ARYNews.tv | Urdu – Har Lamha Bakhabar

Tag: پاک بھارت کشیدگی

  • جذبہ خیرسگالی، بھارتی پائلٹ رہا کرکے پاکستان نے عالمی سطح پر دل جیت لیے

    جذبہ خیرسگالی، بھارتی پائلٹ رہا کرکے پاکستان نے عالمی سطح پر دل جیت لیے

    اسلام آباد: جذبہ خیرسگالی اور بڑے پن کا مظاہرہ کرتے ہوئے بھارتی پائلٹ کو رہا کرکے پاکستان نے عالمی سطح پر دل جیت لیے۔

    تفصیلات کے مطابق اقوام متحدہ نے بھارتی پائلٹ کی رہائی کے پاکستانی فیصلے کا خیرمقدم کیا، ترک صدر نے بھی پاکستان کی امن کی کوششوں کو سراہا۔

    پاکستان پر امن ملک ہے وزیراعظم عمران خان نے ثابت کردیا، وزیراعظم عمران خان کے بھارتی پائلٹ ابھی نندن کے رہائی کے اعلان پر دنیا معترف ہوگئی۔

    اقوام متحدہ کے سیکریٹری جنرل انتونیو گوتریس نے بھارتی پائلٹ کی رہائی کے پاکستانی فیصلے کا خیرمقدم کیا، انہوں نے کہا کہ فیصلہ کشیدہ صورت حال میں بہتری کی جانب قدم ہے۔

    پاکستان نے جذبہ خیر سگالی کے تحت پائلٹ ابھی نندن کو بھارت کے حوالے کر دیا

    امریکی وزیرخارجہ مائیک پومپیو نے کہا کہ تناؤ میں کمی سے دونوں ممالک میں بات چیت کا آغاز ہوجائے گا، امید ہے جلد کشیدگی کم کرالیں گے۔

    ترک صدر رجب طیب اردوگان نے بھی پاکستان کی کشیدگی روکنے کی کوششوں کو سراہا۔ خطے میں امن کے لیے عالمی رہنما سرگرم ہوگئے۔

    روس نے بھی مذاکرات کے لیے میزبان کا کردار ادا کرنے کی پیشکش کردی۔ جاپان نے کہا دونوں ممالک مذاکرات کے ذریعے صورتحال کو بہتر بنائیں۔

    علاوہ ازیں ابوظبی کے ولی عہد شیخ محمد بن زید کی پاک بھارت وزرائے اعظم سے بات کی اور دونوں ممالک کی قیادت کے درمیان ڈائیلاگ اور رابطے کی ضرورت پر زور دیا۔

    خیال رہے کہ پاکستان نے تین روز قبل حراست میں لیے جانے والے پائلٹ ابھی نندن کو جذبہ خیر سگالی کے تحت بھارت کے حوالے کر دیا۔

  • پاک فوج سے اظہار یکجہتی: کراچی کی تاجر برادری سڑکوں پر نکل آئی

    پاک فوج سے اظہار یکجہتی: کراچی کی تاجر برادری سڑکوں پر نکل آئی

    کراچی: تاجر برادری نے پاک فوج سے یکجہتی کا اظہار کرتے ہوئے شہر کے مختلف علاقوں میں ریلیاں نکالیں، شرکاء نے ہاتھوں میں بینرز اٹھائے تھے جن پر پاک فوج زندہ باد کے نعرے درج تھے۔

    تفصیلات کے مطابق بھارت کی جانب سے پاکستانی سرحدوں کی خلاف ورزی کیخلاف اور پاک فوج کی جانب سے بھارت کو منہ توڑ جواب دینے پر کراچی کے مختلف علاقوں گلبہار، سائٹ اور صدر میں ریلیاں نکالیں۔

    ریلی کے شرکاء پاک فوج کے حق میں نعرے لگا رہے تھے، ریلیوں سے سائٹ ایسوسی ایشن کے چیئرمین سلیم پاریکھ ، سراج قاسم تیلی، گلبہار سینٹری ایسوسی ایشن کے صدر اور صدر الائنس مارکیٹ کے رہنما الیاس میمن نے خطاب کیا۔

    مقررین کا کہنا تھا کہ پاک فوج کے ہر اقدام کی حمایت کرتے ہیں، پاک فوج نے انسانیت کو بچانے کے لیے شاندار تاریخ رقم کی۔ بھارت پاکستان کے امن کی خواہش کو کمزوری نہ سمجھے کیونکہ پاکستان کا دفاع کا حق رکھتا ہے۔

  • بھارتی پائلٹ کی رہائی، اقوام متحدہ کا پاکستان کا خیر مقدم

    بھارتی پائلٹ کی رہائی، اقوام متحدہ کا پاکستان کا خیر مقدم

    نیویارک: جذبہ خیرسگالی کے تحت پاکستان کی جانب سے بھارتی پائلٹ کی رہائی پر اقوام متحدہ نے پاکستان کا خیر مقدم کیا ہے۔

    تفصیلات کے مطابق اقوام متحدہ کے سیکریٹری جنرل انتونیوگوتریس کا کہنا ہے کہ بھارتی پائلٹ کی رہائی کا خیرمقدم کرتے ہیں، پائلٹ کی رہائی پر مثبت اقدامات برقرار رکھے جائیں۔

    انہوں نے کہا کہ دونوں ممالک کشیدگی میں کمی کے لیے مذاکرات کریں، پاکستان اور بھارت تعمیری بات چیت جاری رکھیں۔

    انتونیوگوتریس کا مزید کہنا تھا کہ دونوں ممالک چاہئیں تو کشیدگی کے خاتمے میں کردار کے لیے تیار ہیں۔

    خیال رہے کہ پاکستان نے تین روز قبل حراست میں لیے جانے والے پائلٹ ابھی نندن کو جذبہ خیر سگالی کے تحت بھارت کے حوالے کر دیا۔

    بھارتی پائلٹ کی حوالگی واہگہ بارڈر پر گذشتہ رات پونے نو بجے عمل میں آئی، بھارتی پائلٹ ابھی نندن کو بھارتی حکام کے حوالے کیا گیا، بھارتی فوجیوں نے اپنے ونگ کمانڈر کو سلیوٹ تک نہ کیا۔

    پاکستان نے جذبہ خیر سگالی کے تحت پائلٹ ابھی نندن کو بھارت کے حوالے کر دیا

    واضح رہے کہ پاکستانی وزیر اعظم نے دو روز قبل امن کی خاطر جذبہ خیر سگالی کے ساتھ پاکستانی حدود میں آنے والے بھارتی طیارے کے پائلٹ کو رہا کرنے کا اعلان کیا تھا۔

    فیصلے کے بعد بھارتی ہائی کمیشن نےبھارتی پائلٹ کےسفری دستاویزات مکمل کرلیے، بھارتی ہائی کمیشن کےایئراتاشی گروپ کیپٹن، ونگ کمانڈرابھی نندن کو اپنے ہمراہ لے کر گئے۔

  • پاک بھارت کشیدگی : تین روز سے بند پاکستان کی فضائی حدود جزوی طور پر بحال

    پاک بھارت کشیدگی : تین روز سے بند پاکستان کی فضائی حدود جزوی طور پر بحال

    کراچی : سرحدوں کی موجودہ صورتحال کے پیش نظر بند کی گئی پاکستان کی فضائی حدود کو جزوی طور پر بحال کردیا گیا ہے، ملک کے چار ایئر پورٹس پر پروازیں آپریٹ کرنے کی اجازت دے گئی ہے۔

    تفصیلات کے مطابق پاک بھارت کشیدگی کے تناظر میں تین روز سے بند پاکستان کی فضائی حدود جزوی طور پر بحال کر دی گئیں، سول ایوی ایشن اتھارٹی کی جانب سے جاری کردہ نوٹم میں مخصوص ایئر پورٹس کی بحالی کا ذکر کیا گیا ہے۔

    ابتدائی طور پر کراچی، اسلام آباد، پشاور اور کوئٹہ ایئر پورٹس پر فضائی آپریشن کی اجازت دے دی گئی ہے۔ دیگر ایئر پورٹس پر فضائی آپریشن چار مارچ دوپہر ایک بجے تک بند رہے گا۔

    مذکورہ ایئر پورٹس میں لاہور، سیالکوٹ، ملتان، فیصل آباد اور رحیم یار خان سمیت 22 ایئرپورٹس شامل ہیں۔ سول ایوی ایشن اتھارٹی کی جانب سے جارہ کردہ نوٹم کے بعد پی آئی اے نجی ایئرلائن سمیت غیر ملکی ایئرلائنز بھی آپریشن شروع کردیا ہے۔

    پروازیں روانہ ہونا شروع ہوگئی ہیں۔ پی آئی اے کی کوالالمپور، بنکاک اور چائنا کیلئے پروازیں عارضی طور پر آپریٹ نہیں کی جائیں گی جبکہ دبئی، ابوظہبی، مسقط، سعودی عرب، برطانیہ ، یورپ اور کینیڈا کیلئے آپریشن معمول کے مطابق جاری رہے گا۔

  • بھارت کو جواب دے کر ہم نے دنیا کو دکھا دیا کہ ہم کہاں کھڑے ہیں، فواد چوہدری

    بھارت کو جواب دے کر ہم نے دنیا کو دکھا دیا کہ ہم کہاں کھڑے ہیں، فواد چوہدری

    اسلام آباد : وفاقی وزیر اطلاعات فواد چوہدری نے کہا ہے کہ بھارتی جارحیت کا جواب دے کر ہم نے دنیا کو دکھا دیا ہے کہ ہم کہاں کھڑے ہیں، بھارت کے اوپر دباؤ بڑھتا جارہا ہے اور مزید بڑھے گا۔

    ان خیالات کا اظہار انہوں نے اسلام آباد میں میڈیا سے گفتگو کرتے ہوئے کیا، فواد چوہدری نے کہا کہ بھارت کی جانب سے پاکستان کے خلاف جارحیت سے اس کی اپنی صلاحیت متاثر ہوئی۔

    انہوں نے کہا کہ اللہ کے فضل و کرم سے ہمیں کامیابیاں حاصل ہوئی ہیں، ہم نے بھارتی جارحیت کا منہ توڑ جواب دے کر دنیا کو دکھا دیا ہے کہ ہم کہاں کھڑے ہیں۔

    وفاقی وزیراطلاعات کا کہنا تھا کہ بھارت کے اوپر دباؤ بڑھتا جارہا ہے اور مزید بڑھے گا، بھارت اس معاملے پرمنقسم ہے جبکہ پاکستان میں اتحاد ہے کیونکہ جنگ سے مسائل حل نہیں ہوتے، بھارت کسی نہ کسی بہانے سے معاملات ٹالنے کی کوشش کررہا ہے.

    ایک سوال کے جواب میں فوادچوہدری نے کہا کہ یو اے ای اور سعودی عرب نے اس معاملے میں اہم کردار ادا کیا۔

    مزید پڑھیں: پاکستان اپنے دفاع میں کسی بھی جارحیت کا بھرپور جواب دے گا، جنرل قمر باجوہ

    واضح رہے کہ پاک فوج کے سربراہ جنرل قمر جاوید باجوہ نے بھی مختلف ممالک کے فوجی سربراہان سے ٹیلی فونک گفتگو میں واضح طور پر کہا ہے کہ پاکستان اپنے دفاع میں کسی بھی کارروائی کا حق محفوظ رکھتا ہے، پاکستان اپنے دفاع میں کسی بھی جارحیت کا بھرپور جواب دے گا، ہم اپنے دفاع سے غافل نہیں۔

  • ’جس جنگ میں بادشاہ کی جان کو خطرہ نہ ہو اُسے جنگ نہیں سیاست کہتے ہیں‘

    ’جس جنگ میں بادشاہ کی جان کو خطرہ نہ ہو اُسے جنگ نہیں سیاست کہتے ہیں‘

    نئی دہلی: بھارتی سیاست دان اور سابق کرکٹر نوجوت سنگھ سدھو نے کہا ہے کہ بھارت کی ناکام حکومتیں اقتدار حاصل کرنے کے لیے جنگوں کا سہارا لیتی ہیں۔

    بھارتی میڈیا رپورٹ کے مطابق کانگریس کے رہنما اور پنجاب حکومت کے وزیر سدھو کا حکمراں جماعت پر تنقید کرتے ہوئے کہنا تھا کہ کھوکھلے اور سیاسی مقاصد کے لیے  کتنے بے قصور لوگوں اور جوانوں کو قربانی دینا ہوگی۔

    سدھو کا کہنا تھا کہ ’جس جنگ میں بادشاہ کی جان کو خطرہ نہ ہو اُسے جنگ نہیں سیاست کہتے ہیں، بھارت کی ناکام حکومتیں جنگ کا سہارا لے کر اقدار حاصل کرنا چاہتی ہیں‘۔

    مزید پڑھیں: نوجوت سنگھ سدھو کا بھارتی پائلٹ کی رہائی کے اعلان کا خیر مقدم

    نوجوت سنگھ سدھو کا کہنا تھا کہ پڑوسی ملک پاکستان پر دہشت گردی کا الزام لگانے سے بہتر ہے اُن سے بات چیت اور مذاکرات کیے جائیں، جنگ کی صورت میں دونوں ممالک کے عوام کا نقصان ہوگا جو کسی کے حق میں نہیں ہے۔

    اُن کا کہنا تھا کہ سرحد کے اندر اور باہر سے اگر بھارت کو دہشت گردی کا سامنا ہے تو اس کا الزام عائد کرنے کے بجائے ہمیں اپنے آپ کو ٹھیک کرنا ہوگا اور اپنے درمیان لوگوں کو دیکھنا ہوگا۔

    سدھو نے بھارتی حکومت کی جانب سے پاکستان پر الزام تراشی کے الزامات کو مسترد کرتے ہوئے کہا کہ ’چند عناصر کی وجہ سے پورے ملک یا قوم کو  دہشت گرد قرار نہیں دیا جاسکتا۔

    یہ بھی پڑھیں: وزیراعظم عمران خان نےبیج بویاتھاوہ آج تناور درخت بن گیا ہے، نوجوت سنگھ سدھو

    اسے بھی پڑھیں: مودی کی انتہاء پسندی اور حکمرانی کی لالچ، اروند کیجری وال نے بھارتی وزیر اعظم کا چہرہ بے نقاب کردیا

    یاد رہے کہ گزشتہ روز عمران خان کے مداح اور دوست نے وزیرِ اعظم پاکستان کی جانب سے بھارتی پائلٹ کی رہائی کا اعلان ہونے پر خوشی کا اظہار کرتے ہوئے کہا تھا کہ یہ اقدام ایک ارب لوگوں کی خوشی کا سبب بنے گا۔

    نوجوت سنگھ سدھو نے عمران خان کو سراہتے ہوئے کہا تھا کہ ’ہر بہترین عمل لوگوں کے دلوں میں خود ہی گھر کرلیتاہے، بھارتی پائلٹ کی واپسی پر اُن کے اہل خانہ کی خوشی محسوس کرسکتا ہوں۔

  • ابھی نندن کی واپسی، ثانیہ مرزا بھارتی رنگ میں‌ رنگ گئیں

    ابھی نندن کی واپسی، ثانیہ مرزا بھارتی رنگ میں‌ رنگ گئیں

    نئی دہلی: بھارتی ٹینس اسٹار اور پاکستان کرکٹ ٹیم کے سابق کپتان شعیب ملک کی اہلیہ نے  بھارتی پائلٹ ابھی نندن کو ہیرو قرار دے دیا۔

    تفصیلات کے مطابق جمعے کے روز سماجی رابطے کی ویب سائٹ پر اپنے ایک ٹویٹ میں ثانیہ مرزا نے بھارتی پائلٹ کی واپسی پر خوشی کا ظہار کرتے ہوئے کہا کہ ونگ کمانڈر ابھی نندن حقیقی ہیرو ہے۔

    ثانیہ مرزا نے بھارتی پائلٹ کو خراج تحسین پیش کرتے ہوئے کہا کہ آپ نے جس ہمت، عظمت اور بہادری کا مظاہر کیا اُس پر سارا بھارت سیلوٹ پیش کرتا ہے، آپ ہمارے سچے ہیرو ہیں۔

    مزید پڑھیں: بھارت جانے سے قبل ابھی نندن کا آخری پیغام

    قبل ازیں پاک فضائیہ کی کامیاب کارروائی کے بعد شعیب ملک نے مسرت کا اظہار کرتے ہوئے پاکستان کے حق میں نعرہ لگایا تھا۔

    یاد ہے کہ پاک فضائیہ کے شاہینوں نے فضائی حدود کی خلاف ورزی کرنے پر 27 فروری کو ابھی نندن کا طیارہ پاکستان میں گرایا تھا جس کے بعد اُسے زندہ گرفتار کیا گیا تھا۔

    بعد ازاں پاک فوج کے ترجمان نے بھارتی پائلٹ کو میڈیا کے سامنے پیش کیا تھا جس میں اُس نے خود کو ونگ کمانڈر اور اپنا بیچ نمبر بھی بتایا تھا۔

    ابھی نندن نے پاک فوج کے پروفیشنل ازم کی تعریف کرتے ہوئے اپنی فوج کر مشورہ دیا تھا کہ وہ بھی اسی نظم و ضبط کے تحت چلیں، کچھ دیر قبل بھارتی پائلٹ کو وطن واپس بھیج دیا گیا۔

    یہ بھی پڑھیں: پاکستان نے جذبہ خیر سگالی کے تحت پائلٹ ابھی نندن کو بھارت کے حوالے کر دیا

    وزیر اعظم پاکستان نے گزشتہ روز بھارتی پائلٹ کی رہائی کا اعلان کیا تھا، جس کے بعد اُسے اب سے کچھ دیر قبل لاہور واہگہ بارڈر سیکٹر سے بھارتی حکام کے حوالے کیا گیا۔

    بھارت جانے سے قبل ابھی نندن نے کا آخری پیغام سامنے آیا جس میں اُس نے اپنے طیارے کو ٹارگٹ ہونے سے لے کر دو روز کا حال احوال بیان کیا۔ اپنے میڈیا پر تنقید کرتے ہوئے ابھی نندن کا کہنا تھا کہ بھارتی میڈیا لوگوں کے جذبات بھڑکانے کے لیے چھوٹی سے چھوٹی چیز کو بڑا بنا کر پیش کرتی ہے۔

    یہ بھی یاد رہے کہ چند روز قبل پاک بھارت کشیدگی کے نتیجے میں بھارتی حکمراں جماعت کے رکن پارلیمنٹ اور بی جے پی کے رہنما نے وزیر اعلیٰ کرناٹک سے مطالبہ کیا تھا کہ ثانیہ مرزا پاکستانی بہو ہے لہذا اُس سے اعزازی عہدہ واپس لیا جائے۔

  • ایف 16 طیارے کا استعمال؟ بھارتی میڈیا نے نسوار کی تھیلی بطور ثبوت پیش کردی

    ایف 16 طیارے کا استعمال؟ بھارتی میڈیا نے نسوار کی تھیلی بطور ثبوت پیش کردی

    نئی دہلی: بھارتی میڈیا نے اپنے عوام کو پاگل بنانے کے لیے نسوار کی تھیلی کو بطور ثبوت پیش کردیا جس میں بتانے کی کوشش کی گئی کہ پاکستان نے ایف 16 طیارہ استعمال کیا جس کو بھارتی فضائیہ نے مار گرایا۔

    تفصیلات کے مطابق بھارتی حکام نے دعویٰ کیا کہ انہوں نے فضائی حدود کی خلاف ورزی کرنے پر پاکستان کا ایف سولہ طیارہ طیارہ مار گرایا تاہم میڈیا اور حکمرانوں کے پاس اس کا کوئی ثبوت موجود ہی نہیں ہے۔

    بھارتی میڈیا نے چیخ چیخ کر اپنی کامیابی کے جھوٹے دعوے کیے اور قوم کو بتایا کہ بھارت کے پائلٹ نے فضائی حدود کی خلاف ورزی کرنے پر پاکستان کا خطرناک طیارہ گرایا۔

    ایک روز قبل صحافیوں نے تینوں فوجی ترجمان کی مشترکہ پریس کانفرنس میں بھی ثبوت مانگے تو ائیرچیف مارشل نے ایک ٹکڑا دکھا کر اسے بطور ثبوت پیش کیا۔

    مزید پڑھیں: بھارتی عوام اپنے وزیراعظم کے خلاف سرآپا احتجاج، GoBackModi# ٹاپ ٹرینڈ بن گیا

    صحافیوں کے سوالات سن کر  فوجی حکام یا بھارتی وزرا اس قدر گھبرائے کہ انہوں نے ثبوت فراہم کرنے کے بجائے آئیں بائیں شائیں سے کام لیا اور بات کو گھما کر پیش کرنے کی کوشش کی۔

    بھارتی وزیراعظم کی طرح جنگی جنون میں مبتلا میڈیا کے کچھ چینلز نے شاہ سے زیادہ شاہ کی وفاداری بننتے ہوئے بطور ثبوت نسوار کی تھیلی پیش کردی۔

    ایسا ثبوت دیکھ کر بھارتی عوام تو بے وقوف بن گئے مگر عالمی میڈیا میں بھارت کی خوب جگ ہنسائی ہوئی اور دنیا کے باشعور عوام نے ہنس ہنس کر اس ثبوت کا مذاق بنایا۔

    یہ بھی پڑھیں: پاکستان کے خلاف کارروائی، بھارتی فوج کے سربراہان ثبوت مانگنے پر گڑ بڑا گئے

    نامور بھارتی چینل انڈیا ٹوڈےکےاینکرنے سوشل میڈیا پر وائرل تصویرکو ایف سولہ کا ٹکڑا قرار دینے کی کوشش کی مگر دفاعی تجزیہ کار نے قلعی کھول دی۔

  • بھارت جانے سے قبل ابھی نندن کا آخری پیغام

    بھارت جانے سے قبل ابھی نندن کا آخری پیغام

    لاہور: پاک فوج کے ترجمان نے بھارتی پائلٹ کی حوالگی سے قبل ابھی نندن کا بیان جاری کردیا جس میں اُس نے پاک فوج کے پیشہ وارانہ صلاحیتوں کا اعتراف کیا جبکہ بھارتی میڈیا پر شدید تنقید بھی کی۔

     ابھی نندن کا کہنا تھا کہ  میں بھارتی فضائیہ کے لڑاکا طیارے کا پائلٹ ہوں ، پاکستانی فضائی حدود میں داخل ہونے کے بعد ہدف تلاش کررہا تھا کہ اسی دوران پاک فضائیہ نے میرا طیارے کو نشانہ بنایا جس کے بعد مجھے ایجکٹ کرنا پڑا۔

    بھارتی پائلٹ کا کہنا تھا کہ جب میرا پیرا شوٹ کھلا اور نیچے گرا تو میرے پاس پستول تھی، میرے ارد گرد بہت سارے لوگ جمع تھے، جنہوں نے مارنے کی کوشش کی مگر پاک فوج کے جوانوں نے انہیں کنٹرول کیا۔

    بھارتی پائلٹ کا پہلا بیان: پاکستانی قیدی: بھارتی پائلٹ پاک فوج کا شکر گزار

    اُن کا کہنا تھا کہ میرے پاس پستول پھینک کر بھاگنے کا واحد راستہ تھا،  اس لیے پستول پھینک کر وہاں سے فرار ہونے کی بھی کوشش کی،  لوگ میرے پیچھے آگئے جو بہت زیادہ جوش میں تھے البتہ اُن سے مجھے پاک فوج کے جوانوں نے بچایا۔

    ابھی نندن نے بتایا کہ پاک فوج کے جوان مجھے اپنے یونٹ لیکر گئے اور فرسٹ ایڈ دی بعد ازاں مجھے اسپتال میں بھی طبی امداد دی گئی، پاکستان فوج بہت پیشہ وارانہ ہے اور میں ان کے رویے سے بہت متاثر ہوا ہوں۔

    یہ بھی پڑھیں: پاکستان پر ناکام حملہ، کمانڈنگ ان چیف ائیر مارشل ہری کمار کو فارغ کردیا گیا

    بھارتی پائلٹ کا کہنا تھا کہ بھارتی میڈیا ہر چھوٹی سے چھوٹی چیز کو بڑھا چڑھا کر پیش کرتا ہے، پروپیگنڈے کرنے کا مقصدہ عوام کو ورغلانا ہے تاکہ اُن کی نفرت میں اضافہ ہو۔

  • بھارتی عوام اپنے وزیراعظم کے خلاف سراپا احتجاج، GoBackModi# ٹاپ ٹرینڈ بن گیا

    بھارتی عوام اپنے وزیراعظم کے خلاف سراپا احتجاج، GoBackModi# ٹاپ ٹرینڈ بن گیا

    نئی دہلی: بھارتی وزیراعظم کے خلاف عوام سوشل میڈیا پر اکٹھے ہوگئے اور انہوں نے نریندر مودی سے واپس جانے کا مطالبہ کردیا۔

    بھارتی میڈیا رپورٹس کے مطابق نریندر مودی کو الیکشن مصروفیات کے باعث تامل ناڈو کا دورہ کرنا تھا تاہم اُس سے قبل ہی بھارتیوں نے  وزیر اعظم کے سامنے واپس جانے کا نعرہ لگادیا۔

    سماجی رابطے کی ویب سائٹ ٹویٹر پر بھارت میں ’گوبیک مودی‘ ٹاپ ٹرینڈ بن گیا جس پر سیکڑوں لوگوں نے بھارتی وزیراعظم سے واپس جانے کا مطالبہ کیا اور انہیں سیاسی اداکار قرار دیا۔

    مزید پڑھیں: وزیراعظم عمران خان کا نام نوبل امن انعام کیلئے ٹاپ ٹرینڈ بن گیا

    بھارتی میڈیا رپورٹ کے مطابق بھارتی ریاست تامل ناڈو سے مودی کو شدید مخالفت کا سامنا ہے کیونکہ انہوں نے گزشتہ الیکشن میں ترقیاتی کام کروانے کا وعدہ کیا تھا تاہم فتح ملنے کے بعد حکومت نے علاقائی مسائل پر کوئی توجہ نہیں دی۔

    انتظامیہ نے کسی بھی ممکنہ مخالف مظاہرے کے پیش نظر سیکیورٹی کے سخت اقداما ت کیے جس کے بعد بھارتی عوام نے سوشل میڈیا پر شدید احتجاج کیا۔

    بھارت کے سوشل میڈیا صارفین نے مودی کو ملک کی 70 سالہ تاریخ کا بدترین حکمران قرار دیا اور کئی صارفین نے کہا کہ مودی لاشوں پر سیاست کر کے الیکشن جیتنا چاہتے ہیں۔

    یہ بھی پڑھیں: عمران خان کا پرستار ہوگیا ہوں، سابق بھارتی چیف جسٹس مرکنڈے کاٹجو

    سوشل میڈیا صارفین کا کہنا تھا کہ مودی اپنے وعدے نبھانے اور کارکردگی دکھانے میں بری طرح ناکام ہوگئے لہذا اب انہیں بھارت کی قیادت کا کوئی حق نہیں ہے۔