Tag: pak womens

  • پاکستان ویمنز ٹیم نے سری لنکا کو تیسرے میچ میں7وکٹوں سےشکست دیدی

    پاکستان ویمنز ٹیم نے سری لنکا کو تیسرے میچ میں7وکٹوں سےشکست دیدی

    شارجہ: آئی سی سی ویمنز چیمپیئن شپ میں پاکستان نے سری لنکا کو سات وکٹ سے شکست دیکر فتوحات کی ہٹرک مکمل کرلی۔

    شارجہ میں کھیلے گئے آئی سی سی ویمنز چیمپیئن شپ کے تیسرے میچ میں سری لنکا نے ٹاس جیت کر بیٹنگ کا فیصلہ کیا، سری لنکا نے مقررہ پچاس اوورز میں پانچ وکٹوں پر دو سو بیالیس رنز بنائے، اسمعاویہ اقبال اور ثنا میر نے دو دو کھلاڑیوں کو آؤٹ کیا۔

    جواب میں قومی ویمنز ٹیم کی اوپننگ جوڑی نے ٹیم کو شاندار آغاز فراہم کیا۔ جویریہ خان نے ون ڈے کرکٹ میں پاکستان کیلئے دوسری سنچری بناکر ٹیم کو سات وکٹوں سے کامیابی دلوائی۔

     جویریہ خان ایک سو تینتس رنز بناکر ناٹ آؤٹ رہی، آئی سی سی ویمنز چیمپیئن شپ کے تین میچز میں پاکستان نے سری لنکا کو وائٹ واش شکست دی۔

  • ایشین گیمز: قومی ویمن کرکٹ ٹیم نےسونےکاتمغہ اپنےنام کرلیا

    ایشین گیمز: قومی ویمن کرکٹ ٹیم نےسونےکاتمغہ اپنےنام کرلیا

    انچیون: جنوبی کوریا میں جاری ایشین گیمزمیں پاکستان نے پہلا گولڈ میڈل جیت لیا، پاکستان ویمنزکرکٹ ٹیم نے بنگلہ دیش کو فائنل میں چاررنزسے شکست دے کرسونے کا تمغہ حاصل کرلیا ہے۔

    تفصیلات کے مطابق انچیون میں پاکستان ویمنزٹیم نے سبزہلالی پرچم سربلند رکھتے ہوئےاعزاز کا کامیابی سے دفاع کیا۔ قومی ویمنزٹیم کی جیت کا سفرفائنل تک جاری رہا اورگولڈ میڈل معرکے میں پاکستان ویمنزٹیم نے میدان مارلیا۔

    بنگلہ دیش کے خلاف میچ میں قومی ٹیم نے ٹاس جیت کر پہلے بیٹنگ کا فیصلہ کیا اورمقررہ اوورز میں چھ وکٹوں ستانوے رنزبنائے، بسمہ معروف چوبیس رنزبناکر نمایاں رہیں۔

    جواب میں بارش کے باعث بنگلہ دیش کو ڈک ورتھ لوئس قانون کے تحت سات اوورزمیں تینتالیس رنز کا ہدف دیا گیا جس کو حاصل کرنے کے لئےبنگلہ دیش نے اننگزکا آغازتو برق رفتاری سے کیا لیکن پاکستانی بولرز نے شاندار کم بیک کرتے ہوئے حریف ٹیم کے عزائم خاک میں ملادیئے ۔

    قومی ویمنزکرکٹ ٹیم نے اپنی شاندار کارکردگی سے مسلسل دوسری مرتبہ ایشین گیمز میں گولڈ میڈل جیت لیا۔ پاکستان کی جانب سے ثناء میر، ندا ڈاراورسعدیہ یوسف نے دو دو وکٹیں حاصل کیں۔

  • آسٹریلوی ویمنز ٹیم نے پاکستان کو تیسرے ٹی ٹوئنٹی میں ہرادیا

    آسٹریلوی ویمنز ٹیم نے پاکستان کو تیسرے ٹی ٹوئنٹی میں ہرادیا

    گولڈ کوسٹ: دورہ آسٹریلیا میں پاکستان ویمنز ٹیم کی ناکامیوں کا سلسلہ جاری ہے۔ آسٹریلیا نے ون ڈے کے بعد ٹی ٹوئنٹی سیریز بھی اپنے نام کرلی۔گولڈ کوسٹ میں کھیلے جانے والے میچ کا ٹاس پاکستان نے جیت کر پہلے بیٹنگ کا فیصلہ کیا۔ قومی ٹیم کی صرف دو کھلاڑی ہی ڈبل فیگرز تک پہنچنے میں کامیاب رہیں۔

    نین عابدی نے ناٹ آؤٹ تیس رنز کی اننگز کھیلی۔ پاکستان نے مقررہ بیس اوورز میں نو وکٹوں پر چوراسی رنز اسکور کئے۔ جواب میں آسٹریلوی ویمنز ٹیم نے مطلوبہ ہدف بارہویں اوور میں دو وکٹوں کے نقصان پر حاصل کرلیا۔ میزبان ٹیم ون ڈے سیریز میں پاکستان کو پہلے ہی کلین سوئپ کرچکا ہے۔