سڈنی: آسٹریلوی جامعات نے بھارتیوں کے لئے تعلیم کے دروازے بند کردئیے۔
غیر ملکی میڈیا رپورٹ کے مطابق آسٹریلیا کی یونیورسٹیوں نے بھارت کی چھ ریاستوں کے طلبا کو ویزے جاری کرنے پر پابندی عائد کردی ہے، جن ریاستوں کے لئے پابندی عائد کی گئی ہے ان میں اتراکھنڈ، اتر پردیش، گجرات، ہریانہ، پنجاب اور جموں کشمیر شامل ہیں۔
یوینیورسٹی حکام نے تصدیق کی کہ حکومت ہدایت کے بعد بھارت کی ان چھ ریاستوں کے لئے ویزہ فراہمی کو عارضی طور پر بند کررہے ہیں۔
آسٹریلیا کی وزارت داخلہ نے انکشاف کیا کہ ان ریاستوں کے طلبا کی جانب سے دی گئی زیادہ تر درخواستیں حقائق کے منافی اور جعلی ہیں، جس کے پیش نظر یونیورسٹیوں نے یہ فیصلہ کیا ہے کہ یہ پابندی کم از کم دو ماہ تک جاری رکھی جائے۔
اس سلسلے میں فیڈریشن یونیورسٹی اور ویسٹرن سڈنی یونیورسٹیوں نے ایجوکیشن ایجنٹس کو تازہ ہدایات جاری کی ہیں کہ وہ مذکورہ پانچ ریاستوں کے طلبا کی ویزا درخواستیں قبول نہ کریں۔
فیڈریشن یونیورسٹی نے انکشاف کیا کہ وہ اس معاملے پر شخصی طور پر پہلے ہی میل بھیج چکے ہیں۔
ادھر ‘دی سڈنی ہیرالڈ’ نے انکشاف کیا کہ آسٹریلیا کی یونیورسٹیاں ویزے کی اجرا کے عمل کو مزید سخت بنانا چاہتی ہیں کیونکہ مشہور یونیورسٹیاں جیسےکہ وکٹوریہ یونیورسٹی، ایڈتھ کوون یونیورسٹی، وولونگونگ یونیورسٹی، ٹورینس یونیورسٹی درخواستوں کی جانچ کے لیے اپنے ساتھ منسلک کچھ ایجنٹوں کو ملازمت دیتی ہیں۔
طلبا کو ویزے ان سے موصول ہونے والی میل کی بنیاد پر دیئے جاتے تھے اب یونیورسٹیوں نے ایجنٹوں کو ہدایت دی ہے کہ وہ مستقبل میں اس عمل کو مزید سختی سے کریں۔
اجمل وزیر کا کہنا تھا کہ میں نا لکھی ہوئی چیزیں پڑھ رہا ہوں اور نا ہی کسی کا پریشر ہے، نو مئی کے بعد دو راستے ہیں میں یا تو چپ کر جاؤں یا مذمت کروں، اجمل وزیر نے کہا کہ چپ کرنے کا مطلب ملوث ہوں، مذمت کرو تو پارٹی کی خلاف ورزی ہے۔
