ARYNews.tv | Urdu – Har Lamha Bakhabar

Tag: pak vs australia

  • آسٹریلیا کوشکست : شاہد آفریدی کی این چیپل پرکڑی تنقید

    آسٹریلیا کوشکست : شاہد آفریدی کی این چیپل پرکڑی تنقید

    کراچی : اسٹار آل راؤنڈر شاہد خان آفریدی نے قومی ٹیم کے دوسرے ون ڈے میچ میں کامیابی پر مبارکباد دی ہے اور ساتھ ہی این چیپل سے طنزیہ انداز میں پوچھ لیا کہ کیا این چیپل آپ نے میچ دیکھا؟

    تفصیلات کے مطابق پاکستانی ٹی ٹونٹی ٹیم کے سابق کپتان شاہد آفریدی نے کرکٹ کمنٹیٹر سابق آسٹریلوی کھلاڑی این چیپل کو شدید تنقید کا نشانہ بنایا ہے۔

    سوشل میڈیا  ٹوئٹر پراپنے پیغام میں بوم بوم آفریدی نے قومی ٹیم کو دوسرے ون ڈے میچ میں آسٹریلیا کے خلاف شاندار کامیابی پر مبارکباد دی۔

     انہوں نے کہا کہ شاباش پاکستانی ٹیم، اچھی کپتانی حفیظ اور عمدہ اننگ، ویل ڈن شعیب ملک، اور ساتھ ہی این چیپل سے بھی پوچھ لیا کیا آپ نے میچ دیکھا؟ شاہد آفریدی نے اپنے ٹویٹ میں لیفٹ آرم فاسٹ باؤلر جنید خان کی گیند بازی کی بھی تعریف کی۔

    یاد رہے کہ این چیپل نے پاکستان ٹیم کی ٹیسٹ سیریز میں 3-0 سے شکست پر کہا تھا کہ آسٹریلیا کو آئندہ پاکستانی ٹیم کو بلانے سے پہلے سوچنا چاہئے۔

    واضح رہے کہ پاکستان نے آسٹریلیا کو دوسرے ون ڈے میچ میں چھ وکٹوں سے شکست دی تھی، پانچ میچوں کی سیریز کا تیسرا ون ڈے پرتھ میں جمعرات کو کھیلا جائے گا۔

  • میلبرن میں پاکستانی ٹیم کی کارکردگی زیادہ ترمایوس کن رہی

    میلبرن میں پاکستانی ٹیم کی کارکردگی زیادہ ترمایوس کن رہی

    میلبرن : پاکستان کرکٹ ٹیم کا میلبرن کرکٹ گراؤنڈ میں ریکارڈ کچھ خاص قابل ذکر نہیں ہے۔ شاہین بتیس سال سے اس میدان میں آسٹریلیا کے خلاف کوئی میچ نہیں جیتے، آسٹریلوی سرزمین پر شاہینوں کا ایک اور امتحان کل میلبرن میں ہو گا۔

    تفصیلات کے مطابق میلبرن کرکٹ گراؤنڈ سے بھی پاکستان کی خوشگوار یادیں وابستہ نہیں ہیں۔ پاکستان نے مجموعی طور پر اس گراؤنڈ میں بائیس میچز کھیلے ہیں۔ صرف آٹھ جیتے، چودہ میں ناکامی کا سامنا کرنا پڑا۔

    آسٹریلیا کے خلاف اس گراؤنڈ میں تیرہ میچز کھیلے اور تین میں کامیابی حاصل کی۔ پاکستان نے کینگروز کے خلاف اس میدان میں آخری جیت انیس سو پچاسی میں حاصل کی تھی۔

    پاکستان نے آج تک میلبرن میں تین سو رنز نہیں بنائے۔ شاہینوں کا یہاں بہترین اسکور دو سو باسٹھ اور کم ترین اسکور ایک سو آٹھ رنز ہے۔

  • آسٹریلیا سے شکست کے بعد کوچ مکی آرتھرقومی ٹیم پربرہم

    آسٹریلیا سے شکست کے بعد کوچ مکی آرتھرقومی ٹیم پربرہم

    برسبین : آسٹریلیا کے خلاف پہلے ون ڈے میچ میں پاکستانی ٹیم کی بانوے رنز سے عبرتناک شکست کے بعد قومی ٹیم کے ہیڈ کوچ مکی آرتھر ٹیم پر برس پڑے۔ انہوں نے کہا کہ کھلاڑی جب تک پرانے طرز کی کرکٹ نہیں چھوڑیں گے اس وقت تک جیت نہیں سکتے۔

    تفصیلات کے مطابق ہیڈ کوچ مکی آرتھر نے پہلے ون ڈے میچ میں کینگروز کے خلاف شکست پر قومی ٹیم پر اپنی شدید برہمی کا اظہار کیا ہے، مکی آرتھر کا کہنا ہے کہ پاکستان ٹیم پراپنی طرز کی کرکٹ کھیل رہی ہے۔

    انہوں نے کہا کہ انگلینڈ کے خلاف پانچویں ون ڈے میں نئی طرز کی کرکٹ کھیلی تھی۔ آسٹریلیا کی ٹیم ون ڈے کو بھی ٹی ٹوئنٹی کی طرح کھیلتی ہے،انہوں نے کہا کہ ہمیں آسٹریلیا کو 220 سے 230 رنز تک محدود رکھنا تھا۔

    مکی آرتھر سے جب صحافی نے سوال کیا کہ دوسرے ون ڈے میچ میں پاکستان ٹیم کی قیادت کون کرے گا تو مکی آرتھر نے کہا کہ اس کا مجھے نہیں معلوم سلیکشن کمیٹی سے پوچھ کر بتاؤں گا۔

    واضح رہے کہ پہلے ون ڈے میں آسٹریلیا کی آدھی ٹیم پاکستانی بالنگ پر صرف 78 رنز پر ہی پویلین لوٹ گئی تھی، تاہم بعد میں میتھیو ویڈ کی شاندار ناقابل شکست سنچری کی بدولت کینگروز نے اسکور بورڈ پر 268 رنز کا مجموعہ سجادیا۔ قومی ٹیم ہدف کے تعاقب میں ہمیشہ کی طرح ناکام دکھائی دی اور صرف 176 رنز پر ڈھیر ہوگئی۔

  • پہلا ون ڈے : آسٹریلیا نے پاکستان کو 92 رنز سے شکست دے دی

    پہلا ون ڈے : آسٹریلیا نے پاکستان کو 92 رنز سے شکست دے دی

    برسبین : آسٹریلیا نے پاکستان کو بانوے رنز سے شکست دے کر ٹیسٹ سیریز کے بعد ون ڈے سیریز کا پہلا میچ بھی جیت لیا، پاکستان کی پوری ٹیم آسٹریلیا کے 269 کے ہدف کے تعاقب میں42.4 اوورز میں 176 پرہی ڈھیر ہو گئی، پاکستانی ٹیم کو آئی سی سی کی عالمی رینکنگ میں اپنی آٹھویں پوزیشن برقرار رکھنے کا اس سے اچھا موقع ہاتھ نہیں آ سکتا تھا جو اس نے ضائع کردیا۔

    تفصیلات کے مطابق آسٹریلوی کپتان اسٹیون اسمتھ نے ٹاس جیت کر پہلے بیٹنگ کرنے کا فیصلہ کیا جو پاکستان کی بولنگ کے سامنے غلط ثابت ہوا۔ اظہرعلی کی جارحانہ کپتانی کی بدولت آسٹریلیا کی آدھی ٹیم صرف اٹھتر رنز پر پویلین لوٹ گئی۔

    match-post-1

    میچ پرپاکستان کی گرفت مضبوط تھی لیکن پھر ہوا وہی جس کا ڈر تھا، میتھیو ویڈ نے گلین میکس ویل کےساتھ مل کر اپنی ٹیم کو مکمل تباہی سے بچالیا۔ دو سو انہترنز کا ہدف بڑا نہ تھا۔۔ اوپننگ شراکت بھی اچھی مل گئی تھی، لیکن شرجیل کےآؤٹ ہوتے ہی سب بدل گیا۔

    match-post-2

    شرجیل 18، حفیظ 4،عمراکمل 17،اظہرعلی 24 اوربابراعظم 33 رنز کےساتھ ٹاپ اسکورر رہے۔ پاکستان ٹیم کی باری صرف ایک سو چھتر رنز پر سمٹ گئی۔

    آسٹریلیا کی جانب سے جیمز فلکنر نے 4، پٹ اسمنز نے 3،مچل اسٹارک نے 2 اور مچل مارش نے ایک وکٹ حاصل کی۔ میتھیو ویڈ میچ کے بہترین کھلاڑی قرار پائے۔

  • ٹیسٹ سیریزمیں کلین سوئپ کے ذمہ دار بولرز ہیں، مکی آرتھر

    ٹیسٹ سیریزمیں کلین سوئپ کے ذمہ دار بولرز ہیں، مکی آرتھر

    برسبین : قومی ٹیم کے ہیڈ کوچ مکی آرتھر نے آسٹریلیا کے خلاف کلین سوئپ کا زیادہ ذمہ دار بولرز کا قرار دے دیا۔ ان کا کہنا ہے کہ بولرز کی کارکردگی انتہائی مایوس کن رہی، وکٹ لینا تو دور کی بات لائن اورلینتھ بھی خراب تھی۔

    تفصیلات کے مطابق قومی ٹیم کے کوچ مکی آرتھر نے چئیرمین پی سی بی کو اپنی رپورٹ میں بتاد یا ہے کہ آسٹریلیا میں ٹیسٹ سیریز میں کلین سوئپ کا ذمہ دار کون ہے۔

    انہوں نے بتایا کہ آسٹریلیا کیخلاف سیریز میں بدترین شکست کی ذمہ داری بیٹسمینوں سے زیادہ بولرزپرعائد ہوتی ہے، ٹیسٹ میچز میں بولرز نے غیر ذمہ داری کا مظاہرہ کرتے ہوئے انتہائی مایوس کن کارکردگی دکھائی ان کی لائن اورلینتھ بھی خراب تھی۔

    چئرمین پی سی بی شہر یارخان نے رپورٹ کا جائزہ لینے کے بعد سخت فیصلہ کرنے کا عندیہ دے دیا ہے، انہوں نے کہا ہے کہ پی ایس ایل کے بعد مکی آرتھر کی زیر نگرانی نوجوان کھلاڑیوں پر مشتمل کیمپ لگایا جائے گا جبکہ ہیڈ کوچ ٹیلنٹ ہنٹ کے لئے ڈومیسٹک کرکٹ کا بھی معائنہ کریں گے، چئیرمین پی سی بی نے سابق کپتان سلمان بٹ کو سلیکشن کیلئے گرین سگنل دے دیا۔

    علاوہ ازیں ٹیسٹ سیریز میں عبرتناک شکست کے بعد کوچ مکی آرتھر نے کھلاڑیوں کو الٹی میٹم دے دیا ہے کہ ٹیم میں صرف پرفارمنس دکھانے والے کھلاڑی ہی رہیں گے۔

    مکی آرتھر نے کہا کہ ٹیم میں کسی کھلاڑی کیلئے کوئی کمفرٹ زون نہیں، پرفارمنس کی بنیاد پر ہی کھلاڑی ٹیم کا رکن بنے گا۔

  • آسٹریلیا سے ون ڈے سیریز، پاکستان کی 15 رکنی ٹیم کااعلان

    آسٹریلیا سے ون ڈے سیریز، پاکستان کی 15 رکنی ٹیم کااعلان

    لاہور: قومی سلیکشن کمیٹی نے آسٹریلیا کے خلاف پانچ ون ڈے میچز کی سیریز کے لئے پندرہ رکنی ٹیم کا اعلان کردیا۔ قومی ٹیم کی قیادت اظہر علی کریں گے۔ محمد عرفان ٹیم میں واپس آگئے جبکہ کامران اکمل تمام تر کوشش کے باوجود ٹیم میں جگہ نہ بناسکے۔

    تفصیلات کے مطابق پی سی بی نے آسٹریلیا کے خلاف پانچ ایک روزہ میچوں کی سریز کیلئے قومی ون ڈے ٹیم کا اعلان کر دیا ہے، ون ڈے ٹیم میں موجود ہ ٹیسٹ ٹیم کے 10کھلاڑیوں کو شامل کیا گیا ہے تاہم سہیل خان اور یاسر شاہ کو ون ڈے ٹیم میں شامل نہیں کیا گیا۔

    قومی سلیکشن کمیٹی نے طویل مشاورت کے بعد بھی ٹیم میں کوئی خاص تبدیلی نہیں کی۔ طویل قامت بولر محمد عرفان ٹیم میں واپس آنے میں کامیاب ہوگئے۔

    ڈومیسٹک کرکٹ میں پرفامنس کے باوجود کامران اکمل ٹیم میں جگہ نہ بناسکے۔ محمد حفیظ کا بولنگ ایکشن کلئیر ہونے کے باوجود سلیکٹرز نے انہیں بھی ٹیم میں شامل نہیں کیا۔ ٹیم میں مستقل اوپنر کی کمی تا حال برقرار ہے۔ شرجیل خان کے علاوہ قومی ٹیم میں کوئی اوپنر نہیں۔

    قومی ٹیم کے دیگر کھلاڑیوں میں شعیب ملک ، بابر اعظم ، عمر اکمل، محمد رضوان، اسد شفیق، محمد نواز، سرفراز احمد ،عماد وسیم، محمد عامر، راحت علی، حسن علی اور وہاب ریاض شامل ہیں۔ پاکستان اور آسٹریلیا کے درمیان ون ڈے سیریز کا پہلا میچ تیرہ جنوری سے برسبین میں کھیلا جائے گا۔

  • میلبرن ٹیسٹ: نائب کپتان اظہرعلی نے تاریخ رقم کردی

    میلبرن ٹیسٹ: نائب کپتان اظہرعلی نے تاریخ رقم کردی

    میلبرن: میلبرن ٹیسٹ میچ کے تیسرے روز اظہرعلی نے ناقابل شکست شاندار ڈبل سنچری اسکور کرکے پہلے ایشیائی بلے باز ہونے کا اعزاز حاصل کرلیا۔ اس ساتھ ہی انہوں نے مذکوہ ٹیسٹ میں مجموعی طور پر چار ریکارڈ اپنے نام کیے۔

    تفصیلات کے مطابق میلبرن ٹیسٹ میچ کے تیسرے روز اظہر علی نے ڈبل سنچری بناتے ہوئے پہلے ایشیائی بلے باز ہونے کا اعزاز اپنے نام کرلیا۔ اظہر علی رواں سال ڈبل سنچری بنانے والے پہلے پاکستانی بن گئے۔

    azhar-post-1

    اظہرعلی جب تیسرے روز میدان میں اترے تو انہوں نے شروع میں تھوڑا محتاط انداز اپنائے رکھا۔ چار سے چھ اوورز کے بعد اوپننگ بلے باز نے گراؤنڈ کے چاروں اطراف شاندار اسٹروک کھیل کر کینگروز بالرز کی ایک نہ چلنے دی اور ناقابل شکست 205رنز بنائے۔

    azhar-post-2

    اس سے قبل اظہرعلی ویسٹ انڈیز کے خلاف سیریز میں بھی تھری فیگر اننگز بھی کھیل چکے ہیں۔ اوپننگ بیٹسمین کی ناقابل شکست اننگز میں بیس چوکے شامل تھے۔ اظہرعلی کیلینڈر ائیر میں ایک ہزار سے زائد رنز بنانے والے بھی واحد پاکستانی ہیں۔

    azhar-post-3

    اس میدان میں اظہرعلی نے ماجد خان کا سب سے بڑی انفرادی اننگز کا ریکارڈ بھی توڑدیا۔ ماجد خان نے سال 1972ء میں آسٹریلیا کیخلاف 158 رنز بنائے تھے۔

    مزید پڑھیں: اظہرعلی ٹرپل سنچری بنانے والے پہلے کھلاڑی بن گئے

    اظہرعلی نے اپنے ٹیسٹ کیریئر کا آغاز بھی کینگروز کے خلاف جولائی 2010ء میں لارڈز کے میدان میں کیا تھا۔ اظہر علی 55 ٹیسٹ میچز میں قومی ٹیم کی نمائندگی کرتے ہوئے 4377 رنز بناچکے ہیں جس میں 12 سنچریاں شامل ہیں۔ ان کی بیٹنگ اوسط 41.50 ہے۔

    azhar-ali

  • میلبرن ٹیسٹ : تیسرا دن، آسٹریلیا کےدو وکٹوں کے نقصان پر 278 رنز

    میلبرن ٹیسٹ : تیسرا دن، آسٹریلیا کےدو وکٹوں کے نقصان پر 278 رنز

    میلبرن : پاکستان اور آسٹریلیا کے درمیان کھیلے جانے والے دوسرے ٹیسٹ میچ کے تیسرے روزکے اختتام پر آسٹریلیا نے اپنی پہلی اننگز میں دو وکٹوں کے نقصان پر 278 رنز بنالئے۔ جس میں اوپنر ڈیوڈ وارنر کی شاندار سنچری بھی شامل ہے۔

    تفصیلات کے مطابق باکسنگ ڈے ٹیسٹ میچ کے تیسرے روز آسٹریلیا نے پاکستان کے 443 رنز کے جواب میں 278 رنز دو وکٹوں کے نقصان پر بنالیے۔ آسٹریلوی اوپنر بلے باز ڈیوڈ وارنر کی شاندار سنچری اور آسٹریلوی نژاد پاکستانی بلے باز عثمان خواجہ نے ناقابل شکست 95 رنز اسکور کیے۔

    match-post-1

    کینگروز کپتان اسٹیو اسمتھ 10 رنز کے ساتھ کریز پر موجود ہیں۔ آسٹریلیا کی پہلی وکٹ جلد گرنے کے بعد وارنر اور عثمان خواجہ نے اپنا کمال دکھا دیا۔ دونوں نے تیز کھیلتے ہوئے دوسری وکٹ کیلئے ایک سو اٹھانوے رنزبنائے۔ وارنر نے موقع ملنے کے بعد سینچری داغ دی۔ وہ ایک سو چوالیس رنزبناکر آؤٹ ہوئے۔

    match-post-2

    آسٹریلیا نے ون ڈے کی طرح کھیلتے ہوئے صرف اٹھاون اوورز میں دو سو اٹھتر رنزبنالئے۔ عثمان خواجہ سنچری سے صرف پانچ رنز دوری پرہیں۔

    match-post-3

    قبل ازیں رین شو کو یاسر شاہ نے پویلین کی راہ دکھائی جبکہ ڈیوڈ وارنر کو اپنی نو بالز کے ذریعے نئی زندگی دینے والے فاسٹ باؤلر وہاب ریاض نے ہی سرفراز احمد کے ہاتھوں کیچ آؤٹ کرایا۔ محمد عامر، سہیل خان اور اظہر علی کے حصے میں کوئی وکٹ نہ آئی۔

    match-post-4

    واضح رہے کہ پاکستان نے اپنی پہلی اننگز 443 رنز 9 کھلاڑیوں کے نقصان پر ڈیکلیئرڈ کی تھی۔ نائب کپتان نے ذمہ داری کا مظاہرہ کرتے ہوئے اپنے کیریئر کی پہلی ناقابل شکست ڈبل سنچری اسکور کی۔

    match-post-5

    فاسٹ باؤلر سہیل خان نے بھی برق رفتار نصف سنچری بنائی۔ وہ رن آؤٹ ہوئے۔ جس میں 6 چوکے اور 4 بلند و بالا چھکے شامل ہیں۔ میزبان ٹیم کو پاکستان کا اسکور برابرکرنے کے لئے مزید ایک سو پینسٹھ رنزدرکار ہیں۔

  • میلبرن ٹیسٹ: پہلے دن ہی بارش ، پاکستان کے چار وکٹوں پر 142 رنز

    میلبرن ٹیسٹ: پہلے دن ہی بارش ، پاکستان کے چار وکٹوں پر 142 رنز

    میلبرن: پاکستان اور آسٹریلیا کے درمیان کھیلے جانے والی سیریزکے دوسرے میلبرن ٹیسٹ کے پہلے روز پاکستان نے پہلی اننگز میں چار وکٹوں پر ایک سو بیالیس رنزبنالئے۔ میلبرن ٹیسٹ کے پہلے دن کا کھیل بارش سے متاثر ہوا۔ مصباح الحق اور یونس خان کوئی خاطر خواہ کارکردگی دکھانے میں اس بار پھر ناکام رہے۔

    تفصیلات کے مطابق میلبرن میں پاکستان نے ٹاس جیت کر بیٹنگ کا فیصلہ کیا جو کامیاب ثابت نہ ہوا اور بیٹنگ ایک بار پھر آزمائش بن گئی۔ پاکستانی ٹیم میں راحت علی کی جگہ سہیل خان کو شامل کیا گیا جب کہ آسٹریلوی ٹیم میں کوئی تبدیلی نہیں کی گئی۔

    اٹھارہ رنز پر سمیع اسلم نے ساتھ چھوڑدیا۔ رنز بننا شروع ہوئے تو بابر اعظم کو 23 رنز کے انفرادی اسکور پر پویلین کا پروانہ مل گیا۔ یونس خان صرف اکیس رنزبنا کر بولڈ ہوگئے۔ کپتان مصباح الحق نے چھکا لگا کر اننگز کا آغاز کیا لیکن نو رنز بنا کر وہ بھی ہمت ہارگئے۔

    اظہرعلی نے مزاحمت جاری رکھتے ہوئے نصف سینچری بنائی۔ بارش کے باعث چائے کا وقفہ وقت سے پہلے دیا گیا لیکن پھر کھیل شروع نہ ہوسکا۔ ابتدائی روز پچاس اعشاریہ پانچ اوورز کا کھیل ممکن ہوسکا۔

    پاکستان نے پہلے روز کے اختتام تک چار وکٹوں پر ایک سو بیالیس رنزبنالئےہیں۔ اظہر علی چھیاسٹھ اور اسد چار رنزبناکر وکٹ پرموجود ہیں۔

  • برسبین ٹیسٹ: چوتھا روز، پاکستان کے 382 رنز آٹھ کھلاڑی آؤٹ

    برسبین ٹیسٹ: چوتھا روز، پاکستان کے 382 رنز آٹھ کھلاڑی آؤٹ

    برسبین : آسٹریلیا کیخلاف برسبین ٹیسٹ میں پاکستانی بلے بازوں نے شاندار کم بیک کرتے آٹھ وکٹوں پر تین سو بیاسی رنز بنالئے ۔جیت کیلئے قومی ٹیم کو اب بھی ایک سو آٹھ رنزدرکار ہیں۔

    تفصیلات کے مطابق آسٹریلیا کو برسبین میں پہلا ڈے نائٹ ٹیسٹ جیتنے کے لیے پاکستان کی صرف دو وکٹیں درکار ہیں۔ چوتھے دن کھیل ختم ہونے پر پاکستان نے زبردست مزاحمت کرتے ہوئے اپنی دوسری اننگز میں اسد شفیق کی شاندار سینچری کی بدولت 382 رنز بنائے ہیں اور اس کے آٹھ کھلاڑی آؤٹ ہوئے۔

    cric1

    محاروہ ہے کہ ’’مقابلہ تو دل ناتواں نے خوب کیا‘‘ کے مصداق مثبت بیٹنگ سے پاکستان نے برسبین ٹیسٹ مصالحے دار بنا دیا، شاہینوں کو جیت کیلئے ایک سو آٹھ رنز درکارہیں جبکہ آسٹریلیا اپنی فتح سے صرف دو وکٹ کی دوری پر ہے۔

    cric2

    چوتھے روز پاکستان نے ستر رنز دو کھلاڑی آؤٹ سے دوسری اننگز دوبارہ شروع کی تو اظہرعلی اور یونس خان نے اکیانوے رنز اسکور میں جوڑے۔ اکہتر رنز کی اننگز اظہر علی نے کھیلی۔ یونس خان پینسٹھ رنز بناکر جلد بازی کربیٹھے۔

    cric3

    مصباح الحق اس بار بھی ناکام رہے، محمد عامر اور وباب ریاض نے بھی کینگروز کا ڈٹ کرمقابلہ کیا۔ مشکل حالات میں شاندار سنچری اسکور کرتے ہوئے اسد شفیق نے حریف کھلاڑیوں کے رنگ اڑا دیئے۔

    cric4

    پاکستان نے آٹھ وکٹ پر تین سو بیاسی رنز بنالیے۔ آخری روز اسد شفیق کے ساتھ یاسر شاہ آسٹریلوی بولرز کا سامنا کرینگے۔