Tag: Pakistan Air Force

27 فروری کا دن ، پاک فضائیہ کا کراچی والوں کے لئے بڑا اعلان

کراچی : پاک فضائیہ کی جانب سے 27 فروری کو کراچی سی ویو پر ایئر شو منعقد کیا جائے گا، ایئرشو میں جےایف 17تھنڈر اور ایف 16طیارے شاندار فضائی کرتب دکھائیں گے۔

تفصیلات کے مطابق پاک فضائیہ کے ترجمان نے اپنے بیان میں کہا ہے کہ 27 فروری کا دن پاک فضائیہ اور پاکستان کیلئے درخشاں باب کی مانند ہے ، اس دن پاک فضائیہ کے شاہینوں نے دشمن کے دو طیاروں کو تباہ کیا۔

ترجمان کا کہنا تھا کہ اس دن کو شایان شان طریقےسے منانے کیلئے سی ویو کراچی پر شاندار ایئر شو منعقدکیاجارہاہے، ایئرشو میں جےایف 17تھنڈر اور ایف 16طیارے شاندار فضائی کرتب دکھائیں گے جبکہ پاک فضائیہ کی ایئروبیٹکس ٹیم شیردل بھی لہو گرمانے والے کرتب دکھائے گی۔

اس سے قبل پاک فضائیہ کی ساحل پر 27 فروری کے حوالےسے فل ڈریس ریہرسل ہوئی ، جس میں پاکستانی لڑاکا طیاروں کی گھن گرج سے فضاگونج اٹھی۔

ریہرسل میں جے ایف 17تھنڈر،ایف 16طیارےاورہیلی کاپٹر نے حصہ لیا جبکہ پاکستان ایئر فورس کے شیردل اسکواڈرن نےپیشہ ورانہ تربیت کاشاندار مظاہرہ کیا۔

گذشتہ روز پاک فضائیہ کے شعبہ تعلقات عامہ نے 27 فروری کی مناسبت سے نغمہ جاری کیا تھا ، گلوکار شجاع حیدر نے اپنے تخلیق کردہ نغمے اللہ اکبر میں اپنی آواز کا جادو جگایا ہے۔

مزید پڑھیں : پاک فضائیہ کا 27 فروری کی مناسبت سے نیا نغمہ جاری، ویڈیو دیکھیں

یاد رہے 27فروری کو آپریشن سوئفٹ ریٹارٹ کے نام سے ہمیشہ یاد رکھا جائے گا ، یہ وہ دن ہے جب پاکستان نے بھارت کی نام نہاد بالاکوٹ سٹرائیک کے جواب میں اپنی مرضی کی جگہ اور وقت پر بھارت کو جواب دیا تھا۔

آپریشن سوئفٹ ریٹارٹ کا آغاز لائن آف کنٹرول کے پار 6 بھارتی فوجی ٹارگٹس کا نشانہ بنانے سے شروع ہوا ، جس پر بھارت کی طرف سے مگ 21، ایس یو 30اور میراج 2000 بھجوائے گئے ، جن میں سے 2طیارے پاک فضائیہ کے شاہینوں کا شکار بنے ، بھارتی مگ 21طیارے کا ملبہ پاکستانی علاقے میں گرا اور اس کا پائلٹ ابھی نندن گرفتار ہوا، جبکہ بھارتی ایس یو 30طیارہ مقبوضہ کشمیر میں گر کر تباہ ہوا ، جس میں اس کا پائلٹ بھی مارا گیا۔

بھارت نے اس شکست کو چھپانے کیلئے پاک فضائیہ کا ایف 16طیارہ مار گرانے کا دعوی کیا ، جو وہ آج بھی ثابت نہیں کرسکا ، جبکہ امریکہ حکام بھی اس دعوے کی نفی کرچکے ہیں۔

آپریشن سوئفٹ ریٹارٹ کے ایک سال مکمل ہونے پر پاکستان نے ابھی نندن کے طیارے کے چاروں میزائل اور ایجکٹ سیٹ دنیا کے سامنے پیش کردیئے ہیں ، طیارے کے میزائل آر73 آرچراورآر77ایڈر کے دو میزائل مکمل اوردرست حالت میں جبکہ 2میزائل طیارہ جلنے کے باعث جزوی حالت میں ملے۔

میزائل ماہرین بھی ان میزائلز کا تجزیہ کرکے ثابت کرچکے ہیں کہ مگ 21 کے چاروں میزائل میں سے کوئی بھی فائر نہیں ہوسکا ، ماہرین کی اس رپورٹ کی روشنی میں ابھی نندن کا پاکستانی طیارہ گرانے کا دعوی جھوٹ ثابت ہوتا ہے ۔

پاکستانی عسکری حکام نے سرپرائز ڈے کے حوالے سے ایک بار پھر اس عزم کا اعادہ کیا ہے کہ پاکستان امن پسند ریاست ہے تاہم جب بھی جارحیت مسلط کی گئی تو دشمن کو جواب میں سرپرائز ہی ملے گا۔

فروری 25, 2020
پاک فضائیہ کے 14 افسران کے اگلے عہدوں میں ترقی

اسلام آباد :پاک فضائیہ کے ایک ائیر آفیسر کو ائیر مارشل اور تیرہ افسران کو ائیر وائس مارشل کے عہدوں پر ترقی دے دی، جن میں ئیر مارشل محمد زاہد محمود، ائیر وائس مارشل امتیاز ستار،ائیر وائس مارشل محمد قیصر جنجوعہ سمیت دیگر شامل ہیں۔

تفصیلات کے مطابق حکومت پاکستان نے پاک فضائیہ کے ایک ائیر آفیسر کو ائیر مارشل اور تیرہ افسران کو ائیر وائس مارشل کے عہدوں پر ترقی دے دی۔

ترجمان پاک فضائیہ کے مطابق ترقی پانے والوں میں ائیر مارشل محمد زاہد محمود، ائیر وائس مارشل امتیاز ستار،ائیر وائس مارشل محمد قیصر جنجوعہ،ائیر وائس مارشل سید عمران ماجد علی،ائیر وائس مارشل عبدالمعید خان،ائیر وائس مارشل طارق ضیاء، ائیر وائس مارشل ندیم اختر خان شامل ہیں۔

ترجمان کا کہنا ہے کہ ائیر وائس مارشل غلام عباس گھمن، ائیر وائس مارشل راجہ فہیم شہزاد کیانی، ائیر وائس مارشل عامر حبیب اللہ میکن، ائیر وائس مارشل محمد انیس لطیف، ائیر وائس مارشل محمد شمس الحق ججا، ائیر وائس مارشل سلمان محبوب اور ائیر وائس مارشل سید صباحت حسن شاہ بھی ترقی پانے والوں میں شامل ہیں۔

ائیر مارشل محمد زاہد محمود

ائیر مارشل محمد زاہد محمود نے پاکستان ائیر فورس کی جی ڈی پی برانچ میں اپریل1987 ء میں کمیشن حاصل کیا، اپنے کیرئیر کے دوران انہوں نے کمبیٹ کمانڈرز اسکول اور ایک آپریشنل ائیر بیس کی قیادت کی۔

محمد زاہد محمود اسسٹنٹ چیف آف ایئر اسٹاف(پرسنیل) اور ڈائریکٹر جنرل سی فور آئی اور ڈپٹی چیف آف ایئر اسٹاف(پرسنیل) کے طور پر بھی خدمات سر انجا م دے چکے ہیں، انھیں پاک فضائیہ میں شاندار خدمات پر ستارہ امتیاز (ملٹری)سے نوازا گیا۔

ائیروائس مارشل امتیاز ستار

ائیروائس مارشل امتیاز ستار نے پاکستان ائیر فورس کی جی ڈی پی برانچ میں دسمبر1988 ء میں کمیشن حاصل کیا، اپنے کیرئیر کے دوران انہوں نے ایک فائٹر اسکواڈرن ، ایک فلائنگ ونگ اور دو ائیر بیس کی قیادت کی اور ڈپٹی ڈائر یکٹر جنرل ائیر انٹیلیجنس کے طور پر بھی خدمات سر انجا م دے چکے ہیں، انھیں پاک فضائیہ میں شاندار خدمات پر ستارۂ امتیاز (ملٹری)سے نوازا گیا۔

ائیروائس مارشل محمد قیصر جنجوعہ

ائیروائس مارشل محمد قیصر جنجوعہ نے پاکستان ائیر فورس کی جی ڈی پی برانچ میں دسمبر1988 ء میں کمیشن حاصل کیا۔ اپنے کیرئیر کے دوران انہوں نے ایک فائٹر اسکواڈرن، ایک فلائنگ ونگ اور ایک آپریشنل ائیر بیس کی قیادت کی۔

محمد قیصر جنجوعہ ڈپٹی ڈائر یکٹر جنرل ائیر انٹیلیجنس کے طور پر بھی خدمات سر انجا م دے چکے ہیں، انھیں پاک فضائیہ میں شاندار خدمات پر ستارہ امتیاز (ملٹری) سے نوازا گیا۔

ائیر وائس مارشل سید عمران ماجد علی

ائیر وائس مارشل سید عمران ماجد علی نے پاکستان ائیر فورس کی جی ڈی پی برانچ میں جون1989 ء میں کمیشن حاصل کیا۔ اپنے کیرئیر کے دوران انہوں نے ایک فائٹر اسکواڈرن، ایک فلائنگ ونگ اور دو ائیر بیس کی قیادت کی۔ انھیں پاک فضائیہ میں شاندار خدمات پر ستارہ امتیاز (ملٹری)سے نوازا گیا۔

ائیر وائس مارشل عبدالمعید خان

ائیر وائس مارشل عبدالمعید خان نے پاکستان ائیر فورس کی جی ڈی پی برانچ میں دسمبر1989 ء میں کمیشن حاصل کیا۔ اپنے کیرئیر کے دوران انہوں نے ملٹری ٹریننگ ونگ پی اے ایف اکیڈمی اصغر خان اورکمبیٹ کمانڈرز اسکول کی قیادت کی، کمانڈنٹ کالج آف فلائنگ ٹریننگ ونگ اور اسسٹنٹ چیف آف ایئر اسٹاف(پلانز) بھی تعینات رہے، انھیں پاک فضائیہ میں شاندار خدمات پر ستارہ امتیاز (ملٹری) سے نوازا گیا۔

ائیر وائس مارشل طارق ضیاء

ائیر وائس مارشل طارق ضیاء نے پاکستان ائیر فورس کی جی ڈی پی برانچ میں جون1990 ء میں کمیشن حاصل کیا۔ اپنے کیرئیر کے دوران انہوں نے ایک فائٹراسکواڈرن، ایک فلائنگ ونگ اور ایک ائیر بیس کی قیادت کی۔ انھیں پاک فضائیہ میں شاندار خدمات پر ستارہ امتیاز (ملٹری) سے نوازا گیا۔

ائیر وائس مارشل ندیم اختر خان نے پاکستان ائیر فورس کی جی ڈی پی برانچ میں جون1990 ء میں کمیشن حاصل کیا،اپنے کیرئیر کے دوران انہوں نے ایک فائٹر اسکو اڈرن،کمبیٹ کمانڈرز اسکول اور ایک ائیر بیس کی قیادت کی، انھیں پاک فضائیہ میں شاندار خدمات پر ستارہ امتیاز (ملٹری)سے نوازا گیا۔

ائیر وائس مارشل غلام عباس گھمن

ائیر وائس مارشل غلام عباس گھمن نے پاکستان ائیر فورس کی جی ڈی پی برانچ میں جون1990 ء میں کمیشن حاصل کیا۔ اپنے کیرئیر کے دوران انہوں نے ایک فائٹرا سکواڈرن،ایک فلائنگ ونگ اور ایک ائیر بیس کی قیادت کی۔ انھیں پاک فضائیہ میں شاندار خدمات پر ستارہ امتیاز (ملٹری) اور تمغہ بصالت سے نوازا گیا۔

ائیر وائس مارشل راجہ فہیم شہزاد کیانی

ائیر وائس مارشل راجہ فہیم شہزاد کیانی نے پاکستان ائیر فورس کی انجینرنگ برانچ میں دسمبر1988 ء میں کمیشن حاصل کیا۔ اپنے کیرئیر کے دوران انہوں نے دو انجینرنگ ونگ کی قیادت کی، جبکہ اسسٹنٹ چیف آف ایئر اسٹاف(ٹریننگ) بھی تعینات رہے۔ انھیں پاک فضائیہ میں شاندار خدمات پر ستارہ امتیاز (ملٹری)سے نوازا گیا۔

ائیر وائس مارشل عامر حبیب اللہ میکن

ائیر وائس مارشل عامر حبیب اللہ میکن نے پاکستان ائیر فورس کی انجینرنگ برانچ میں دسمبر1989 ء میں کمیشن حاصل کیا۔ اپنے کیرئیر کے دوران وہ ایک انجینر نگ ونگ کے آفیسر کمانڈنگ کے علاوہ ڈپٹی مینیجنگ ڈائیریکٹر ائیر کرافٹ ریبلڈ فیکٹری اور اسسٹنٹ چیف آف ایئر اسٹاف(ائیرکرافٹ انجینرنگ) بھی تعینات رہے۔ انھیں پاک فضائیہ میں شاندار خدمات پر ستارہ امتیاز (ملٹری)سے نوازا گیا۔

ائیر وائس مارشل محمد انیس لطیف

ائیر وائس مارشل محمد انیس لطیف نے پاکستان ائیر فورس کی انجینرنگ برانچ میں دسمبر1989 ء میں کمیشن حاصل کیا۔ اپنے کیرئیر کے دوران وہ ایک انجینر نگ ونگ کے آفیسر کمانڈنگ کے علاوہ اسسٹنٹ چیف آف ایئرا سٹاف(ویپن انجینرنگ) بھی تعینات رہے۔ انھیں پاک فضائیہ میں شاندار خدمات پر ستارہ امتیاز (ملٹری) سے نوازا گیا۔

ائیر وائس مارشل شمس الحق جج

ائیر وائس مارشل شمس الحق ججا نے پاکستان ائیر فورس کی انجینرنگ برانچ میں دسمبر1989 ء میں کمیشن حاصل کیا۔ اپنے کیرئیر کے دوران وہ ایک انجینر نگ ونگ کے آفیسر کمانڈنگ کے علاوہ ڈپٹی منیجنگ ڈائریکٹر میراج ریبلڈ فیکٹری بھی تعینات رہے، انھیں پاک فضائیہ میں شاندار خدمات پر ستارہ امتیاز (ملٹری)سے نوازا گیا۔

ائیر وائس مارشل سلمان محبوب

ائیر وائس مارشل سلمان محبوب نے پاکستان ائیر فورس کی ائیر ڈیفنس برانچ میں ستمبر1988 ء میں کمیشن حاصل کیا۔ اپنے کیرئیر کے دوران انہوں نے مختلف ائیر ڈیفنس اسکواڈرن اور ایک ائیر بیس کی قیادت کی،اسسٹنٹ چیف آف ایئرا سٹاف(ائیر ڈیفنس) کے طور پر بھی خدمات سر انجا م دے چکے ہیں۔ انھیں پاک فضائیہ میں شاندار خدمات پر ستارہ امتیاز (ملٹری)سے نوازا گیا۔

ائیر وائس مارشل سید صباحت حسن شاہ

ائیر وائس مارشل سید صباحت حسن شاہ نے پاکستان ائیر فورس کی ائیر ڈیفنس برانچ میں ستمبر1988 ء میں کمیشن حاصل کیا۔ اپنے کیرئیر کے دوران انہوں نے دو ائیر ڈیفنس اسکواڈرن اور ایک ائیر بیس کی قیادت کی۔ انھیں پاک فضائیہ میں شاندار خدمات پر ستارہ امتیاز (ملٹری) سے نوازا گیا

جولائی 6, 2019
قوم کو اپنے فضائی پاسبانوں پر فخر ہے، فواد چوہدری

اسلام آباد: وفاقی وزیر اطلاعات فواد چوہدری نے کہا ہے کہ قوم کو اپنے فضائی پاسبانوں پر فخر ہے جنہوں نے دشمن کے مذموم مقاصد کو خاک میں ملایا ۔

تفصیلات کے مطابق وفاقی وزیر اطلاعات نے ائیر ہیڈ کوارٹرز کا دورہ کیا جہاں اُن کی ائیر چیف مارشل مجاہد انور سے ملاقات ہوئی، ملاقات خطے کی سلامتی سمیت مختلف امور پر تبادلہ خیال کیا گیا۔ ائیر چیف مارشل مجاہد انور نے دنیا بھر میں پاکستان کے مثبت تشخص کو اجاگر کرنے پر وزارت اطلاعات اور فواد چوہدری کے کردار کو سراہا۔

وفاقی وزیر اطلاعات فواد چوہدری نے پاک فضائیہ کی پیشہ ورانہ مہارت کی تعریف کرتے ہوئے کہا کہ قوم کو اپنے فضائی پاسبانوں پر فخر ہے۔ اُن کا کہنا تھا کہ حالیہ کشیدگی میں پاک فضائیہ کے پاسبانوں نے دشمن کے مذموم مقاصدکو خاک میں ملایا۔ پاک فضائیہ کے ترجمان نے اس ضمن میں ملاقات کی ویڈیو بھی جاری کی۔

Information Minister Chaudhry Fawad Hussain calls on Air Chief Marshal Mujahid Anwar Khan and lauds professionalism of Pakistan Air Force (#PAF) https://t.co/F5FLCWA2U5 pic.twitter.com/61lDYkBGLb

— Radio Pakistan (@RadioPakistan) April 2, 2019

یاد رہے 27 فروری کو پاکستان نے فضائی حدود کی خلاف ورزی پر بھارت کےدو طیارے مارگرائے تھے اور پائلٹ ابھی نندن کوگرفتارکرلیا تھا، جس کے بعد بھارت نے بھی طیاروں کی تباہی اور پائلٹ لاپتہ ہونے کا اعتراف کیا تھا۔

مزید پڑھیں: پاک فضائیہ کے شاہین حسن محمود کو تمغہ جرات دینے کا مطالبہ

ڈی جی آئی ایس پی آر نے بتایا تھا بھارتی طیارے پاکستانی حدود میں نشانہ بنائے، ایک طیارہ آزاد کشمیر دوسرا مقبوضہ کشمیر کی حدود میں گرایا۔ اس سے قبل 26 اور 25 فروری کی درمیانی شب بھارتی طیاروں نے پاکستانی حدود کی خلاف ورزی کی تھی اور وہ جہاز کا ایونیشن گرا کر فرار ہوگئے تھے۔

اپریل 2, 2019
بالا کوٹ اسکرپٹ: بھارتی وزیر نے لڑکیوں کے اسکول کو مدرسہ بنا دیا، کامیابی کے لیے پرانی تصاویر دکھا دیں

لندن: بالاکوٹ اسٹرائیک کو کامیاب قرار دینے والی بھارتی حکومت اور میڈیا کے جھوٹ کو ایک اور عالمی خبر رساں ادارے نے بے نقاب کردیا جس میں بتایا گیا کہ حکمراں جماعت نے برسوں پرانے لڑکیوں کے اسکول مدرسہ قرار دیا۔

بالا کوٹ کارروائی کے حوالے سے بھارتی حکومت تاحال ناکام ہے جسے اپوزیشن جماعتوں اور صحافیوں کی جانب سے ثبوت مانگنے پر بار بار ہزیمت کا سامنا بھی کرنا پڑ رہا ہے۔

بھارتی فضائیہ کے ائیرچیف مارشل نے پہلے کامیابی کا دعویٰ کیا اور پھر جب اُن سے ثبوت مانگے گئے تو انہوں نے یہ کہہ کر جان چھڑائی کہ ثبوت اور ہلاکتوں کی تعداد فراہم کرنا حکومت کی ذمہ داری ہے۔

بھارتی وزیراعظم نریندر مودی اور وزرا سے بھی صحافیوں اور عوام سے سوالات کیے کہ اگر بالا کوٹ حملہ کامیاب تھا تو اُس کی تصاویر اور ثبوت فراہم کیے جائیں۔

مزید پڑھیں: بالاکوٹ حملہ ،برطانوی نیوزا یجنسی نے بھارتی دعویٰ جھوٹ قرار دے دیا

لوک سبھا کی اپوزیشن جماعتوں نے بھی بالا کوٹ اسٹرائیک کو ناکام قرار دیتے ہوئے کہا ہے کہ بی جے پی جھوٹ کا سہارا لے کر الیکشن میں فتح حاصل کرنا چاہتی ہے، اگر دعویٰ سچا ہے تو ثبوت فراہم کیے جائیں۔

یاد رہے کہ بھارتی حکومت اور فضائیہ نے دعویٰ کیا تھا کہ انہوں نے کارروائی کے دوران جیش محمد کے کیمپ کو نشانہ بنایا جس کے نتیجے میں ڈھائی سو سے 300 افراد مارے گئے۔

بھارتی حکومت ڈھٹائی کے ساتھ اپنی کامیابی کے دعوؤں پر ڈٹی ہوئی تھی تاہم گزشتہ روز برطانوی خبر رساں ادارے رائٹرز نے بھی حقیقت کی قلعی کھول دی۔

مزید پڑھیں: بالاکوٹ اسکرپٹ، مودی سرکار ثبوت دینے میں تاحال ناکام

غیرملکی خبر رساں ادارے کی رپورٹ کے مطابق بالا کوٹ کی سیٹلائٹ تصاویر سے معلوم ہوتا ہے کسی عمارت کو نشانہ ہی نہیں بنایا گیا، چار مارچ کی تصاویر میں بالاکوٹ میں کسی بھی عمارت کی تباہی کے کوئی آثار نظر نہیں اور نہ ہی کسی چھت یا کسی دیوار کو نقصان پہنچا ۔

تاہم اب برطانوی خبر رساں ادارے بی بی سی نے بھارتی وزیر کے دعوے کی تحقیق کی تو اُس میں یہ بات سامنے آئی کہ شندلیہ گریراج سنگھ نے سماجی رابطے کی ویب سائٹ پر جو تصاویر شیئر کیں اور جس مقام کو مدرسہ قرار دیا وہ حقیقت میں لڑکیوں کا برسوں پرانا اسکول ہے۔

تحقیقاتی رپورٹ کے مطابق بھارتی وزیرنےبرسوں پرانی تصاویربالاکوٹ مدرسہ قراردےکرسوشل میڈیاپرشئیرکردیں، مذکورہ تصاویر جبہ میں ممکنہ طورپرلڑکیوں کے اسکول کی ہیں۔

بی بی سی کی تحقیقاتی ٹیم کا کہنا تھا کہ دوسری تصویرمیں جوملبہ دکھایاگیا وہ بھی برسوں پرانا ہے۔ رپورٹ میں بتایا گیا ہے کہ بھارتی وزیرکی شیئرکردہ تصاویرمیں اوربھی بہت سےنقص ہیں لیکن بھارتی سوشل میڈیا صارفین بڑی تعداد میں یہ جعلی تصاویرشئیرکر کے خوش ہورہے ہیں۔

یہ بھی پڑھیں: پاکستان پر حملہ ڈرامہ تھا، پلوامہ حملہ میں مارے جانے والے فوجی کی والدہ کا بیان

واضح رہے کہ 26 اور 25 فروری کی درمیانی شب بھارتی طیاروں نے پاکستانی حدود کی خلاف ورزی کی تھی اور وہ جہاز کا ایمونیشن گرا کر فرار ہوگئے تھے۔

بعد ازاں بھارت کی حکمراں جماعت، فوجی ترجمان اور چیلنز نے بالا کوٹ حملے کو کامیاب قرار دیتے ہوئے دعویٰ کیا تھا کہ فضائیہ کی کارروائی میں 300 سے 350 سے افراد مارے گئے۔جبکہ حقیقت میں فیول ٹینک کے دھماکے سے درخت تباہ ہوئے تھے۔

مارچ 7, 2019
پاک بھارت کشیدگی: دونوں ممالک کو مذاکرات کی میز پر لانے کی کوشش کررہے ہیں، مائیک پومپیو

واشنگٹن: امریکی سیکریٹری خارجہ مائیک پومپیو نے کہا ہے کہ پاک بھارت قیادت کے ساتھ مکمل رابطے میں ہوں، ہماری کوشش ہے پاکستان اور بھارت کو مذاکرات کی میز پر لایاجائے۔

امریکی سیکریٹری خارجہ کا اپنے حالیہ بیان میں کہنا تھا کہ پاک بھارت کی رہنماؤں سے مثبت گفتگو ہوئی، دونوں ممالک کی قیادت سے کشیدگی کم کرنے پر زور دیا۔

اُن کا کہنا تھا کہ امریکی صدر کی ہدایت پر گزشتہ رات بھارت اور پاکستان کی قیادت سے مسلسل رابطے میں ہوں، پاک بھارت حکام خطے میں امن کے لیے سنجیدہ ہیں جس کا انہوں نے اشارہ بھی دیا۔

مزید پڑھیں: پاک بھارت کشیدگی ختم کرانے کے امریکی بیان پرشاہ محمود قریشی کا خیرمقدم

مائیک پومپیو کا کہنا تھا کہ یقین ہےدونوں ممالک موجودہ کشیدگی کو کم کریں گے، امریکا دونوں ملکوں میں تناؤ میں کمی کے لیے مسلسل کوشش کررہا ہے اور ہماری خواہش ہے کہ دونوں کو مذاکرات کی میز پر لایا جائے۔

قبل ازیں امریکی صدر نے جنوبی کوریا کے حکمران کے ہمراہ گفتگو کرتے ہوئے کہا تھا کہ پاکستان اور بھارت کے درمیان کشیدگی کو ختم کرنے کی کوشش کررہے ہیں، امید ہے خطے میں جلد امن قائم ہوگا۔

ٹرمپ کا کہنا تھا کہ پاکستان اور بھارت کے درمیان کئی دہائیوں سے جاری کشیدگی ختم ہونے کی اطلاعات مل رہی ہیں، امریکا پاک بھارت کے درمیان موجودہ صورتحال پر بغور نظر رکھا ہوا ہے جو خبریں مل رہی ہیں اُس سے اندازہ ہوتا ہے کہ کشیدگی جلد ختم ہوجائے گی۔

یہ بھی پڑھیں: پاک بھارت کشیدگی ختم کرنے کے لیے کوشش کررہے ہیں، امریکی صدر

یاد رہے کہ گزشتہ روز پاکستان نے بھارتی جارحیت پر امریکی ردعمل کو ناکافی قرار دیا تھا۔واشنگٹن میں پاکستانی سفیرڈاکٹراسد مجیدخان نے پریس کانفرنس کے دوران کہا تھا کہ پاکستان حکومت امریکی ردعمل کا اندازہ لگا رہی ہے، امریکا کے بھارتی اسٹرائیک کی مذمت نہ کرنے کوحکومت دیکھ رہی ہے۔

پاکستان کے تحفظات پر امریکی محکمہ دفاع (پینٹاگون) نے پاکستان و بھارت کی موجودہ صورت حال پر گہری تشویش کا اظہار کرتے ہوئے کہا تھا کہ دونوں ممالک تحمل کا مظاہرہ کریں اور فوجی کارروائیوں سے گریز کریں۔ یہ بھی کہا گیا تھا کہ پیٹرک شناہن پاک بھارت کشیدگی کم کرنے پر کام کررہے ہیں۔ اس حوالے سے امریکی وزیر دفاع نے اعلیٰ حکام سے تبادلہ خیال کیا ہے۔

اقوام متحدہ کے سیکریٹری جنرل انتونیو گوتریس نے بھی پاک بھارت کشیدگی کی موجودہ صورت حال پر گہری تشویش کا اظہار کیا تھا اور دونوں ملکوں کے درمیان کشیدگی خاتمے کیلئے ثالث کا کردار ادا کرنے کی دوبارہ پیش کش کی ہے۔انہوں نے پاکستانی وزیرخارجہ سے ٹیلی فونک رابطہ بھی کیا تھا ۔

فروری 28, 2019
پاکستان پر حملہ ڈرامہ تھا، پلوامہ حملہ میں مارے جانے والے فوجی کی والدہ کا بیان

نئی دہلی: مقبوضہ کشمیر کے علاقے پلوامہ میں خودکش دھماکے کے نتیجے میں مارے جانے والے بھارتی اہلکار کی والدہ نے پاکستان پر حملے کو ڈرامہ قرار دیتے ہوئے سوالات اٹھا دیے۔

تفصیلات کے مطابق بھارتی حکومت اور میڈیا نے اپنے عوام کے آنکھوں میں دھول جھونکنے کے لیے گزشتہ روز پاکستان پر حملے کی بے بنیاد ، من گھڑت خبریں شائع کیں اور کامیابی کے دعوے کیے۔

بھارتی میڈیا نے دعویٰ کیا کہ بھارت کے پائلٹس نے پاکستانی حدود میں داخل ہوکر مذہبی تنظیم کے کیمپ کو نشانہ بنایا جس کے نتیجے میں تین سو ہلاکتیں ہوئیں۔

مزید پڑھیں: پاکستان کے ساتھ مزید کشیدگی نہیں چاہتے: سشما سوراج

حکومتی دعوؤں پر جب بھارتی عوام نے سوالات اٹھائے تو حکام بوکھلا گئے یہی وجہ ہے کہ وزیردفاع حملے سے مکمل لاعلم اور بھارتی وزیرخارجہ صحافیوں کے سوالات سنے بغیر ہی چلے گئے۔

دوسری جانب بھارتی میڈیا نے مودی سرکار کی شان بڑھانے کے لیے پلوامہ حملے میں ہلاک ہونے والے اہلکار کی والدہ سے رابطہ کیا تو انہوں نے بھی حکومت کو آئنیہ دکھایا اور پاکستان پر حملے کے دعوے کو مسترد کیا۔

میڈیا سے گفتگو کرتے ہوئے پلوامہ حملے میں مارے جانے والے اہلکار کی والدہ کا کہنا تھا کہ اگر بھارت نے پاکستان میں کارروائی کی تو اُس کی تصاویر کہاں ہیں؟ یہ حملہ نہیں محض ڈرامہ تھا۔

یہ بھی پڑھیں: بھارتی وزارتِ خارجہ نے اپنے طیارے کے نقصان کا اعتراف کرلیا

انہوں نے کہا کہ بھارت کی طرف سے پاکستان کے خلاف کوئی کارروائی نہیں کی گئی، یہ سب جھوٹ اس لیے ہے کہ کوئی تصویر ابھی تک سامنے نہیں آئی۔ بھارتی اہلکار کی والدہ نے مودی سرکار سے مطالبہ کیا کہ جیسے ہمارے فوجیوں کی ویڈیو آتی ہیں اُس طرح کارروائی کرکے دکھایا جائے۔

فروری 27, 2019
پاک افواج کسی بھی چیلنج سے نمٹنے کی صلاحیت رکھتی ہے: صدر مملکت

رسالپور: صدر مملکت ڈاکٹر عارف علوی نے پی اے ایف اصغر خان اکیڈمی میں پاسنگ آؤٹ پریڈ سے خطاب کرتے ہوئے کہا کہ پاک افواج کسی بھی چیلنج سے نمٹنے کی صلاحیت رکھتی ہے۔

تفصیلات کے مطابق رسالپور میں پی اے ایف اصغر خان اکیڈمی میں پاسنگ آؤٹ پریڈ ہوئی۔ صدر عارف علوی تقریب کے مہمان خصوصی تھے۔

صدر عارف علوی کی آمد پر سربراہ پاک فضائیہ ایئر چیف مجاہد انور خان نے ان کا استقبال کیا۔

پاسنگ آؤٹ پریڈ سے خطاب کرتے ہوئے صدر مملکت عارف علوی کا کہنا تھا کہ تقریب میں شرکت باعث فخر ہے، تربیت کسی بھی کیڈٹ کی زندگی کا اہم حصہ ہے۔

صدر نے کہا کہ کامیاب ہونے والے کیڈٹس کو مبارک باد دیتا ہوں۔ یاد رکھیں قوم کی امیدوں پر پورا اترنے کے لیے آپ پر ذمہ داری ہے، آپ قائد کی فکر کے مطابق معیاری پاک فضائیہ کا حصہ ہیں۔

انہوں نے کہا کہ پاک افواج کسی بھی چیلنج سے نمٹنے کی صلاحیت رکھتی ہے۔ پاکستان کی طرف کسی بھی قسم کی مہم جوئی کا منہ توڑ جواب دیا جائے گا، ارض پاکستان کی حفاظت پر معمور مسلح افواج کے بیٹے ہر وقت تیار ہیں۔ پاکستان امن کا خواہش مند ہے اور ہمسایوں سے بہتر تعلقات کا خواہاں ہے۔

انہوں نے کہا کہ حکومت مسلح افواج کی ضروریات پورا کرنے کے لیے کوشاں ہے، دہشت گردی کے خلاف جنگ میں پاک فضائیہ نے کلیدی کردار ادا کیا۔ قوم اور افواج کی کوششوں سے دہشت گردوں کو شکست دے چکے ہیں۔

پریڈ میں 140 جی ڈی پائلٹ، 86 انجینئرنگ کیڈٹ، 96 ایئر ڈیفنس اور 21 ایڈمن کورس کے کیڈٹ شامل تھے۔

اکتوبر 18, 2018
لندن رائل شو، پاک فضائیہ کی دوسری پوزیشن

لندن: پاک فضائیہ نے برطانیہ میں منعقد ہونے والے رائل انٹرنیشنل شو میں شاندار کارکردگی کا مظاہرہ کرتے ہوئے دوسری پوزیشن کا اعزاز اپنے نام کرلیا۔

ترجمان پاک فضائیہ کے مطابق برطانیہ میں منعقد ہونے والے 3 روزہ رائل انٹرنیشنل ایئر ٹیٹو شو 2018 میں پاک فضائیہ کے ہرکولیس سی 130 طیارے نے دنیا بھر سے آئے 300 جہازوں میں دوسری پوزیشن اپنے نام کی۔

پاک فضائیہ کے ترجمان کا کہنا ہے کہ لندن میں مستقبل کی فضائیہ کے عنوان سے کانفرنس کا انعقاد کیا گیا جس میں ائیرچیف مارشل نے شرکت کی اور میگا ایونٹ میں شاندار کارکردگی دکھانے پر ٹیم کو مبارک باد بھی دی۔

لندن میں منعقد ہونے والے 3 روزہ رائل انٹرنیشنل شو میں دنیا بھر سے آئے 300 طیاروں نے حصہ لیا جس میں پاکستان ایئر فورس کا سی 130 ہرکولیس سی بھی شامل تھا جس نے دوسری پوزیشن حاصل کی۔

مزید پڑھیں: رائل شو، پاک فضائیہ کا طیارہ برطانیہ پہنچ گیا

ائیرچیف نے پاک فضائیہ کے طیارے کا معائنہ کیا اور عالمی اعزاز جیتنے پر پورے ملک کو مبارک باد دیتے ہوئے کہا کہ ’یہ اعزاز عالمی سطح پر پاکستان کے مثبت پہلو کو اجاگر کرے گا اور شو میں شرکت سے دونوں ممالک کی افواج میں ہم آہنگی پیدا ہوگی’۔

برطانوی دارالحکومت میں ہونے والی کانفرنس میں 60 سے زائد بین الاقوامی فضائیہ کے سربراہان نے شرکت کی۔

واضح رہے کہ پاک فضائیہ کا سی 130 طیارہ رائل ٹیٹو شو کے مختلف مقابلوں میں حصہ لینے کے لیے 12 جولائی کو لندن پہنچا تھا، خوبصورت رنگوں سے پینٹ کیا گیا تھا۔

شہرہ آفاق نمبر6 اسکواڈ رن سے تعلق رکھنے والا یہ طیارہ Concurs D’ Elegance ٹرافی مقابلے کے لئے لندن پہنچا تھا، ائیر شو کے انعقاد کا مقصدرائل ائیر فورس کی صد سالہ خدمات کو خراجِ تحسین پیش کرنا تھا۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

جولائی 15, 2018
پاک فضائیہ کے 3 افسران کی ایئر مارشل کے عہدے پر ترقی

اسلام آباد: حکومت نے پاک فضائیہ کے 3 افسران کو ایئر مارشل کے عہدے پر ترقی دے دی۔

ایئر مارشل سید نعمان علی

تفصیلات کے مطابق حکومت پاکستان نے ایئر وائس مارشل سید نعمان علی، ایئر وائس مارشل ظہیر احمد بابر اور ایئر وائس مارشل جواد سعید کو ایئر مارشل کے عہدے پر ترقی دے دی۔

ایئر مارشل سید نعمان علی نے اپریل 1986 میں پاکستان ایئر فورس کی جی ڈی پی برانچ میں کمیشن حاصل کیا۔

ایئر مارشل سید نعمان علی ایک تربیت یافتہ فلائنگ انسٹرکٹر ہیں۔ اپنے کیریئر کے دوران انہوں نے کمبیٹ کمانڈر اسکول اور آپریشنل ایئر بیس کی کمانڈ کی۔

ایئر مارشل سید نعمان علی ایئر ہیڈ کوارٹرز اسلام آباد میں ڈائریکٹر آپریشنز، پرسنل اسٹاف آفیسر ٹو چیف آف ایئر اسٹاف، انسپکٹر جنرل ایئر فورس، ڈپٹی چیف آف ایئر اسٹاف (آپریشنز) اور چیف پراجیکٹ ڈائریکٹر جے ایف 17 کے طور پر بھی تعینات رہے ہیں۔

ایئر مارشل سید نعمان علی کمبیٹ کمانڈر اسکول، ایئر وار کالج، نیشنل ڈیفنس یونیورسٹی اور ایئر وار کالج امریکہ سے فارغ التحصیل ہیں۔ پاک فضائیہ میں شاندار خدمات پر انہیں ستارہ امتیاز (ملٹری) اور تمغہ امتیاز (ملٹری) سے نوازا گیا۔

ایئر مارشل ظہیراحمد بابر

ایئر مارشل ظہیراحمد بابر نے اپریل 1986 میں پاکستان ایئر فورس کی جی ڈی پی برانچ میں کمیشن حاصل کیا۔

اپنے کیرئیر کے دوران انہوں نے فائٹر سکواڈرن، آپریشنل ایئر بیس اور ریجنل ایئر کمانڈ کی کمان کی۔

وہ ایئر ہیڈ کوارٹرز میں اسسٹنٹ چیف آف ایئر اسٹاف (آپریشن ریسرچ اینڈ ڈیویلپمنٹ )، اسسٹنٹ چیف آف ایئر اسٹاف (ٹریننگ آفیسرز) اور ڈائریکٹر جنرل پراجیکٹس تعینات رہے۔

اس کے علاوہ وہ وزارت دفاع میں ایڈیشنل سیکریٹری کے طور پر بھی خدمات سر انجام دے چکے ہیں۔ ایئر مارشل ظہیراحمد بابر کمبیٹ کمانڈر اسکول، ایئر وار کالج اور برطانیہ کے رائل کالج آف ڈیفنس اسٹڈیز سے فارغ التحصیل ہیں۔

پاک فضائیہ میں شاندار خدمات پر انہیں ستارہ امتیاز (ملٹری) اور تمغہ امتیاز (ملٹری) سے نوازا گیا۔

ایئر مارشل جواد سعید

ایئر مارشل جواد سعید نے بھی نومبر 1986 میں پاکستان ایئر فورس کی جی ڈی پی برانچ میں کمیشن حاصل کیا۔

اپنے کیریئر کے دوران انہوں نے فائٹر سکواڈرن، فائٹر ونگ، آپریشنل ایئر بیس اور ریجنل ایئر کمانڈ کی کمان کی۔ وہ ایئر ہیڈ کوارٹرز اسلام آباد میں اسسٹنٹ چیف آف ایئر اسٹاف (آپریشنز) اور ڈپٹی چیف آف ایئر اسٹاف (آپریشنز) بھی تعینات رہے ہیں۔

ایئر مارشل جواد سعید کمبیٹ کمانڈر اسکول، ایئر وار کالج اور نیشنل ڈیفنس یونیورسٹی سے فارغ التحصیل ہیں۔ انہیں پاک فضائیہ میں شاندار خدمات پر ستارہ امتیاز (ملٹری) اور تمغہ امتیاز (ملٹری) سے نوازا گیا۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

جولائی 3, 2018
پاک فضائیہ ہر طرح کے خطرات سے نمٹنے کے لیے تیار ہے: ایئر چیف

کراچی: پاک فضائیہ کے سربراہ ایئر چیف مارشل سہیل امان کا کہنا ہے کہ پاک فضائیہ جدید اور ملکی ساختہ ہتھیاروں کے نظام، راڈار اور اعلیٰ جنگی آلات سے لیس ہے جو کہ ہر طرح کے اندرونی اور بیرونی خطرات سے نمٹنے کے لیے موزوں اور تیار ہیں۔

تفصیلات کے مطابق ایئرو اپرینٹسز کی پاسنگ آؤٹ پریڈ آج پی اے ایف بیس کورنگی کریک میں منعقد ہوئی۔ پاک فضائیہ کے سربراہ ایئر چیف مارشل سہیل امان تقریب کے مہمانِ خصوصی تھے۔

مہمان خصوصی کی پریڈ اسکوائر آمد پر ائیر آفیسر کمانڈنگ سدرن ایئر کمانڈ اور ایئر وائس مارشل حسیب پراچہ نے ان کا استقبال کیا۔

تقریب سے خطاب کرتے ہوئے ایئر چیف نے پاکستان کے دشمنوں کو خبردار کیا کہ وہ اپنے بزدلانہ اقدامات میں کبھی بھی کامیاب نہیں ہوسکیں گے۔ پاکستان اللہ کی مہربانی سے ترقی کی راہ پر ہر صورت گامزن رہے گا۔

انہوں نے کہا کہ پاک فضائیہ جدید اور ملکی ساختہ ہتھیاروں کے نظام ، راڈار اور اعلی جنگی آلات سے لیس ہے جو کہ ہر طرح کے اندرونی اور بیرونی خطرات سے نمٹنے کے لیے موزوں ہیں۔ پاک فضائیہ بین الاقوامی فضائی معیار کے بہترین پیشہ ور ماہرین کو تیار کرنے کے لیے انہیں جدید خطوط پر تربیت فراہم کررہی ہے۔

ایئر چیف نے پریڈ سے خطاب کرتے ہوئے مزید کہا کہ پاک فضائیہ نے منفرد اور جدید تعلیمی اور عملی تربیت کا نظام متعارف کروایا ہے۔ ’مجھے امید ہے کہ یہ نئی تربیتی اسکیم پاک فضائیہ کے قیمتی اثاثہ جات کی تکنیکی ضروریات کو ہر لحاظ سے پورا کرے گی‘۔

ایئر چیف نے ایئرو اپرینٹسز کو یاد دہانی کرواتے ہوئے کہا کہ آنے والے وقت میں انہیں سخت چیلنجز کا سامنا کرنا ہوگا لیکن اللہ پر یقین اور خود اعتمادی کے ساتھ وہ ہر مشکل پر قابو پا سکتے ہیں۔

انہوں نے امید ظاہر کی کہ ایئرو اپرینٹسز اپنے وقت اور توانائیوں کو اپنے پیشے اور کام کے لیے وقف کریں گے اور اپنے اپنے شعبہ جات میں بھر پور مہارت حاصل کرنے کے مصمم جذبے کے ساتھ کام کریں گے۔

پاک نیوی اور دوست ممالک کے ٹیکنیشنز سمیت 782 ایئرو اپرینٹسسز نے کامیابی سے اپنی تکنیکی تربیت مکمل کی۔ مہمان خصوصی نے پاس آؤٹ ہونے والے ایئرو اپرینٹسسز میں کل 7 ٹرافیاں تقسیم کیں۔

ایئر کموڈور ابراہیم اسد اور بیس کمانڈر کورنگی کریک بھی تقریب میں موجود تھے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جنوری 19, 2018