صوبائی وزیر ناصر حسین شاہ نے کہا ہے کہ ہم نے سندھ میں 100 سے زائد چھوٖٹے ڈیم بنائے ہیں، ورلڈبینک نے ہماری کارکردگی کو سراہا ہے۔
ناصر حسین شاہ نے ڈیمز کے حوالے سے گفتگو کرتے ہوئے بتایا کہ ورلڈبینک نے سندھ حکومت کی کارکردگی کو سراہا ہے، سندھ حکومت نے سُپرفلڈ سے نمٹنے کی تیاریاں کررکھی ہیں، سندھ میں زیادہ سے زیادہ 6 سے 7 لاکھ کیوسک کا ریلا آئےگا، 6 سے 7 لاکھ کیوسک کا ریلا آرام سے گزر جائےگا۔
ناصرحسین شاہ نے کہا کہ غیرمتوقع بارشوں کے پیش نظر تیاریاں پوری کررکھی ہیں، ریلیف کیمپس تیار کرلیے ہیں، حساس اسپاٹس پر نظر ہے، کوشش ہے کہ کچے سے لوگوں کا انخلا کردیں۔
یہ بھی پڑھیں: وزیر اعلیٰ علی امین گنڈاپور نے نئے صوبوں کی بھی حمایت کردی
انھوں نے کہا کہ بھاشا، داسو ڈیم بنانے کےلیے ہم سب حاضر ہیں، بھاشا، داسو ڈیم بنانے کے کام کو تیز کرنا چاہیے، ورلڈ بینک سمیت دیگر سے رابطہ کرنا چاہیے۔
سندھ کے صوبائی وزیر کا مزید کہنا تھا کہ کالا باغ ڈیم کو تینوں صوبوں نے مسترد کردیا ہے، اگر ایک ڈیم متنازع ہے تو دیگر ڈیمز بنانے میں کیوں تاخیر کی گئی۔
ناصرشاہ کا سندھ کی صورتحال سے متعلق کہنا تھا کہ وزیراعلیٰ نے سیکیورٹی سے متعلق متعلقہ حکام سے رابطہ کیا ہے، وزیراعلیٰ سندھ کی کورکمانڈر اور ڈی جی رینجرز سے بات ہوئی، کچے میں سیلاب آیا تو ڈاکو باہر آئیں گے، انتظار کررہے ہیں۔
انھوں نے کہا کہ افواہیں پھیلتی ہیں تو لوگ ذخیرہ اندوزی شروع کردیتے ہیں، اشیا خورونوش کی ذخیرہ اندوزی اور قیمتوں کو مانیٹر کررہے ہیں۔
https://urdu.arynews.tv/india-flood-rail-released-enters-pakistani-territory/
