Tag: pakistan post

  • بجلی بلوں کی تقسیم پاکستان پوسٹ کے سپرد

    بجلی بلوں کی تقسیم پاکستان پوسٹ کے سپرد

    اسلام آباد: تمام بجلی کمپنیوں کے بلوں کی تقسیم پاکستان پوسٹ کے سپرد کر دی گئی۔

    پاکستان پوسٹ حکام کے مطابق ملک بھر میں بجلی بلوں کی پرنٹنگ اور تقسیم کے حوالے سے اہم پیش رفت سامنے آئی ہے، تمام بجلی کمپنیوں کے بل اب پاکستان پوسٹ کے ذریعے تقسیم ہوں گے۔

    تاہم ذرائع کا یہ بھی کہنا ہے کہ کے الیکڑک کے ساتھ بجلی بلوں کی تقسیم کے حوالے بات چیت ابھی جاری ہے۔

    تازہ ترین پیش رفت کے مطابق اب پاکستان پوسٹ کے ملازمین بجلی بل تقسیم کیا کریں گے، پہلے مرحلے میں بلوں کی تقسیم آزمائشی بنیادوں پر شروع کی جائے گی اور ابتدائی طور پر ہر ڈسکوز کے ایک سب ڈویژن میں پوسٹ آفس عملہ بل تقسیم کرے گا۔


    بجلی فی یونٹ سستی ہونے کا امکان


    پائلٹ پراجیکٹ کامیاب ہونے کی صورت میں اس کو مرحلہ وار توسیع دی جائے گی، 6 ماہ میں بلوں کی تقسیم کا مکمل نظام پاکستان پوسٹ کو حوالے کر دیا جائے گا، اور حتمی مرحلے میں بجلی بلوں کی چھپائی بھی پاکستان پوسٹ کرے گا۔

    بجلی بلوں کی تقسیم کے حوالے سے تمام پوسٹ ماسٹر جنرلز کو ہدایات جاری کر دی گئی ہیں، پوسٹ آفس ملازمین کو ڈسکوز اسٹاف کے ساتھ مل کر پہلے مرحلے کے لیے سب ڈویژن کا چناؤ کرنے کے احکامات بھی دے دیے گئے ہیں۔

  • پاکستان پوسٹ رمضان میں مستحقین کو رقم گھر پہنچانے کی ذمہ داری کیوں پوری نہ کرسکا؟

    پاکستان پوسٹ رمضان میں مستحقین کو رقم گھر پہنچانے کی ذمہ داری کیوں پوری نہ کرسکا؟

    اسلام آباد: پاکستان پوسٹ نے رمضان میں مستحقین کو رقم گھر پہنچانے کی ذمہ داری کیوں پوری نہیں کی؟ سینیٹ کی قائمہ کمیٹی برائے مواصلات کے اجلاس میں اس کی وجہ سامنے آ گئی ہے۔

    قائمہ کمیٹی کے چیئرمین کے مطابق پنجاب حکومت نے رمضان میں مستحقین کو گھروں میں رقم دینے کا اعلان کیا تھا، اور رقم کی تقسیم کے لیے ٹاسک پاکستان پوسٹ کو دیا گیا، تاہم وہ پنجاب حکومت کے اس منصوبے کی انجام دہی میں ناکام رہی۔

    اجلاس میں پاکستان پوسٹ کے حکام نے بتایا کہ رقم تقسیم کرنے کے لیے دیے گئے بعض ایڈریسز ٹھیک نہیں تھے، نیز ہم نے اسٹیک ہولڈر کے ساتھ میٹنگ میں کہا تھا کہ ایک دن میں رقم تقسیم نہیں ہو سکتی، کبھی ایڈریس کا مسئلہ ہوتا ہے کبھی فون نمبر بند جاتا ہے۔

    پاکستان پوسٹ حکام کے مطابق اس منصوںے کے پہلے روز 53 ہزار پے آڈر ملے، لیکن پے آڈر کے بارکوڈ میں ٹیکنیکل مسئلہ پیدا ہو گیا، ہماری طرف سے کوئی کوتاہی نہیں ہوئی، پنجاب میں عملے کی چھٹیاں بھی منسوخ کر دی گئی تھیں، تاہم 4 روز بعد ہی ہم سے ادائیگیوں کا یہ منصوبہ واپس لے لیا گیا۔

    اوگرا نے مارچ کے لیے درآمدی ایل این جی مہنگی کر دی

    دریں اثنا، چیئرمین کمیٹی پرویز رشید نے ایک اور نکتے پر بات کرتے ہوئے کہا پاکستان پوسٹ حکام کریم آغا خان کا ٹکٹ جاری کر کے 80 کروڑ کما سکتی تھی، چیمپئینز ٹرافی کے موقع پر بھی ڈاک ٹکٹوں کا اجرا کر کے منافع حاصل ہو سکتا تھا۔

    پاکستان پوسٹ کی صورت حال کے بارے مین سینیٹر پرویز رشید نے ماضی کی یاد دلائی، اور کہا 70 اور 80 کی دہائی کے ڈاک ٹکٹ کی کوالٹی بہت اچھی تھی، پرانے ڈاک ٹکٹوں کا آرٹ ورک بھی بہت اچھا تھا۔ جس پر سینیٹر کامل علی آغا نے بھی کہا ’’پہلے ڈاکیا کے پاس ایک سائیکل اور سیکیورٹی ہوتی تھی، آج آپ ڈاکیا کو کیا دیتے ہیں، ڈاکیا کے پاس آج وردی بھی نہیں۔‘‘

    کامل علی نے پاکستان پوسٹ کے حکام سے کہا کہ پرائیویٹ کمپنیوں کی کمائی بہت زیادہ اور آپ کا ادارہ خسارے میں ہے، پاکستان پوسٹ تنزلی کا شکار کیوں ہے؟ اس پررپورٹ پیش کریں۔

  • پاکستان پوسٹ کو عالمی سطح پر بڑی کامیابی مل گئی

    پاکستان پوسٹ کو عالمی سطح پر بڑی کامیابی مل گئی

    اسلام آباد : پاکستان پوسٹ ورلڈ پوسٹل رینکنگ میں 5 درجے مزید بہتری کے بعد 62 نمبر پرآگیا ، پاکستان پوسٹ نے پچھلے 3سال میں بین الاقوامی سطح پر 32 درجے بہتری کی۔

    تفصیلات کے مطابق ورلڈپوسٹل یونین نےسال 21-2020کی ورلڈ پوسٹل رینکنگ جاری کر دی ، یونیورسل پوسٹل یونین کے بینر تلے 192ممالک رجسٹر ہیں۔

    پاکستان پوسٹ رینکنگ میں 5 درجے مزید بہتری کے بعد 62نمبر پرآگیا ، پاکستان پوسٹ نے پچھلے 3سال میں بین الاقوامی سطح پر 32 درجے بہتری کی۔

    سال 2017 میں پاکستان پوسٹ 94 نمبر پر تھا ، سال 19 – 2018 میں پاکستان پوسٹ 74 پر آیا اور سال 20 – 2019 میں پاکستان پوسٹ نے رینکنگ مزید بہتر کر کے 67 پر آیا۔

    یاد رہے کہ اس دوران پاکستان پوسٹ نے اپنی آمدن میں پانچ ارب کا اضافہ بھی کیا اور سالانہ خسارے میں کمی کی۔

    ڈی جی پاکستان پوسٹ نے کہا کہ پاکستان پوسٹ کے ڈیجیٹل پرینچائزز اور ڈیجیٹیلائزیشن مکمل ہونے کے بعد نہ صرف عوام کو معیاری سہلوت بلکہ رینکنگ میں مزید بہتری آئے گی

    ان کا کہنا تھا کہ پاکستان پوسٹ اگلے سال تک دنیا بھر میں ٹاپ 50 پر نظریں جمائے بیٹھا ہے اور انشاءاللہ انتک محنت سے اس ٹاسک کو پورا کیا جائے گا۔

    مراد سعید نے پاکستان پوسٹ کی طرف سے پاکستانیوں کو مبارکباد اور اعتماد پر شکریہ ادا کرتے ہوئے کہا انشاءاللہ پاکستان پوسٹ اپنی سروس میں مزید بہتری لائیں گے۔

  • پاکستان کے لیے بڑی خبر، پوسٹل سروس کے عالمی ادارے نے نئی رینکنگ جاری کر دی

    پاکستان کے لیے بڑی خبر، پوسٹل سروس کے عالمی ادارے نے نئی رینکنگ جاری کر دی

    اسلام آباد: پوسٹل سروس کے عالمی ادارے کی جانب سے 170 ممالک کی نئی رینکنگ جاری کی گئی ہے، یونی ورسل پوسٹل یونین کی 2020 رینکنگ میں پاکستان کو 27 درجے ترقی مل گئی۔

    تفصیلات کے مطابق اداروں کی بہتری کی حکومتی کوششیں رنگ لا رہی ہیں، پاکستان پوسٹ کی عالمی سطح پر رینکنگ میں بہتری اس کا ثبوت ہے۔

    پاکستان پوسٹ 2016 میں 29 پوائنٹس کے ساتھ 94 نمبر پر تھا، 2020 میں 27 درجے ترقی کے ساتھ 94 سے 67 نمبر پر آ گیا، خیال رہے کہ اس رینکنگ میں دنیا میں وہ ممالک سر فہرست ہیں جو صنعتی شعبے میں عالمی رینکنگ میں بھی ٹاپ پر ہیں۔

    یہ رینکنگ پاکستان پوسٹ پر اعتماد، محنت، لگن کے ساتھ بہترین سروس کے حوالے سے ہے، پاکستان پوسٹ میں حالیہ جاری ڈیجیٹائزیشن ہونے سے پاکستان کئی درجے مزید اوپر آ جائے گا، پاکستان پوسٹ کا کہنا ہے کہ نظام میں جدت سے پاکستان پوسٹ عالمی سطح پر پاکستان کا فخر بنے گا۔

    جاری رپورٹ میں کرونا وبا سے پوسٹل سیکٹر کو پہنچنے والے نقصان کا بھی ذکر کیا گیا ہے، عالمگیر وبا میں پاکستان پوسٹ کا گھرگھر پنشن پہنچانے کے اقدام کو خاص طور پر سراہاگیا ہے۔

    پاکستان پوسٹ بھی جدت کی جانب گامزن

    پاکستان پوسٹ کا کہنا ہے کہ 2023 تک وہ ٹاپ 20 میں شامل ہونے کی بھر پور کوشش کر رہا ہے، ادارے میں جاری ڈیجیٹائزیشن کے عمل کو پورا کر کے ای کامرس میں بھی داخل ہونے جا رہا ہے۔

    رینکنگ کی بہتری سے پاکستان پوسٹ کے بزنس میں مزید اضافہ اور لوگوں کا اعتماد حاصل ہوگا، ڈیجیٹائزیشن کے عمل کی تکمیل سے پوری دنیا میں پاکستان کے پروڈکٹس کو فروغ ملے گا۔

  • بزرگوں کیلئے گھر کی دہلیز پر پنشن ، مراد سعید نے مثال قائم  کردی

    بزرگوں کیلئے گھر کی دہلیز پر پنشن ، مراد سعید نے مثال قائم کردی

    اسلام آباد : پاکستان پوسٹ کے "ڈاکیا” نے 2 روز میں 2 لاکھ 72 ہزار بزرگوں کو ان کے گھروں کی دہلیز پر پنشن پہنچادی ، اقوام متحدہ کی جانب سے بھی پاکستان پوسٹ کے اقدام کی تعریف کی گئی۔

    تفصیلات کے مطابق بحرانی کیفیت میں قومی خدمت کا ریکارڈ قائم کرنے والوں میں ایک اور نام کا اضافہ ہوگیا، پاکستان پوسٹ کا "ڈاکیا” امانت، دیانت، بہادری اور ایثار کا بے مثال نمونہ بن کر ابھرنے لگا۔

    پاکستان پوسٹ کے "ڈاکیا” نے 2 روز میں 2 لاکھ 72 ہزار بزرگوں کو ان کے گھروں کی دہلیز پر پنشن پہنچائی، پنشن وصولی کے وقت نہایت جذباتی مناظر دیکھنے میں آئے۔

    بزرگ شہریوں نے وزیراعظم عمران خان، وزیر مراد سعید اور پاکستان پوسٹ کے "ڈاکیے” کو دعائیں دی، 13 لاکھ پنشنرز کو واجبات کی تقسیم کیلئے ہفتے کے روز بھی ڈاکیے میدان میں موجود ہیں۔

    وزیر مراد سعید بھی سیکرٹری پوسٹل سروسز اور دیگر سینئر افسران کے ہمراہ نگرانی کر رہے ہیں۔

    اقوام متحدہ کی جانب سے بھی پاکستان پوسٹ کے اقدام کی زبردست تحسین پیش کیا گیا ، عالمی پوسٹل یونئین کے ٹویٹر اکاؤنٹ پر نمایاں تشہیر کی گئی۔

    وفاقی وزیر مراد سعید کا کہنا ہے کہ نہایت کٹھن حالات میں بزرگ شہریوں کی امانتوں کی محفوظ ترسیل بڑا ٹاسک تھا، ملک بھر میں پنشن کی تقسیم کاعمل کامیابی سے جاری ہے۔

    مراد سعید پنشن کی تقسیم کا بیڑہ اٹھانے والے پاکستان پوسٹ کے کیش ملازمین حقیقی ہیروز ہیں، اپنے ان ہیروز کی مدد سے وقت مقررہ میں 13 لاکھ بزرگوں تک پنشن کی تقسیم کا عمل کامیابی سے مکمل کریں گے۔انشاءاللہ

    خیال رہے ملکی تاریخ میں پہلی مرتبہ گھر کی دہلیز پر پنشن پہنچانے کے عمل کا آغاز کیا گیا تھا، وزیراعظم کی ہدایت پرپاکستان پوسٹ 13 لاکھ افرادکوپنشن گھرپرپہنچائے گا۔

    وفاقی وزیر مراد سعید نے کہا تھا کہ اپنے بزرگ پنشنرز کی صحت وسلامتی کا پورا احساس ہے، اپنے بزرگ شہریوں کی سلامتی کی خاطر پنشن کی دہلیز پر تقسیم کا ذمہ لیا۔

  • پاکستان پوسٹ کو جدید خطوط پر استوار کرکے عوام کا اعتماد بحال کیا، مراد سعید

    پاکستان پوسٹ کو جدید خطوط پر استوار کرکے عوام کا اعتماد بحال کیا، مراد سعید

    اسلام آباد : وفاقی وزیر مراد سعید نے کہا ہے کہ ہم نے پاکستان پوسٹ کو جدید خطوط پر استوار اور عوام کا اعتماد بحال کیا، عوام کو روزگار ملا، سمندرپار پاکستانی وزیراعظم عمران خان کے دل کے بہت قریب ہیں۔

    ان خیالات کا اظہار انہوں نے پاکستان پوسٹ سے ترسیلات زربھجوانے کی اسکیم کی افتتاحی تقریب سے خطاب کرتے ہوئے کیا۔

    مراد سعید نے کہا کہ ماضی میں پاکستان پوسٹ کی آمدنی سے دگنا خسارہ تھا، گزشتہ ایک سال کے دوران پاکستان پوسٹ سے1575افراد کو روزگار ملا، حکومت نے پاکستان پوسٹ کو جدید خطوط پراستوار کرکے عوام کا اعتماد بحال کیا۔

    وفاقی وزیر کا کہنا تھا کہ ہم نے پاکستان پوسٹ میں الیکٹرانک منی آرڈر کی سروس شروع کی اور ادارے میں پارسل ٹریکنگ کا آغاز کیا، پاکستان پوسٹ2020میں ملک کا سب سے بڑا بینکنگ نیٹ ورک ہوگا۔

    مراد سعید کا اپنے خطاب میں کہنا تھا کہ4634پاکستانی مختلف ممالک کی جیلوں میں قید تھے، وزیراعظم عمران خان کی کوششوں سے ان تمام پاکستانیوں کو وطن واپس لایا گیا،سمندر پار پاکستانی وزیراعظم کے دل کےبہت قریب ہیں،۔

    انہوں نے مزید کہا کہ کفایت شعاری مہم کی تحت وزراء کی تنخواہوں میں10فیصد کٹوتی کی گئی، وزراء کا انٹرٹینمنٹ الاؤنس بھی ختم کیا گیا۔

    واضح رہے کہ وزیراعظم عمران خان نے پاکستان پوسٹ سے ترسیلات زربھجوانے کی اسکیم کا افتتاح کردیا ہے، تقریب سے خطاب کرتے ہوئے وزیراعظم کا کہنا تھا کہ سمندر پار پاکستانیوں سے ماضی میں بڑا رابطہ رہا ہے۔

    ان کے مسائل سے بخوبی واقف ہوں، سمندر پار پاکستانی سال میں ایک مرتبہ وطن واپس آتے ہیں، یہ لوگ گھر کو چلانے کیلئے بہت محنت کرتے ہیں، ان کی وجہ سے ملکی معیشت کو بھی سہاراملتا ہے۔

  • احسن اقبال کی پاکستان پوسٹ میں بہتر کارکردگی کاکریڈٹ لینےکی کوشش، مراد سعیدکا جوابی وار

    احسن اقبال کی پاکستان پوسٹ میں بہتر کارکردگی کاکریڈٹ لینےکی کوشش، مراد سعیدکا جوابی وار

    اسلام آباد : مسلم لیگ ن کے رہنما احسن اقبال کی پاکستان پوسٹ میں بہترکارکردگی کاکریڈٹ لینےکی کوشش میں مرادسعید نے جوابی وار کرتے ہوئے پوسٹل سروسزمیں حالیہ اقدامات کی رپورٹ جاری کردی۔

    تفصیلات کے مطابق مسلم لیگ ن کے رہنما احسن اقبال نے چند ماہ میں شروع منصوبوں کو لیگی حکومت کاایجنڈاقرار دے دیا اور پاکستان پوسٹ میں بہترکارکردگی کاکریڈٹ لینےکی کوشش کی۔

    جس پر وزیر مواصلات مراد سعید نے جواب دیتے ہوئے پاکستان پوسٹ میں ترقی کیلئے حالیہ انقلابی اقدامات کی رپورٹ جاری کردی ، جس میں بتایا گیا پوسٹل کے فرسودہ نظام کوجدیدٹیکنالوجی میں بدلنےکافیصلہ کیاتھا، لیگی دور میں پوسٹ کا سالانہ خسارہ 12 ارب سے تجاوز کر چکا تھا۔

    رپورٹ میں کہا گیا موجودہ حکومت نے خسارے کے بجائے 624 کروڑ کا ریونیو بڑھایا، پاکستان پوسٹ میں ای کامرس کا آغاز صرف3 ماہ پہلے ہوا، مفت ترسیلات  زر بھیجنے کی سہولت 2 ہفتے پہلے شروع ہوئی۔

    جاری رپورٹ کے مطابق ون ڈے ڈیلیوری اور الیکٹرانک منی آرڈر کی سہولت شروع کی گئی، موبائل ایپ کاآغازمرادسعیدکی وزارت کےدوسرےماہ میں ہوا، پاکستان  پوسٹ کےتمام ریسٹ ہاؤسزکھولنےکافیصلہ بھی گزشتہ ماہ ہوا۔

    مرادسعید کا کہنا تھا بیرون ملک پارسل کی سہولت لیگی دورحکومت میں کیوں نہ دی گئی، حالیہ شروع منصوبوں کا لیگی حکومت کے ایجنڈے سے تعلق نہیں، منصوبوں کا آغاز، سوچ اور بنیاد موجودہ حکومت نے ڈالی۔

    مزید پڑھیں : احسن اقبال سے کہتا ہوں آپ کے گھبرانے کا وقت آچکا ہے، مراد سعید

    یاد رہے چند روز قبل وزیر برائے مواصلات مراد سعید نے پریس کانفرنس کرتے ہوئے کہا تھا  کہ ملک کا بچہ بچہ کہہ رہا ہے پاکستان کو لوٹنے والوں کا احتساب کیا جائے، احسن اقبال سے کہتا ہوں آپ کے گھبرانے کا وقت آچکا ہے، کرپشن کے خاتمے تک ترقی کی منازل طے نہیں کی جا سکتی۔

    ان کا کہنا تھا عمران خان کی قیادت میں کرپشن کا خاتمہ کریں گے، جس جس نے ملک لوٹا اس سے پیسہ واپس نکالیں گے، احسن اقبال کے کیس سے آغاز کر دیا ہے۔ احسن اقبال وزیر منصوبہ بندی ہو کر وزیر مواصلات کی جگہ دستخط کرتے رہے۔

    وفاقی وزیر کا کہنا تھا کہ ملک لوٹنے اور معاشی بدحالی کا شکار کرنے والوں کا حساب ہونا چاہیئے، صرف پکڑ دھکڑ نہیں ہوگی بلکہ وصولی بھی کریں گے۔

  • پاکستان پوسٹ نے بیرونِ ملک سے مفت ترسیلات زرسروس کاآغازکردیا

    پاکستان پوسٹ نے بیرونِ ملک سے مفت ترسیلات زرسروس کاآغازکردیا

    اسلام آباد: پاکستان پوسٹ نے ایک اور سنگِ میل عبور کرتے ہوئے مفت ترسیلات زرسروس کاآغازکردیا، تجارت کے فروخت کی خاطربر آمد کنندگان کے لیے اہم مراعات کا اعلان کردیا۔

    تفصیلات کے مطابق آج بیرون ملک سے مفت ترسیلات ِ زر سروس کی افتتاحی تقریب سے خطاب کرتے ہوئے وفاقی وزیر ِ مواصلات اور پوسٹل سروس مراد سعید کا کہنا ہے کہ اب بیرون ملک سےبھیجی گئی رقوم مفت وصول کی جاسکیں گی۔

    خطاب کرتے ہوئے ان کا کہنا تھا کہ بیرون ملک سےبھیجی گئی رقوم پرکوئی کٹوتی نہیں ہوگی اوراس سروس سے پاکستان کی ترسیلات زرمیں بڑااضافہ دیکھنےکوملےگا۔

    ان کا کہنا تھا کہ 27ہزارجگہوں پرپاکستان پوسٹل سروس موجودہے جہاں نیشنل بینک کے تعاون سے مفت ترسیلاتِ زر کی سہولت میسر ہوگی، یہ بھی کہا کہ ا س سے ہمیں بدلہ اورحوالہ سےبھی نجات ملےگی۔جلدبیرون ملک سےآنےوالی رقوم عوام کوگھرتک پہنچائیں گے۔

    مراد سعید نے کہا کہ ہم نےفیصلہ کیاتھاکہ پوری دنیامیں میڈان پاکستان کوفروغ دیں گے،برآمدات پرسبسڈی کارڈدیاجائےگا جس سے سے چیزیں سستی ملیں گی۔ انہوں نے کہا کہ آئندہ مرحلے پر برآمدکنندگان کی اشیا ء کی مفت مارکیٹنگ بھی ہم سفارت خانوں کے ذریعے کریں گےبرآمدکنندگان کوسہولت دینےسےبرآمدات میں اضافہ ہوگا۔

    انہوں نے کہا کہ کاروبار بڑھانےکےلیےبرآمدات میں مدددی جائےگی اور یہ مدد پاکستان پوسٹ فراہم کرےگا۔ پاکستان پوسٹ سےپھل اورمیوہ جات بھی برآمدکیےجاسکیں گے۔

    وفاقی وزیر نے کہا کہ پاکستان پوسٹ کوایسابناناہےکہ پاکستان کی معیشت میں کرداراداکرے،ہمیں لوگوں کوسہولت دینااورسیاحت کوفروغ دیناہے۔ہم نےسہولت ملک کی بہتری کےلیےشروع کی ہے،بیرون ملک مقیم پاکستانیوں کوترسیل کےلیےبہترراستہ دےرہےہیں۔اوور سیزپاکستانی وزیراعظم کےدل کےقریب ہیں۔

    ایک قانونی راستہ دےرہےہیں توبیرون ملک پاکستانی دوسری طرف کیوں جائیں گے،عوام کوسہولتیں دیں گےتوان سےمحصولات آئیں گے۔سہولتیں فراہم کرکےاس مارکیٹ میں داخل ہوئےجہاں تھےہیں نہیں،مرادسعید نے کہا کہ ہم ای کامرس سے900کاروباری شعبوں میں حصےداربن گئے ہیں ہمیں اس تعداد کو پانچ ہزار تک لے کر جانا ہے۔ہم پہلےچھوٹےکاروباری حضرات کوترجیح دےرہےہیں۔

    یہ بھی کہا کہ پاکستان پوسٹ500روپےمیں 50ہزار روپے گھرپہنچاتاہے ، ایک دن کےاندراندربھی چیزیں بھیجی جاسکتی ہیں، ہماری سروس سے ایک منٹ میں پیسے بھیج سکتے ہیں۔ انہوں نے عوام اور بیرونِ ملک پاکستانیوں سے اپیل کی کہ پاکستان کو ترقی یافتہ بنانے میں آپ نے ساتھ دینا ہے۔

  • نادرا اور پاکستان پوسٹ کے درمیان معاہدہ

    نادرا اور پاکستان پوسٹ کے درمیان معاہدہ

    اسلام آباد: نادرا اور پاکستان پوسٹ کے درمیان معاہدے پر دستخط کی تقریب کے دوران وفاقی وزیر برائے مواصلات مراد سعید کا کہنا تھا کہ نادرا کے ساتھ مل کر سروس بہتر بنائیں گے، نادرا سے معاہدے کے بعد ہماری کارکردگی اور آمدنی میں اضافہ ہوگا۔

    تفصیلات کے مطابق نادرا اور پاکستان پوسٹ کے درمیان فرنچائزڈ افسر کے معاہدے پر دستخط کی تقریب منعقد ہوئی۔ اس موقع پر وفاقی وزیر برائے مواصلات مراد سعید کا کہنا تھا کہ پوسٹل سروس بہتر بنا کر کاروبار میں نمایاں اضافہ کریں گے، نادرا کے ساتھ مل کر سروس بہتر بنائیں گے۔

    مراد سعید کا کہنا تھا کہ ای ایم ایس پلس کے ذریعے بیشتر ممالک میں سروس دے رہے ہیں، پاکستان پوسٹ اور نادرا کے درمیان فرنچائزڈ افسر تعینات کیا جائے گا، پاکستان پوسٹ سستی ترین ارجنٹ میل سروس فراہم کر رہی ہے۔

    انہوں نے کہا کہ نادرا سے معاہدے کے بعد ہماری کارکردگی اور آمدنی میں اضافہ ہوگا، حکومت سے کچھ لیے بغیر ادارے کو اپنے پاؤں پر کھڑا کریں گے۔

    مراد سعید کا کہنا تھا کہ پاکستان پوسٹ ایپ کے ذریعے گھر بیٹھے اشیا کی ترسیل کر سکتے ہیں، ماضی میں وزارت کو درپیش خسارے سے نجات حاصل کریں گے۔ رقوم کی فوری منتقلی کی سروس بھی کامیابی سے جاری ہے۔

    انہوں نے کہا کہ وزارت کے معاملات میں مزید بہتری لانا چاہتے ہیں، پاکستان پوسٹ کی مزید 15 ہزار برانچز قائم کرنے جا رہے ہیں۔ ماضی میں وزارت کو درپیش خسارے سے نجات حاصل کریں گے، بہتری کے لیے اقدامات سے عوام کو فائدہ ہوگا۔

    واضح رہے کہ گزشتہ سال نومبر میں مراد سعید نے ملک بھر میں ون ڈے ڈیلیوری سسٹ کا افتتاح کیا تھا، ان کا کہنا تھا کہ پاکستان پوسٹ تقریباً 10 ارب سالانہ خسارے میں رہا ہے، پاکستان پوسٹ میں بہت صلاحیت ہے، پوسٹ کے نظام میں بہتری کی ضرورت ہے۔

    بعد ازاں پارسل کی بکنگ کے لیے محکمہ ڈاک کی ایپلی کیشن کا آغاز بھی کیا گیا تھا۔ ’ٹریک اینڈ ٹریس ایپ‘ پارسل کے ڈسپیچ ہونے سے منزل تک پہنچنے تک ساری تفصیلات سے صارف کو آگاہ رکھے گی۔

  • پاکستان پوسٹ میں ای کامرس سروس کا افتتاح، مراد سعید کا وزیر اعظم کا خواب پورا کرنے کا عزم

    پاکستان پوسٹ میں ای کامرس سروس کا افتتاح، مراد سعید کا وزیر اعظم کا خواب پورا کرنے کا عزم

    اسلام آباد :وفاقی وزیر مراد سعید نے پاکستان پوسٹ میں ای کامرس سروس کا افتتاح کردیا، صارفین آن لائن شاپنگ اور کیش آن ڈیلیوری کی سہولت  حاصل کر سکیں گے، مراد سعید کا کہنا ہے نئی سروس سےادارہ معاشی خود کفالت کی طرف گامزن ہوگا۔

    تفصیلات کے مطابق پاکستان پوسٹ میں ای کامرس سروس کے آغاز کی تقریب آج اسلام آباد میں منعقد ہوئی، جس سے خطاب کرتے ہوئے وفاقی وزیر مواصلات و پوسٹل سروسز مراد سعید کا کہنا ہے کہ ملک میں ای کامرس کابزنس ایک ارب ڈالرتک جائے گا، پاکستان پوسٹ اہم ملکی ادارہ ہے، جو ترقی کی راہ پر گامزن ہے۔

    مراد سعید کا کہنا تھا کہ پاکستان پوسٹ کا مجموعی خسارہ 52ارب روپے تھا، ای کامرس سروس سے 120 ادارے منسلک ہو چکے ہیں، کاروبار کرنے والوں کو ایک چھتری تلے جمع کریں گے، تمام چھوٹے بڑے کاروباری افراد کو ایک جگہ لائیں گے، عوام ہمیں خامیاں بتاتےجائیں ہم انہیں دورکریں گے۔

    وفاقی وزیر نے کہا کہ پاکستان کو بدلنے کاعمران خان کا خواب پورا کریں گے، عمران خان کی سیاسی تربیت سےبننے والی ٹیم پاکستان بدلے گی۔

    وفاقی وزیر نے کہا کہ عثمان بزدار کے وزیراعلی بننے پر سب کو خوش ہونا چاہیے تھا، انھیں عوامی مسائل کی بہتر سمجھ ہے، وہ پنجاب کی حالت زار بدلیں گے، ان کے گھر پرپولیس کی نفری تعینات نہیں۔

    عوام کو گھر بیٹھے ہر سہولت کم قیمت پر دینا ترجیح ہے، مراد سعید

    خیال رہے کہ اس سروس سے صارفین آن لائن شاپنگ اور کیش آن ڈیلیوری کی سہولت حاصل کر سکیں گے اور مہنگی نجی کوریئر سروسز کی نسبت پاکستان پوسٹ کم چارجز وصول کرے گا

    مراد سعید کا کہنا ہے کہ آن لائن بزنس کرنے والی بڑی کمپنیوں سے رابطہ کر رہے ہیں، عوام کو گھر بیٹھے ہر سہولت کم قیمت پر دینا ترجیح ہے، ، پاکستان پوسٹ کو صارفین کی آن لائن شاپنگ کا ڈیلیوری پارٹنر بنا رہے ہیں، عوام قومی ادارے پر انحصار کریں، بہتری محسوس کریں گے۔

    واضح رہے کہ گزشتہ سال نومبر میں وزیر مملکت برائے مواصلات مراد سعید نے ملک بھر میں ون ڈے ڈیلیوری سسٹم کا افتتاح کیا تھا، ان کا کہنا تھا کہ پاکستان پوسٹ تقریباً 10 ارب سالانہ خسارے میں رہا ہے، پاکستان پوسٹ میں بہت صلاحیت ہے، پوسٹ کے نظام میں بہتری کی ضرورت ہے۔

    مزید پڑھیں: وزیر مملکت نے پاکستان پوسٹ کی ون ڈے ڈیلیوری سسٹم کا افتتاح کردیا

    ان کا کہنا تھا کہ 50 ہزار روپے تک کی بھیجی گئی رقم گھر کے دروازے پر مل سکے گی۔ ون ڈے ڈیلیوری کی سہولت ابتدائی طور پر 25 شہروں میں ہوگی۔ الیکٹرانک منی آرڈر کی سہولت 80 شہروں میں دے رہے ہیں۔