کراچی : پاکستان اور سری لنکا ون ڈے سیریز کے سلسلے میں قومی ٹیم لاہور سے کراچی پہنچ گئی، ایئر پورٹ پر سخت حفاظتی انتطامات کیے گئے تھے، دونوں ٹیمیں پہلے میچ میں27ستمبر کو مد مقابل ہوں گی۔
تفصیلات کے مطابق پاکستان اور سری لنکا کی کرکٹ ٹیموں کے درمیان کھیلی جانے والی ون ڈے سیریز کے سلسلے میں قومی کرکٹ ٹیم لاہور سے کراچی پہنچ گئی۔
اس موقع پر کراچی ایئرپورٹ سمیت شاہراہ فیصل پر سیکیورٹی کے سخت انتظامات کیے گئے تھے، پاکستان کرکٹ ٹیم کی قیادت سرفرازاحمد کررہے ہیں۔
پاک سری لنکا ون ڈے سیریز کا پہلامیچ27ستمبر کو کراچی کے نیشنل اسٹیڈیم میں ہوگا جبکہ دوسرا مقابلہ29ستمبر اور آخری ون ڈے2اکتوبر کو کھیلا جائے گا۔
واضح رہے کہ قومی ٹیم کے سابق کپتان مصباح الحق کیلئے بطور ہیڈ کوچ و چیف سیلکٹر ان کا یہ پہلا اسائمنٹ ہے، پاکستان اور سری لنکن ٹیمیں دس سال کے طویل عرصے کے بعد کراچی میں سیریز کھیلیں گی۔
یاد رہے کہ گزشتہ روز قومی کرکٹ ٹیم کے ہیڈ کوچ اور چیف سلیکٹر مصباح الحق نے سیریز کیلئے قومی اسکواڈ کا اعلان کیا تھا۔
مزید پڑھیں: سری لنکا کے دورہ پاکستان کے شیڈول کا اعلان کردیا گیا
ٹیم میں بابراعظم، عابد علی، فخر زمان، آصف علی، حارث سہیل، محمد حسنین ، افتخار احمد ،عماد وسیم، امام الحق، محمد عامر، محمد نواز، محمد رضوان اسکواڈ میں شامل ہیں جبکہ شاداب خان، عثمان شنواری اور وہاب ریاض اسکواڈ کا حصہ ہوں گے۔
