Tag: Pak vs NZ

کراچی: نیوزی لینڈ کی جانب سے اچانک دورۂ پاکستان منسوخ کرنے کی اصل وجہ سامنے آ گئی ہے۔

تفصیلات کے مطابق نیوزی لینڈ کے میڈیا نے دعویٰ کیا ہے کہ نیوزی لینڈ کی حکومت کو پاکستان میں کرکٹ ٹیم کے خلاف تھریٹ کی اطلاع فائیوآئیز کی جانب سے دی گئی تھی۔

فائیو آئیز نیوزی لینڈ، آسٹریلیا، کینیڈا، امریکا اور برطانیہ پر مشتمل انٹیلیجنس اتحاد ہے، جو سرد جنگ کے دوران سوویت یونین پر نظر رکھنے کے لیے قائم کیا گیا تھا۔

گزشتہ روز اسلام آباد میں برطانوی ہائی کمیشن کی جانب سے سختی سے تردید کی گئی تھی کہ ان کی جانب سے کوئی انٹیلیجنس شیئر نہیں کی گئی۔

اب نیوزی لینڈ ہیرالڈ نے غیر ملکی میڈیا کے حوالے سے دعویٰ کیا ہے کہ انٹیلیجنس شیئرنگ فائیو آئیز کی جانب سے کی گئی ہے، اور یہ اطلاع قابل بھروسا تھی، جس کے بعد نیوزی لینڈ کرکٹ بورڈ کے چیئرمین نے پی سی بی کے چیئرمین کو ٹیلی فون کیا۔

پاک نیوزی لینڈ سیریز پر کوئی انٹیلیجنس رپورٹ شیئر نہیں کی: برطانوی ہائی کمیشن

میڈیا کے مطابق نیوزی لینڈ کے نائب وزیر اعظم گرانٹ روبرٹسن نے خطرات کی نوعیت نہیں بتائی تاہم انھوں نے تصدیق کی کہ اطلاع قابل بھروسا تھی اور فوری اقدام ضروری تھا۔

ادھر وزیر داخلہ پاکستان شیخ رشید نے پریس کانفرنس میں کہا تھا کہ نیوزی لینڈ ٹیم کے حوالے سے کوئی سیکیورٹی تھریٹ نہیں اور سیکیورٹی کے فول پروف انتظامات کیے گئے ہیں۔

لاہور: نیوزی لینڈ سیریز کے لیے قومی کرکٹ ٹیم کے سپورٹ اسٹاف کا اعلان کر دیا گیا۔

تفصیلات کے مطابق قومی ٹیم کے سپورٹ اسٹاف کا اعلان ہو گیا، منصور رانا ٹیم منیجر، ثقلین مشتاق ہیڈ کوچ اور شاہد اسلم اسسٹنٹ ٹو ہیڈ کوچ مقرر کر دیے گئے۔

عبدالرزاق اسسٹنٹ کوچ ہوں گے، عبدالمجید فیلڈنگ کوچ، کلف ڈیکن فزیوتھراپسٹ، ڈرائکس سائمن اسٹرینتھ اینڈ کنڈیشنگ کوچ ہوں گے۔ عبدالرزاق کی جگہ اکرم رضا سینٹرل پنجاب کے کوچنگ اسٹاف کی سربراہی کریں گے۔

طلحہ اعجاز ٹیم اینالسٹ مقرر کیے گئے، عمران ڈار سیکیورٹی منیجر، ابراہیم بادیس ٹیم میڈیا منیجر اور ملنگ علی مساجر مقرر کیے گئے۔

رمیز راجہ کی کھلاڑیوں اور کوچز سے اہم ملاقات، اندرونی کہانی سامنے آگئی

دوسری طرف قومی ون ڈے اسکواڈ نیشنل ہائی پرفارمنس سینٹر لاہور سے اسلام آباد روانہ ہو گیا ہے، قومی اسکواڈ میں شامل کچھ کھلاڑی اور سپورٹ اسٹاف بذریعہ بس روانہ ہوا۔

روانہ ہونے والے کھلاڑیوں میں فہیم اشرف، حسن علی، محمد حسنین اور محمد وسیم جونیئر، سعود شکیل، افتخار احمد، شاہنواز دھانی، زاہد محمود، محمد حارث شامل ہیں۔

بابر اعظم، امام الحق، شاداب، محمد رضوان و دیگر کھلاڑی پہلے ہی اسلام آباد پہنچ چکے۔

کراچی: پاکستان اور نیوزی لینڈ کے مابین کھیلے جانے والے اب تک کے تمام ٹیسٹ میچز میں پاکستان ٹیم کا ریکارڈ حریف کے مقابل بہتر رہا ہے۔

تفصیلات کے مطابق پاکستان اور نیوزی لینڈ کے درمیان 58 ٹیسٹ میچز کھیلے جا چکے ہیں، جن میں پاکستان نے 25 جب کہ نیوزی لینڈ نے صرف 12 میچز جیتے، دونوں ٹیموں کے درمیان 21 ٹیسٹ میچز ڈرا ہوئے۔

دل چسپ بات یہ ہے کہ نیوزی لینڈ میں بھی دونوں ٹیموں کے درمیان کھیلے جانے والے ٹیسٹ میچز میں پاکستان نے سبقت حاصل کر رکھی ہے، نیوزی لینڈ کے اندر اب تک 31 ٹیسٹ میچز کھیلے جا چکے ہیں جن میں پاکستان نے 10 میں کامیابی حاصل کی جب کہ نیوزی لینڈ نے 7 میچز جیتے اور 14 میچز کا فیصلہ نہ ہو سکا۔

نیوزی لینڈ میں دونوں ٹیموں کے درمیان 13 سیریز ہو چکی ہیں، جن میں پاکستان نے 7 میں کامیابی حاصل کی اور نیوزی لینڈ صرف 2 سیریز ہی جیت سکا۔

قومی ٹیسٹ ٹیم کے کپتان محمد رضوان کا کہنا ہے

پاکستان کو نیوزی لینڈ میں پہلی بار کسی سیریز میں 1984-85 میں شکست ہوئی تھی، یہ دنیا کے مایہ ناز بولر وسیم اکرم کی ڈیبیو سیریز بھی تھی، تاہم پاکستان کو ہوم گراؤنڈ پر نیوزی لینڈ کے خلاف پہلا ٹیسٹ اور پہلی ٹیسٹ سیریز جیتنے کا اعزاز بھی حاصل ہے۔

نیوزی لینڈ میں پاکستان کی جیتی ہوئی آخری سیریز 2011 میں مصباح الحق کی قیادت میں کھیلی گئی تھی، تاہم 2 سال قبل یو اے ای میں کھیلی گئی اپنی ہوم سیریز میں پاکستان کو نیوزی لینڈ کے ہاتھوں دو ایک سے شکست کا سامنا کرنا پڑا تھا۔

واضح رہے کہ ‏پاکستان اور نیوزی لینڈ کی ٹیموں کے درمیان 2 ٹیسٹ میچز کی سیریز کا پہلا ٹیسٹ 26 دسمبر سے کھیلا جائے گا۔