Tag: پاکستان-نیوز

الیکشن کمیشن نے وزارت داخلہ کا خط میڈیا کو جاری کردیا، ساتھ ہی یہ بھی کہا  کہ انگوٹھوں کی تصدیق ہمارا کام نہیں۔

وزیر داخلہ نے گزشتہ روز قومی اسمبلی میں کہا تھا کہ انہوں نے الیکشن کمیشن کو نادرا کا کنٹرول سنبھالنے کے لئے خط نہیں لکھا اس پر الیکشن کمیشن نے پہلے تو اس خط کی نقل میڈیا کو جاری کی پھر اپنے جواب میں بھی نادرا کا کنٹرول سنبھالنے سے انکار کر دیا۔

سیکریٹری الیکشن کمیشن کا کہنا ہے کہ انگوٹھوں کی تصدیق کرنا الیکشن کمیشن کا کام نہیں ہے نہ اسے یہ اختیار ہے کہ وہ کسی ادارے کا کنٹرول سنبھالے، وزارت داخلہ نے الیکشن کمیشن کو نادرا کا کنٹرول سنبھال کر انگوٹھوں کی تصدیق کی ہدایت کی تھی۔
   

سپریم کورٹ نے لاپتہ افراد کیس میں قائم مقام آئی جی ایف سی سے تفصیلی رپورٹ طلب کرلی۔

سپریم کورٹ میں بلوچستان بدامنی اور لاپتہ افراد کی سماعت پر قائم مقام آئی جی ایف سی عدالت میں پیش ہوئے، قائم مقام آئی جی ایف سے نے عدالت عظمیٰ کو بتایا کہ ان کے پاس دس افراد تھے، جن میں سے تین کی شناخت ہوچکی ہیں، جونام یہاں دیئے گئے ہیں ان میں سے کوئی بھی ایف سی کی تحویل میں نہیں ہیں۔

سپریم کورٹ نے چھبیس دسمبر کو تفصیلی رپورٹ پیش کرنے کی ہدایت کردی، دوران سماعت صدر بلوچستان ہائیکورٹ بار نے کہا کہ صوبے میں چھبیس ڈاکٹرز اغوا کئے گئے اور سب نے تاوان دے کر رہائی پائی، پولیس حکام نے جواب میں بتایا کہ سول اسپتال اور نجی کلینکس کو سیکیورٹی فراہم کردی ہے، اس کے علاوہ ذاتی سیکیورٹی کیلئے اگر ڈاکٹرز درخواست دیں گے تو انھیں فوری اسلحہ لائسنس فراہم کیا جائے گا۔
    
   

پنجاب میں بلدیاتی انتخابات کے لئے الیکشن کمیشن نے امیدواروں کے لئے کاغذات نامزدگی کی چھپائی اورتقسیم کا عمل مکمل کر لیا ہے، پنجاب میں امیدواروں کے لیے کاغذات نامزدگی کل سے دستیاب ہوں گے۔ صوبہ سندھ میں بلدیاتی انتخابات کے لیے کاغزات نامزدگی کی پرنٹنگ کا عمل مکمل ہوگیا ہے ۔

الیکشن کمیشن کے مطابق۔پینل کیلئے بیلٹ پیپر کا رنگ سبزجبکہ ڈسٹرکٹ کونسل کے ووٹ کیلئے بیلٹ پیپر کارنگ آف وائٹ ہوگا۔ صوبائی الیکشن کمیشن کے مطابق کراچی میں دوسو اڑسٹھ یونین کمیٹیوں کیلئے مختلف سیاسی جماعتوں کے علاوہ آزاد پینل بھی الیکشن میں حصہ لے سکیں گے۔

سندھ میں کاغذات نامزدگی چوبیس دسمبر سےجاری کئے جائیں گے جو متعلقہ ڈسٹرکٹ ریٹرنگ آفیسر کے دفاتر میں 26سے 29دسمبر تک جمع کرائے جاسکتے ہیں 31دسمبر کو انتخابی امیدواروں کے حوالے سے اعتراضات جمع کرائے جائیں گے۔

کاغذات کی جانچ پڑتال یکم جنوری سے پانچ جنوری تک ہوگی اعتراضات کے خلاف اپیل 6اور 7جنوری کو داخل کی جاسکتیں ہیں ۔ جبکہ بارہ جنوری تک کاغذات وا پس لئے جاسکیں گے۔ جبکہ تیرہ جنوری کو امیدواروں کو انتخابی نشان الاٹ کیے جائیں گے ۔
   

سپریم کورٹ کےحکم کے باوجود آئی جی ایف سی ایک بار پھر عدالت میں پیش نہیں ہوئے، چیف جسٹس نےاُنھیں ہرحال میں پیر کے روز پیش ہونےکا نوٹس جاری کردیا۔

آئی جی ایف سی توہین عدالت کیس کی سماعت چیف جسٹس کی سربراہی میں عدالتی بینچ کی، آئی جی ایف سی ایک بار پھر عدالت میں پیش نہیں ہوئے، جس پر چیف جسٹس تصدق جیلانی نے کہا کہ آئی جی ایف سی کا عدالت میں پیش نہ ہونا افسوسناک ہے، انھیں پیشی کی واضح ہدایت دی گئی تھی۔

چیف جسٹس نے آئی جی ایف سی کو دوبارہ نوٹس جاری کرتے ہوئے حکم دیا کہ وہ پیر کے روز ہر حال میں پیش ہوں، دوسری جانب ایڈیشنل اٹارنی جنرل نے قائم مقام آئی جی ایف سی کی تعیناتی کا نوٹیفکشن عدالت میں پیش کردیا، عدالت نے ایڈووکیٹ جنرل بلوچستان کو امن وامان کے حوالے سے رپورٹ جمع کرانے کی ہدایت کرتے ہوئے سماعت پیر تک ملتوی کردی۔

سپریم کورٹ نے چیئرمین نادرا طارق ملک کی تقرری کے خلاف دائر درخواست مسترد کردی۔

چئیرمین نادرا طارق ملک کی تقرری کے خلاف درخواست کی سماعت چیف جسٹس تصدق حسین جیلانی نے کی، سپریم کورٹ نے آئین کے آرٹیکل ایک سو چوراسی تین کے تحت دائر درخواست مسترد کرتے ہوئے قرار دیا کہ عدالت بنیادی حقوق کے اس آرٹیکل کے دائرہ اختیار سے تجاوز نہیں کرے گی۔

درخواست گزار کاظم رضا ایڈووکیٹ سے مکالمے میں چیف جسٹس نے کہا کہ ایسی درخواستیں اس آرٹیکل کے تحت دائر کرنا آپ کے وقار کے منافی ہے، آپ چاہیں تو اس درخواست کو دوبارہ مناسب طریقے سے دائر کرسکتے ہیں۔

نادرا کو الیکشن کمیشن کے تحت دینے سے متعلق وزرات داخلہ کا خط الیکشن کمیشن کوموصول ہوگیا ہے۔

     الیکشن کمیشن نے خط ملنے کی تصدیق کردی ایڈیشنل سیکرٹری الیکشن کمیشن شیر افگن نے خط ملنے کی تصدیق کرتے ہوئے کہا ہے کہ خط کا جائزہ لیا جارہا ہے، انہوں نے بتایا کہ خیبرپختونخوا میں بائیومیڑک سسٹم کے لئے پائلٹ پروجیکٹ شروع کرنے کا فیصلہ کرلیا گیا ہے تجرباتی طور پر 4 پولنگ اسٹیشنز میں بائیومیٹرک نظام کی مشق کی جائے گی۔

 ان کا کہنا تھا کہ عام انتخابات میں مقناطیسی سیاہی استعمال کی گئی، تاہم کاونٹر فائل پر عام سیاہی استعمال کی گئی تھی، شیر افگن نے بتایا کہ بلدیاتی انتخابات میں معیاری عام سیاسی استعمال کی جائے گی اور اس سیاہی کی منظوری بھی پی سی ایس آئی آر اور نادرا کی مشاورت سے دی گئی ہے، اس سے انگوٹھوں کے نشانات کی تصدیق کی جاسکتی ہے