Tag: pakistan awmi tehreek

لاہور: ڈاکٹر طاہر القادری نےبارک اوباما اور بان کی مون سمیت عالمی رہنمائوں کو خط لکھ دیا، جس میں کہاگیا ہےکہ توہین رسالت آزادی اظہار نہیں ،ڈیڑھ ارب مسلمانوں کے بنیادی حق سے انحراف ہے۔

پاکستان عوامی تحریک کے سربراہ ڈاکٹر علامہ طاہر القادری نے اپنے خط میں توہین آمیز خاکوں کی اشاعت پر افسوس کا اظہار کرتے ہوئے کہا ہے کہ اقوام متحدہ اور عالمی برادری توہین آمیز خاکوں کی اشاعت کامسئلہ حل کرنے میں ناکام رہی ہے۔

انہوں نے کہا ہے کہ عالمی امن کا تقاضہ ہے کہ اقوام متحدہ توہین مذہب اور مقدس ہستیوں کے خلاف قابل اعتراض مواد کی اشاعت قابل تعزیر جرم ٹھہرائے ۔ یورپ کے بعض ممالک میں ہولو کاسٹ کا انکار جرم ہے تو کہیں عیسائیت کے خلاف بات کرنا جرم ہے ۔

طاہرالقادری نے بتایا کہ اگر دنیا نے توہین رسالت پر ذمہ داری نہ دکھائی تو تہذیبوں کے تصادم سے بچنا ممکن نہیں رہے گا۔

لاہور: پاکستان عوامی تحریک نے ایک ماہ بعد اسلام آباد اور لاہور میں سے کسی ایک شہر میں دھرنے کا اعلان کردیا ، ڈاکٹر طاہرالقادری کہتے ہیں حکمران دہشت گردوں سے ملے ہوئے ہیں۔

سانحہ ماڈل ٹاؤن کے خلاف لاہور پریس کلب کے باہر احتجاجی دھرنے سے آڈیو خطاب میں طاہرالقادری کا کہنا تھا کہ وہ کسی صورت شہیدوں کے خون سے بے وفائی نہیں کرسکتے، انصاف کے لیے آخری حدتک جائیں گے۔

 انہوں نے کہاکہ فوجی عدالتوں پربھی اب سیاست کی جارہی ہے، پارلیمنٹ میں قرارداد کے ذریعےکسی نےدہشتگردی کی جنگ کواپنی جنگ قرارنہیں دیا۔انہوں نے کہاکہ آرمی چیف دہشتگردی کے خلاف تنہا جنگ لڑرہےہیں۔

 طاہرالقادری کاکہناتھا کہ سانحہ ماڈل ٹاؤن سے متعلق ٹربیونل کی رپورٹ جاری نہ ہونے کے خلاف دوبارہ ہائی کورٹ جائیں گے۔

سربراہ عوامی تحریک طاہرالقادری نےسانحہ ماڈل ٹاؤن کی تحقیقات منظرعام پرلانےکیلئے دوبارہ پٹیشن دائر کرنےکااعلان کردیا۔ان کاکہناتھا کہ موجودہ حکمرانوں کے ہوتے ہوئے دہشتگردی ختم نہیں ہوسکتی۔

لاہور: ڈاکٹر طاہرالقادری کا کہنا ہے کہ قائد اعظم ایسا پاکستان چاہتے تھے جس میں ہرطبقے کو برابر کے حقوق میسر ہوں۔

قائد اعظم کے یوم پیدائش پر پاکستان عوامی تحریک کے سربراہ ڈاکٹر طاہرالقادری نے اپنے بیان میں کہا ہے کہ ووٹ کا تقدس پامال نہ ہوتا تو پاکستان میں غربت ،جہالت اور انتہا پسندی نہ ہوتی، ان کا کہنا تھا کہ مقتدر نہیں عوام کا اتحاد قائد کے پاکستان کو بچائے گا، ان کا کہنا تھا کہ قائد اعظم ایسا پاکستان چاہتے تھے جس میں سب کو برابر کے حقوق حاصل ہوں۔

بھکر: علامہ طاہر القادری کا کہنا ہےخرابی صحت کےباوجود عوام کا ساتھ نہیں چھوڑوں گا۔زندگی کی آخری سانس تک غریب کی جنگ لڑتارہوں گا۔

بھکر میں میڈیا سے بات کرتے ہوئے انہوں نے کہا ان کی حالت ایسی ہو گئی ہے جیسے موت کو چھو کر آئے ہوں ۔ ڈاکٹر طاہر القادری نے کہا مزار قائد کے 25 دسمبر تک پروگراموں کا ناغہ نہیں کرنا چاہتا ، مارچ اپریل میں سرائیکی وسیب کو کور کروں گا ۔ ڈاکٹر طاہر القادری نے کہا ڈاکٹروں نے دل کی مرض کی تشخیض کر دی تھی لیکن علاج نہیں کرایا ۔ علاج کراتا تو 4 ماہ انتظار کرنا پڑتا۔ طاہر القادری نے کہا پی ٹی آئی نے 30نومبر کے جلسے کی دعوت دی ہے ، شرکت کا حتمی فیصلہ مشاورت سے کریں گے۔