لاہور: اسکاٹ لینڈ کے ٹی ٹوئنٹی میچز کی سیریز کے لیے قومی اسکواڈ کا اعلان کردیا گیا، انجری کا شکار ہونے والے بابر اعظم کی جگہ حارث سہیل کو فائنل الیون کا حصہ بنایا گیا ہے۔
تفصیلات کے مطابق چیف سلیکٹر انضمام الحق نے کپتان سرفراز احمد اور ہیڈ کوچ مکی آرتھر سے مشاورت کے بعد پندرہ رکنی قومی ٹیم کا اعلان کیا، ویسٹ انڈیز کے خلاف فاتح ٹیم کو برقرار رکھا گیا ہے صرف لارڈز ٹیسٹ میں انجری کا شکار ہونے والے بابر اعظم کی جگہ حارث سہیل کو ٹیم میں شامل کیا گیا ہے۔
ٹی ٹوئنٹی سیریز کے لیے ٹیم کی قیادت سرفراز احمد کریں گے دیگر کھلاڑیوں میں فخر زمان، احمد شہزاد، حارث سہیل، شعیب ملک، آصف علی، حسین طلعت، فہیم اشرف، شاداب خان، محمد نواز، محمد عامر، حسن علی، راحت علی، عثمان خان شنواری اور شاہین شاہ آفریدی شامل ہیں۔
Pakistan 15-member squad for T-20I series against Scotland
Fakhar Zaman
Ahmed Shehzad
Haris Sohail
Shoaib Malik
Asif Ali
Hussain Tallat
Sarfraz Ahmed (Captain)
Fahim Ashraf
Shadab Khan
Muhammad Nawaz
Muhammad Amir
Hassan Ali
Rahat Ali
Usman Shanwari
Shaheen Shah Afridi pic.twitter.com/X3SERHCE0R— PCB Official (@TheRealPCB) June 4, 2018
قومی ٹیم اسکاٹ لینڈ کے خلاف پہلا ٹی ٹوئنٹی میچ 12 جون کو کھیلے گی جبکہ دوسرا ٹی ٹوئنٹی 13 جون کو کھیلا جائے گا۔
واضح رہے کہ انگلینڈ نے گزشتہ روز لیڈز ٹیسٹ میچ میں گرین شرٹس کو اننگز اور 55 رنز سے شکست دی تھی جبکہ پاکستان نے لاڑڈ ٹیسٹ میچ میں انگلینڈ کو 9 وکٹوں سے شکست دی تھی اس طرح سیریز 1-1 سے برابر ہوگئی تھی۔