ARYNews.tv | Urdu – Har Lamha Bakhabar

Tag: Pak vs SA

  • قومی ویمنز کرکٹ ٹیم کو ہوم گراونڈ پر بڑی شکست، جنوبی افریقہ سیریز اپنے نام کرلی

    قومی ویمنز کرکٹ ٹیم کو ہوم گراونڈ پر بڑی شکست، جنوبی افریقہ سیریز اپنے نام کرلی

    جنوبی افریقی ویمنز ٹیم نے تیسرے ٹی ٹوئنٹی میچ میں پاکستان ویمنز ٹیم کو 8 وکٹ سے ہرا دیا اور 3 میچز کی سیریز دو ایک سے اپنے نام کرلی۔

    تفصیلات کے مطابق ملتان میں کھیلے گئے میچ میں پاکستان ویمنز نے پہلے کھیلتے ہوئے 5 وکٹ پر 153 رنز بنائے تھے، قومی ٹیم کی جانب سے سدرہ امین 37، منیبہ علی 33 اور فاطمہ ثنا 27 رنز کے ساتھ نمایاں رہی تھیں۔

    جواب میں جنوبی افریقی ویمنز ٹیم نے 154 رنز کا ہدف 19ویں اوور میں دو وکٹ پر پورا کیا، جنوبی افریقہ کی جانب سے کپتان وولورڈٹ نے 45، انیکے نے 46، انیری ڈرکسین نے 44 رنز بنائے۔

    واضح رہے کہ پاکستان اور جنوبی افریقہ کی ویمنز ٹیمیں آج خصوصی طیارے سے لاہور پہنچیں گی جس کے بعد جنوبی افریقی ویمنز کرکٹ ٹیم کل دبئی روانہ ہوگی۔

    جبکہ آئی سی سی ٹی ٹوئنٹی ورلڈ کپ کے لیے پاکستان ویمنز ٹیم پیر کو دبئی روانہ ہوگی۔

  • پہلا ٹی ٹوئنٹی: پاکستان اور جنوبی افریقہ آج قذافی اسٹیڈیم میں مدمقابل ہونگے

    پہلا ٹی ٹوئنٹی: پاکستان اور جنوبی افریقہ آج قذافی اسٹیڈیم میں مدمقابل ہونگے

    لاہور: پاکستان اور جنوبی افریقا کے درمیان پہلا ٹی ٹوئنٹی انٹرنیشنل میچ کا میلہ آج لاہور کے قذافی اسٹیڈیم میں سجے گا۔

    تفصیلات کے مطابق میچ شام چھ بجے شروع ہوگا، دونوں ٹیموں کے درمیان سیریز کا دوسرا اور تیسرا ٹی ٹوئنٹی میچ 13 اور 14 فروری کو لاہور میں ہی کھیلا جائے گا۔

    مختصر فارمیٹ میں جنوبی افریقہ کا پاکستان کیخلاف پلڑابھاری ہے، دونوں ٹیموں کےدرمیان چودہ میچز ہوئے، جن میں سے آٹھ میں پروٹیز نےمیدان ماراجبکہ چھ پاکستان نےجیتے۔

    ہوم کنڈیشنز میں پاکستان کا ریکارڈ بھی شاندار ہے، قومی ٹیم نےپاکستان میں اٹھارہ ٹی ٹوئنٹی میچز کھیلے، جن میں سے سولہ میں فتح گرین شرٹ کے نام رہی جبکہ اسے چار میں شکست کا سامنا کرنا پڑا۔شاہینوں نےپاکستان میں کھیلتےہوئےگزشتہ پانچ ٹی ٹوئنٹی میں مسلسل کامیابی حاصل کی ہے، دوسری جانب جنوبی افریقا آخری چار ٹی ٹوئنٹی مقابلے میں کوئی میچ اپنے نام نہیں کرسکا ہے۔

      پروٹیز اسکواڈ 

    پاکستان کے خلاف ٹی ٹوئنٹی سیریز میں جنوبی افریقی ٹیم کی قیادت ہینرک کلیسن کریں گے، پروٹیز اسکواڈ میں ڈیوڈ ملر، ناندرے برگر، جونیئر ڈالا، ریزا ہینڈرکس شامل ہیں، اس کے علاوہ جورج، جالیمن ملان، ڈوئن پریٹورس، ریان، تبریز شمسی، لوتھو، اسموتس، پائٹ ویٹ ولجن بھی بھی ٹیم میں شامل ہیں۔

    گرین شرٹ اسکواڈ

    بابر اعظم ٹی20سیریز میں ٹیم کی قیادت کریں گے،دیگر کھلاڑیوں میں دانش عزیز، زاہد محمود ، عامر یامین، عماد بٹ، آصف علی، فہیم اشرف، حیدر علی، حارث رؤف شامل ہیں۔

    اس کے علاوہ حسین طلعت، افتخار احمد، خوشدل شاہ، محمد حسنین، محمد نواز، وکٹ کیپر بلے باز محمد رضوان، سرفراز احمد، شاہین شاہ آفریدی، عثمان قادر اور ظفر گوہر کو پروٹیز کے خلاف ٹی ٹوئنٹی اسکواڈ میں شامل کیا گیا ہے۔

    واضح رہے کہ پاکستان نے جنوبی افریقا کے خلاف کراچی ٹیسٹ 7 وکٹ اور پنڈی ٹیسٹ 95 رنز سے جیت کر مہمان ٹیم کو کلین سوئپ شکست دی تھی۔

  • پنڈی ٹیسٹ میں پاکستان کی گرفت مضبوط

    پنڈی ٹیسٹ میں پاکستان کی گرفت مضبوط

    راولپنڈی: پنڈی ٹیسٹ میں پاکستان اور جنوبی افریقا کے درمیان دوسرے روز کا کھیل ختم ہو گیا، جنوبی افریقا نے پہلی اننگز میں 4 وکٹ پر 106رنز بنا لیے۔

    تفصیلات کے مطابق پنڈی ٹیسٹ میں پاکستان کی گرفت مضبوط ہو گئی ہے، قومی کھلاڑیوں نے بیٹنگ کے بعد بولنگ میں بھی عمدہ کارکردگی دکھائی۔

    خراب روشنی کے باعث کھیل مقررہ وقت سے 10 منٹ قبل ختم کیا گیا، حسن علی 2، نعمان علی اور فہیم اشرف نے ایک ایک وکٹ حاصل کی، جنوبی افریقا کو پاکستان کی برتری ختم کرنے کے لیے مزید 166 رنز درکار ہیں۔

    قبل ازیں، پنڈی ٹیسٹ میں فہیم اشرف نے ٹیم کی لاج رکھ لی، دوسرے روز پہلے سیشن میں 4 وکٹیں گرنے کے بعد فہیم اشرف نے نصف سنچری بنا لی، فہیم اشرف نے ناٹ آؤٹ 78 رنز بنائے، قومی ٹیم پہلی اننگز میں 272 رنز بنا کر آؤٹ ہوگئی۔

    دوسرے روز جنوبی افریقی بولرز نے آغاز اچھا دیا، بابر اسکور میں اضافہ کیے بغیر 77 رنز بنا کر آؤٹ ہوئے، فواد 45 رنز بنا کر بد قسمت رہے، پہلے سیشن میں چار وکٹیں گریں لیکن فہیم اشرف چٹان بنے رہے۔

    تاہم دوسرے سیشن میں ٹیل اینڈرز زیادہ مزاحمت نہ کر سکے، وکٹیں وقفے وقفے سےگرتی رہیں اور پوری ٹیم 272 رنز پر آؤٹ ہو گئی، فہیم اشرف 78 رنز بنا کر ناقابل شکست رہے، جنوبی افریقا کی جانب سے انریخ نارکیا نے 5 اور کیشو مہاراج نے 3 وکٹیں حاصل کیں۔

    فہیم اشرف نے ورچوئل پریس کانفرنس میں کہا کہ بلے بازی میں اسکور کرنا میرے لیے بونس ہے، جب میرے نصیب میں ٹیسٹ سنچری ہوگی تو اسکور کر لوں گا، راولپنڈی میں جتنی وکٹ ٹو وکٹ گیند بازی کریں اتنا اچھا ہے۔

  • پنڈی ٹیسٹ، میچ بارش کے باعث جلد ختم کردیا گیا

    پنڈی ٹیسٹ، میچ بارش کے باعث جلد ختم کردیا گیا

    راولپنڈی: پاکستان اور جنوبی افریقہ کے درمیان جاری دوسرے ٹیسٹ کا پہلا روز بارش کے باعث جلد ختم کردیا گیا۔

    تفصیلات کے مطابق راولپنڈی ٹیسٹ کے پہلے روز کھیل کے اختتام پر پاکستان نے تین وکٹوں کے نقصان پر 145 رنز بنالیے، بابر اعظم 77 اور فواد عالم 42 رنز کے ساتھ کریز پر موجود ہیں۔

     اس سے قبل پاکستان نے راولپنڈی ٹیسٹ میں ٹاس جیت کر پہلے بیٹنگ کا فیصلہ کیا، قومی ٹیم کے اوپنرز ایک بار پھر ناکام رہے، عمران بٹ 15 اور عابد علی 6 رنز بناکر چلتے بنے جبکہ اظہر علی بغیر کوئی رنز بنائے آؤٹ ہوئے۔

    تئیس رنز پر تین وکٹیں گنوانے کے بعد ٹیسٹ کپتان بابراعظم اور فواد عالم نے محتاط انداز اپناتے ہوئے ٹیم کے رنز کو آہستہ آہستہ بڑھانا شروع کیا، دونوں کھلاڑیوں نے ذمے دارانہ اننگز کھیلتے ہوئے چوتھی وکٹ کی شراکت میں سو رنز بنائے۔

    بابر اعظم اور فواد عالم نے پروٹیز بولرز کے وار سہتے ہوئے ٹیم کے مجموعے کو قابل قدر بنانے کی کوشش جاری رکھی، اسی دوران بابر اعظم نے اپنی نصف سینچری مکمل کی۔

    چائے کے وقفے تک کپتان بابر اعظم 77 اور فواد عالم 42 رنز کے ساتھ کریز پر موجود ہیں۔

    جنوبی افریقہ کی جانب سے کیشومہاراج نے دو کھلاڑیوں کو آؤٹ کیا، آرنچ نٹورجی نے ایک وکٹ حاصل کی۔

    ٹاس کے بعد میڈیا سے گفتگو میں کپتان ٹیسٹ ٹیم بابراعظم نے کہا کہ دوسرے ٹیسٹ کیلئے ٹیم میں کوئی تبدیلی نہیں کی گئی ہے، کوشش کریں گے کہ آغاز اچھا کریں۔

    بابر اعظم نے کہا کہ راولپنٖڈی کی وکٹ کافی ڈرائی لگ رہی ہے،ساتھ ہی انہوں نے کہا کہ پروٹیز کے خلاف دو صفر سے سیریز جیتنا چاہتے ہیں۔

    قومی ٹیسٹ ٹیم میں عابد علی، عمران بٹ، اظہرعلی، بابراعظم، فواد عالم، محمد رضوان، فہیم اشرف، یاسر شاہ، حسن علی، نعمان علی، شاہین شاہ آفریدی شامل ہیں۔

    جنوبی افریقہ کے کپتان کوئنٹن ڈی کوک کا کہناتھا کہ وکٹ پر تھوڑی گھاس ہے جس سے محسوس ہوتا ہے کہ ابتدا میں باولرز کو مدد ملے گی، دوسرے ٹیسٹ کے لئے ٹیم میں ایک تبدیلی کی گئی ہے ، فاسٹ بولر لونگی اینگیڈی کی جگہ ویان مولڈر کو ٹیم میں شامل کیا گیا ہے۔

  • کراچی ٹیسٹ، پاکستان نے 8 وکٹوں کے نقصان پر 308 رنز بنالیے

    کراچی ٹیسٹ، پاکستان نے 8 وکٹوں کے نقصان پر 308 رنز بنالیے

    کراچی: ٹیسٹ کرکٹر فواد عالم کی شاندار سنچری کی بدولت جنوبی افریقہ کے خلاف دوسرے دن کھیل کے اختتام پر پاکستان نے 8 وکٹوں کے نقصان پر 308 رنز بنالیے۔

    تفصیلات کے مطابق پاکستان اور جنوبی افریقہ  کے درمیان کھیلے جانے والے پہلے ٹیسٹ میچ کے دوسرے روز کھیل کے اختتام پر پاکستان نے 8 وکٹوں کے نقصان پر 308 رنز بنالیے، قومی ٹیم کو جنوبی افریقہ کے خلاف 88 رنز کی برتری حاصل ہوگئی۔

    حسن علی 11 اور نعمان علی 6 رنز کے ساتھ وکٹ پر موجود ہیں، فواد عالم نے 109 رنز کی شاندار اننگز کھیلی، ان کی اننگز میں 2 چھکے اور 9 چوکے شامل تھے، آل راؤنڈر فہیم اشرف 64 رنز بنا کر نمایاں رہے۔

    اظہر علی نے 51 رنز کی ذمہ دار اننگز کھیلی، وکٹ کیپر بیٹسمین محمد رضوان نے 33 رنز بنائے۔

    جنوبی افریقہ کی جانب سے کاگیسو ربادا، کیشو مہارا، نگیدی اور نورٹ جی نے دو، دو وکٹیں حاصل کیں۔

    اس سے قبل بائیں ہاتھ سے بلے بازی کرنے والے فواد عالم ہوم گراؤنڈ پر اپناپہلا ٹیسٹ میچ کھیل رہےہیں، جہاں انہوں نے پروٹیز کے خلاف اپنے کیریئر میں پہلی بار ہوم گراؤنڈ میں سینچری اسکور کرنے کے ساتھ ساتھ جنوبی افریقہ کی 220 رنز کی برتری کا خاتمہ کیا، جنوبی افریقہ نے پہلی اننگز میں 220 رنزبنائے تھے۔

    جنوبی افریقہ کے بولرز دو سیشن کے درمیان صرف دو وکٹ حاصل کرپائے،مڈل آرڈر بلے باز اظہر علی 51 رنز بناکر کیشو مہاراج کا شکار بنے جبکہ محمد رضوان کو لنگی نگادی نے چلتا کیا۔

    کھیل کے دوسرے روز آخری سیشن میں فواد عالم نے ہوم گراؤنڈ میں پہلی بار سینچری بنانے کا خواب پایہ تکمیل تک پہنچایا، وہی آل راؤنڈ فہیم اشرف نے فواد عالم کا بھرپور ساتھ دیتے ہوئے نصف سینچری اسکور کی۔

    جنوبی افریقہ کی جانب سے فاسٹ بولر کاگیسو ربادا اور کیشو مہاراج نے 2 دو وکٹیں حاصل کیں جبکہ اینرک نورٹ جی اور لنگی نگاڈی کے حصے میں ایک ایک وکٹ آئی۔

    فواد عالم اور اظہر علی پانچویں وکٹ کی شراکت میں قیمتی 94 رنز کا اضافہ کیا، دونوں بلے بازوں نے کھیل کے پہلے سیشن میں بہترین حکمت عملی کے تحت جنوبی افریقی بولرز کو کوئی وکٹ نہ لینے دی، پاکستان نے آج کھیل کے پہلے سیشن میں 71 رنز بنائے تھے۔

    گذشتہ روز جب پہلے دن کے کھیل کا اختتام ہوا تو 33 رنز پر قومی ٹیم کے 4 کھلاڑی آؤٹ ہوچکے تھے، پاکستان کی پہلی اننگز میں ڈیبیو کرنے والے اوپنر عمران بٹ 9 رنز بنا کر فاسٹ بولر ربادا کا شکار بنے جبکہ عابد علی کو بھی 4 رنز پر ربادا نے بولڈ کیا، کپتان بابر اعظم 7 رنز بنا کر مہارا راج کو وکٹ دے بیٹھے، نائٹ واچ مین شاہین شاہ آفریدی بغیر کوئی رن بنائے آؤٹ ہوئے۔

    کراچی ٹیسٹ کے پہلے روز مہمان ٹیم اپنی پہلی اننگز میں 220 رنز بنا کر آؤٹ ہوگئی تھی، مہمان ٹیم کی جانب سے ڈین ایلگر سب سے زیادہ رنز بناکر نمایاں رہے، انہوں نے 58 رنز کی اننگز کھیلی، جارج لنڈے 35 فاف ڈوپلیسی 23،ربادا 21، ایڈن میکرم 13، ریسی وینڈرڈوسن 17، کپتان کوئنٹن ڈی کوک 15، تمبا باؤما 17، کیوش مہاراج صفر پر آؤٹ ہوئے۔پاکستان کی جانب سے لیگ اسپنر جوڑی نے جنوبی افریقہ کی پانچ کھلاڑیوں کو پویلین کی راہ دکھائی، یاسر شاہ نے 3 جبکہ ٹیسٹ ڈیبیو کرنے والے نعمان علی نے 2 کھلاڑیوں کو آؤٹ کیا، طویل عرصے بعد ٹیسٹ ٹیم میں شامل ہونے والے فاسٹ بولر حسن علی نے ایک اور شاہین شاہ آفریدی نے 2 کھلاڑیوں کو آؤٹ کیا تھا۔

    یاد رہے اس سے قبل دونوں ٹیمیں کراچی میں آخری بار 2007 میں مدمقابل آئی تھیں جس میں مہمان ٹیم 160 رنز سے سرخرو ہوئی تھی جب کہ سیریز کا دوسرا ٹیسٹ میچ لاہور میں ہوا تھا جو بغیر کسی نتیجے کے ختم ہوگیا تھا۔

    پاکستان بمقابلہ جنوبی افریقہ: براہ راست میچ

     

  • پاک جنوبی افریقہ سیریز: کمنٹری پینل میں شامل ستاروں کے نام سامنے آگئے

    پاک جنوبی افریقہ سیریز: کمنٹری پینل میں شامل ستاروں کے نام سامنے آگئے

    کراچی: پاکستان اور جنوبی افریقہ کے درمیان ٹیسٹ سیریز میں کون کون سے نامور کمنٹیٹرز شامل ہونگے؟۔

    تفصیلات کے مطابق شائقین کرکٹ کو کراچی میں چودہ سال بعد جنوبی افریقہ کو ایکشن میں دیکھنے کا بے چینی سے انتظار ہے، شائقین یہ میچ گھر پر ہی بیٹھ کر دیکھ سکیں گے۔

    ساتھ ہی شائقین کرکٹ میں یہ بھی شش وپنج پایا جاتا ہے کہ تاریخی ٹیسٹ سیریز میں کون کون سے معروف کمنٹیٹرز شامل ہونگے؟تو پی سی بی نے شائقین کا یہ تجسس بھی ختم کردیا ہے۔

    ستاروں سے سجی اس کہکشاں میں پاکستان کے سابق کپتان وسیم اکرم، رمیز راجہ اور بازید خان کے ساتھ ساتھ مائیک ہیسمین اور ڈیرل کلینن سمیت نیوزی لینڈ کے سابق فاسٹ باؤلر سائمن ڈول بھی شامل ہیں۔

    جنوبی افریقہ کے سابق بیٹسمین ڈیرل کلینن نے کمنٹری پینل میں شامل ہونے پر خوشی کا اظہار کرتے ہوئے کہا کہ ایک بار پھر پاکستان واپسی پر بہت خوش ہوں ہم ایک شاندار سیریز کے انعقاد کے منتظر ہیں، ڈیرل کلینن نے دونوں ٹیموں کو باصلاحیت قرار دیا۔

    یہ بھی پڑھیں: مہمان ٹیم کب سے پریکٹس کا آغاز کرے گی؟

    کمنٹری پینل میں شامل نیوزی لینڈ کے سابق فاسٹ باؤلر سائمن ڈول کا کہنا تھا کہ وہ اعلیٰ معیار کے فاسٹ باؤلرز پر مشتمل دونوں ٹیموں کے درمیان سیریز کے آغاز کا اب مزید انتظار نہیں کرسکتے۔

    معروف کمنٹیٹر مائیک ہیسمین کا کہنا تھا کہ سال 2003 میں پاکستان میں کھیلی گئی سیریز کے دوسرے ٹیسٹ میچ کے اختتام پر انہوں نے آن ائیر ایک جملہ کہا تھا کہ ان دونوں ٹیموں کو کوئی علیحدہ نہیں کرسکتا، آج اٹھارہ سال بعد ان دونوں ٹیموں کے درمیان جنگ کا دوبارہ آغاز ہونے جارہا ہے،اس تاریخی ٹور پر انہیں کانٹے دار مقابلے کی توقع ہے۔

    سوئنگ کے سلطان وسیم اکرم صرف ٹیسٹ سیریز میں کمنٹری کرینگے جبکہ سائمن ڈول ٹی 20سیریز کے لیےکمنٹری پینل جوائن کریں گے۔

    پاکستان اور جنوبی افریقہ کے درمیان تاریخی ٹیسٹ سیریز کی پروٖڈکشن میں 28 کیمروں کا استعمال کیا جائے گا، اس کے علاوہ ہاک آئی بال ٹریکنگ پر مشتمل ڈی آرایس،الٹراموشن،بگی کیمرہ اور ڈرون کے زریعے میچز کے تاریخی لمحات کو کوور کیا جائے گا۔

  • پاکستان اور جنوبی افریقہ ویمن کرکٹ ٹیم کے درمیان سیریز اگلے ماہ ہوگی

    پاکستان اور جنوبی افریقہ ویمن کرکٹ ٹیم کے درمیان سیریز اگلے ماہ ہوگی

    لاہور: پاکستان ویمن کرکٹ ٹیم اور جنوبی افریقہ ویمن ٹیم کے درمیان 2 پریکٹس میچ، 3 ون ڈے اور 5 ٹی ٹوئنٹی میچز پر شتمل سیریز کھیلی جائے گی جس کا آغاز اگلے ماہ ہوگا۔

    پاکستان خواتین کرکٹ ٹیم مئی 2019 میں جنوبی افریقہ کے خلاف 2 پریکٹس میچ، 3 ون ڈے اور 5 ٹی ٹوئنٹی میچوں پر مشتمل سیریز کھیلے گی۔ شیڈول کے مطابق پہلا ٹور میچ یکم مئی کو پورٹ چیفسٹروم میں کھیلا جائے گا جبکہ دوسرا میچ 3 مئی کو اسی مقام پر کھیلا جائے گا۔

    بعد ازاں پاکستان اور جنوبی افریقہ کی ویمن ٹیموں کے درمیان 3 ایک روزہ میچوں کی سیریز کا پہلا میچ 6 مئی کو اور دوسرا ون ڈے میچ 9 مئی کو پورٹ چیفسٹروم میں کھیلا جائےگا۔

    دونوں ٹیموں کے درمیان تیسرا اور آخری ون ڈے کرکٹ میچ 12 مئی کو بنونی میں کھیلا جائے گا۔

    دونوں ٹیموں کے درمیان 5 ٹی ٹوئنٹی میچوں کی سیریز کا پہلا میچ 15 مئی کو پریٹوریا میں کھیلا جائے گا۔ دوسرا ٹی ٹوئنٹی میچ 18 مئی کو اور تیسرا ٹی ٹوئنٹی میچ 19 مئی کو پیٹر ماریٹز برگ میں کھیلا جائے گا۔

    چوتھا ٹی ٹوئنٹی میچ 22 مئی کو بنونی میں کھیلا جائے گا، دونوں ٹیموں کے درمیان پانچ میچوں کی سیریز کا پانچواں اور آخری ٹی ٹوئنٹی میچ 23 مئی کو بنونی کے مقام پر کھیلا جائے گا۔

  • دوسرا ون ڈے، جنوبی افریقا نے پاکستان کو 5 وکٹوں سے شکست دے دی

    دوسرا ون ڈے، جنوبی افریقا نے پاکستان کو 5 وکٹوں سے شکست دے دی

    ڈربن: پاکستان اور جنوبی افریقا کے درمیان کھیلے جانے والے دوسرے ون ڈے میچ میں جنوبی افریقا نے پاکستان کو 5 وکٹوں سے شکست دے دی، پانچ میچوں کی سیریز 1-1 سے برابر ہوگئی، پھلوکوایو کو آل راؤنڈ پرفارمنس پر میچ کا بہترین کھلاڑی قرار دیا گیا۔

    تفصیلات کے مطابق جنوبی افریقا نے دوسرے ون ڈے میچ میں پاکستان کی جانب سے دیا جانے والا 204 رنز کا ہدف 5 وکٹوں کے نقصان پر حاصل کرلیا، پانچ میچوں کی سیریز 1-1 سے برابر ہوگئی، پہلے میچ میں پاکستان نے جنوبی افریقا کو 4 وکٹوں سے شکست دی تھی۔

    جنوبی افریقا نے 204 رنز ہدف کے تعاقب میں بیٹنگ کا آغاز کیا تو ابتدائی 5 وکٹیں جلد گرنے کے بعد جنوبی افریقا کے ڈوسن اور پھلوکوایو نے شاندار پارٹنر شپ بنائی اور ٹیم کی جیت میں کردار ادا کیا۔

    کیریئر کا دوسرا میچ کھیلنے والے وین ڈر ڈوسن نے 80 رنز کی ناقابل شکست اننگز کھیلی جبکہ پھلوکوایو نے ناقابل شکست 69 رنز بنائے۔

    اس سے قبل جنوبی افریقا کے ہینڈرکس 5 رنز بنا کر پویلین لوٹ گئے، ہاشم آملہ کو بھی شاہین شاہ آفریدی نے 8 رنز پر آؤٹ کیا، کپتان فاف ڈوپلیسی بھی 8 رنز بنا کر شاہین شاہ آفریدی کا نشانہ بنے۔

    جنوبی افریقا کے وکٹ کیپر بلے باز کلاسین بغیر کوئی رن بنائے شاداب خان کی گگلی پر کلین بولڈ ہوئے، پاکستان کی جانب سے شاہین شاہ آفریدی نے تین جبکہ شاداب خان نے 2 وکٹیں حاصل کیں۔

    قبل ازیں دوسرے ون ڈے میچ میں پاکستان کی ٹیم 45.5 اوورز میں 203 رنز پر ڈھیر ہوگئی اور جنوبی افریقا کو جیت کے لیے 204 رنز کا ہدف دے دیا، حسن علی نے شاندار 59 رنز کی اننگز کھیلی۔

    جنوبی افریقا نے ٹاس جیت کر پہلے فیلڈنگ کرنے کا فیصلہ کیا جو درست ثابت ہوا، اوپنر امام الحق صرف 5 رنز بنا کر ربادا کی گیند پر کیچ آؤٹ ہوئے، بابراعظم صرف 12 رنز بنا کر پویلین لوٹ گئے۔

    فخر زمان 26 رنز بنا کر اولیویئر کی گیند پر ڈیوڈ ملر کو کیچ دے بیٹھے، پہلے میچ کے مین آف دی میچ محمد حفیظ صرف 9 رنز بنا کر پویلین لوٹ گئے، شعیب ملک 21 رنز بنا سکے۔

    قومی ٹیم کی 8 وکٹیں 112 رنز پر گرنے کے بعد کپتان سرفراز احمد اور حسن علی نے شاندار کارکردگی کا مظاہرہ کرتے ہوئے ٹیم کا اسکور 202 رنز تک پہنچایا، 202 رنز پر سرفراز احمد حسن علی کا ساتھ چھوڑ گئے اور 41 رنز بنا کر بولڈ ہوگئے۔

    آخری آؤٹ ہونے والے کھلاڑی حسن علی نے انہوں نے شاندار 59 رنز کی اننگز کھیلی اور باؤنڈری پر ڈوپلیسی کے ہاتھوں کیچ آؤٹ ہوئے۔

    جنوبی افریقا کی جانب سے پھیلک وایو نے چار جبکہ عمران طاہر کی جگہ شامل ہونے والے اسپنر تبریز شمسی نے تین وکٹیں حاصل کیں، فاسٹ بولر ربادا کے حصے میں دو وکٹیں آئیں۔

    پہلے ون ڈے میں جنوبی افریقہ نے 267 رنز کا ہدف دیا تھا۔ ہاشم آملہ نے ناقابل شکست شاندار سنچری اسکور کی جبکہ اوپنرز نے 82 رنز کا شاندار آغاز فراہم کیا۔

    ہینڈرکس نے 45 رنز کی شاندار اننگز کھیلی۔

    ہدف کے تعاقب میں پاکستان نے بیٹنگ کا آغاز کیا تو اوپنرز فخر زمان اور امام الحق نے 45 رنز کا عمدہ آغاز فراہم کیا۔

    بابر اعظم نے 49 رنز بنائے، شعیب ملک 12 رنز بنا کر بولڈ ہوئے جبکہ کپتان سرفراز احمد کی کھوئی فارم بحال نہ ہوسکی۔

    اس سے قبل جنوبی افریقہ نے پاکستان کو ٹیسٹ سیریز میں کلین سوئپ کیا تھا، 3 میچز کی ٹیسٹ سیریز میں گرین شرٹس کوئی بھی میچ نہیں جیت سکے تھے۔

    ٹیسٹ سیریز میں شکست کے بعد قومی ٹیم کی سلیکشن پر کئی سوالات اٹھائے گئے تھے، چیف سلیکٹر انضمام الحق کے بھتیجے امام الحق کی سلیکشن کے حوالے سے بھی شدید تنقید کی گئی تھی۔