Tag: pak vs newzealand

دبئی:  ٹی ٹوئنٹی سیریز کے آخری میچ میں نیوزی لینڈ نے پاکستان کو 17 رنز سے شکست  دے کر سیریز 1-1 سے برابر کردی۔

دبئی میں کھیلے گئے ٹی ٹوئنٹی سیریز کے آخری میچ میں بھی پاکستانی کپتان شاہد آفریدی نے ٹاس جیت کر فیلڈنگ کا فیصلہ کیا۔ نیوزی لینڈ کے اوپنرز نے انتالیس رنز کا آغاز فراہم کیا۔ پھر کیوی بلے بازوں کی وکٹیں اڑنا شروع ہوگئیں۔ کوئی بھی بیٹسمین طویل اننگز کھیل نہ سکا،کیوی ٹیم مقررہ اوورز میں آٹھ وکٹوں پر ایک سو چوالیس رنز تک محدود رہی۔کین ولیمسن بتیس اور لیوک رونچی نے اکتیس رنز بنائے۔ آفریدی اور عمر گل نے دو،دو وکٹیں حاصل کیں۔ پاکستان کی باری آئی تو احمد شہزاد اور کپتان کے علاوہ دیگر کھلاڑیوں نے جلد بازی میں وکٹیں گنوائیں۔

جواب میں پاکستانی اوپنر اور وکٹ کیپر سرفراز احمد پہلے اوور میں محض ایک رن پر ہی ڈی وچ کی گیند پر آؤٹ قرار پائےجبکہ محمد حفیظ کو ڈی وچ نے ہی 9 رنز پر کیچ آؤٹ کردیا، حارث سہیل 3 رنز بنا کر ہینری کی گیند پر لیتھم کے ہاتھوں کیچ آؤٹ ہو گئے تو 21 گیندوں پر 19 رنز بنا کر سعد نسیم بھی نیشام کی گیند پر کیچ دے کر پویلن لوٹ گئے۔جس کے بعد 15 ویں اوور میں احمد شہزاد 33 رنز پر ڈینیئل ویٹوری کی گیند پر وکٹ آؤٹ ہو گئے۔

عمر اکمل 13 بنا کر نیشام کا شکار بنےتو کپتان شاہد آفریدی نے جارحانہ بیٹنگ جاری رکھی لیکن ان کے ہمراہ کھیلنے والے انور علی 2 رنز بنا کر نیتھن مکلم کی گیند پر کیچ آؤٹ ہو گئے۔اس کے باوجود کپتان نے جارحانہ بیٹنگ جاری رکھی اور 3 چھکوں اور ایک چوکے کی مدد سے 28 رنز پر آؤٹ ہوئے۔

دبئی: نیوزی لینڈ نے دوسرے ٹی ٹوئنٹی میچ میں پاکستان کو جیت کے 145 رنز کا ہدف دے دیا، دبئی انٹرنیشنل اسٹیڈیم میں کھیلے جانے والے دوسرے ٹی ٹوئنٹی میچ میں نیوزی لینڈ نے پاکستان کو جیت کے 145 رنز کا ہدف دیا ہے۔

 پاکستان نے ٹاس جیت کر نیوزی لینڈ کو پہلے بیٹنگ کی دعوت دی تھی، نیوزی لینڈ کے پہلے آؤٹ ہونے والے کھلاڑی ڈیوچ تھے جنہوں نے 21 رنز اسکور کیئے، ان کو محمد حفیظ نے بولڈ کیا۔ دوسرے آؤٹ ہونے والےکھیلاڑی ڈی جے براؤن لی تھے جو بغیر کوئی اسکور بنائے شاہد آفریدی کا شکار ہوئے ۔

تیسرے آؤٹ ہونے والے کھلاڑی ولیم سن کو بھی شاہد آفریدی نے آؤٹ کیا، انہوں نے 32 رنز اسکور کیئے، چوتھے کھلاڑی ٹیلر کو رضا حسن نے آؤٹ کیا انہوں نے سات رنز اسکور کیے۔ پانچویں آؤٹ ہونے والے کھلاڑی لیتھم تھے جن کو عمر گل نے پویلین کی راہ دکھائی،چٹھے آؤ ٹ ہونےوالے کھلاڑی ایل رونچی تھی جن کو سہیل تنویر نے آؤٹ کیا۔

ساتویں کھلاڑی ڈی ایل ویٹوری کو عمر گل نے آؤٹ کیا انہوں نے کوئی رن نہیں بنایا ۔ آٹھویں آؤٹ ہونےوالے کھلاڑی میکلم چاررنز بنا کر رن آؤٹ ہوئے۔

دبئی: نیوزی لینڈ کے خلاف دوسرے ٹی ٹونٹی میچ میں پاکستانی ٹیم کے کپتان شاہد آفریدی نے ٹاس جیت کر فلیڈنگ کرنے کا فیصلہ کیا ہے۔

اس موقع پر ان کا کہنا تھا کہ یہ فیصلہ رات گئے پڑنے والی اوس کے سبب کیا گیا ہے، اس میچ کیلئے پاکستانی ٹیم میں دو اہم تبدیلیاں کی گئی ہیں، کل کے میچ میں کھیلنے والے اویس ضیاءاور محمد عرفان کی عمر گل اور احمد شہزادکو ٹیم میں شامل کیا گیا ہے۔ واضھ رہے پاکستان کو نیوزی لینڈ کے خلاف دو میچوں میں سیریز میں ایک -صفر کی برتری حاصل ہے۔

 دبئی: پاکستان اور نیوزی لینڈ کے درمیان سیریز کا دوسرا اور آخری ٹی ٹوئنٹی میچ آج دبئی میں ہی کھیلا جائے گا۔پاکستان نے سیریز میں ایک صفر کی برتری حاصل کرلی ہے۔

دوسرے میچ میں کامیابی نہ صرف شاہینوں کو سیریز جتوادے گی بلکہ رینکنگ میں دوسرے نمبر پر موجود روایتی حریف بھارت سے فاصلہ بھی مزید کم کردے گی۔

سیریز ایک ایک سے برابر ہوئی تو پاکستان کی پوزیشن پر کوئی فرق نہیں پڑے گا۔ پہلے میچ میں پاکستان نے سرفراز کو اوپنر بھیجنے کا جو تجربہ کیا وہ کامیاب رہا۔

سرفراز نے مینجمنٹ کے فیصلے کی لاج رکھی اور حریف بولرز کی ایسی دھنائی کی انہوں نے اسے میچ کا ٹرننگ پوائنٹ قرار دے دیا۔ قومی ٹیم کے کوچ وقار یونس کا کہنا ہے کہ پاکستان جیت کی حقدار تھی۔ سیریز کا دوسرا اور آخری میچ پاکستانی وقت کے مطابق رات نو بجے ہی شروع ہوگا۔

دبئی : پاکستان اور نیوزی لینڈ کے درمیان دو ٹی ٹوئنٹی میچز کی سیریز کا پہلا میچ کل دبئی میں کھیلا جائے گا۔ ٹیسٹ سیریز کی برابری کے بعد پاکستان اور نیوزی لینڈ کی ٹیمیں مختصر طرز کے فارمیٹ میں مدمقابل ہونگی۔

پاکستان ٹیم کی قیادت شاہد آفریدی اور نیوزی لینڈ کی قیادت کین ولیمسن کرینگے۔ نیوزی لینڈ کو فاسٹ بولرز ٹم ساؤتھی اور ٹرینٹ بولٹ کی خدمات بھی حاصل نہیں ہوں گی۔

پہلے ٹی ٹوئنٹی سے قبل دونوں ٹیموں کی بھرپور نیٹ پریکٹس جاری ہے۔ پاکستان اور نیوزی لینڈ کے درمیان مجموعی طور پر نو ٹی ٹوئنٹی کھیلے جاچکے ہیں۔

چھ میں گرین شرٹس کامیاب رہے۔۔ تین میں کیویز نے میدان مارا۔ مختصر فارمیٹ میں دونوں ٹیمیں اکتوبر دوہزار بارہ کے بعد ایکشن میں ہوں گی۔ دبئی میں اس سے قبل پاکستان نے نیوزی لینڈ کے خلاف دونوں میچز میں فتح حاصل کی ہے۔

سیریز کا پہلا ٹی ٹوئنٹی پاکستانی وقت کے مطابق رات نو بجے شروع ہوگا۔ دونوں ٹیموں کے کپتان میچ میں کامیابی کے لئے پرعزم ہیں۔