چار سدہ : پاکستانی پرچم کی بے حرمتی پر اور اشتعال انگیز تقریر کرنے پر ایم این اے علی وزیر کیخلاف مقدمہ درج کرلیا گیا، ایف آئی آر مقامی ایس ایچ او کی مدعیت میں درج کی گئی۔
تفصیلات کے مطابق چارسدہ میں اشتعال انگیز تقریر اور پاکستانی پرچم کی بے حرمتی کرنے پر ایف آئی آر درج کی گئی ہے، اس حوالے سے ذرائع کا کہنا ہے کہ چارسدہ کے مقامی ایس ایچ او کی مدعیت میں ایف آئی آر میں ممبر قومی اسمبلی علی وزیر کو نامزد کیا گیا گیا ہے۔
ذرائع کے مطابق مقدمے کے متن میں کہا گیا ہے کہ علی وزیر نے ریاست اور ریاستی اداروں کیخلاف ہرزہ سرائی کی۔ مقدمے میں دفعہ 120،153اے،121اےلگائی گئی ہیں، علی وزیر نے اشتعال انگیز تقریر میں شہروں کو تباہ کرنے کیلئے اکسایا۔
اس حوالے سے صوبائی وزیر شوکت یوسفزئی کا کہنا ہے کہ علی وزیر کا بیان انتہائی افسوسناک ہے، اس طرح کی سوچ رکھنے والوں کیلئے پارلیمنٹ کے دروازے بند ہونے چاہئیں، آزادی اظہار رائے کا غلط استعمال نہیں کرنا چاہیے۔
صوبائی وزیر کا کہنا تھا کہ کسی نے سیاست کرنی ہے تو کرے مگر ریاست کا مفاد پہلے ہوناچاہیے، علی وزیر کیخلاف تحقیقات اور سخت ایکشن ہونا چاہیے، وہ سیاست نہیں کررہے بلکہ انتشار پھیلانے کی کوشش کررہے ہیں، پختونوں کانام استعمال کرکے سازش کرنے والوں کو کامیاب نہیں ہونے دیں گے۔
اس کے علاوہ فیصل کریم کنڈی نے کہا کہ علی وزیر نے جو بات کہی وہ غلط ہے ان کو سمجھانے کی ضرورت ہے، ان کے ساتھ موجود لوگوں کو انہیں سمجھانا چاہیے، علی وزیر نے جو کہا اس کی مذمت کرتے ہیں تحقیقات ہونی چاہیے، میں کسی کا دفاع نہیں کررہا مگر ہر ادارے کو اپنا کام کرناچاہیے۔
اسلام آباد: نیوزی لینڈ کے شہرکرائسٹ چرچ کی 2 مساجد میں دہشت گردی کے واقعے میں 49 افراد کی شہادت پر ملک بھر میں یوم سوگ منایا جا رہا ہے اور سرکاری عمارتوں پر قومی پرچم سرنِگوں ہے۔
تفصیلات کے مطابق نیوزی لینڈ کی 2 مساجد میں دہشت گرد حملے میں 49 افراد کی شہادت پر ملک بھر میں قوم یوم سوگ منا رہی ہے اور اہم سرکاری عمارتوں پرقومی پرچم سرنِگوں ہے۔
وفاقی دارالحکومت اسلام آباد میں وزیراعظم ہاؤس، پارلیمنٹ ہاؤس، ایوان صدر، سپریم کورٹ سمیت صوبائی دارالحکومتوں میں اہم سرکاری عمارتوں پر قومی پرچم سرنِگوں ہے۔
وزیرخارجہ شاہ محمود قریشی کا گزشتہ روز اسلام آباد میں پریس کانفرنس کرتے ہوئےکہنا تھا کہ کرائسٹ چرچ واقعے پراحتجاج ریکارڈ کرایا ہے۔
شاہ محمود قریشیکا کہنا تھا کہ اس واقعے میں مجموعی طور پر50 افراد شہید ہوئے جن میں سے 9 پاکستانی ہیں، جبکہ ایک آئی سی یو میں ہے۔
وزیرخارجہ کا کہنا تھا کہ پوری قوم سوگ میں ہے اور وزیراعظم عمران خان کی ہدایت کے مطابق 18 مارچ بروز پیر کو سرکاری عمارتوں پر قومی پرچم سرنِگوں ہوگا۔
زخمیوں سے ملاقات کے دوران وزیراعظم نے سیاہ رنگ کا لباس زیب تن کررکھا تھا اور ان کا سربھی سیاہ رنگ کے دوپٹے سے ڈھکا ہوا تھا۔
اس موقع پر جیسنڈا ایرڈن کا کہنا تھا کہ وہ ہمت نہ ہاریں اور اس مشکل وقت میں پوار نیوزی لینڈ ان کے ساتھ ہے۔ نیوزی لینڈ کی وزیراعظم نے اس سے قبل اس واقعے کو دہشت گردی کا واقعہ قرار دیا تھا۔
وزیراعظم عمران خان نے گزشتہ روز نیوزی لینڈ کی مساجد پر دہشت گرد حملے دوران حملہ آور کو روکنے کی کوشش کے دوران شہید ہونے والے پاکستانی شہری نعیم راشد کے لیے قومی ایوارڈ کا اعلان کیا تھا۔
کوہلو : 78 ویں یوم پاکستان پر بلوچستان کے ضلع کوہلو میں 5577فٹ بلندی پر پاکستانی پرچم بنا دیا گیا۔
تفصیلات کے مطابق ملک بھر میں 78 واں یوم پاکستان جوش وجذبے سےمنایا جا رہا ہے، صوبہ بلوچستان کے ضلعے کوہلوکی جندران چوٹی پاکستانی پرچم بنادیا گیا۔
پاکستانی پرچم300فٹ لمبااور200فٹ چوڑا ہے جبکہ پرچم سطح سمندرسے 5577فٹ بلند مقام پر ہے اور قومی پرچم کو یوم پاکستان کے سلسلے میں بنایا گیا ہے۔
خیال رہے کہ کوہلو کالعدم بی ایل اے کا کبھی مرکزہوا کرتا تھا۔
یاد ریے کہ ملک بھرمیں یوم پاکستان ملی جوش و جذبے سے منایا جا رہا ہے، وفاقی دارالحکومت میں دن کا آغاز اکتیس اور صوبائی دارالحکومتوں میں اکیس، اکیس توپوں کی سلامی سے ہوا۔
اسلام آباد کے شکرپڑیاں پریڈ گراؤنڈ کے مقام پر شاندار فوجی پریڈ کا انعقاد کیا گیا، تقریب کا باقاعدہ آغاز قومی ترانے سے کیا گیا ، پریڈ میں تینوں مسلح افواج کے چاک وچوبند دستوں نے شاندار پرفارمنس کا مظاہرہ کیا۔
مرکزی تقریب میں صدر مملکت ممنون حسین، وزیراعظم شاہد خاقان عباسی، تینوں افواج کے سربراہان، چیئرمین جوائنٹ چیفس آف اسٹاف کمیٹی جنرل زبیرمحمود حیات سمیت دیگرسول وعسکری حکام شریک ہوئے۔
خیال رہے 23 مارچ 1940 کو لاہور کے منٹو پارک میں مسلم لیگ نے برصغیر سے علیحدگی کے لیے قرار داد پیش کی تھی، جس میں مطالبہ کیا گیا تھا کہ مسلمانوں کے لیے علیحدہ ملک قائم کیا جائے کیونکہ ہندو اور مسلم علیحدہ نظریات کی حامل اقوام ہیں۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
جدہ : پاکستانی خاتون عظمیٰ طاہر نے ایک اور اعزاز اپنے نام کرلیا، یوم پاکستان کی مناسبت سے نیا انداز اپناتے ہوئے عظمیٰ طاہر گائروکاپٹر کو دو ہزار فٹ کی بلندی پر اڑاتے ہوئے پاکستان کے پرچم کو تقریباً ایک گھنٹے تک فضا میں بلند رکھا۔
تفصیلات کے مطابق پاکستانی جرآت و حوصلے میں پوری دنیا میں پہچانے جاتے ہیں اور اس خاصیت میں پاکستان کی خواتین بھی کم نہیں، ایسی ہی ایک جرآت مند پاکستانی پہلی خاتون نے اس بار پھر سے ایک انوکھا کارنامہ انجام دیا۔
پاکستان خاتون عظمی طاہر نے یوم پاکستان کے حوالے سے سعودی شہر جدہ میں گائرو کاپٹر کو2 ہزارفٹ کی بلندی پر لے گئیں اور تقریباً ایک گھنٹے تک قومی پرچم کو فضا میں بلند رکھا۔
یوم پاکستان کو اس انوکھے انداز میں منانے ، وطن سے اس بے لوث محبت کی پرواز میں ان کا ساتھ قاضی اجمل نے دیا اور بحیرہ احمر کی فضاؤں میں پاکستانی پرچم ، اپنی پوری آن، شان اور بان کے ساتھ لہراتا رہا۔
اس سے قبل پاکستانی خاتون عظمی طاہر نے قائد اعظم کو یومِ ولادت کے موقع پر انہیں انوکھے انداز میں خراج تحسین پیش کرتے ہوئے اپنے دو ساتھیوں سمیت سمندر کی گہرائی میں پاکستان کا جھنڈا لہرا کر ریکارڈ قائم کیا تھا۔
خاتون ایک گھنٹے تک سبز ہلالی پرچم کو ہاتھوں میں تھامے گہرے سمندر میں رہیں اور انہوں نے پاکستان زندہ باد کا نعرہ بھی لگایا۔
خیال رہے کہ 23 مارچ یوم پاکستان بھرپورقومی جذبے منایا جاتا ہے اور دارالحکومت اسلام آباد میں مسلح افواج کی جانب سے شاندار مشترکہ پریڈ کا مظاہرہ بھی کیا جاتا ہے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
یومِ آزادی کے موقع پر تو پاکستان کی ہر گلی ، ہر سڑک اور گاڑی قومی پرچم سے مزین ہوتی ہے لیکن کیا آپ جانتے ہیں کہ قومی پرچم کو لہرانے کے کچھ آداب بھی ہیں جنہیں ہر صورت ملحوظ خاطر رکھنا چاہئے بالخصوص رنگ کےمعاملے میں تو کوئی سمجھوتا نہیں کرنا چاہیئے۔
پاکستان کے قومی پرچم کا سرکاری نام ’پرچم ِ ستارہ و ہلال‘ ہے اوراس کا ڈیزائن امیر الدین قدوائی نے قائد اعظم کی ہدایت پر مرتب کیا تھا اورپاکستان کا پہلا پرچم ماسٹر الطاف حسین اورافضال حسین نے سیا تھا۔
یہ گہرے سبز اور سفید رنگ پر مشتمل ہے جس میں تین حصے گہراسبز اور ایک حصہ سفید رنگ کا ہوتا ہے۔سبز رنگ مسلمانوں اور سفید رنگ پاکستان میں رہنے والی اقلیتوں کو ظاہر کرتا ہے جبکہ سبز حصے کے بالکل درمیان میں چاند(ہلال) اور پانچ کونوں والا ستارہ ہوتاہے، سفید رنگ کے چاند کا مطلب ترقی اور ستارے کا مطلب روشنی اور علم کو ظاہر کرتا ہے۔
کسی سرکاری تدفین کے موقع پر’ 21′+14′, 18′+12′, 10′+6-2/3′, 9′+6-1/4سائز کا قومی پرچم استعمال کیا جاتا ہے اور عمارتوں پر لگائے جانے کے لئے 6′+4′ یا3′+2′کا سائز مقرر ہے۔
سرکاری گاڑیوں اور کاروں پر12″+8″کے سائز کا پرچم لگایا جاتا ہے جبکہ میزوں پر رکھنے کے لئے پرچم کا سائز 6-1/4″+4-1.4″ مقرر ہے۔
پاکستان کے قومی پرچم کے لہرانے کی تقاریب پاکستان ڈے(23مارچ)،یوم آزادی(14اگست)،یوم قائد اعظم(25دسمبر) منائی جاتی ہیں یا پھر حکومت اگر چاہے تو کسی اورخاص موقع پر پرچم لہرانے کا اعلان کرسکتی ہے۔
پاکستان کا پہلا قومی پرچم
اسی طرح قائد اعظم کے یوم وفات(11ستمبر) ،علامہ اقبال کے یوم وفات(21اپریل) اور لیاقت علی خان کے یوم وفات(16اکتوبر) پر قومی پرچم سرنگوں رہتاہے یا پھر کسی اور موقع پر کہ جس کا حکومت اعلان کریں، پرچم کے سرنگوں ہونے کا مطلب یہ ہوتا ہے کہ ایسی حالت میں پرچم ڈنڈے کی بلندی سے قدرے نیچے باندھا جاتاہے ۔اس سلسلے میں بعض افراد ایک فٹ اور بعض دو فٹ نیچے بتاتے ہیں۔
سرکاری دفاتر کے علاوہ قومی پرچم جن رہائشی مکانات پر لگایا جا سکتاہے ان میں صدر پاکستان ، وزیراعظم پاکستان ،چیئرمین سینٹ ، سپیکر قومی اسمبلی، صوبوں کے گورنر ،وفاقی وزراء اور وہ لوگ جنہیں وفاقی وزیر کا درجہ حاصل ہو، صوبوں کے وزارائے اعلیٰ اور صوبائی وزیر ، چیف الیکشن کمشنر ،ڈپٹی چیئرمین آف سینٹ ، ڈپٹی سپیکر قومی اسمبلی ، صوبائی اسمبلیوں کے سپیکر اور دوسرے ممالک میں پاکستانی سفیروں کی رہائش گاہیں شامل ہے ۔
قومی پرچم کی سرکاری ساخت اور رنگ
پہلے ڈویژن کے کمشنر اور ضلع کے ڈپٹی کمشنرکو بھی اپنی رہائش گاہوں پر قومی پرچم لگانے کی اجازت تھی ۔ قبائلی علاقوں کے پولیٹیکل ایجنٹ بھی اپنے گھر پر قومی پرچم لگا سکتے ہے۔جبکہ اس ہوائی جہاز ، بحری جہاز اور موٹر کار پر بھی قومی پرچم لہرایا جاتا ہے کہ جس میں صدر پاکستان ،وزیر اعظم پاکستان ،چیئرمین سینٹ ، سپیکر قومی اسمبلی ،چیف جسٹس آف پاکستان ،صوبوں کے گورنر ، صوبوں کے وزارءاعلیٰ اور ہائی کورٹ کے چیف جسٹس سفر کر رہے ہوں۔
بحیثیت شہری ہماری ذمہ داری ہے کہ ہم جشن آزادی کے موقع پر لگائے گئے پرچموں کی حفاظت کریں اور یومِ آزادی گزرجانے کے بعد ان پرچموں کو احتیاط کے ساتھ مناسب جگہ پر رکھنے کا اہتمام کریں، یاد رکھیں زندہ قومیں کبھی بھی اپنے قومی پرچم کی بے حرمتی نہیں ہونے دیتیں چاہے وہ ایک جھنڈی یا چھوٹا سے بیج ہی کیوں نا ہو۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
اسلام آباد : جشن آزادی کی تیاریاں عروج پر ہے ، بحریہ ٹاون اسلام آباد میں بلندترین قومی پرچم لہرا دیا گیا، مہمان خصوصی چئیرمین بحریہ ٹاون ملک ریاض نے بٹن دبا کر ایک سو ساٹھ فٹ بلند پول پر قومی پرچم لہرایا۔
تفصیلات کے مطابق وطن سے محبت کا خوبصورت اظہار کرتے ہوئے بحریہ گارڈن سٹی اسلام آباد میں بلند ترین قومی پرچم لہرا دیا گیا، ایک سو ساٹھ فٹ بلند پول پر لہرائے گئے پرچم کی لمبائی چالیس فٹ اور چوڑائی پچیس فٹ ہے۔
تقریب کے مہمان خصوصی چیئرمین بحریہ ٹاؤن ملک ریاض نے قومی پرچم لہرانے کیلئے بٹن دبایا، سبزہلالی پرچم بلند ہونا شروع ہوا تو فضا سبز اور سفید غبارے چھوڑے گئے اور کبوتر آزاد کیے گئے۔
تقریب سے خطاب میں ملک ریاض کا کہنا تھا کہ ملک پر مشکل وقت ہے ، ہمیں ملکی ترقی کیلئے کردار ادا کرنا چاہئیے۔
اس موقع پر شہدائے پاکستان، ملکی ترقی و خوشحالی کیلئے خصوصی دعائیں کی گئیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
دبئی : یومِ پاکستان کے موقع پر پاکستانیوں سے اظہارِ یکجہتی کے طور پر دنیا کی بلند ترین عمارت برج خلیفہ کو پاکستانی پرچم کے رنگوں سے روشن پوگئی اور یہ نظارہ پزاروں پاکستانیوں نے براہراست دیکھا۔
تفصیلات کے مطابق یوم پاکستان کے موقع پر جہاں پاکستان میں روایتی جوش و خروش کے ساتھ منایا گیا جس میں پاک فوج کے ساتھ چین، ترکی، سعودیہ عرب اور جنوبی افریقہ کے دستوں نے پریڈ میں حصہ لیا اور چاروں صوبوں میں مختلف مقامات پر ملی جذبے کے تحت یوم پاکستان منایا گیا۔
t>
وہیں دبئی میں ہزاروں پاکستانیوں کی موجودگی میں دنیا کی بلند ترین عمارت برج خلیفہ کو پاکستانی پرچم کے برقی قمقموں سے روشن کیا اور ایسا محسوس ہوا جیسے برج خلیفہ نے سبز ہلالی پرچم اوڑھ لیا ہو جس پر دبئی میں مقیم پاکستانیوں نے نہایت مسرت کا اظہار کیا اور پاکستان کے حق میں نعرے بازی کی۔
اسی طرح دنیا بھر سے خیر سگالی پیغامات کا سلسلہ بھی جا ری ہے تا ہم متحدہ عرب امارات نے یومِ پاکستان کے موقع پر پاکستانی قوم سے یکجہتی کے لیے انوکھی ترکیب نکالی ہے اور دبئی میں موجود دنیا کی سب سے بلند ترین عمارت برج خلیفہ کو پاکستانی پرچم کے رنگوں سے آراستہ کرنے کا فیصلہ کیا گیا ہے۔
دبئی میں پاکستان قونصل خانے کے قونصلر عاشق شیخ کے مطابق برج خلیفہ پر پاکستانی پرچم کی رونمائی متحدہ عرب امارات کے وقت کے مطابق سوا سات بجے اور دوسری مرتبہ سوا نو بجے تین تین منٹ کے دورنیے کے لیےکیگئی۔
ان اوقات کے دوران برج خلیفہ میں مزین برقی روشنیوں کی مدد سے پوری عمارت کو سبز ہلالی پرچم کی چادر سی اڑا دی جائے گی اور یہ دلفریب نظارہ پوری دنیا میں یو اے ای میڈیا کے ذریعے براہ راست بھی دیکھا جا سکے گا اور اس موقع پر پاکستانیوں کی بڑی تعداد بھی موجود ہوگی۔
ڈی جی آئی ایس پی آر میجر جنرل آصف غفور کا متحدی عرب امارات کی حکومت کا شکریہ
متحدہ عرب امارات کی جانب سے یوم پاکستان پر دبئی کی بلند ترین عمارت برج خلیفہ کو پاکستانی پرچم کے برقی قمقموں سے یوں سجایا گیا کہ جیسے برج خلیفہ نے پاکستانی پرچم کو اوڑھ لیا ہو
پاک فوج کے تعلاقات عامہ کے ادارے )آئی ایس پی آر کے ڈائریکٹر جنرل میجر جنرل آصف غفور نے سماجی رابطے کی ویب سائٹ ٹوئٹر پر اپنے ایک پیغام میں متحدہ عرب امارات کی حکومت کا شکریہ ادا کرتے ہوئے کہا ہے کہ برج خلیفہ پر پرچم کی رونمائی نے یوم پاکستان کی خوشیوں میں چاند چار لگا دیئے۔
