سری نگر: کشمیر میں بھارتی جارحیت کا سلسلہ جاری ہے، رہنماؤں کو نظر بند کرنے کے بعد اب کشمیری خاتون حریت رہنما آسیہ اندرابی کو گرفتار کرلیا گیا۔
بھارتی میڈیا نے گرفتاری کی تصدیق کرتے ہوئے کہا ہے کہ کشمیر میں گرفتاریاں جاری ہیں جس کے تحت کشمیری رہنماؤں کو نظر بند کرنے اور گرفتار کرنے کا سلسلہ جاری ہے ، کچھ گھنٹوں قبل کشمیری خاتون رہنما آسیہ اندرابی کو گرفتار کرلیا گیا ہے۔
قبل ازیں بھی 18 ستمبر کو بھارتی فوجیوں نے آسیہ اندرابی کو اپنی رہائش گاہ پر پرچم لہرانے کے جرم میں گرفتار کرلیا تھا۔
نئی دہلی: پاکستان میں سرجیکل اسٹرائیک کا دعوٰی بھارتی سرکار کے گلے پڑگیا، بھارت کے اندر سے ہی سرجیکل اسٹرائیک کے ثبوت مانگنے کی آوازیں بلند ہو گئیں, اپوزیشن جماعتوں نے اسٹرائیکس کو جعلی قراردے کرثبوت مانگ لیے۔
تفصیلات کے مطابق پاکستان میں گھس کر کارروائی کرنے کا بھارتی دعوٰی مودی سرکار کے گلے کی ہڈی بن گیا،جھوٹا دعویٰ بھارت میں بھی متنازعہ بن گیا، اپوزیشن جماعتوں نے مودی سرکار کو آڑے ہاتھوں لینا شروع کردیا۔
نئی دہلی کے وزیراعلیٰ اروند کجریوال کی جانب سے سرجیکل اسٹرائیک کے ثبوت مانگنے کے بعد اب کانگریسی رہنما سنجے نروپم نے دعوے کو جعلی قراردیتے ہوئے سرجیکل اسٹرائیک کے ثبوت مانگ لیے، ان کا کہنا تھا کہ کارروائی جعلی ہونے کا شبہ ہے۔
بھارت کے سابق وزیر داخلہ چدم برم نے سرجیکل اسٹرائیک پر سوال اٹھاتے ہوئے کہا کہ مودی سرکار غیر ضروری واویلا کر رہی ہے، حکومت قوم کو سرجیکل اسٹرائیک کے چکر میں نہ پھنسائے، اس کے ثبوت بھی دکھائے۔
اسلام آباد: اقوام متحدہ کے انسانی حقوق کے کمیشن نے مقبوضہ کشمیر پر پاکستانی مؤقف کی حمایت کرتے ہوئے پاکستان اور بھارت کو مذاکرات کے ذریعہ اپنے مسائل حل کرنے پر زور دیا ہے۔
ترجمان دفتر خارجہ نفیس زکریا کی جانب سے سوشل میڈیا پر جاری کیے گئے بیان میں کہا گیا ہے کہ اقوام متحدہ کے انسانی حقوق کے کمیشن نے مقبوضہ جموں و کشمیر پر پاکستانی مؤقف کی حمایت کی ہے۔
UNHR Commissioner’s Spokesman’s statement on IoK vindicates Pakistan’s stance; says he’s ‘seriously concerned’ abt #HRViolationsinIoK
— SpokespersonMOFA (@ForeignOfficePk) October 4, 2016
He urges India & Pakistan to engage in dialogue/de-escalate rising tensions; calls 4 independent inquiry in2 IoK 2 determine HRViolations
— SpokespersonMOFA (@ForeignOfficePk) October 4, 2016
ترجمان کمیشن کے مطابق انسانی حقوق کے کمشنر نے مقبوضہ کشمیر میں جاری انسانی حقوق کی سنگین خلاف ورزیوں پر شدید تحفظات کا اظہار کیا ہے۔
کمیشن برائے انسانی حقوق نے حالیہ پاک بھارت کشیدگی کم کرنے کے لیے دونوں ممالک کو مذاکرات کرنے پر بھی زور دیا۔ ترجمان نے یہ بھی مطالبہ کیا کہ کشمیر میں جاری انسانی حقوق کی خلاف ورزیوں کی آزادانہ تحقیقات کی جائیں۔
واضح رہے کہ اس سے قبل امریکہ میں پاکستانی سفیر جلیل عباس جیلانی نے واشنگٹن میں پاکستان اور افغانستان کے لیے خصوصی امریکی نمائندے رچرڈ اولسن سے ملاقات کی اور انہیں مقبوضہ کشمیر میں بھارتی بربریت کے ثبوت دیے۔
پاکستانی سفیرجلیل عباس جیلانی کا اس موقع پر کہنا تھا کہ مقبوضہ کشمیر میں ریاستی دہشت گردی بند کروانے کے لیے امریکہ سلامتی کونسل کے مستقل رکن ہونے کی حیثیت سے دباؤ ڈالے۔
انہوں نے امریکہ سمیت عالمی برادری پر مقبوضہ کشمیر میں مظالم کا نوٹس لینے پر زور بھی دیا۔ پاکستانی سفیر کا کہنا تھا کہ عالمی برادری کشمیریوں کو ان کا حق خود ارادیت دلوائے اور انسانی حقوق کی تنظیموں کو مقبوضہ وادی کے دورے کے اجازت بھی دلوائی جائے۔
کشمیریوں سے زیادہ عدم تشدد کا علمبردار کوئی نہیں، مشال ملک *
دوسری جانب مقبوضہ کشمیر میں بھارتی مظالم کے خلاف مکمل ہڑتال جاری ہے۔ حریت کانفرنس کی اپیل پر وادی میں 6 اکتوبر تک ہڑتال اور احتجاج کیا جائے گا۔ بھارت مخالف مظاہرے روکنے کے لیے قابض بھارتی فوج نے وادی میں سیکیورٹی سخت کر رکھی ہے جبکہ کرفیو اور کشیدگی کو 88 روز گزر چکے ہیں۔
ممبئی : بھارتی اداکار اوم پوری کو پاکستان کے حق میں بولنا مہنگا پڑگیا، بھارتی انتہا پسندوں نے اوم پوری کیٖخلاف ممبئی میں مقدمہ درج کرادیا گیا ہے۔
بھارتی اداکار اوم پوری کا پاکستانی اداکاروں کے حق میں بولنا انتہا پسندوں سے برداشت نہ ہوا، بھارتی انتہا پسندوں نے اوم پوری کیٖخلاف ممبئی میں مقدمہ درج کرادیا۔
اوم پوری نے بھارتی پروگرام میں پاکستانی اداکاروں کے ساتھ کام کرنے کا اعلان کیا اور کہا کہ پاکستانی اداکار غیر قانونی نہیں بلکہ انڈین ویزا لے کر آتے ہیں، لوگ چاہتے ہیں کہ ہندوستان اور پاکستان اسرائیل اور فلسطین بن جائیں اور صدیوں لڑتے رہیں ۔
انہوں نے کہا کہ بھارت میں کروڑوں مسلمان بستے ہیں۔ کئی بھارتیوں کے رشتہ دار سرحد کے دوسری طرف رہتے ہیں۔ آپ کیسے ان کو مجبور کرسکتے ہیں کہ وہ سرحد کے دوسری طرف رہنے والے اپنے ہی خاندان کے خلاف لڑیں‘ہندوستان میں بائیس کروڑ مسلمان رہتے ہیں۔
انتہا پسندوں کی جانب سے اوم پوری کیخلاف ایف آئی آر ممبئی اند ھیری ایسٹ میں درج کرائی گئی۔
اس سے پہلے سلمان خان نے بھی پاکستانی اداکاروں کی بھارت میں پابندی کی مذمت کی تھی، ہندو انتہا پسند تنظیم شیو سینا نے سلمان خان کو پاکستانی فنکاروں کی حمایت میں بیان دینے پر سبق سکھانے کی دھمکی دیتے ہوئے کہا ہے کہ سلمان خان کو پاکستانی فنکاروں سے محبت ہے تو وہ پاکستان چلے جائیں۔
واضح رہے کہ انتہا پسند تنظیم ایم این ایس نے پاکستانی فنکاروں کو بھارت چھوڑنے کا الٹی میٹم دے دیا اور کہا کہ پاکستانی فنکار اڑتالیس گھنٹے میں بھارت چھوڑ دیں، ورنہ نتائج کے خود ذمہ دار ہونگے۔
نئی دہلی: بالی ووڈ اداکار سلمان خان کے بعد اوم پوری بھی پاکستانی فنکاروں کی حمایت کرنے پر ہندو انتہا پسندوں کے نشانے پر آگئے۔ ایک ٹی وی پروگرام کے دوران پاکستانی فنکاروں پر پابندی کے خلاف آواز اٹھانے پر پروگرام کے میزبان سمیت دیگر مہمان اوم پوری پر چڑھ دوڑے۔
معروف بالی ووڈ اداکار اوم پوری نے ایک بھارتی ٹیلی ویژن پروگرام میں شرکت کی جہاں ان کا کہنا تھا کہ جنگ کسی مسئلے کا حل نہیں۔ انہوں نے پاکستانی فنکاروں پر پابندی کے فیصلے کو بھی تنقید کا نشانہ بنایا۔
ان کی سچائی پر مبنی گفتگو پروگرام کے میزبان سمیت دیگر مہمانوں کو ایک آنکھ نہ بھائی اور انہوں نے زور زور سے بولتے ہوئے اوم پوری کو برا بھلا کہنا شروع کردیا۔
شیو سینا کا سلمان خان کو پاکستان چلے جانے کا مشورہ *
اوم پوری کا کہنا تھا، ’کیا آپ چاہتے ہیں کہ پاکستان اور بھارت اسرائیل اور فلسطین بن جائیں جو صدیوں تک ایک دوسرے لڑتے رہیں‘؟
انہوں نے کہا، ’بھارت میں کروڑوں مسلمان بستے ہیں۔ کئی بھارتیوں کے رشتہ دار سرحد کے دوسری طرف رہتے ہیں۔ آپ کیسے ان کو مجبور کرسکتے ہیں کہ وہ سرحد کے دوسری طرف رہنے والے اپنے ہی خاندان کے خلاف لڑیں‘؟
تاہم دیگر مہمانوں نے بار بار ان کی بات کاٹی اور انہیں پاکستان کا حمایتی قرار دیا۔ ایک مہمان نے کہا، ’صرف اس لیے کہ آپ کو سلمان خان کی فلم میں کام ملے اور آپ پیسہ کمائیں، آپ اس سلمان خان کی حمایت کر رہے ہیں جو ہمارے دشمنوں کے لیے بولتا ہے‘۔
پروگرام کے میزبان سمیت مہمانوں نے اوم پوری سے شدید بحث کرتے ہوئے کہا کہ ایک فواد خان جیسے اداکار کے لیے آپ اپنی فوج کو بے عزت کر رہے ہیں۔
‘عدنان سمیع نہ گھر کے رہے نہ گھاٹ کے’ *
اوم پوری کی برداشت جواب دے گئی تو وہ پروگرام ادھورا چھوڑ کر چلے گئے اور جانے سے قبل انہوں نے کہا، ’ٹھیک ہے آپ دس 15 بھارتیوں کے جسم پر بم باندھ کر انہیں پاکستان بھیج دیں تاکہ وہ وہاں توڑ پھوڑ کر کے آجائیں، بات ختم‘۔
#HTP Live में @OmRajeshPuri सैनिकों का अपमान किया। साथ ही कहा कि 15-20 लोगों को पाक भेजकर धमाके कराओ। #शहादत_का_अपमान pic.twitter.com/n7TqegievJ
— IBN 7 (@ibnkhabar) October 3, 2016
واضح رہے کہ بالی ووڈ کے کئی اداکار اس کشیدہ صورتحال میں بھی پاکستانی اداکاروں پر پابندی کے خلاف اپنی آواز اٹھا رہے ہیں اور اس بات کے حامی ہیں کہ دونوں ممالک آپس میں امن سے رہیں۔
واشنگٹن: امریکانے پاکستان اور بھارت سے کشیدگی کم کرنے کی درخواست کردی اور کہا ہے کہ دونوں ممالک کی قیادت اور افواج سے رابطے میں ہیں، دونوں ممالک تحمل کا مظاہرہ کریں۔
امریکی محکمہ خارجہ کی ترجمان ایلزبتھ ٹروڈ نے پریس بریفنگ دیتے ہوئے کہا کہ پاکستان اور بھارت کی افواج اور قیادت سے رابطے میں ہیں اور دونوں سے خطے کے استحکام پر بات چیت ہورہی ہے، امریکا کی کوشش ہے کہ پاکستان اور بھارت کے درمیان موجود کشیدگی فوری طور پر ختم ہوجائے، کشیدگی ختم کرانے کے لیے پاک بھارت رابطے ضروری ہیں دونوں ممالک سے درخواست ہے کہ تحمل کا مظاہرہ کریں۔
ایک سوال پر انہوں نے کہا کہ کشمیر سے متعلق امریکا کی پالیسی میں کوئی تبدیلی نہیں آئی۔
ایک اور سوال پر انہوں نے کہا کہ گلبدین حکمت یار اور افغان حکومت کے درمیان ہونے والا معاہدہ خوش آئند ہے تاہم حکمت یار کا نام دہشت گردوں کی فہرست سے نکالنے کا فیصلہ نہیں ہوا۔
انہوں نے کہاکہ بھارت کے سرجیکل اسٹرائیک کے دعوے سے متعلق بات نہیں کروں گی۔
کراچی: پاکستانی فلم انڈسٹری کے معروف اداکار شان نے بھارت کی پاکستان کے خلاف دھمکی اور بیان بازی پر پاکستانی فنکاروں کی جانب سے خاموشی کو شرم ناک قرار دے دیا۔
سماجی رابطے کی ویب سائٹ فیس بک پر اداکار اور ہدایت شان کا کہنا تھا کہ ایک ایسے وقت میں جب بھارتی اداکار، فنکار اور عوام بھارتی فوج کے حق میں بول رہے ہیں اور اپنی فوج کا مورال بلند کر رہے ہیں، ایسے میں پاکستانی فن کاروں کی خاموشی شرم ناک ہے۔
اداکار شان شاہد نے کہا ہے کہ پاک بھارت کشیدگی کے ماحول میں پاک افواج کو عوام کی جانب سے حوصلے کی ضرورت ہے، ہمیں اپنی فوج کو ہر موقع پر سپورٹ کرنا چاہیئے، تاہم شوبز شخصیات کی خاموشی شرم ناک اقدام ہے۔
ان کا کہنا تھا کہ افسوس ناک کی بات یہ ہے کہ کچھ فنکاروں کے لیے ان کی بھارت نواز فلم، شہرت اور پیسہ ملکی مفاد اور پیار سے زیادہ ہے، جس کے لیے وہ بھارتی دشمنی مول نہیں لے سکتے، اداکار شان نے پاک افواج کے شہید اور زخمی ہونے والے فوجیوں کو زبردست خراج تحسین بھی پیش کیا۔
قبل ازیں بھی اداکار شان نے اداکارہ ماورا حسین کو تنقید کا نشانہ بناتے ہوئے ان کی ٹوئٹس کی ایک تصویر اپنے فیس بک پر شیئر کی تھی جس میں وہ بھارت کی پاکستان مخالف فلم ’فینٹم‘ کی تعریف کرتی نظر آرہی ہیں جس کے جواب میں اداکارہ کا کہنا تھا کہ مجھے شان سے حب الوطنی کے سرٹیفکیٹ کی ضرورت نہیں۔
یاد رہے کہ جہاں بالی ووڈ اسٹار شاہ رخ خان، اکشے کمار اور دیگر اداکار اپنی حکومت اور فوج کے دفاع پر میدان میں آگئے ہیں، وہی پاکستانی فنکاروں کی خاموشی پر مختلف سماجی طبقوں کی جانب سے شدید تنقید جاری ہے۔
ممبئی: ہندو انتہا پسند تنظیم شیو سینا نے سلمان خان کو پاکستانی فنکاروں کی حمایت میں بیان دینے پر سبق سکھانے کی دھمکی دیتے ہوئے کہا ہے کہ سلمان خان کو پاکستانی فنکاروں سے محبت ہے تو وہ پاکستان چلے جائیں۔
Shiv Sena criticizes Salman Khan over pro… by arynews
سلمان خان نے بھارتیوں کو آئینہ دکھایا تو بھارتی انتہا پسند برا مان گئے۔ سلمان خان کی جانب سے پاکستانی فنکاروں کی حمایت پر انتہا پسند تنظیم شیوسینا نے انہیں کھلے عام دھمکیاں دینی شروع کردیں اور انہیں سبق سکھانے کا عندیہ دیا۔
Salman Khan needs to be taught a lesson, if he has so much love for Pakistani artists, he should migrate to Pak: Manisha Kayande,Shiv Sena pic.twitter.com/7FxRYYiANf
— ANI (@ANI_news) October 1, 2016
شیو سینا کی رہنما منیشا کایاندے کا کہنا تھا کہ سلمان خان کو پاکستانی فنکاروں سے اتنی ہی محبت ہے تو وہ پاکستان چلے جائیں۔
واضح رہے کہ ایک روز قبل سلمان خان نے پاکستانی اداکاروں پر بھارت میں کام کرنے کی پابندی کی مخالفت کی تھی۔ سلمان خان کا کہنا تھا کہ اداکار دہشت گرد نہیں ہوتے۔ ان کے بیان کے فوری بعد شیو سینا نے سخت ردعمل ظاہر کرتے ہوئے انہیں سنگین نتائج کی دھمکیاں دیں تھی۔
ایک اور ہندو انتہا پسند تنظیم ایم این ایس کے سربراہ راج ٹھاکرے بھی سلمان خان کی فلموں پر پابندی لگانے کی دھمکی دے چکے ہیں۔ وہ واضح طور پر کہہ چکے ہیں کہ جن فلموں میں پاکستانی اداکار شامل ہیں وہ ان کی نمائش اس وقت تک نہیں ہونے دیں گے جب تک ان پر عکس بند کیا گیا حصہ فلم سے خارج نہیں کردیا جاتا۔
تاہم سلمان خان نے راج ٹھاکرے کو فون کر کے درخواست کی تھی کہ پاکستانی اداکار فواد خان اور ماہرہ خان سمیت دیگر پاکستانی اداکاروں کی فلمیں ریلیز کرنے کی اجازت دی جائے۔
حالیہ پاک بھارت کشیدگی کے تناظر میں دو روز قبل بھارتی فلم پروڈیوسرز ایسوسی ایشن نے پاکستانی فنکاروں اور پاکستانی پروڈکشن اسٹاف پر بھارت میں کام کرنے پر پابندی عائد کردی تھی۔ ایسوسی ایشن نے حالات ٹھیک ہونے تک پاکستانی فنکاروں کو کام نہ دینے کا اعلان کیا تھا۔
دوسری جانب مختلف بالی ووڈ اداکاروں نے بھی اس معاملہ پر مختلف تاثرات کا اظہار کیا۔ اکثریت نے پاک بھارت جنگ کی حمایت کرتے ہوئے پاکستانی فنکاروں پر پابندی کے اقدام کو درست قرار دیا۔
لاہور: پاک بھارت کشیدگی کے باعث پاکستان سے دہلی جانے والی واحد ٹرین سمجھوتہ ایکسپریس سروس پڑوسی ملک کی درخواست پر ایک روز کے لیے بند کرنے کے اعلان کے بعد بھارت کی سروس بحال رکھنے کی اپیل پر ٹرین معمول کے مطابق چلانے کا اعلان کردیا گیا۔
ذرائع کے مطابق پاک بھارت کشیدگی کی صورتحال کے پیش نظر انڈیا کی درخواست پر پاکستان کے علاقے لاہور سے بھارت جانے والی خصوصی ٹرین سمجھوتہ ایکسپریس سروس ایک روز کے لیے بند کردی گئی تھی تاہم بھارت نے سروس دوبارہ بحال رکھنے کی درخواست کردی۔
سی ای او ریلوے جاوید انور نے بھارتی دخواست پر فیصلہ کرتے ہوئے پیر کے روز سمجھوتہ ایکسپریس سروس بند رکھنے کا اعلان کیا تھا، بعد ازاں بھارت نے 1 گھنٹے کے اندر بندش کا فیصلہ واپس لیتے ہوئے پاکستان سے سروس بحال رکھنے کی درخواست کی۔
چیف ایگزیکٹو آفیسر ریلوے نے بھارت کی سروس بحال رکھنے کی درخواست کی تصدیق کرتے ہوئے سمجھوتہ ایکسپریس شیڈول کے مطابق چلائے جانے کا اعلان کرتے ہوئے کہا کہ ’’پیر کے روز سروس بحال رہے گی اور خصوصی ٹرین پاکستان کے علاقے لاہور سے بھارتی علاقے امرتسر روانہ ہوگی‘‘۔
یاد رہے پاکستان سے بھارت آنے جانے کے لیے خصوصی ٹرین سمجھوتہ ایکسپریس چلائی جاتی ہے جو لاہور کے راستے بھارت میں داخل ہوتے ہوئے اٹاری اسٹیشن پہنچتی ہے، وہاں پہنچنے کے بعد مسافروں کی امیگریشن کا عمل اور سامان کی جانچ پڑتال کی جاتی ہے بعد ازاں ٹرین بھارت کے دارالحکومت روانہ ہو جاتی ہے۔
سمجھوتہ ایکسپریس کے ذریعے بھارت سے پاکستان آنے والے مسافروں کی امیگریشن اٹاری کے مقام پر ہوتی ہے تاہم پاکستانی حدود میں داخل ہونے کے بعد واہگہ بارڈر کے قریب تفتیش کے بعد مسافروں کو پاکستان کی حدود میں داخل ہونے کی اجازت دی جاتی ہے۔
کراچی: پاکستان میں تعینات نئے بھارتی ڈپٹی ہائی کمشنر جے پی سنگھ نے کہا ہے کہ پاک بھارت کشیدگی پر فکرات لاحق ہیں، باہمی اتفاق سے بات چیت ہی کشیدگی کم کرنے کا واحد راستہ ہے۔
پاکستان میں تعینات نئے بھارتی ڈپٹی ہائی کمشنر جے پی سنگھ کراچی چیمبر کے دورے کے موقع پر اجلاس سے خطاب کرتے ہوئے کہا ہے کہ بھارت پاکستان کے ساتھ پُرامن اوردوستانہ تعلقات استوار کرنے کا خواہش مند ہے جبکہ دہشت گردی کے سائے میں پُرامن مذاکرات ممکن نہیں۔
بھارتی ڈپٹی ہائی کمشنر نے کہا کہ ہم موناباوٴ کھوکھرا پار سرحد تجارت کے لیے کھولنا چاہتے ہیں۔
سابق صدر کراچی چیمبرانجم نثار نے کہا کہ پاکستان اور بھارت کوآئندہ10برسوں میں دوطرفہ تجارت 50سے100ارب ڈالر کی سطح پر لانا ہو گا۔
کراچی چیمبرکے صدر افتخار احمد وہرہ نے کہا کہ سرحد کے دونوں اطراف جنگ پورے خطے کے لیے تباہ کن ثابت ہوگی، جو دونوں ملکوں کی معیشت کے لیے نقصان کاباعث ہوں گے۔