واشنگٹن : امریکی صدر ڈونلڈ ٹرمپ نے انکشاف کیا پاک بھارت کشیدگی میں مداخلت نہ کرتے تو ایک ہفتے میں ایٹمی جنگ چھڑ سکتی تھی۔
تفصیلات کے مطابق امریکی صدر ٹرمپ سے وائٹ ہاؤس میں نیٹو سیکریٹری جنرل کی ملاقات ہوئی، ملاقات کے بعد صدر ڈونلڈ ٹرمپ نے میڈیا سے گفتگو میں ایک بار پھر پاک بھارت کشیدگی ختم کرانے کا ذکر کیا۔
امریکی صدر نے کہا کہ ہم پاکستان اوربھارت کے درمیان جنگ بند کرانے میں کامیاب رہے، پاکستان اور بھارت کی کشیدگی میں مداخلت نہ کرتے تو ایک ہفتے میں ایٹمی جنگ چھڑ سکتی تھی۔
ان کا مزید کہنا تھا کہ دونوں ملکوں کے لیڈر بہت زبردست ہیں، ہم تجارت کے ذریعے خطرناک تصادم روکنے میں کامیاب ہوئے۔
مزید پڑھیں : امریکی صدر ٹرمپ نے ایک بار پھر پاک بھارت جنگ رکوانے کا ذکر کر دیا
یاد رہے رواں ماہ میں امریکی صدر ڈونلڈ ٹرمپ نے اسرائیلی وزیر اعظم نیتن یاہو سے عشایئے پر ملاقات کے بعد میڈیا سے گفتگو میں کہا تھا پاکستان اور بھارت ایٹمی طاقتیں ہیں دونوں کے درمیان جنگ رکوائی، انھیں جنگ کے بدلے تجارت کی آفر کی۔
اس سے قبل بھی ریاست آئیوا میں امریکا کے ڈھائی سو سالہ یوم آزادی کی تقریب سے خطاب میں امریکی صدر نے کہا تھا کہ پاکستان اور بھارت کے درمیان جنگ رکوائی، پاکستان اور بھارت دونوں کے پاس ایٹمی ہتھیار ہیں دونوں کے درمیان نیوکلیئر جنگ شروع ہوجاتی جسے ہم نے روکا ہے۔
