Tag: پاکستان-نیوز

کراچی: الیکشن کمیشن آف پاکستان نے محکمہ پولیس میں افسران کےتبادلوں کانوٹس لےلیا ہے۔

الیکشن کمیشن کی جانب سے جاری بیان میں کہا گیا کہ اٹھارہ مئی کو گریڈ 18اور19کے افسران کے تبادلے کیے گئے،ابھی بلدیاتی انتخابات کابالواسطہ انتخاب کاعمل جاری ہے اس موقع پرپولیس افسران کےتبادلےقواعدکےخلاف ہیں۔

الیکشن کمیشن کا کہنا تھا کہ تبادلےواپس یاانتخابات کامرحلہ مکمل ہونےتک موخرکریں۔

دوسری جانب الیکشن کمیشن نے سندھ میں تمام کیٹگریز کی مخصوص نشستوں پر انتخاب کا شیڈول جاری کیا ہے، انتخابات کے لیے ڈی آر اوز، آر اوز کی تعیناتی کا نوٹی فکیشن بھی جاری کیا گیا ہے۔

انتخابی شیڈول کے تحت یونین کونسلز اور یونین کمیٹیز میں اقلیت کی ایک خاتون دو ، نوجوان ایک اور مزدور یا کسان کی ایک نشست پر امیدوار 22 سے 24 مئی تک کاغذات جمع کراسکیں گے۔

امیدواروں کے کاغذات کی جانچ پڑتال 26 مئی تک ہوگی، 6 جون کو مخصوص نشستوں پر الیکشن اور 14 جون کو حلف ہوگا۔

کراچی میٹروپولیٹن کارپوریشن، ڈسٹرکٹ کونسلز اور ٹاؤن میونسپل کارپوریشن کی مخصوص نشستوں پر منتخب مخصوص افراد کی حلف برداری 10 جون کو ہوگی۔

کراچی: پی ٹی آئی سندھ کے صدر علی زیدی نے پارٹی سے علیحدگی سے متعلق اہم بیان جاری کردیا۔

تفصیلات کے مطابق اپنے ٹوئٹر پیغام میں علی زیدی نے لکھا کہ مجھے کالے قانون ایم پی او کےتحت گرفتارکیا گیا، میری والدہ کے گھرکو ایک ماہ کیلئے سب جیل قراردے دیاگیا ہے اوراب میرے پی ٹی آئی چھوڑنے کی جھوٹی افواہیں پھیلائی جارہی ہیں۔

پی ٹی آئی سندھ کے صدر نے کہا کہ میرے خلاف غلط معلومات پھیلانے کیلئےمنظم پروپیگنڈہ کیاجارہاہے،گذشتہ ایک ماہ کے دوران میں نے زیادہ تر وقت حراست میں گزارا ہے۔

یہ بھی پڑھیں: پی ٹی آئی رہنما محمود مولوی کا احتجاجاً پارٹی چھوڑنے کا فیصلہ

علی زیدی نے مولوی محمود کا نام لئے بغیر کہا کہ افسوس کہ کچھ دوست جال میں پھنس کر جھوٹ کی سازشی تھیوریوں میں فریق بھی بن جاتےہیں، کبھی نہیں چاہوں گا کہ اسیری کے دنوں میں مجھ پرجو گزری وہ ان پرگزرے۔

اپنے ٹوئٹر پیغام میں علی زیدی نے کہا کہ پی ٹی آئی اس وقت جمہوریت کی بقا کی جنگ لڑرہی ہے، ہمیں ساری توجہ پاکستان کو کرپٹ،جرائم پیشہ افرا د سےبچانے پرلگانی چاہیے کیونکہ اس وقت قانون اورآئین کی نہیں بلکہ کرمنلز کی حکمرانی ہے۔

انہوں نے واضح کیا کہ تمام مشکلات کےباوجود عمران خان کےساتھ وفادار رہوں گا، علی زیدی نے آصف زرداری،نواز شریف اور ،فضل الرحمان کو زہریلے سانپ قرار دیتے ہوئے کہا کہ پاکستان تحریک انصاف ان کےخلاف جنگ جاری رکھےگی۔

Dear friends

As you all know that I've been taken out of prison but under black law MPO will be under house arrest for 30 days. My mothers house has been now declared a sub jail.

Now sadly, fake rumours are being circulated of me leaving PTI.

Also, I’m sad to see some I…

— Ali Haider Zaidi (@AliHZaidiPTI) May 16, 2023

واضح رہے کہ آج کراچی میں پریس کانفرنس کرتے ہوئے پاکستان تحریک انصاف کے ممبر قومی اسمبلی محمود مولوی نے پارٹی سے الگ ہونے اور قومی اسمبلی کی رکنیت چھوڑنے کا اعلان کیا تھا۔

انہوں نے کہا کہ میں اداروں اور اسٹیبلشمنٹ سے لڑائی کاحامی نہیں ہوں، 9مئی کو فوجی املاک کو نقصان پہنچانے پر احتجاجاً پارٹی چھوڑنے کا فیصلہ کیا ہے۔

ادھر ترجمان پی ٹی آئی نے سابق رکن قومی اسمبلی آفتاب صدیقی سے منسوب خبروں کی سختی سے تردید کرتے ہوئے کہا ہے کہ آفتاب صدیقی کے پارٹی چھوڑنےسے متعلق خبریں بےبنیاد ہیں وہ بدستور پاکستان تحریک انصاف کا حصہ ہیں اوررہیں گے۔

اسلام آباد: وزیراعظم شہباز شریف کا کہنا ہے کہ نو مئی کے واقعات نے کروڑوں پاکستانیوں کو افسردہ کیا، وطن سے والہانہ محبت کو نذرآتش کرنےکی کوشش کی گئی۔

تفصیلات کے مطابق قومی سلامتی کمیٹی کے اجلاس سے خطاب کرتے ہوئے وزیراعظم شہباز شریف نے کہا کہ نومئی کو سیاہ دن کے طور پر یاد رکھا جائے گا، افسوسناک واقعات نے کروڑوں پاکستانیوں کے سرشرم سےجھکادیئے۔

وزیراعظم نے کہا کہ اس روز وطن سے والہانہ محبت کو نذرآتش کرنے کی کوشش کی گئی یہ جناح ہاؤس صرف عمارت نہیں بلکہ لہو سے عبارت گھر تھا، تمام طبقات نے ان واقعات پرانتہائی غم وغصے کی صورتحال میں وقت گزارا۔

اجلاس سے خطاب میں انہوں نے کہا کہ دھرتی کے شہیدوں اور غازیوں کی بے حرمتی کی گئی،جی ایچ کیو،میانوالی بیس، حساس تنصیبات کونشانہ بنایا گیا، یہ وہ شہدا وغازی تھے جنہوں نے انیس سو پینسٹھ کی جنب، ضرب عضب اور امن کے لئے عظیم قربانیاں دیں۔

قومی سلامتی کمیٹی کے اجلاس سے خطاب میں وزیراعظم نے کہا کہ جس گھرمیں پاکستان کی حفاظت پرمامورسپوت تھےاسےجلایاگیا، پاکستان کاازلی دشمن75سال میں وہ نہ کرسکاجوان لوگوں نےکیا۔

وزیراعظم نے مزید کہا کہ افواج پاکستان اور عوام یک جان دو قالب ہیں، ان واقعات کی منصوبہ بندی کرنے والوں کو ہرصورت قانون کےکٹہرے میں لانا ہوگا، بےگناہوں کوکسی صورت تنگ نہیں کریں گے۔

انہوں نے واضح کیا کہ کچھ بھی کرلیں لیکن شہدا کی بیواؤں اور یتیم بچوں کےغموں کاکوئی مداوا نہیں کیاجاسکتا، وزیراعظم بھی حکم دےتوان واقعات کےمجرموں کونہ چھوڑاجائے۔