Tag: Pakistan Muslim League Nawaz (PMLN)

لاہور: رانا ثنااللہ نے کہا ہے کہ رانا مشہود کی گرفتار کیے جانے سے متعلق افواہیں غلط ہیں تاہم ان سے انکوائری ضرور شروع کی گئی ہے۔

رانا ثنااللہ پاکستان بار کونسل کی لیگل ایڈ کے متعلق دو روزہ کانفرنس کے اختتام پر میڈیا سے گفتگو کررہے تھے ان کا کہنا تھا کہ رانا مشہود پر ابھی صرف الزام ہے اور انھیں صفائی کا پورا حق حاصل ہے ۔

انہوں نے کہا کہ نندی پور پاور پراجیکٹ میں ایک روپے کی بھی کرپشن ثابت ہو گئی تو ہمیں سیاست کرنے کا کوئی حق نہیں تاہم اگر پراجیکٹ کے منتظمین سے غفلت ہوئی ہے تو ذمہ دار وں کو ہر گز نہیں چھوڑا جائے گا وزیراعظم پاکستان نے اس معاملے پر انکوائری شروع کروا دی ہے ۔

ان کا کہنا تھا کہ بلدیاتی انتخابات میں کارکنوں کو شکایات ہیں تاہم ٹکٹ فروخت کرنے کا الزام غلط ہے ۔

فیصل آباد: مسلم لیگ ن کے رہنما رانا ثنااللہ کہنا ہے کہ فیصل آباد کی عوام نے عمران خان کی منفی سیاست کو مسترد کردیا ہے،کسی کو بھی زور زبردستی فیصل آباد بند کرانے نہیں دیں گے۔

فیصل آباد میں پریس کانفرنس کے دوران رانا ثنااللہ نے کپتان کو خبردار کیا کہ فیصل آباد پر یلغارنہیں کرنے دینگے، رانا ثنااللہ نے جوش خطابت میں نا صرف عمران خان کو آڑے ہاتھوں لیا بلکہ ذاتیات پر بھی اتر آئے، انہوں نے تحریک انصاف کے کارکنان کو متنبہ کیا اگر اوقات بھولے تو ہرگز لحاظ نہیں کرینگے، رانا ثنااللہ کا کہنا تھا کہ ملک احتجاج اور دھرنوں کا متحمل نہیں ہوسکتا ، لہذا عمران خان احتجاج ختم کریں اور مذاکرات پر توجہ دیں۔

اسلام آباد: پنجاب کے سابق وزیر قانون رانا ثناءاللہ کا کہنا تھا کہ ماڈل ٹاون میں کاروائی ڈھائی تین ہزا ر لوگو ں کی مزاحمت پر کی گئی۔

اے آروائی نیوز کے پروگرام آف دی ریکارڈ گفتگو کرتے ہوئے پنجاب کے سابق وزیر قانون راناثناءاللہ کا کہنا تھا کہ ماڈل ٹاون میں سڑکوں سے بیئرہٹانے گئے گئے، ڈھائی تین ہزارلوگوں کی مزاحمت پر کاروائی کی گئی، نجی طور پر بیئریر لگائے جائیں تو وہ نوگو ایریا ہوتا ہے ،استعفی اس لیئے دیا کہ ٹریبونل کے سامنے پیش ہونا تھا نوازشریف،بینظیربھٹو،آصف زرداری اورعمران خان میں فرق ہے۔

پروگرام آف دی ریکارڈ کے میزبان کاشف عباسی کے سوالات کے جوابات میں اُن کا کہناتھاسیاستدان کوزیب نہیں دیتاوہ کہےمیں یہ کروں گایامرجاؤں گا، انتخابی نظام میں اب بھی خامیاں ہیں،مزیدبہتری کی ضرورت ہے۔

اُن کا یہ بھی کہنا تھا کہ عمران خان کا مسٗلہ دھاندلی نہیں تھا، اُنہیں اسلام آباد لانے والوں نے انہیں یقین دلایا ہوگا کہ حکومت جانے والی ہے، الیکشن سےپہلےسارےتجزیےکہہ رہےتھےن لیگ پنجاب میں جیتےگی، عمران خان صاحب اتنےسادہ آدمی نہیں ہیں غیرتصدیق شدہ ووٹ جعلی نہیں ہیں، پاکستان میں ہمیشہ ہارنےوالی پارٹی دھاندلی کاشور مچاتی ہے۔