Tag: Pak Sar zameen party

کراچی: پاک سرزمین پارٹی کے رہنما مصطفیٰ کمال نے کہا ہے کہ عوام نے ہمارے پیغام کو قبول کیا ہے۔

میڈیا سے گفتگو میں مصطفی کمال کا کہنا تھا کہ ہمارا مقصد سیاست کرنا ہے کرکٹ کھیلنے نہیں آئے جو روز وکٹیں گرانے کی بات کی جائے، ہمیں اب مستقبل کا سوچنا ہے۔

ان کا کہنا تھا کہ لوگ ہماری بات کو سمجھ رہے ہیں اور ہمیں دنیا بھر سے ٹیلیفون کالز آرہی ہیں،بہت جلد پاکستان کی ہر گلی میں ہمارے دفاتر ہوں گے۔

فاروق ستار کے بارے میں ایک بار پھر ان کا کہنا تھا کہ فاروق ستار معصوم ہیں ، ان کو سات خون معاف ہیں۔

دوسری جانب پاک سرزمین پارٹی کے سربراہ مصطفیٰ کمال کا قافلہ ٹنڈو الہیار پہنچا تو ایم کیو ایم کے کارکنوں نے راستہ روک لیا پارٹی پرچم اٹھائے ایم کیو ایم کارکن قافلے کے آڑے آگئے اور خوب نعرے بازی کی، ایم کیو ایم کی جانب سے گاڑیوں پر چپلیں ماری گئیں تو کارکنوں میں تصادم ہوگیا۔

اس سے پہلے مصطفیٰ کمال نے ٹنڈو الہیار پہنچ کر خطاب میں کہا تھا کہ نفرتوں اورلاشوں کی سیاست کودفن کرنے نکلے ہیں قافلہ پاکستان کے کونے کونے میں جائے گا۔

مصطفیٰ کمال میر پور خاص میں دفتر کا افتتاح کرنے نکلے تو جگہ جگہ اُن کا استقبال کیا گیا،حیدر آباد ٹول پلازہ پر ان کی گاڑی پر پھولوں کی پتیاں نچھاور کی گئیں۔