Tag: pakistan cricket team

  • سرفراز احمد کوورلڈ کپ 2019  کے لیے کپتان برقرار رکھنے کا فیصلہ

    سرفراز احمد کوورلڈ کپ 2019 کے لیے کپتان برقرار رکھنے کا فیصلہ

    لاہور : سرفراز احمد کوورلڈ کپ کےلیےکپتان برقرار رکھنے کا فیصلہ کرلیا گیا، چیئرمین پی سی بی احسان مانی پریس کانفرنس میں باقاعدہ اعلان کرسکتے ہیں۔

    تفصیلات کے مطابق چئیرمین پی سی بی احسان مانی اورسرفراز احمد کی ملاقات ہوئی ، ملاقات میں احسان مانی نے سرفراز پر اعتماد کا اظہار کیا اور سرفراز احمد کوورلڈ کپ کےلیےکپتان برقرار رکھنے کا فیصلہ کیا۔

    ذرائع کا کہنا ہے کہ احسان مانی پریس کانفرنس میں باقاعدہ اعلان کرسکتے ہیں۔

    یاد رہے کہ قومی کرکٹ ٹیم کے کپتان سرفراز احمد نے میچ میں جنوبی افریقا کھلاڑی پر نسل پرستانہ جملے کسے تھے جس کے بعد سوشل میڈیا پر تنازع کھڑا ہوگیا تھا۔

    بعدازاں قومی کرکٹ ٹیم کے کپتان سرفراز احمد نے جنوبی افریقی کھلاڑی پھلوکوایو پر نسل پرستانہ جملے کسنے پر سماجی رابطے کی ویب سائٹ ٹویٹر پر معافی مانگ لی تھی۔

    نسل پرستانہ ریمارکس پر معافی مانگنے کے باوجود آئی سی سی کی جانب سے کپتان سرفراز احمد پر چار میچز کی پابندی عائد کی گئی تھی، جس کے بعد بورڈ نے سرفراز کو وطن واپس بلا کر شعیب ملک کو ٹیم کا کپتان بنایا تھا۔

    مزید پڑھیں : آئی سی سی نے سرفرازاحمد پر4 میچوں کی پابندی لگا دی

    آئی سی سی نے ٹویٹر پر اپنے پیغام میں کہا تھا کہ سرفراز احمد کے خلاف نسل پرستانہ جملوں پر کارروائی کی اور  وہ آئی سی سی اینٹی ریس از کوڈ کی خلاف ورزی کے مرتکب پائے گئے ہیں۔

    سابق کپتان اور کراچی کنگز کے صدر وسیم اکرم نے بھی سرفراز کا دفاع کرتے ہوئے کہا تھا کہ سرفراز احمد کو قیادت سے ہٹانے کا اب کوئی وقت نہیں ہے، سرفراز سے غلطی ہوگئی، پابندی بھی لگ گئی اب پی سی بی صحیح فیصلے کرے۔

    خیال رہے وطن واپسی پر کراچی میں پریس کانفرنس کے دوران قومی کرکٹ ٹیم کے کپتان سرفراز احمد نے کہا تھا میں نے غلطی کی، اسے تسلیم کیا، وکٹ کے پیچھے بولنا میری عادت ہے، میری نیچرتبدیل نہیں ہوسکتی، کوشش کروں گا جوچیزیں ہوگئیں وہ پھرنہ ہوں، ایک لفظ کو لے کراتنا بڑا ایشو بنا دیا گیا۔

    مزید پڑھیں : کپتانی کے لیے گرین سگنل پہلے بھی تھا، امید ہے آگے بھی ہوگا‘ سرفرازاحمد

    سرفراز احمد نے کہا کہ کپتان نے کہا کہ ٹیم کا کپتان کوئی بھی ہو پاکستان کے لیے کھیلتے رہیں گے، پی سی بی نے بہت سپورٹ کیا ،عوام کی بھی سپورٹ رہی، کپتانی کے لیے گرین سگنل پہلے بھی تھا، امید ہے آگے بھی ہوگا۔

  • لگاتار گیارہویں کرکٹ سیریز جیتنا بڑا اعزاز ہے، وزیراعظم عمران خان

    لگاتار گیارہویں کرکٹ سیریز جیتنا بڑا اعزاز ہے، وزیراعظم عمران خان

    اسلام آباد : وزیراعظم عمران خان نے قومی کرکٹ ٹیم کو ٹی 20کرکٹ سیریز میں کامیابی پر مبارکباد دیتے ہوئے کہا لگاتار گیارہویں کرکٹ سیریز جیتنا بڑا اعزاز ہے۔

    تفصیلات کے مطابق وزیراعظم عمران خان نے قومی کرکٹ ٹیم کو شاندار کارکردگی دکھانے پر مبارکباد دی اور کہا قومی کرکٹرز نے میچز میں بہترین کھیل پیش کیا، لگاتار گیارہویں کرکٹ سیریز جیتنا بڑا اعزاز ہے۔

    وزیر اعظم کا کہنا تھا کہ آسٹریلیا اورنیوزی لینڈکیخلاف بہترین ٹیم اسپرٹ نظر آئی ، امید ہے قومی ٹیم کارکردگی کے تسلسل کو برقرار رکھے گی، پاکستان کی مزید کامیابیوں کے لیے پر امید ہوں۔

    یاد رہے گذشتہ روز پاکستان نے نیوزی لینڈ کو دوسرے ٹی ٹوئنٹی میں بھی شکست دی اور شاہینوں نے سرفراز احمد کی قیادت میں مسلسل گیارہویں سیریز اپنے نام کرلی تھی۔

    مزید پڑھیں : دوسرا ٹی ٹوئنٹی : سرفراز الیون نے نیوزی لینڈ کو شکست دے کر سیریز اپنے نام کرلی

    دبئی میں نیوزی لینڈ نے ٹاس جیتا اور اوپنر کولن منرو نے ٹیم کو جارحانہ آغاز فراہم کیا۔ منرو نے 28 گیندوں پر 44رنز بنائے، منرو آؤٹ ہوئے پاکستان میچ میں چھا گیا۔

    کورے اینڈرسن نے گرتے پڑتے نیوزی لینڈ کے اسکور کو 150 کے پار لگایا، جس کے بعد اوپنر فخرزمان اور بابر اعظم نے پاور پلے میں کام دکھادیا، فخر آؤٹ ہوئے تو بابر اعظم اور آصف علی کی شراکت نے جیت کی بنیاد رکھی۔

    بابر 40 اور آصف 38رنز کے ساتھ نمایاں رہے اور آخری اوور کی چوتھی گیند پر حفیظ نے چوکا لگا کرپاکستان کو جیت دلوائی۔

  • فائنل میں پہنچنے کیلئے کارکردگی دکھا کر بنگلہ دیش سے جیتنا ہوگا،عثمان بزدار

    فائنل میں پہنچنے کیلئے کارکردگی دکھا کر بنگلہ دیش سے جیتنا ہوگا،عثمان بزدار

    لاہور:وزیراعلیٰ پنجاب عثمان بزدار کا کہنا ہے کہ فائنل میں پہنچنے کیلئےکارکردگی دکھا کربنگلہ دیش سے جیتنا ہوگا، نیک خواہشات اور دعائیں قومی کرکٹ ٹیم کے ساتھ ہیں۔

    تفصیلات کے مطابق وزیراعلیٰ پنجاب نے قومی کرکٹ ٹیم کے لیے نیک خواہشات کا اظہار کرتے ہوئے کہا فائنل میں پہنچنے کیلئے کارکردگی دکھاکر بنگلہ دیش سےجیتنا ہوگا۔

    عثمان بزدار کا کہنا تھا کہ تمام صلاحیتوں کا مظاہرہ کرنے کی ضرورت ہے، میدان میں انفرادی کی بجائے ٹیم ورک کا مظاہرہ کرنا ہوگا۔

    وزیراعلیٰ پنجاب نے کہا امید ہے ٹیم بنگلہ دیش کے خلاف فتح حاصل کرکے فائنل کھیلے گی، نیک خواہشات اور دعائیں قومی کرکٹ ٹیم کے ساتھ ہیں۔

    یاد رہے پاکستان اور بنگلہ دیش کے درمیان ایشیا کپ میں ڈو اینڈ ڈائی مقابلہ آج ابوظہبی میں ہوگا، جیتنے والی ٹیم فائنل میں بھارت کے مدمقابل آئے گی۔

    سنسنی خیز مقابلہ شام ساڑھے چار بجے شرو ع ہوگا۔

    خیال رہے ایشیا کپ میں سپر فور مرحلے میں بھارت  ٹیم پہلے ، پاکستان دوسرے اور بنگلہ دیش تیسرے نمبر پر ہے، جبکہ پاکستان کو بھارت سے دونوں میچوں میں شکست کا سامنا کرنا پڑا ۔

  • پاک بھارت کرکٹ سیریز کے لیے یونس خان نے آسان فارمولا پیش کردیا

    پاک بھارت کرکٹ سیریز کے لیے یونس خان نے آسان فارمولا پیش کردیا

    کوئٹہ: قومی کرکٹ ٹیم کے سابق کپتان یونس خان نے پاک بھارت کرکٹ سیریز کی بحالی کے لیے آسان فارمولا پیش کرتے ہوئے کہا ہے کہ دونوں ممالک کے مابین باقاعدگی سے ایشیز طرز کی سیریز ہونی چاہیے۔

    کوئٹہ میں میڈیا سے گفتگو کرتے ہوئے یونس خان کا کہنا تھا کہ ایشیا کپ میں پاک بھارت میچ کانٹے کا مقابلہ ہوگا، اچھا کھیل پیش کرنے والی ٹیم کامیاب ہوگی۔

    اُن کا کہنا تھا کہ پاک بھارت کرکٹ سیریز مستقل بنیادوں پر ہونی چاہیے، ایشیز سیریز کی طرز  پر دونوں ممالک کی ٹیمیں ایک دوسرے کے مد مقابل آسکتی ہیں، لیجنڈ کرکٹر ز کے نام پر بھی سیریز  ہر سال یا دو برس بعد منعقد کی جاسکتی ہیں۔

    پاکستان سپرلیگ کے حوالے سے سابق کپتان کا کہنا تھا کہ جن ممالک نے اس طرز کے ایونٹ منعقد کیے وہاں سے ٹیلنٹ نکل کر سامنے آیا، صرف تین سال کے عرصے میں باصلاحیت نوجوان کرکٹر ز نے قومی ٹیم میں جگہ بنائی اور اپنا لوہا منوایا۔

    مزید پڑھیں: ایشیا کپ میں شرکت کے لیے قومی کرکٹ ٹیم دبئی پہنچ گئی

    نئی حکومت کو مبارک باد پیش کرتے ہوئے یونس خان کا کہنا تھاکہ قوم کو ایک سچے لیڈر کی ضرورت ہے، ہر پاکستانی کی خواہش ہے کہ ملک ترقی کرے اور ہمیں اچھے حکمران ملیں۔ یونس خان نے ڈیموں کی تعمیر کو زبردست اقدام قرار دیتے ہوئے کہا کہ ہر وہ کام ہونا چاہیے جس کی ملک کو ضرورت ہے۔

    قبل ازیں سابق ٹیسٹ کرکٹر  نے کوئٹہ میں بلوچستان کرکٹ ٹیم کے انتخاب کے لئے لگائے گئے تربیتی کیمپ کا دورہ کیا اور کھلاڑیوں کو ٹپس بھی دیں۔

    دوسری جانب چیف سلیکٹر انضمام الحق نے کہا ہے کہ قومی کرکٹ ٹیم ایشیا کپ میں بہترین کارکردگی دکھائے گی،کھلاڑی مکمل فٹ ہیں اور بھارت سمیت ہر ٹیم کو ہرانے کی صلاحیت رکھتے ہیں۔

    واضح رہے کہ متحدہ عرب امارات (دبئی) میں کھیلے جانے والے ایشیا کپ ٹورنامنٹ میں پاکستان، بھارت، سری لنکا، بنگلہ دیش، افغانستان اور ہانگ کانگ کی ٹیمیں شریک ہیں، ایونٹ کا سب سے بڑا ٹاکر 19 ستمبرکو پاکستان اور روایتی حریف بھارت کے درمیان ہوگا۔

    یہ بھی پڑھیں: ایشیاکپ 2018: چمچماتی ٹرافی کی یو اے ای میں رونمائی

    خیال رہے کہ قومی کرکٹ ٹیم کپتان سرفراز احمد کی قیادت میں آج غیرملکی ایئرلائن کی پرواز ای کے 623 سے دبئی پہنچی ، سرفراز الیون اپنا پہلا میچ ہانگ کانگ کے خلاف 16 ستمبر کو کھیلے گی۔

    ایشیا کپ کے لیے قومی ٹیم کی قیادت سرفراز احمد کو سونپی گئی جبکہ دیگر کھلاڑیوں میں فخرزمان، بابراعظم، آصف علی، امام الحق، شعیب ملک، شان مسعود، فہیم اشرف، حسن علی، محمد عامر، شاداب خان، حارث سہیل، محمد نواز، جنید خان، شاہین آفریدی اور عثمان شنواری شامل ہیں۔

  • سب کام وزیراعظم نے نہیں کرنے ہم نے بھی قدم بڑھانا ہے، شاہد آفریدی

    سب کام وزیراعظم نے نہیں کرنے ہم نے بھی قدم بڑھانا ہے، شاہد آفریدی

    کراچی: قومی کرکٹ ٹیم کے سابق کپتان شاہد آفریدی نے کہا ہے سندھ حکومت باتیں بڑی بناتی ہے مگر نتائج کچھ نہیں دیتی، ہم سب کی آخری امید وزیراعظم عمران خان ہیں، سب کام وزیراعظم نے نہیں کرنے ہم نے بھی قدم بڑھانا ہے۔

    تفصیلات کے مطابق ملک بھر میں تعلیم کو فروغ دینے کیلئے نجی یونیورسٹی نے سی ہنڈریڈ تھنک ٹینک ایجوکیشن کمیٹی کا شاہد آفریدی کو برانڈ ایمبسیڈر مقرر کردیا۔

    قومی کرکٹ ٹیم کے سابق کپتان شاہد آفریدی نے یونیورسٹی میں سیمینار سے خطاب کرتے ہوئے کہا ہم سب کی آخری امید وزیراعظم عمران خان ہیں، کراچی ترقی کرےگا تو پورا پاکستان مضبوط ہوگا، سب کام وزیر اعظم نے نہیں کرنے ہم نے بھی قدم بڑھانا ہے۔

    آفریدی نے سندھ حکومت پر تنقید کرتے ہوئے کہا سندھ حکومت باتیں بڑی بناتی ہے مگر نتائج کچھ نہیں دیتی، سندھ کوآگےبڑھانا ہے تو تکنیکی ماہرین کو آگے لانا ہوگا، چیئرمین پیپلزپارٹی بلاول بھٹو سے معاملے پر بات ہوئی ہے، جن علاقوں میں تعلیم نہیں وہاں موبائل اور انٹرنیٹ موجود ہے۔

    مزید پڑھیں : اوورسیزپاکستانی بڑھ چڑھ کر ڈیم فنڈ میں حصہ لیں، شاہد آفریدی کا ٹویٹ

    ان کا کہنا تھا شہر اور ملک کو سنوارنے کیلئے وزیراعظم کو سپورٹ کرنا ہے۔ عوام کی امیدیں عمران خان سے وابستہ ہیں۔

    ایشیا کپ کے حوالے سے بوم بوم آفریدی نے کہا کہ سرفراز احمد بہترین انداز سے ٹیم کو لیڈ کررہے ہیں اگر وہ ایسے ہی ٹیم کو لے کر چلے تو ایشیا کپ میں جیت یقینی ہے۔

    سابق کپتان کا سوشل میڈیا پر وائرل ہونے والی ڈیفنس ڈے کی ویڈیو پر وضاحت کرتے ہوئے کہنا تھا نسوار نہیں بلکہ سونف اور خوشبو کھائی تھی، گرین پیکٹ میں تارا سپاری تھی، جو ویڈیو وائرل ہوگئی۔

  • نیوزی لینڈ کرکٹ ٹیم کا دورہ پاکستان سیکیورٹی کلیئرنس سے مشروط

    نیوزی لینڈ کرکٹ ٹیم کا دورہ پاکستان سیکیورٹی کلیئرنس سے مشروط

    ویلنگٹن: نیوزی لینڈ کرکٹ ٹیم نے دورہ پاکستان کے لیے غور شروع کردیا ہے، نیوزلینڈ کرکٹ بورڈ کا کہنا ہے کہ سیکیورٹی کلیئرنس کے بعد پاکستان میں ٹی ٹوئنٹی میچز کھیلیں گے۔

    تفصیلات کے مطابق رواں سال نومبر میں پاکستان اور نیوزی لینڈ کے درمیان ون ڈے اور ٹیسٹ سیریز متحدہ عرب امارات میں کھیلی جائے گی، تاہم سیریز کی تاریخوں کا اعلان نہیں کیا گیا ہے۔

    نیوزی لینڈ کرکٹ بورڈ گورننگ باڈی کا کہنا ہے کہ کیویز نے سیکیورٹی خدشات کے باعث 2003 سے پاکستان کا دورہ نہیں کیا ہے، تاہم اب رواں سال نومبر میں ٹی ٹوئنٹی سیریز کھیلنے کی درخواست کی گئی ہے۔

    ترجمان نیوزی کرکٹ بورڈ کا کہنا ہے کہ پی سی پی کی درخواست پر مذکورہ طریقہ کار مکمل ہونے کے بعد جواب دیا جائے گا، دورہ پاکستان کے لیے حکومت، کھلاڑیوں اور سیکیورٹی فراہم کرنے والے اداروں سے بات چیت کی جائے گی۔

    دوسری جانب آسٹریلوی کرکٹ بورڈ نے دورہ پاکستان کے لیے پی سی بی سے رابطہ کرنے کی خبروں کی تصدیق سے انکار کردیا ہے۔

    واضح رہے کہ خبریں گردش کررہی تھیں کہ آسٹریلوی بورڈ نے دورہ پاکستان کے لیے پی سی بی سے رابطہ کیا ہے اور درخواست کی ہے کہ ٹی ٹوئنٹی سیریز متحدہ عرب امارات سے پاکستان منتقل کی جائے۔

    پاکستان اور آسٹریلیا کے درمیان ٹیسٹ اور ٹی ٹوئنٹی سیریز رواں سال ستمبر میں شیڈول ہے، پاکستان کو مہمان کینگروز ٹیم کی میزبانی متحدہ عرب امارات میں کرنا ہے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

  • ڈگری ملنے کی خوشی، طالب علم کا حسن علی کے انداز میں جشن

    ڈگری ملنے کی خوشی، طالب علم کا حسن علی کے انداز میں جشن

    کراچی: آئی سی سی چیمپئنز ٹرافی میں اپنی شاندار کارکردگی کی بدولت دنیا بھر کی توجہ حاصل کرنے والے پاکستان کے ابھرتے ہوئے نوجوان کھلاڑی حسن علی کے جشن منانے کا انداز مقبول ہوتا جارہا ہے۔

    تفصیلات کے مطابق پاکستان کے ابھرتے ہوئے کھلاڑی حسن علی بیٹسمین کو آؤٹ کرنے کے بعد انوکھے انداز میں جشن مناتے ہیں جسے دنیا بھر کے لوگ خصوصاً پاکستانی اپنانے کی کوشش کررہے ہیں۔

    آئی سی سی نے سماجی رابطے کی ویب سائٹ پر ایک ویڈیو شیئر کی جس میں دیکھا جاسکتا ہے کہ ایک طالب علم اپنی گریجویشن کی ڈگری ملنے پر نوجوان کھلاڑی کی طرح جشن منا رہا ہے۔ مذکورہ طالب علم کی ویڈیو انٹرنیٹ پر تیزی سے وائرل ہوئی جس کے بعد آئی سی سی نے اُسے اپنے سماجی رابطے کے اکاؤنٹ سے ٹوئٹ کردیا۔

    ویڈیو دیکھیں

    واضح رہے حسن علی نے چیمپئنر ٹرافی میں عمدہ کارکردگی کا مظاہرہ کیا اور خاص طور پر بھارت کے خلاف کھیلے جانے والے فائنل میچ میں انہوں نے تین بھارتی سورماؤں کو پویلین کی راہ دکھائی تھی۔

    پڑھیں: حسن علی کا چیمپئنز ٹرافی میں نیا ریکارڈ

    پاکستانی لیجنڈ کرکٹرز حسن علی کی ٹیم میں شمولیت کو پاکستان کی کرکٹ کے لیے اچھا شگون قرار دے رہے ہیں کیونکہ نوجوان کھلاڑی کا ٹیلنٹ پی ایس ایل کے دوسرے سیزن میں سامنے آیا اور مختصر عرصے میں وہ دنیا بھر کی توجہ حاصل کرنے میں کامیاب بھی ہوگئے۔

    کرکٹر حسن علی نے ویڈیو دیکھ کر مسرت کا اظہار کیا اور ٹوئٹ میں کہا کہ ’’حسن علی کے جشن منانے کا طریقہ سب اختیار کررہے ہیں، طالب علم نے اسٹائل کاپی کیا جسے دیکھ کر مزہ آگیا‘‘۔

    ایک اور ویڈیو دیکھیں

    علاوہ ازیں حسن علی نے ایک اور ویڈیو ٹوئٹ کی ہے جس میں ایک بچی فاسٹ باؤلر کے اسٹائل کو کاپی کرنے کی اچھی کوشش کررہی ہے۔

  • پاکستان ٹیم تاریخ کی سب سے دلچسپ ٹیم ہے، برطانوی کمنٹیٹر

    پاکستان ٹیم تاریخ کی سب سے دلچسپ ٹیم ہے، برطانوی کمنٹیٹر

    کراچی : سرفراز چیمپیئنز کا چیمپین ہے۔ حسن علی ہو یا فاسٹ بالر محمد عامر پاکستان کرکٹ ٹیم کے کھلاڑی ناقابل یقین ہیں۔ برطانوی کمنٹیٹر راب اسمتھ نے پاکستان ٹیم کو تاریخ کی دلچسپ ترین ٹیم قرار دے دیا۔

    عظیم برطانوی کمنٹریٹر راب اسمتھ نے پاکستانی کرکٹ ٹیم کےبارے میں یادگارباتیں کہی ہیں۔ اپنی ایک تحریرمیں راب اسمتھ نے لکھاکہ پہلے وہ سمجھتے تھے پاکستان کھیلوں کی تاریخ میں سب سےاہم ملک ہے۔

    برطانوی کمنٹیٹر راب سمتھ نے ٹیم پاکستان کی تعریف تاریخی الفاظ میں کی، ان کا کہنا تھا کہ اب احساس ہوا کہ پاکستان کرکٹ ٹیم تو انسانی تاریخ کی سب سے دلچسپ ٹیم ہے جو کبھی بھی کچھ بھی کرسکتی ہے۔

    انہوں نے کہا کہ سرفراز دیکھنے میں ہیرو نہیں لگتا مگروہ پراعتماد ہے۔ چاہے مذاق بنے یا دنیا کچھ کہے۔ وہ اپنی ٹوٹی پھوٹی انگریزی سے نہیں گھبراتا۔ وہ جیت کا جشن اہلیہ اور بیٹے کے ساتھ مناتا ہے۔

    راب سمتھ نے کہا کہ پاکستانی کھلاڑیوں کا گیم کسی ہالی ووڈ فلم سے کم نہیں لگتا۔ فلم کی طرح کھیل میں کب کیا ہوجائے پتا نہیں چلتا۔ آرٹیکل میں روب اسمتھ نے لکھاکہ حسن علی ہوں یا محمد عامر۔

    عمدہ کارکردگی سے ایک نے کیرئیرکا پہلا بڑا ٹورنامنٹ زندگی بھر کے لیے یادگار بنایا تو دوسرے کے شاندار کم بیک نے بھارت کے بڑے بڑے بلے بازوں کو ہلا کررکھ دیا۔

    انہوں نے لکھا کہ کھلاڑیوں کی زبردست کارکردگی نےاسکور بورڈ کو الٹ کر رکھ دیا۔ دنیا کی ناقابل یقین اورکمزور ترین ٹیم کے آگے بھارت کو بڑی شکست کا سامنا کرنا پڑا۔

  • میلبرن : دہشت گردی کا منصوبہ ناکام، پاکستانی کرکٹ ٹیم کی سیکیورٹی مزید سخت

    میلبرن : دہشت گردی کا منصوبہ ناکام، پاکستانی کرکٹ ٹیم کی سیکیورٹی مزید سخت

    میلبرن: آسٹریلیا میں کرسمس کے موقع پر دہشت گردی کا بڑا منصوبہ ناکام ہونے کے بعد آسٹریلوی حکومت نے پاکستانی کرکٹ ٹیم کی سیکیورٹی کو مزید سخت کردیا جبکہ پولیس نے دہشت گردی کے الزام میں 6 مشتبہ افراد کو گرفتار کرلیا۔

    تفصیلات کے مطابق آسٹریلوی پولیس نے باکسنگ ڈے ٹیسٹ سے قبل دہشت گردی کی مبینہ کوشش ناکام ہونے کے بعد حکومت نے پاکستانی کرکٹ ٹیم کی سیکیورٹی مزید سخت کردی۔ پولیس نے دعویٰ کیا کہ کرسمس کے موقع پر میلبورن میں دہشت گردی کا بڑا حملہ ناکام بناتے ہوئے 6 افراد کو گرفتار کرلیا گیا۔

    پڑھیں: ’’ محمد عامر باکسنگ ڈے ٹیسٹ کے لئے فٹ قرار ‘‘

    اس ضمن میں آسٹریلوی کرکٹ بورڈ کی جانب سے جاری کردہ اعلامیے میں کہا گیا ہے کہ ’’ہم میچ کے بطریق احسن انداز میں انعقاد پر وکٹوریہ پولیس اور سیکیورٹی ایجنسیز کے ساتھ مل کر کام کررہے ہیں، پاکستان کے میچ سمیت دیگر مقابلوں کا پرامن انعقاد ہماری اولین ترجیحات میں شامل ہے‘‘۔

    انہوں نے کہا کہ ’’کھلاڑیوں، شائقین اور میچ آفیشلز کی سیکیورٹی کو ہر صورت میں یقینی بنایا جائے گا، یاد رہے پاکستانی ٹیم نے دوسرے ٹیسٹ کے لیے پریکٹس کا آغاز کردیا ہے‘‘۔


    مزید پڑھیں: ’’ برسبین ٹیسٹ: آسٹریلیانےپاکستان کو39رنز سےشکست دےدی ‘‘


    قومی کرکٹ ٹیم نے گزشتہ روز معمول کے مطابق پریکٹس کی اور بعد میں مقامی بچوں کے ساتھ فیملی ڈے میں شریک ہوئے، کرسمس کے حوالے سے ہونے والی تقریب میں دونوں ٹیموں کے کھلاڑیوں نے مداحوں کو آٹو گراف بھی دیے۔

    وکٹوریہ پولیس کے کمشنر نے کہا کہ ’’کرسمس اور باکسنگ ڈے کے موقع پر سیکیورٹی کے اقدامات کیے جائیں گے، ہم نے 6 مشتبہ افراد کو گرفتار کیا ہے جن کا تعلق آسٹریلیا سے ہے‘‘۔


    یہ بھی پڑھیں: ’’ آئی سی سی رینکنگ: اسد شفیق کو برسبین ٹیسٹ کی اننگز کا صلہ مل گیا ‘‘


    خیال رہے مارچ 2009 میں سری لنکن ٹیم پر لاہور میں ہونے والے حملے کے بعد غیر ملکی ٹیموں نے پاکستان میں کھیلنے سے انکار کردیا ہے تاہم پاکستان کے عالمی ٹیموں سے ساتھ مقابلے دبئی میں منعقد کیے جاتے ہیں۔

  • پاکستان کا ون ڈے سیریز میں بھی ویسٹ انڈیز کے خلاف کلین سوئپ

    پاکستان کا ون ڈے سیریز میں بھی ویسٹ انڈیز کے خلاف کلین سوئپ

    ابوظہبی: پاکستان نے ویسٹ انڈیز کو 136 رنز سے شکست دیتے ہوئے ٹی ٹوئنٹی کی طرح ون ڈے سیریز میں بھی وائٹ واش مکمل کرلیا، 308رنز کے تعاقب میں کالی آندھی محض 172 رنز پر ہوا ہوگئی۔

    match-post-1

    تفصیلات کے مطابق پاکستان کرکٹ ٹیم نے ٹی ٹوئنٹی سیریز میں ویسٹ انڈیزکے خلاف کلین سوئپ کے بعد اب ون ڈے انٹرنیشنل کی سیریز میں بھی کلین سوئپ مکمل کرلیا۔

    ابوظہبی میں پاکستان اور ویسٹ انڈیز کے درمیان سیریز کا تیسرا اورآخری ون ڈے کھیلا گیا، پاکستان نے ٹاس جیت کر پہلے بیٹنگ کرتے ہوئے مقرررہ 50 اوورز میں بابر اعظم اور کپتان اظہر علی کی شاندار کارکردگی پر 308 رنز بنائےاور اس کے چھ کھلاڑی آؤٹ ہوئے۔

    یہ بھی پڑھیں : تیسرا ون ڈے،پاکستان کا ٹاس جیت کربیٹنگ کا فیصلہ

    بابر اعظم 117 رنز کے ساتھ سرفہرست جبکہ اظہر علی 101 رنز کے ساتھ دوسرے نمبر پر رہے، قومی ٹیم اوپنرز اظہرعلی اور شرجیل خان نے عمدہ آغاز فراہم کیا، شرجیل خان 38 رنزبنا کر کیچ آؤٹ ہوگئے۔

    match-post-2

    شعیب ملک کچھ خاص کارکردگی کا مظاہرہ نہ کرسکے اور صرف 5 رنز بنا کر ہی نارائن کی گیند کا نشانہ بن کر چلتے بنے، ان کے بعد آنے والے کھلاڑی بابر اعظم نے انتہائی خوبصورت بیٹنگ کا مظاہرہ کرتے ہوئے 117 رنز بنائے اور پولارڈ کی گیند پر بولڈ ہو گئے۔

    یاد رہے کہ یہ ان کی حالیہ سیریز میں مسلسل تیسری سنچری ہے۔

    بابر اعظم کی تیسری سنچری، لیجنڈز کی صف میں شامل

    قومی ٹیم کے نائب کپتان اور وکٹ کیپر سرفراز احمد نے بھی اچی کارکردگی کا مظاہرہ کیا وہ 24 رنز کے ساتھ ناقابل شکست رہے۔

    جواب میں ویسٹ انڈیز نے بیٹنگ شروع کی تو پاکستانی بالرز نے وکٹوں کا ڈھیر لگا دیا، پاکستانی بالر محمد نواز نے تین اور وہاب ریاض نے دو وکٹیں حاصل کیں۔

    بابر اعظم کو مسلسل تیسری بار میں آف دی میچ اور اس بار مین آف دی سیریز بھی قرار دیا گیا، ان کا کہنا تھا کہ مجھے امید تھی کہ ریکارڈ ضرور توڑوں گا۔

    واضح رہے کہ اس فتح کے ساتھ ہی پاکستان آئی سی سی رینکنگ میں آٹھویں نمبر پر پہنچ گیا۔

    گورنر سندھ ڈاکٹر عشرت العباد نے قومی کرکٹ ٹیم کو مبارک باد پیش کی ہے۔