ابوظہبی: پاکستان ٹیسٹ ٹیم کے کپتان مصباح الحق کا کہنا ہے کہ انگلینڈ سے سیریز اہم ہے، انگلش ٹیم کیخلاف دوہزار بارہ کی تاریخ دہرانے کی کوشش کریں گے۔
ابوظہبی میں پریس کانفرنس کرتے ہوئے مصباح الحق نے کہا کہ انگلینڈ کی ٹیم ایشیز جیت کر آئی ہے، وہ پراعتماد ہوں گے، ہمیں بھی پوری تیاری کے ساتھ میدان میں اترنا ہوگا۔
انکا کہنا تھا کہ کامیابی کیلئے کسی ایک کھلاڑی پر انحصار نہیں کرسکتے، پوری ٹیم کو پرفارم کرنا ہوگا۔
مصباح الحق نے کہا کہ دونوں ٹیموں کا سیریز جیتنے کے امکان برابر ہیں، سیریز دونوں ٹیموں کے لئے چیلنج ہوگی، انگلینڈ کے کچھ کھلاڑی فارم میں ہیں لیکن جو ٹیم اچھا پرفارم کرے گی وہی کامیاب ہوگی.
