دبئی: زمبابوے کے خلاف سیریز میں کامیابی کے بعد قومی کرکٹ ٹیم نے آئی سی سی کی ٹی ٹوئنٹی رینکنگ میں اپنی دوسری پوزیشن مزید مضبوط کرلی۔
آئی سی سی نے نئی ٹی ٹوئنٹی رینکنگ جاری کردی جس کے مطابق قومی ٹیم 121 پوائنٹس کے ساتھ دوسرے نمبر پر براجمان ہے جب کہ سری لنکا 126 پوائنٹس کے ساتھ پہلی، آسٹریلیا اور بھارت 118 پوائنٹس کے ساتھ بالترتیب تیسرے اور چوتھے نمبر پر ہیں۔
ویسٹ انڈیز پانچویں، جنوبی افریقا چھٹے، نیوزی لینڈ ساتویں، انگلینڈ آٹھویں، افغانستان نویں اور بنگلادیش دسویں نمبر پر ہے۔
ابوظہبی: نیوزی لینڈ نے پاکستان کو چوتھے ون ڈے میں سات رنز سے شکست دیکر سیریز دو دو سے برابر کرلی، سیریز کا فائنل جمعے کو کھیلا جائےگا۔
سانحہ پشاور کے باعث کھلاڑیوں نے میچ سے قبل دو منٹ کی خاموشی اختتار کی اوربازو پر سیاہ پٹیاں باندھ کر میدان میں اترے۔کیوی کپتان نے ٹاس جیت کر بیٹنگ کافیصلہ کیا، نیوزی لینڈ نے کین ولیمسن کی شاندار سنچری کی بدولت مقررہ اوورز میں پانچ وکٹ پر دو سو ننانوے رنز بنائے۔
ہدف کا تعاقب شروع کیا تو اوپنرز احمد شہزاد اور ناصر جمشید نے اننگز کا آغاز کیا تا ہم احمد شہزاد بغیر کوئی رن بنائے ہینری کے ہاتھوں آؤٹ ہو کر پویلین لوٹ گئے۔ جس کے بعد یونس خان نے بیٹنگ کا آغاز کیا اور ناصر جمشید کے ہمراہ 50 رنز کی پارٹنر شپ مکمل کی مگر ناصر جمشید 30 بنا کر اینڈرسن کی گیند پر ایل بی ڈبلیو آؤٹ قرار پائے۔
محمد حفیظ بھی جم کر بیٹنگ نہ کر سکے اور محض تین رنز بنا کر ہی ویٹوری کی گیند پر وکٹ کیپر رونچی کے ہاتھوں میں کیچ آؤٹ ہو گئے۔حارث سہیل بھی ویٹوری کی ہی گیند پر لیتھم کے ہاتھوں کیچ آؤٹ ہوئے، وہ 13 رنز بنانے میں کامیاب ہوئے۔عمر اکمل 29 رنز بنا کر رن آؤٹ ہو ئے۔شاہد خان آفریدی نے ذمہ دارانہ بیٹنگ کرتے ہوئے 25 گیندوں پر 49 رنز بنائے اور وہ ملنے کی گیند پر کیچ آوٹ ہوئے۔
یونس خان نے دو چھکوں اور چار چوکوں کی مدد سے 103 رنز بنائے اور ویٹوری کی گیند پر بولڈ ہوئےتو وکٹ کیپر سرفراز احمد نے سہیل تنویر کے ہمراہ جم کر کھیلنے کی کوشش کی تاہم وہ 18 رنز بنا کر میک کلین گھان کی گیند پر وکٹ کیپر رونچی کے ہاتھوں کیچ آؤٹ ہو کر پویلین لوٹ گئے۔سہیل تنویر 11 جبکہ انور علی 20 رنز کیساتھ ناٹ آؤٹ رہے۔
ابوظہبی: نیوزی لینڈ اورپاکستان کے درمیان جاری چوتھے ون ڈے میچ میں نیوزی لینڈ نے پہلے بیٹنگ کرتے ہوئے پاکستان کو جیت کے لیے 300 رنز کا ہدف دے دیا ہے۔
ابوظہبی کے شیخ زید انٹرنیشنل اسٹیڈیم میں کھیلے جارہے میچ میں نیوزی لینڈ نے ٹاس جیت کر پہلے بیٹنگ کرتے ہوئے مقررہ 50 اوورز میں 5 وکٹوں کے نقصان پر 299 رنز بنائے، اوپنرز مارٹن گپٹل اور ڈین براؤن لائی نے 81 رنز کی شراکت قائم کرکے ٹیم کو اچھا آغاز فراہم کیا تاہم پھر براؤن لائی 42 رنز بنا کر کپتان شاہد آفریدی کا شکار بنے، مارٹن گپٹل نے اپنی نصف سنچری مکمل کی اور 58 رنز بنانے کے بعد 125 کے مجموعے پر سہیل تنویر کی گیند پر وکٹوں کے پیچھے کیچ آؤٹ ہوئے۔
نیوزی لینڈ کی تیسری وکٹ 188 کے مجموعی اسکور پر اس وقت گری جب روس ٹیلر 26 رنز بنا کر محمد عرفان کی گیند پر کیچ آؤٹ ہوئے جبکہ کورے اینڈرسن 23 رنز بنا کر پویلین لوٹے، نیوزی لینڈ کی جانب سے کپتان کین ولیمسن نے ذمہ دارانہ بیٹنگ کا مظاہرہ کیا جس کے باعث کیوی ٹیم 299 رنز بنانے میں کامیاب رہی اور ولیمسن 105 گیندوں میں 123 رنز کی شاندار اننگز کھیل کر اننگز کی آخری گیند پر بولڈ ہوئے۔ پاکستان کی جانب سے محمد عرفان نے 2 وکٹیں حاصل کی جبکہ سہیل تنویر، انور علی اور شاہد آفریدی ایک، ایک وکٹ لینے میں کامیاب رہے۔
اسٹیڈیم میں بھی سانحہ پشاور کا غم نمایاں دکھائی دیا اور نیوزی لینڈ کے کپتان کین ولیمسن نے مصباح الحق سے سانحہ پشاور پر اظہار افسوس کیا جب کہ میچ شروع ہونے سے قبل 2 منٹ کی خاموشی اختیار کی گئی جس دوران احمد شہزاد سمیت کئی کھلاڑی آبدیدہ ہوگئے۔ انجری کے باعث میچ کا حصہ نہ بننے والے مصباح الحق کی جگہ شاہد آفریدی ٹیم کی قیادت کر رہے ہیں جب کہ ٹیم میں اسد شفیق اور وہاب ریاض کی جگہ ناصر جمشید اور انورعلی کو شامل کیا گیا ہے۔
ابو ظہبی : پاکستان اور نیوزی لینڈ کے درمیان سیریز کا چوتھا ون ڈے آج ابو ظہبی میں کھیلا جائے گا۔ پاکستان کو سیریز میں دو ایک کی برتری حاصل ہے۔
پانچ میچز کی سیریز میں پاکستان کو دو ایک سے برتری حاصل ہے۔ پہلے میچ میں پاکستان نے تین وکٹوں سے میدان مارا تو دوسرے ایک روزہ میچ نے نیوزی لینڈ چار وکٹوں سے حاصل کرکے سیریز برابر کرلی۔
شارجہ میں کھیلے گئے تیسرے ون ڈے میں پاکستان نے ایک سو سینتالیس رنز سے فتح کا جھنڈاگاڑھا۔ قومی ٹیم نے چوتھے میچ کیلئے بھرپور تیاریاں کرلی ہیں ۔
محمد حفیظ کی جگہ قومی ٹیم ایک تبدیلی کی جائے گی۔ حفیظ بولنگ ایکشن ٹیسٹ کیلئے چنئی روانہ ہوچکے ہے۔ ناصر جمشید اور انور علی میں سے کسی ایک کو پلیئنگ الیون میں موقع دیا جائے گا۔
شارجہ: پاکستان نے نیوزی لینڈ کو تیسرے ون ڈے میں ایک سو سینتالیس رنز سے شکست دیکر پانچ میچوں کی سیریز میں دو ایک کی برتری حاصل کرلی۔
شارجہ کے میدان میں پاکستانی شاہینوں نے کیویز سے حساب کردیا، شاہینوں نے لاٹھی نے کیویز کے ہوش اڑا دئیے، پاکستان کے تین سو پینسٹھ رنز کے تعاقب میں مہمان کا ڈبہ صرف دو سو سترہ رنز پر گول ہوگیا۔
پاکستان نے ٹاس جیت کر بیٹنگ کیا تو محمد حفیظ اور احمد شہزاد نے برق رفتار ترسٹھ رنز کا آغاز فراہم کیا۔ احمد شہزاد نے شاندار بیٹنگ کرتے ہوئے کیوی بولرز کا بھرکس نکال دیا۔احمد شہزاد کی شاندار سنچری اور آفریدی کی جارحانہ بیٹنگ کی بدولت پاکستان نے تین سو چونسٹھ رنز کا پہاڑ کھڑا کردیا۔
ہدف کے تعاقب میں محمد عرفان کی نپلی تلی بولنگ نے کیویز کے گرد گھیرا تنگ کردیا، رہی سہی کسر حارث سہیل اور بوم بوم آفریدی نے پوری کردی،پہاڑ جیسے ہدف کو دیکھ کر کیوی اوپنرز نہ جان لڑائی اور نہ ہی مڈل آڈر نے،نیوزی لینڈ کی پوری ٹیم پورے اوورز کھیلے بغیر ہی دو سو سترہ رنز بناکر ڈھیر ہوگئی، احمد شہزار کو مین آف دی میچ کا ایوارڈ دیا گیا۔
شارجہ:پاکستان بامقابلہ نیوزی لینڈ کے تیسرے ون ڈے میں پاکستان نے نیوزی لینڈ کو 365 رنز کا پہاڑ جیسا ہدف دے دیا۔
شارجہ کرکٹ اسٹیڈیم میں کھیلے جانے والے تیسرے ایک روزہ میچ میں پاکستان نے ٹاس جیت کر پہلے بیٹنگ کا فیصلہ کیا ۔ پاکستان کی طرف سے محمد حفیظ اور احمد شہزاد نے اوپننگ کی ۔ 63 کے اسکور پر پاکستان کی پہلی وکٹ گری جب محمد حفیظ 33 رنز بنا کر آؤٹ ہوئے ۔ پاکستان کے دوسرے آؤٹ ہونے والے کھلاڑی یونس خان تھے جنہوں نے 35 رنز اسکور کیئے ۔
پاکستان کی تیسری وکٹ 210 رنز پر گری جب احمد شہزاد 113 رنز بنا کر ہینری کی گیند پر آؤٹ ہوئے، پاکستان کی چوتھی وکٹ بھی 210 رنز پر گری جب اسد شفیق کو ہینری نے 23 رنز پر آؤٹ کیا۔ پانچویں وکٹ حارث سہیل کی گری جنہوں نے 28 گیندوں پر 39 رنز اسکور کیئے ۔ 300 رنز پر عمر اکمل بغیرکوئی رن بنائے رن آؤٹ ہو گئے۔
پاکستان کے ساتویں آؤٹ ہونے والے کھلاڑی شاہد آفریدی تھے جنہوں نے اپنی 58 ویں نصف سینچری صرف 21 گیندوں پر مکمل کی، انہوں نے جارحانہ اننگز مجموعی طور پر 55 رنز اسکور کیئے، سرفراز احمد اور سہیل تنویر نے 30 اور 17 رنز اسکور کیئے اور ناٹ آؤٹ رہے ۔ نیوزی لینڈ کی طرف سے سب سے کامیاب باؤلر میٹ ہینری رہےجنہوں نے تین کھلاڑیوں کو آؤٹ کیا ۔
پاکستان اور نیوزی لینڈ کے درمیان پانچ میچوں کی سیریز کا تیسرا میچ آج شارجہ میں کھیلا جائے گا۔ پاکستان اور نیوزی لینڈ کے درمیان پانچ میچز کی سیریز ایک ایک سے برابر ہے۔
سیریز کا تیسرا میچ آج شارجہ میں کھیلا جائے گا۔ آخری تین ون ڈے میچز کیلئے قومی ٹیم میں انور علی اور یاسر شاہ کو شامل کرلیا گیا ہے۔ انجری کا شکار عمرگل ارو بلاول بھٹی پہلے ہی سیریز سے آؤٹ ہوچکے ہے۔
ذرائع کے مطابق انجری کا شکار مصباح الحق بھی سیریز کے بقیہ میچز میں سلیکشن کیلئے دستیاب نہیں ہونگے۔ مصباح الحق کی غیر موجودگی میں شاہد آفریدی ٹیم کی قیادت سنبھالیں گے۔
شارجہ : نیوزی لینڈ نے پاکستان کو دوسرے ون ڈے میں چار وکٹ سے ہرا کر پانچ میچز کی سیریز ایک ایک سے برابر کرلی۔ شارجہ کا میدان کیویز کے نام رہا۔
نیوزی لینڈ نے دبئی کی ہار کا حساب برابر کردیا۔نیوزی لینڈ نے شاہینوں کا دو سو ترپن رنز کا معمولی ہدف چھ وکٹ پر حاصل کرکے سیریز ایک ایک سے برابر کردی۔
پاکستان نے ٹاس جیت کر بیٹنگ کا فیصلہ کیا۔ ابتدائی بلے بازوں نے کپتان کے فیصلے کی لاج نہ رکھی۔ احمد شہزاد کھاتہ کھولے بغیر ہی پویلین لوٹ گئے۔
یونس خان کو دو موقع ملے لیکن فائدہ نہ اٹھاسکے۔ یونس خان بلے بازوں کی مایوس کن پرفارمنس کے بعد قومی ٹیم مقررہ اوورز کھیلے بغیر ہی دو سو باون رنز بناکر آؤٹ ہوگئی۔پروفیسر چھہتر رنز کے ساتھ نمایاں رہے۔
معمولی ہدف دیکھ کر کیوی بھی شاہینوں پر چھپٹے۔ اوپنرز نے ایک سو تین رنز کی شراکت قائم کرکے جیت کی بیناد رکھی۔ حارث سہیل نے یکے بعد دیگرے تین وکٹیں لے کر کسی حد تک کم بیک کیا۔
کپتان کین ولیمسن اور لوک رانچی نے اٹھاون رنز کی شراکت قائم کرکے اپنی ٹیم کی ناؤ کو جیت کے پار لگایا۔
شارجہ : پاکستان اور نیوزی لینڈ کے درمیان دوسرا ون ڈے میچ آج شارجہ میں کھیلا جائے گا۔ قومی ٹیم کو سیریز میں ایک صفر کی برتری حاصل ہے۔
پاکستان اور نیوزی لینڈ کی ٹیموں نے دوسرے میچ کے لئے شارجہ میں پڑاؤ۔ ڈال دیا ہے . پہلے ون ڈے کی شاندار کامیابی کے بعد قومی کھلاڑیوں کا مورال بلندہے۔
پاکستانی بلے باز شارجہ میں تیسرے ٹیسٹ کی شکست کا بدلہ لینے کے لئے بے تاب ہیں، قومی ٹیم میں دوسرے ون ڈے کے لئے ایک تبدیلی کا امکان ہے۔ فاسٹ بولر عمر گل کی جگہ سہیل تنویر کو موقع دیا جاسکتا ہے۔
آل راونڈر محمد حفیظ دوسرے میچ میں شرکت کے بعد پاکستان واپس چلے جائیں گے۔ جہاں وہ نیشنل کرکٹ اکیڈمی میں بولنگ ایکشن پر کام کریں گے، کیوی ٹیم سیریز برابر کرنے کے لئے سر دھڑ کی بازی لگائے گی۔
کیوی کپتان کین ولیمسن بولنگ پر پابندی کے خاتمے کے بعد شارجہ ون ڈے میں پاکستان کے خلاف مشکلات کھڑی کرسکتے ہیں۔ کیوی کپتان کا کہنا ہے کہ کھلاڑی پر عزم ہیں دوسرا میچ جیت کر سیریز برابر کرنے کی ہر ممکن کوشش کریں گے۔
شارجہ : پاکستان اور نیوزی لینڈ کی ٹیموں نے دوسرے میچ کے لئے شارجہ میں پڑاؤ ڈال دیا ہے، پہلے ون ڈے کی شاندار کامیابی کے بعد قومی کھلاڑیوں کا مورال بلند ہے۔
پاکستانی بلے باز شارجہ میں تیسرے ٹیسٹ کی شکست کا بدلہ لینے کے لئے بے تاب ہیں، قومی ٹیم میں دوسرے ون ڈے کے لئے ایک تبدیلی کا امکان ہے، فاسٹ بولر عمر گل کی جگہ سہیل تنویر کو موقع دیا جاسکتا ہے۔
آل راونڈر محمد حفیظ دوسرے میچ میں شرکت کے بعد پاکستان واپس چلے جائیں گے، جہاں وہ نیشنل کرکٹ اکیڈمی میں بولنگ ایکشن پر کام کریں گے، کیوی ٹیم سیریز برابر کرنے کے لئے سر دھڑ کی بازی لگائے گی۔
کیوی کپتان کین ولیمسن بولنگ پر پابندی کے خاتمے کے بعد شارجہ ون ڈے میں پاکستان کے خلاف مشکلات کھڑی کرسکتے ہیں، کیوی کپتان کا کہنا ہے کہ کھلاڑی پُر عزم ہیں، دوسرا میچ جیت کر سیریز برابر کرنے کی ہر ممکن کوشش کریں گے۔