Tag: پاک بھارت کشیدگی

اسلام آباد: وزیرِ خارجہ شاہ محمود قریشی نے کہا ہے کہ بھارت سے پائلٹ کی واپسی کی درخواست آئی تو پاکستان کھلے دل سے غور کر سکتا ہے۔

تفصیلات کے مطابق شاہ محمود نے پارلیمانی رہنماؤں کو ان کیمرہ بریفنگ میں کہا کہ بھارتی عوام کو یقین دلاتا ہوں ان کا پائلٹ بالکل محفوظ ہے، گرفتار بھارتی پائلٹ کو طبی اور دیگر سہولتیں بھی دیں گے۔

وزیرِ خارجہ کا کہنا تھا کہ حالات بہتر کرنے کے لیے پاکستان کوئی بھی مثبت قدم اٹھانےکو تیار ہے، بھارت اور ان کے عوام کو پیغام دیتا ہوں پاکستان ذمہ دار ملک ہے، پاکستان کی مسلح افواج ذمہ دار افواج ہیں۔

شاہ محمود نے کہا کہ پارلیمانی رہنماؤں نے پاکستان کے مفادات کے تحفظ کےعزم کا اعادہ کیا، پارلیمانی رہنماؤں نے حکومت اور مسلح افواج کے ساتھ مکمل یک جہتی کا اظہار کیا، وزیرِ اعظم کی جانب سے تمام پارلیمانی قیادت کا شکریہ ادا کرتا ہوں۔

انھوں نے ان کیمرہ بریفنگ میں کہا کہ چین کے وزیر خارجہ نے فون کر کے موجودہ حالات پر تبادلہ خیال کیا، چین کے وزیر خارجہ نے مجھے اور میں نے انھیں اعتماد میں لیا۔ ایران کے وزیر خارجہ کا بھی فون آیا، انھوں نے بھی پاکستان سے یک جہتی اور تعاون کا اظہار کیا، ایرانی وزیر خارجہ نے موجودہ صورت حال میں کردار ادا کرنے کی پیش کش کی ہے۔

یہ بھی پڑھیں:  ہم نے مؤثر جواب دے دیا، توقع ہے بھارت ہوش مندی کا مظاہرہ کرے گا: آرمی چیف

وزیر داخلہ نے بریفنگ میں کہا کہ سعودی وزیر خارجہ سے بات ہوئی انھوں نے بھی مکمل یک جہتی کا اظہار کیا، سعودی وزیر خارجہ نے پاکستان کے ساتھ کھڑے ہونے کا ولی عہد کا پیغام دیا، سعودی ولی عہد نے کشیدگی کم کرنے کے لیے کردار ادا کرنے کی پیش کش کی ہے، ہمیں سعودی کردار پر خوشی ہوگی۔

شاہ محمود نے کہا کہ بھارتی اپوزیشن سمجھتی ہے نریندر مودی پلوامہ واقعے پر سیاسی مقاصد حاصل کرنا چاہتے ہیں۔

اسلام آباد: وزیرِ دفاع پرویز خٹک نے کہا ہے کہ پاکستان نے بھارتی وزیر خارجہ کو بلانے پر او آئی سی سے احتجاج کیا ہے، ایسی صورتِ حال میں نہیں لگتا کہ ہمارے وزیرِ خارجہ او آئی سی اجلاس میں شرکت کریں گے۔

تفصیلات کے مطابق پارلیمانی رہنماؤں کو ان کیمرہ بریفنگ کے بعد گفتگو کرتے ہوئے پرویز خٹک نے کہا کہ یہ بریفنگ بہت ضروری تھی کیوں کہ یہ حکومت یا اپوزیشن کا نہیں پاکستان کا معاملہ تھا۔

[bs-quote quote=”آج کے اجلاس میں وزیر اعظم عمران خان کی شرکت کا پروگرام نہیں تھا۔” style=”style-8″ align=”left” author_name=”وزیر دفاع”][/bs-quote]

وزیرِ دفاع پرویز خٹک نے کہا کہ عسکری قیادت کی بریفنگ سے سب مطمئن ہیں، کل پارلیمنٹ کا مشترکہ اجلاس ہوگا، سفارتی سطح پر بھی رابطے جاری ہیں، ہماری کوشش ہے حالات کو معمول پر لایا جائے۔

اجلاس میں وزیرِ اعظم کی عدم شرکت پر ان کا کہنا تھا کہ اس اجلاس میں وزیرِ اعظم کی شرکت کا پروگرام تھا ہی نہیں، بھارتی جارحیت پر وزیرِ اعظم نے کہا تھا کہ جواب دیں گے، آج بھارت کے دو طیارے مار گرائے۔

وزیرِ دفاع نے کہا کہ اب بھی کہتے ہیں ہم امن چاہتے ہیں، خطے میں زبردستی جنگ نہ پھیلائی جائے۔

یہ بھی پڑھیں:  جوابی کارروائی پیشہ ورانہ ذمہ داری بن گئی تھی، بھارتی جارحیت پر پارلیمانی رہنماؤں کو اِن کیمرہ بریفنگ

خیال رہے کہ پارلیمانی رہنماؤں کو بریفنگ میں کہا گیا ہے کہ واضح پالیسی ہے ہماری سرزمین کسی کے خلاف استعمال نہیں ہو گی، بھارت ٹھوس شواہد دیتا تو پورے خلوص سے کارروائی کرتے، بھارت نے فضائی حدود کی خلاف ورزی کر کے جارحیت کا ارتکاب کیا، جوابی کارروائی کرنا پیشہ ورانہ ذمہ داری بن گئی تھی۔

سری نگر: مقبوضہ کشمیر میں زیرتسلط بھارتی انتظامیہ میں پاکستان کے ہاتھوں پسپائی اور وادی میں ممکنہ جشن کو روکنے کے لیے حریت رہنماؤں کو نظر بند اور کرفیو نافذ کردیا۔

تفصیلات کے مطابق  بھارتی فوج نے پاک فضائیہ کی کامیاب کارروائی اور بھارتی پائلٹ کی گرفتاری کے بعد 27 فروری کی دوپہر سے مقبوضہ کشمیر کے مختلف علاقوں میں غیراعلانیہ کرفیو نافذ کرتے ہوئے حریت قیادت کو نظر بند کردیا۔

کٹھ پتلی انتظامیہ نے پاک فضائیہ کے ہاتھوں پسپائی کے بعد پاکستان کی حمایت میں ممکنہ جشن کو روکنے کے لیے مختلف ضلعوں میں انٹرنیٹ اور موبائل کی سروس بھی بند کردی ۔

مزید پڑھیں: پاکستانی قیدی: بھارتی پائلٹ پاک فوج کا شکر گزار

قبل ازیں بھارتی فوج نے مقبوضہ کشمیر کے علاقے شوپیاں میں محاصرے کے دوران گھر گھر تلاشی لی اور دو نوجوانوں کو شہید کردیا، نوجوانوں کی شناخت سہیل نذیر می اور سدھیپورا پائین کے ناموں سے ہوئی۔

کشمیر میڈیا سروس کی رپورٹ کے مطابق بھارت نے آپریشن کے دوران دو نوجوانوں کو گھر سے باہر نکالا اور انہیں شہید کیا جبکہ متعدد نوجوانوں کو گرفتار کرکے نامعلوم مقام پر بھی منتقل کیا۔

رپورٹ کے مطابق کٹھ پتلی انتظامیہ نے مسرت عالم بٹ، یاسمین راجہ کو سری نگر اور پلوامہ مین نظر بند کیا جبکہ شوکت بخشی کو سری نگر تھانے میں بند کیا گیا۔

دوسری جانب حریت رہنما میر واعظ عمر فاروق نے ہنگامی پریس کانفرنس طلب کی تو بھارتی فوجیوں نے صحافیوں کو اُن کے گھر جانے سے روک دیا جس کے باعث وہ میڈیا سے گفتگو بھی نہیں کرسکے۔

یاد رہے کہ بھارتی فضائیہ نے پاکستانی حدود کی خلاف ورزی کرنے کی کوشش کی تھی جس پر پاک فضائیہ کے شاہینوں نے فوری ردعمل دیتے ہوئے اُن کے دو جہازوں کو تباہ کیا، جس کے نتیجے میں ایک پائلٹ ہلاک اور دوسرا زندہ گرفتار ہوا۔

یہ بھی پڑھیں: مقبوضہ کشمیر میں بھارتی فورسز کی فائرنگ سے 2 کشمیری شہید

حراست میں لیے جانے والے پائلٹ کی شناخت ابھی نندن کے نام سے ہوئی، بھارت نے پہلے تو اپنے افسر کی گرفتاری سے لاتعلقی کا اظہار کیا تاہم جب پاک فوج کے ترجمان نے اُسے میڈیا کے سامنے پیش کیا تو بھارتی حکام نے گرفتاری کی مذمت کرتے ہوئے اُس کی واپسی کا مطالبہ کردیا۔