بیجنگ : چینی وزارت خارجہ کا کہنا ہے کہ امیدہے پاکستان اور بھارت تحمل کامظاہرہ کریں گے اور دونوں ممالک اچھے ہمسایوں کی طرح تعلقات نبھائیں ۔
تفصیلات کے مطابق چینی وزارت خارجہ نے پاک بھارت کشیدہ صورتحال پر اپنے بیان میں کہا پاکستان بھارت اچھے ہمسایوں کی طرح تعلقات نبھائیں تاکہ جنوبی ایشیا میں امن اور استحکام کا تسلسل جاری رہے۔
ترجمان کا کہنا تھا کہ امید ہے دونوں ممالک تحمل کا مظاہرہ کریں گے اور مذاکرات کے لئے سازگار اقدامات کریں گے اور جنوبی ایشیا میں پائیدار امن اور استحکام کیلئے کام کریں گے۔
یاد رہے 26 فروری کو بھارتی دراندازی پر چینی وزارت خارجہ کے ترجمان نے کہا تھا کہ توقع ہے پاکستان اور بھارت تحمل سے کام لیں گے اور ایسے اقدامات کریں گے، جس سے خطے میں استحکام آئے اور باہمی تعلقات بہتر ہو۔
مزید پڑھیں : توقع ہے پاکستان اور بھارت تحمل سے کام لیں گے، ترجمان چینی وزارت خارجہ
اس قبل ترجمان چینی وزارت خارجہ گینگ شوانگ نے بریفنگ میں کہا تھا کہ چین کا علاقائی امن و سلامتی اور پاک بھارت مستحکم تعلقات پر بہت انحصار ہے، امید ہے دونوں ممالک تحمل سے کام لیتے ہوئے مذاکراتی راہ اختیار کریں گے۔
ترجمان کا کہنا تھا کہ پاکستان اور بھارت خطے کے اہم ملک ہیں، دونوں ممالک مذاکرات کے ذریعے جلد از جلد اپنے مسائل کو حل کرنے کی کوشش کریں، دونوں ممالک کے درمیان قیام امن خطے کے استحکام کیلیے بہت ضروری ہے۔
واضح رہے پاکستان نےبھارت کےدو طیارے مارگرائے تھے اور پائلٹ کوگرفتارکرلیا تھا، جس کے بعد بھارت نے بھی طیاروں کی تباہی اور پائلٹ لاپتہ ہونے کا اعتراف کیا تھا۔
ڈی جی آئی ایس پی آر نے بتایا تھا بھارتی طیارے پاکستانی حدود میں نشانہ بنائے، ایک طیارہ آزاد کشمیر دوسرا مقبوضہ کشمیر کی حدود میں گرایا۔