ٹیسٹ کے ذریعے جائزہ لیا جارہا ہے، پرویز مشرف نے پہلی رات راولپنڈی کے اے ایف آئی سی کے سی سی یو میں گزاری، حالت میں اب تک کوئی بہتری نہیں آسکی۔

سابق صدر پرویز مشرف اے ایف آئی سے اسپتال میں زیر علاج ہیں، سابق صدر پرویزمشرف کے علاج کیلئے سات رکنی میڈیکل ٹیم بھی تشکیل دیدی گئی جبکہ دوسری جانب لندن میں بھی مشرف کے ساتھیوں نے ایک ہسپتال کے دو ماہر ڈاکٹروں سے رجوع کرلیا ہے، جنہیں سابق صدر کی میڈیکل رپورٹس بھجوائی جائیں گی۔

اطلاعات کے مطابق ان ڈاکٹروں سے امور طے ہونے پر عدالت کو ان کے شیڈول سے آگاہ کیا جائے گا اور استدعا کی جائے گی کہ سابق صدر کو علاج کیلئے لندن جانے کی اجازت دی جائے، پرویز مشرف کی بیرون ملک روانگی کی صورت میں سابق صدر کا نام ای سی ایل سے نکالنے کے حوالے سے وزارت داخلہ حکومتی فیصلے کی روشنی میں لائحہ عمل مرتب کرے گی۔

گزشتہ روز غداری کیس میں پیشی کیلئے جاتے وقت سابق صدر پرویز مشرف کی طبیعت اچانک خراب ہوگئی تھی، جس کے باعث انہیں اے ایف آئی سی اسپتال میں داخل کیا گیا تھا، ذرائع کے مطابق گزشتہ رات سابق صدر نے بات کرنے کی کوشش کی تاہم وہ بات کرنے سے قاصر رہے۔

جس پر ڈاکٹروں نے انہیں بات کرنے سے منع کرتے ہوئے مکمل آرام تجویز کیا ہے، سابق صدر کی اے ایف آئی سی میں منتقلی کے باعث اسپتال میں سیکورٹی کے سخت ترین انتظامات کئے گئے ہیں۔

سابق صدر پرویز مشرف کی اہلیہ صہبا پرویز کی اچانک دبئی روانگی اور وطن واپسی نے کئی سوال کھڑے کر دئیے ہیں۔

پرویز مشرف کو گزشتہ روز خصوصی عدالت جاتے ہوئے دل میں درد اٹھا تو وہ عدالت کے بجائے اسپتال پہنچ گئے، مشرف کی طبعیت ابھی سنبھلی بھی نہ تھی کہ ان کی بیٹی وطن پہنچ گئیں اور اہلیہ دبئی روانہ ہوگئیں۔ جہاں چند گھنٹے قیام کے بعد وہ پاکستان واپس پہنچ چکی ہیں۔

ڈاکٹرز نے مشرف کی صحت سے متعلق میڈیکل رپورٹ جاری کردی، میڈیکل رپورٹ کے مطابق سگار نوشی کے شوق نے پرویز مشرف کی شریانیں بند کردیں۔

   پرویز مشرف کی آئی ٹاپ رپورٹ آگئی ہے، جس کے مطابق پرویز مشرف کی متعدد شریانیں بند ہوگئی ہیں، راولپنڈی میں زیر علاج سابق صدر اور آرمی چیف پرویز مشرف کو سگار نوشی کی عادت نے دل کا مریض بنا دیا۔

اسپتال ذرائع کے مطابق جسمانی ورزش نہ کرنے اور سگار نوشی کرنے کے باعث یہ صورتحال پیدا ہوئی ،اسپتال میں داخل مشرف نے تین بار بات کرنے کی کوشش کی مگر ڈاکٹروں نے انہیں روک دیا۔