Tag: pak vs srilanka

سری لنکا نے پاکستان کو 77 رنز سے شکست دے دی

ہمبنٹوٹا: سری لنکا نے پاکستان کو دوسرے ون ڈے میں ستتر ر نز شکست دیکر سیریز ایک ایک سے برابر کردی ہے، سیریز کا فیصلہ کن میچ ہفتے کو کھیلا جائے گا۔

پاکستانی شاہین روایت کو برقرار رکھتے ہوئے پہلے میچ کی کارکردگی کو برقرار نہیں رکھ سکے، سری لنکا نے پاکستان کو ستتر رنز سے ہراکر پہلے میچ کی شکست کا قرض بھی اتار دیا، اینجلو میتھوز نے ٹاس جیت کر بیٹنگ کا فیصلہ کیا، ٹاپ آڈر نے کپتان کے فیصلے کی لاج نہ رکھی، باسٹھ رنز پر تین کھلاڑیوں کے آؤٹ ہوجانے کے بعد میتھوز نے جے وردھنے کے مل کر ٹیم کو سنھبالا، اختتامی اوورز میں تھسارا پریرا نے پاکستانی بولرز کی ایک نہ چلنے دی اور خوب پٹائی کی۔ پریرا کی پینسٹھ رنز کی جارحانہ اننگز کی بدولت سری لنکا نے پچاس اوورز میں تین سو دس رنز کا پہاڑ کھڑا کیا۔

ہدف کے تعاقب میں احمد شہزاد اور پروفیسر نے کمال کا آغاز فراہم کیا، تیرہویں اوور میں پاکستان نے سو رنز مکمل کرکے کے حریف ٹیم کیلئے خطرے کی گھنٹی بجائی،محمد حفیظ اور احمد شہزاد کے آؤٹ ہوتے ہی بیٹنگ لائن خزاں کے پتوں کی بکھر گئی، بلے بازوں نے وکٹ پر ٹہرنے کی زحمت نہ کی، پوری ٹیم پچاس اوورز کھیلے بغیر ہی دو سو تینتس رنز بناکر آؤٹ ہوگئی، سیریز کا فیصلہ کن میچ ہفتے کو کھیلاجائے گا۔

اگست 27, 2014
ہیمبنٹوٹا: دوسرا ون ڈے:سری لنکا کا ٹاس جیت کر بیٹنگ کا فیصلہ

ہیمبنٹوٹا :پاکستان اور سری لنکا کے درمیان کھیلے جانیوالے دوسرے ون ڈے میں سری لنکا نے ٹاس جیت کر بیٹنگ کا فیصلہ کیا ہے،تفصیلات کے مطابق
ہیمبنٹوٹا میں کھیلے جانے والے میچ کے ٹاس میں سری لنکن کپتان اینجلو میتھیو نے ٹاس جیت کر بیٹنگ کا فیصلہ کیا۔

ون ڈے سیریز کا دوسرا میچ جو کولمبو میں کھیلا جانا تھا موسم کی خرابی کے باعث اب ہیمبنٹوٹا میں کھیلنے کا فیصلہ کیا گیا ہے، پاکستانی کھلاڑی یونس خان دوسرا اور تیسرا ون ڈے میچ نہیں کھیل سکیں گے۔

پاکستانی ٹیم میں یونس خان کی جگہ شرجیل خان کو شامل کرنے کا فیصلہ کیا گیا ہے،واضح رہے کہ گزشتہ روز یونس خان کے بھتیجے کا رضائے الہٰی سے انتقال ہوگیا تھا، میچ پاکساتنی وقت کے مطابق دوپہر دو بجے شروع ہوگا۔

اگست 26, 2014
پاکستان اور سری لنکا کے درمیان دوسرا ون ڈے میچ کل ہیمبینٹوٹا میں کھیلا جا ئے گا

کولمبو: پاکستان اور سری لنکا کے درمیان تین ون ڈے کی سیریز کا دوسرا میچ کل ہیمبینٹوٹا میں کھیلا جا ئے گا، قومی ٹیم کو سیریز میں ایک صفر کی برتری حاصل ہے۔

کولمبو میں مسلسل بارش کے سبب سیریز کا دوسرا ون ڈے ہمبنٹوٹامنتقل کردیا گیا ہے،میچ بدھ کو شیڈول تھا لیکن اب دوسرا ون ڈے منگل کو ہونے کی وجہ سے ایک ریزرو ڈے رکھا گیا ہے، ڈے نائٹ میچ پاکستانی وقت کے مطابق دوپہر دو بجے شروع ہوگا، پاکستان کو سیریز میں ایک صفر کی برتری حاصل ہے، ہمبنٹوٹا میں کھیلے جانے والے میچ میں گرین شرٹس نے سنسنی خیز مقابلے کے بعد چار وکٹوں سے کامیابی حاصل کی تھی۔

پہلے ون ڈے کے ہیرو صہیب مقصود اور فواد عالم رہے تھے، دونوں بیٹسمینوں نے مشکل وقت میں ریکارڈ شراکت قائم کی اور نصف سینچریاں بناتے ہوئے ٹیم کو اہم فتح دلائی، پاکستان دوسرا ون ڈے جیت کر سیریز میں فیصلہ کن برتری حاصل کرنے کے ساتھ ٹیسٹ سیریز کی شکست کا بدلہ بھی لے سکتا ہے، آسٹریلیا میں بولنگ ایکشن ٹیسٹ دینے کی وجہ سے آف اسپنر سعید اجمل ٹیم کا حصہ نہیں ہوں گے، قومی ٹیم کے کپتان مصباح الحق کا کہنا ہے کہ سری لنکن ٹیم کم بیک کرنے کی بھرپور صلاحیت رکھتی ہے، دوسرے میچ میں بھرپور تیاری کے ساتھ میدان میں اترنا ہوگا۔

اگست 25, 2014
پاکستان نے سری لنکا کو پہلے ون ڈے میں شکست دے دی

ہمبنٹوٹا: پاکستان نے پہلے ون ڈے میں صہیب مقصود اور فواد عالم کی شاندار بیٹنگ کی بدولت سری لنکا کو سنسنی خیز مقابلے کے بعد چار وکٹوں سے شکست دے کر تین میچز کی سیریز میں ایک صفر کی برتری حاصل کرلی۔

ہمبنٹوٹا میں خراب موسم کے سبب تاخیر سے شروع ہونے والے میچ کا ٹاس پاکستان نے جیت کر پہلے فیلڈنگ کا فیصلہ کیا، سری لنکا نے اننگز کا آغاز کیا تو پانچویں اوور میں محمد عرفان نے اوپنر تلکرتنے دلشان کی اہم وکٹ حاصل کرلی۔ سری لنکا نے چھ اوورز میں سترہ رنزبنائے تھے کہ میچ بارش کے سبب روک دیا گیا۔

کھیل دوبارہ شروع ہوا تو میچ پینتالیس اوورز تک محدود کردیا گیا، چار وکٹیں گرنے کے بعد جے وردھنے اور میتھیوز نے تیزی سے اسکور میں اضافہ کیا، دونوں بیٹسمینوں نے نصف سینچریاں اسکور کیں، سری لنکا نے مقررہ پینتالیس اوورز میں سات وکٹوں پر دو سو چھہتر رنزبنائے، اینجلو میتھیوز نے نواسی اور جے وردھنے نے تریسٹھ رنز کی اننگز کھیلی رنز کی اننگز کھیلی۔

جواب میں پاکستان کا آغاز مایوس کن رہا، ایک سو چھ رنز پر پاکستان کی آدھی ٹیم پویلین لوٹ گئی، مصباح الحق، محمد حفیظ، یونس خان اور عمراکمل ناکام ہوگئے، ایسے میں فواد عالم اور صہیب مقصود کی شراکت پاکستان کو میچ میں واپس لے آئی، دونوں بیٹسمینوں نے چھٹی وکٹ کے لئے ایک سو سینتالیس رنز کی بہترین پارٹنر شپ قائم کی، فواد عالم باسٹھ رنز بناکر آؤٹ ہوئے، صہیب مقصود نے ناٹ آؤٹ نواسی رنز کی اننگز کھیلی، پاکستان نے مطلوبہ ہدف ایک گیند قبل چھ وکٹوں کے نقصان پر حاصل کرلیا۔

اگست 23, 2014
پاک سری لنکا ون ڈے: پاکستان کا ٹاس جیت کرفیلڈنگ کا فیصلہ

ہیمبینٹوٹا :پاکستان کے خلاف پہلے ایک روزہ میچ میں میزبان سری لنکا کی بیٹنگ جاری ہے۔ قومی ٹیم کے کپتان مصباح الحق کہتے ہیں آج کا میچ انتہائی اہم ہے، سعید اجمل کی کمی محسوس ہوگی۔ ہیمبینٹوٹا میں کھیلے جانے والے میچ کا ٹاس پاکستان نے جیت کر پہلے فیلڈنگ کا فیصلہ کیا۔

سری لنکا نے اننگز کا آغاز کیا تو پانچویں اوور میں محمد عرفان نے اوپنر تلکرتنے دلشان کی اہم وکٹ حاصل کرلی۔ دلشان صرف چھ رنزبناکر ایل بی ڈبلیو ہوگئے۔ پاکستان کی فائنل الیون میں تین فاسٹ بولرز کو رکھا گیا ہے۔

ذوالفقار بابر اور شرجیل خان ٹیم کا حصہ نہیں ہیں۔ ادھر سری لنکن کپتان ٹیسٹ کے بعد ون ڈے سیریز جیتنے کے لئے بھی پرعزم ہیں۔اب تک کی اطلاعات کے مطابق سری لنکا کے بیاسی رنز پر چار کھلاڑی آؤٹ ہوگئے جبکہ اس وقت انیسویں اوور کا کھیل جاری ہے۔

اگست 23, 2014
پاک سری لنکا سیریزکا پہلا میچ کل کھیلاجائےگا

ہیمبینٹوٹا: پاکستان اور سری لنکا کے درمیان تین ون ڈے میچز کی سیریز کا پہلا میچ کل ہیمبینٹوٹا میں کھیلے جائے گا۔آف اسپنر سعید اجمل کی آسٹریلیا میں بولنگ ایکشن کے ٹیسٹ کے سبب پہلے ون ڈے میں شرکت مشکوک ہوگئی ہے۔ حریف وہی ہیں میدان بھی وہی صرف فارمیٹ تبدیل۔ ٹیسٹ سیریز میں قومی ٹیم ناکام ہوگئی،اب ون ڈے میں امتحان ہونے جارہا ہے۔ طویل دورانئے کی کرکٹ میں بلے بازوں نے مایوس کیا۔ قومی ٹیم کے پاس ٹیسٹ کی شکست کا بدلہ لینے کا وقت آگیا۔

ٹور میچ میں بھی گرین شرٹس کو ناکامی کا سامنا کرنا پڑا۔ بیٹسمینوں کی پرفارمنس نے مینجمنٹ کو تشویش میں مبتلا کردیا، قومی اسکواڈ میں فاسٹ بولر محمد عرفان کو شامل کیا گیا ہے۔ سعید اجمل کے برسبین میں ہونے والے بولنگ ایکشن کے ٹیسٹ سبب پہلے ون ڈے میں شرکت مشکوک ہوگئی ہے۔ سری لنکا کے خلاف پہلے ٹیسٹ میں امپائرز سعید اجمل کے بولنگ ایکشن پر اعتراض اٹھایا تھا۔

میزبان ٹیم ون ڈے رینکنگ میں تیسرے اور پاکستان چھٹے نمبر پر موجود ہے۔ دونوں ٹیمیں ایک سو انتالیس مرتبہ ون ڈے میں مدمقابل آچکی ہیں۔ اسی میں پاکستان اور چون میں سری لنکا کامیاب رہا۔کپتان مصباح الحق کا کہنا ہے کہ ٹیسٹ سیریز کی شکست کو بھلا کر ون ڈے کے لئے میدان میں اتریں گے۔

اگست 22, 2014
ون ڈے سیریز میں عمدہ کارکردگی دکھائینگے، مصباح الحق

سری لنکا کے خلاف ٹیسٹ سیریز میں ناکامی کے بعد پاکستان کا اگلا امتحان اب ون ڈے میں شروع ہوگا۔ قومی ٹیم کے کپتان مصباح الحق نے ون ڈے سیریز میں عمدہ کارکردگی دکھانے کا عزم ظاہر کیا ہے۔ پاکستان کا سری لنکا میں مایوس کن آغاز ہوا۔ ٹیسٹ سیریز میں قومی ٹیم ناکام ہوگئی اب ون ڈے میں امتحان ہوگا۔

طویل دورانیئے کی کرکٹ میں بیٹسمینوں کی پرفارمنس نے مینجمنٹ کو کیاتشویش میں مبتلا۔ سرفراز احمد کے علاوہ کوئی بھی بیٹسمین خاطر خواہ کارکردگی نہیں دکھا سکا۔ اب دونوں ٹیمیں ون ڈے میں ایکشن میں ہونگی۔ سیریز کا پہلا میچ تئیس اگست کو ہیمبینٹوٹا میں کھیلا جائے گا۔ میزبان ٹیم ون ڈے رینکنگ میں تیسرے اور پاکستان چھٹے نمبر پر موجود ہے۔

دونوں ٹیمیں ایک سو انتالیس مرتبہ ون ڈے میں مدمقابل آچکی ہیں۔ اسی میں پاکستان اور چون میں سری لنکا کامیاب رہا۔ قومی ٹیم ون ڈے کی تیاریوں میں مصروف ہے۔ کپتان مصباح الحق کا کہنا ہے کہ ٹیسٹ سیریز کی شکست کو بھلا کر ون ڈے کے لئے میدان میں اتریں گے۔

اگست 19, 2014
کولمبو ٹیسٹ: سری لنکن ٹیم دو سو بیاسی رنزپرآؤٹ

کولمبو ٹیسٹ کے چوتھے روز پاکستانی بولرز نے سری لنکن ٹیم کو دو سو بیاسی رنز پر آؤٹ کردیا۔ جیت کیلئے پاکستان کو دو سو اکہتر رنز کا ہدف ملا ہے۔ کولمبو ٹیسٹ کے چوتھے روز سری لنکا نے نامکمل دوسری اننگز دو وکٹ پر ایک سو ستتر رنز سے دوبارہ شروع کی۔ پہلی سیشن میں ہی سعید اجمل نے تین کھلاڑیوں کو پویلین پہنچا دیا ۔

کمار سنگاکارا اور مہیلا جے وردھنے کے درمیان تیسری وکٹ پر بننے والی ایک سو سات رنز کی پارٹنر شپ توڑی اور تھرمانے کو بھی آؤٹ کیا۔ سنگاکارا انسٹھ اور کیرئیر کا آخری ٹیسٹ کھیلنے والے جے وردھنے چون رنز کی اننگز کھیل سکے۔ تھرمانے دس رنز پر آؤٹ ہوئے۔

فاسٹ بولر وہاب ریاض بھی تین وکٹیں حاصل کرنے میں کامیاب رہے۔ سری لنکن ٹیم دوسو بیاسی رنز بناسکی اور پاکستان کو جیت کیلئے دو سو اکہتر رنز کا ہدف ملا ہے،اب تک کی تازہ اطلاعات کے مطابق پاکستانی اوپنر خرم منظور دس رنز بنا کر پویلین لوٹ گئے، اور پاکستان کا مجموعی اسکور سترہ رنز ایک کھلاڑی آؤٹ ہے

اگست 17, 2014
کولمبو ٹیسٹ: قومی ٹیم پہلی اننگزمیں تین سو بتیس رنزبناکرآؤٹ

کولمبو ٹیسٹ میں سرفرازاحمد کی شاندار سنچری کی بدولت پاکستان سری لنکا کے خلاف پہلی اننگز میں برتری حاصل کرنے میں کامیاب رہا۔ قومی ٹیم پہلی اننگز میں تین سو بتیس رنزبناکر آؤٹ ہوئی۔میزبان ٹیم کی دوسری اننگز میں بیٹنگ جاری ہے۔

کولمبو میں جاری ٹیسٹ کے دوسرے روز پاکستان نے پہلی نامکمل اننگز دو سو چوالیس رنز چھ کھلاڑی آؤٹ پر دوبارہ شروع کی تو سرفراز احمد اور عبدالرحمان نے اسکور آگے بڑھایا۔

عبدالرحمان زیادہ دیر تک سرفراز کا ساتھ نہ دے سکے اور سولہ رنزبناکر پویلین لوٹ گئے۔۔ ایک اینڈ سے وکٹیں گرتی رہیں تو دوسرے اینڈ سے سرفراز سری لنکن بولرز کا ڈٹ کر مقابلہ کرتے رہے۔

سرفراز نے چھکا لگا کر ٹیسٹ کیرئیر کی پہلی سینچری بنائی۔ ان کی سینچری میں سات چوکے بھی شامل تھے۔ وہ ایک سو تین رنزبناکر آؤٹ ہوئے۔ پاکستانی ٹیم پہلی اننگز میں تین سو بتیس رنزبناکر آؤٹ ہوئی۔ رنگانا ہیراتھ نے بہترین بولنگ کرتے ہوئے نو وکٹیں حاصل کیں

اگست 16, 2014
کولمبو ٹیسٹ: وکٹ کیپرسرفرازاحمد نے ٹیسٹ کیرئیرکی پہلی سنچری بنالی

کولمبو :پاکستانی وکٹ کیپر بیٹسمین سرفراز احمد نے کولمبو ٹیسٹ میں اپنے ٹیسٹ کیرئیر کی پہلی سنچری بنالی۔ سری لنکا کے خلاف دوسرے ٹیسٹ میں پاکستان کی پہلی اننگز میں بیٹنگ جاری ہے۔ کولمبو میں جاری ٹیسٹ کے دوسرے روز پاکستان نے پہلی نامکمل اننگز دو سو چوالیس رنز چھ کھلاڑی آؤٹ پر دوبارہ شروع کی تو سرفراز احمد اور عبدالرحمان نے اسکور آگے بڑھایا۔

عبدالرحمان زیادہ دیر تک سرفراز کا ساتھ نہ دے سکے اور سولہ رنزبناکر پویلین لوٹ گئے۔ ایک اینڈ سے وکٹیں گرتی رہیں تو دوسرے اینڈ سے سرفراز سری لنکن بولرز کا ڈٹ کر مقابلہ کرتے رہے۔ سرفراز نے چھکا لگا کر ٹیسٹ کیرئیر کی پہلی سنچری بنائی۔ ان کی سینچری میں سات چوکے بھی شامل ہیں۔اس وقت پاکستان کے315 رنزپر نو کھلاڑی آؤٹ ہو چکے ہیں۔

اگست 16, 2014